鳳城1954 (MegaBox)

营业中

休息中

星期六中午時間去食 要等幾張枱環境都闊落好坐 但點心認真麻麻地$78得6件嘅大良炸鮮奶，係咸嘅，入面仲有啲葱？可能我孤陋寡聞食開甜版，呢款同我認知嘅炸鮮奶真係有啲出入而且只係微暖，炸得太油，搞唔掂食咗一件都唔想再食三式炸物 $42 呢款一落單完無耐就上菜，即係整定嘅，咁當然唔係熱辣辣啦味道都係正常發揮咁，個叉燒酥入面有啲芒果茸幾特別包羅萬有 $50可以試哂三款包，造型都cute流沙同綠茶包都好流沙～唔錯不過綠茶嗰款就真係綠茶味嚟，唔係抹茶 如果奶味重返啲應該仲好食彩虹蝦餃都ok最後，等咗勁耐先上嘅 炸粉果追咗幾次單啲姐姐好似都冇點幫我跟咁😅呢款就終於係熱嘅炸物啦，但唔試都無損失，無乜特別總結：五款點心埋單$320，食第二間/第樣嘢好似開心啲

🇭🇰鳳城1954·呢間我地之前去過兩次架啦 但係去到唔係太多人等位就係無開 係第三次先終於食到🥹我自己覺得佢啲野食都唔錯 不過佢就唔係樣樣點心都好味 大家嗌之前上網再睇下會穩陣啲🙊😈·紫砂茶壺燉螺頭湯$78 l 鳳城餃餃者$42我自己最鍾意佢個螺頭湯 雖然佢真係偏貴少少 但係佢個湯係真係超甜 超足料 而且佢係真係好夠熱 飲落去好舒服 佢入邊嘅螺頭都好大粒 好好食🥰之後食鳳城梗係要嗌佢個鳳城水餃 佢呢個都好好食 佢係超級飽滿 而且入邊嘅蝦好新鮮 成粒啪入口個感覺好正🦐🤤🤤·包羅萬有$50 l 鮑魚燒賣$52 l 吉法灌湯餃$42點心方面佢個包羅萬有其實係有綠茶奶皇包 叉燒包 同埋流沙包 佢三個包都好鬆軟 我自己幾鍾意 尤其係佢個綠茶奶皇包係真係超濃綠茶味🍵個流沙包都係真係起晒沙 食落好好味之餘唔會話太漏🤤而且我好鍾意佢一樣一件咁 可以一次過試曬😎😎之後佢個鮑魚燒賣都唔錯 佢入邊粒蝦好新鮮 而且個肉餡調得唔錯 上面嗰粒鮑魚口感都唔錯🐷最後個灌湯餃真係超級巨型 而且佢入邊都幾多料 個皮都唔會話太厚 不過我個人就唔係好鍾意佢個湯 佢飲落係似羨汁多啲既 我覺得有啲太漿口🙊🙊·一口野雞卷$78 l

自從我和老公搬到新屋之後，便再很少外出吃飯，今天難得「出城」來到九龍灣，當然立即去酒樓飲茶了，而今次我們便嚐試了這間新派酒樓，點了一些賣相可愛漂亮的點心No.1【脆皮BB鴿】$68BB鴿基本上只是皮+骨而已，並沒有什麼肉可以品嚐，果然是名副其實的「BB鴿」，沒想到到餐廳的招牌菜竟然是這種質素No.2【西米焗布甸】$39我見很多人都推薦這款甜品，所以我們便點了一份嚐試一下，可惜西米布甸無論是口感抑或質感都和坊間的有些分別，整體味道怪怪的，我們吃了一口便已經想放棄了No.3【彩虹蝦餃】$52餃皮都算薄身之餘，蝦肉的份量亦十分多，而且蝦肉也爽口彈牙，鮮甜可口，名副其實的「皮薄餡靚」，同時餃皮顏色比較特別，大家可以嚐試一下No.4【櫻花蝦燒賣】$42雖然燒賣的賣相比較普通和平實，但是味道卻相當有驚喜，豬肉餡料十分柔軟嫩滑，鮮美多汁，而櫻花蝦則咸香四溢，滋味非常，同時櫻花蝦的精華更完美滲透進豬肉中，美味得讓人口舌生香，回味無窮No.5【1954 蝦多士】$48由於蝦多士是即叫即製的關係，所以外皮十分香脆可口，而肉質則嫩滑可口，香甜美味，雖然它和我之前品嚐過的貴價酒樓蝦多士還有一段距離，但以這個價

上一次來係 2020年既 12月, 當時好少人, 可能因為果時係 2人限聚令, 呢一日就完全好旺場, 不過都唔使點等就有位, 始終 MegaBox 呢度食肆好多, 今次大致上都係叫返岩自己口味既點心, 而古法灌湯餃就一定唔少得, 大大隻入面有齊魚翅, 瑤柱絲, 少少豬肉, 成隻餃都係湯, 好大隻好熱, 就算點小心放落碗度, 落到去就一定爆開, 成包湯同 D 料都出哂來, 用匙慢慢食, 好好味, 皮又薄可以好滿足咁成隻食哂另外要提既就係紫砂茶壺燉螺頭, 好熱好熱, 但湯係好清好有螺頭味, 兩個人飲, 每人一定有 4小杯, 燉完既螺肉好淋而且仲有螺味今次叫左安格斯牛肉腸, 腸粉好嫩滑, 再配合埋好滑好夠味既安格斯牛肉, 加少少腸粉豉油, 回味無窮仲有就係鮑魚燒賣, 雖然無尖沙咀海港薈有三大隻, 但呢兩隻可以做到好入味, 而且唔會口, 除左放係頂既鮑魚之外, 鮑魚下面仲有隻好爽既大蝦, 好值得一試  

最近兩個月工作太忙碌，再加上沒有晚市堂食，晚飯都變成宵夜了。難得晚市堂食重開，忙裏偷閑去了九龍灣Megabox的鳳城1954大吃一餐。鳳城 1954 為鳳城酒家飲食集團旗下的新派順德菜品牌。品牌在保留傳統的同時設計、改良並推出新派食物，吸引年青消費客群。新派/改良版的美食真的很多。創作{包}點便是其中之一。三款賣相可愛的包包供食客選擇：豬嘜叉燒包、青趣奶皇子、溶岩流沙包。想每款都品嘗得到？包羅萬就可以滿足到你。叉燒夠水準、溶岩流沙鹹蛋黃味香甜、最特別莫過於流芯抹茶陷的青趣奶皇子，抹茶味香濃而不膩。燉湯以紫砂茶壺盛載，賣相精緻。紫砂茶壺吸收了油份之外，還為湯保持熱度。紫砂茶壺燉螺頭湯，材料豐富，螺頭、瘦肉、桂圓、杞子。湯品鮮味夠火候。原隻鮑魚煮得入味，鮑汁滲透下層的雞粒，撻底鬆脆，這個鮑魚雞粒酥相當精彩。黑松露野菌餃是近年新興港式的經典蒸點改良版。在上素野菌餃上再加上黑松露醬，提升食材味道，亦令野菌餃更高貴。金磚豆腐外層金黃酥脆，內裡柔軟滑嫩，是我喜歡的豆腐菜式。剛炸起的金磚豆腐表面雖涼、但內部仍然很熱，所以食的時候要小心燙口。1954蝦多士作為鳳城的經典菜式，當然是

終於有機會去試下這間鳳城，因為被它制作的特色点心造型吸引，雖然市場上有很多同類点心，但係鳳城的招牌不會浪得虛名，本人2大1小 ，点了三款不同造型及囗味的包羅萬有在一籠內，剛好照顧我們三個不同的要求，有溶岩流沙包，班蘭椰汁包，及义燒包。飲茶點少得彩虹蝦餃，隻蝦又大又彈牙。鳳城水餃也是大大隻蝦。快到端午，試左佢蛋黃糭，即刻同部長買糭券，下次晚飯試埋佢啲小菜。

我真係好中意去飲茶架，所以男朋友一提議去飲茶，我九秒九答好呀！今日我地揀左mega box間鳳城1954，我們被安排坐望窗卡位，環境好寫意包羅萬有一次過可以試到三款包點，豬仔樣嘅係叉燒包，黃色果個係奶黃流沙包，而綠色果個就係綠茶流沙包。個人最喜歡係奶黃流沙包，食果時真係要小心d呀，因為真係好流沙同好熱！彩虹鮮蝦餃老套講句真係皮薄餡靚，裡面全部都係蝦，一點都唔吝嗇！蝦多士鳳城最出名就係蝦多士，個人覺得佢係全港最好味，每件都有成隻蝦，又唔會沾太過多粉，即叫即炸好香脆！鮑魚燒賣小鮑魚入口煙韌，燒賣餡料飽滿豐富，咬口結實。胡椒豬肚雲吞湯今次呢個胡椒豬肚湯最有驚喜！先講個湯，真係好夠味好足料，我同男朋友都飲光光！雲吞嘅餡又係勁多蝦架，以$39泥講真係勝價比高。西米焗布甸西米焗布甸係酒樓已經買少見少，甜度適中又唔膩，兩個人share剛剛好，為呢個早餐劃上完美句號。

食過多次Megabox 鳳城了，今次3大1小去食，假日時常都要排隊等位，平時會先訂位的，建議大家去時要訂座喔2020年1月1日去食，等位等了30mins....點了大約12樣點心，來的很快，推薦車仔腸粉蝦多士：蝦是彈牙的卡通包點很有特色，但是味道較新穎，綠茶味的包較甜，可當甜品食見到有腸的包以為是臘腸卷（其實是普通廚師腸）內裡環境都尚算OK, 不算太嘈及太窄服務正正常常，還可以吧最重要是，點心多款式，總有一款啱大人小朋友口味

本係叫媽咪睇下啱唔啱食，點知仔仔係門口見到豬仔形狀的包包就話要去這間。午餐時間仲有好多位，不用等，有3-4枱卡位可望風景，有特格的，但價錢頗貴即叫即整，豬仔形嘅包放上枱，仔仔已急不及待，抆隻耳仔黎食😂叫佢細細啖咬，佢唔聽，大大啖咬落去，結果裡面流心太熱，辣親咀仔炒飯有一大隻虎蝦，餘下的是海鮮配料+菠蘿，味道不錯，唔會好咸，飯可不到3-4碗鮑魚燒賣，每粒都有一隻超細的鮑魚在上面，大大舊的燒賣在下，咬口結實

前幾日同朋友喺MegaBox玩玩到攰左就去飲茶食點心🍵覺得鳳城1954呢間茶樓真係唔錯感受到佢哋對食物嘅用心同熱誠❤️啲菜式仲要係好創新👍🏼影相一流📸以下係幾樣大推既食物-1️⃣紫砂茶壺燉螺頭湯係咪以為係茶🍵原來入面係好足料嘅燉螺頭湯用茶壺黎燉湯竟然味道唔錯👅飲法好新奇😽呃Like一流-2️⃣龍袍四季豆嘩🙀呢個我真係搶住食四季豆出面包住蛋黃醬啖啖都好香果然鹹蛋黃配咩都好食👅-3️⃣包羅萬有呢個又係呃Like一流大豬頭係叉燒包🐷黃色心心眼係奶黃流沙包😍綠色心心眼最特別🐸係綠茶流沙包食落無喉嚨痛嗰種甜味道都唔錯👅-4️⃣黑松露水晶波呢個唔講得笑每一啖都有松露既香味👅如果唔係張枱有其他人阿婆我真係會搶晒黎食😇-5️⃣小鳳依人賣相好靚好得意🐣其實佢係鳳梨穌完全用人手整出黎👐🏼呢個Like❤️係比點心師傅嘅-6️⃣紫球伴米糍最後幾飽都緊係食埋甜品先啦🤰🏻紫色嘅係紫薯白色嘅係阿婆最愛既榴槤👅榴槤香到個口過幾日都回味緊😻你地聞唔聞到呀~👄~

上星期去左MegaBox食晚餐試左走年輕路線既鳳城1954💁#Hanako_多謝邀請🏵️酒樓裝修好有心思 加上環境好乾淨👍除左一般酒樓果d茶 仲有得揀玄米茶🍵/食物方面每款都有咁上下質素😋點心類最吸睛既肯定係“包羅萬有”即係三個包 豬豬係叉燒包🐷綠色既係抹茶包 黃色既係奶黃流心包另外值得一試仲有龍蝦湯鮮竹卷個湯濃到直頭好似西餐個餐湯咁😂黑松露水晶包超級香 愛菇一族必試❤️/師傅既炸功都好出色🙆每款炸物都熱辣辣 炸得金黃脆口又唔會油蝦多士舊多士直情係炸到鬆化🦐黃金四季豆超級好食 咸蛋包晒成條四季豆超級邪惡 忍唔住食多幾條😍😍小菜方面炸子雞皮夠脆雞肉又滑🐓炒飯好多料又炒得乾身👍/最後甜品都試左幾款😎首先有手功滿分既鳳梨蘇🍍真心佩服小小一舊鳳梨蘇都擺咁多時間心機去整跟住有榴蓮糯米滋+紫薯奶黃球個紫薯奶黃球有5星推薦 外面脆脆地🌟入面熱辣辣紫薯+奶黃呢個配搭無敵😻仲有平時少見既西米焗布甸夠晒香甜👯/位置係遠少少 但質素+價錢的確不錯下次去九龍灣可以去試下三兩個朋友仔試下創意點心又得👫一家人食個順德晚餐又得👨‍👩‍👦‍👦/九龍灣 - 鳳城1954#Hanako_九龍灣🌻#Hanako_中菜🌸

九龍灣Megabox 食肆選擇多多，而且平日一至五個場都比較靜，唔洗點排隊，今次就黎到鳳城1954食點心加小菜。估唔到裡面原來都幾大，裝修都幾雅緻。餐牌有齊小菜、點心，夜晚都可以飲茶歎下一盅兩件。全晚最得意既點心就係呢個鳥籠，原來係鳳梨酥黎架，最岩呃like 打卡。呢個欖角骨都係必點，外面炸得香脆，味道甜甜地，而且排骨黎講算都幾多肉，平時酒樓都好少見呢款，確實係幾好味。有齊三個味，一睇就知又可以用黎呃like喇，個包質地軟淋淋，試左綠茶餡都有回甘茶味。呢度牛肉球成個拳頭咁巨型，岩成枱人分黎食。似食緊炸蘿蔔糕，出面果層好脆。試左春卷果款，炸得脆卜卜，唔會太油。龍袍既意思原來係鹹蛋黃，入面包住四季豆，鹹香惹味，質地爽脆。黑松露味超濃郁，入面仲漲卜卜包滿菇菌餡料。糯米雞入面都算多餡，食得出飯有荷葉香。椰子燉雞湯味道都好清甜， 食完咁多野飯下呢個湯就無咁漏。鳳城最出名係炸子雞，今次人多叫左一隻，原來份量都幾多，雞肉夠滑，算厚肉地，皮亦都香脆，果然幾有水準。蝦多士都係鳳城鎮店之寶，脆得黎唔會吸得太油，上面隻蝦幾大隻，啖啖肉又彈牙，呢個都幾值得試。炸鮮奶鮮奶口感滑溜又夠熱，味道香甜。又係點心拼盤，

鳳城酒家自1954年開業，歷經幾十年風雨，至今仍屹立不倒， 可說是順德菜的老牌經典，不過位在MegaBox的鳳城1954卻另有一番新氣象，把傳統菜式注入創新元素，讓一盅兩件更趨年輕化。裝修一洗中菜館的俗套老氣，注入時尚氣息，散發摩登的東方韻味，予人耳目一新的感覺，而且面積寬敞，充滿空間感，坐得頗舒服。餐牌除了保留傳統的鳳城順德名菜，主打新派粵菜及精緻點心，選擇繁多。款式太多令人選擇困難症發作，結果傳統和新派菜式都點了一大堆，非常壯觀 XD1954蝦多士 $20/每件一直以來我都對蝦多士又愛又恨，雖然愛吃香口炸物，但平時坊間的蝦多士都會吃到滿口都是油，火力太猛，很易炸燶麵包，但火力太弱，則不夠脆口還會不斷吸油，所以要做到脆而不油，就要講究師傅的功力。作為鳳城出品的經典名菜，這裡的蝦多士果然名不虛傳，原隻大蝦俯伏在炸得金黃脆卜卜的多士上，酥脆爽彈的雙重口感帶出蝦肉的鮮甜。大良炸鮮奶 $68即點即炸熱騰騰上桌，黃金脆皮的工整形狀有如金磚，外脆內嫩的相互映襯。酥脆的外皮包裹著潔白軟嫩的鮮奶，咬一口，濃濃的奶香就在嘴裡化開。三式炸作 $36假如喜歡嚐新但肚皮位置又有限，選擇點心拼盤就是最好不過，