品香樓中西風味餐廳

营业中

休息中

十年前老公介紹我嚟食過兩次，當時我讀緊大學，覺得老公好識食。早幾日老公心血來潮，想食Book咗位。餐廳環境同食物水準真係十年如一日，仲係咁好食，同地方幾整潔。十年前去學校接我落堂嚟食晚飯，咁啱今日公司Course，都係嚟接我落堂。我哋唔再係十八廿二，唔敢挑戰頗具名氣嘅凍朱，太邪惡了開胃小食：鹽香花生，好脆無油溢味。南乳炸豬手，炸得好香脆入味，咸度啱啱好，外皮脆口肉質嫩滑，本身好夠醬油味，唔點南乳，淨食已經好好味。一份大約5-6件，每一件都好多肉。啫啫通菜煲，通菜好新鮮翠綠，上枱後即刻倒醬汁「咋」~ 熱辣辣！醬汁帶有蝦醬同腐乳味，同通菜簡直係絕配。香蒜黃金蝦，略為遜色，因為唔夠味，蝦肉彈牙新鮮又大隻，但唔入味。值得大讚嘅位係滿佈咸蛋黃，而唔係溝淡咗咸蛋黃醬！每隻蝦外殼都食到咸蛋黃嘅咸香，和沙沙的口感，食到最後下面仲有大把咸蛋黃粒老公一路食一路話味道keep得到水準，清曬枱面所有餸，食到好飽好滿足。我哋仲講返十年前拍拖嘅開心事，結婚生BB之後，頭幾年無曬二人世界，唔再係男女朋友，用另一個身份再來食回憶別有一番滋味。

估唔到係屋村入面，都有間餐廳係要慕名而黎😌相信係城大讀書既朋友仔更加唔會陌生!(仲係飯堂tim😂)今次小仙子又帶小🐷出省😅食好西😙平日晚市7:30左右，等咗陣就有卡位🤓見到餐牌有熱賣排行榜，諗住參考吓有咩推介🧐最後點左幾樣招牌菜：招牌菜風沙雞半隻 ($13x)：表皮炸得好香脆😍肉質好嫩好滑，可惜有D骨位仲係紅色，只係剛剛熟😅南乳炸豬手($8x)：南乳醬分開上，唔會整淋炸豬手👍🏻 炸豬手表面香脆，入面仲係軟軟的，好多骨膠原😛啫啫通菜煲($6x)：上菜時通菜先會放入熱辣辣既鐵鍋度炒幾下，香味即時衝哂出黎😗XO醬炒蘿蔔糕 ($8x)：蘿蔔糕大大粒，好足料👍🏻飲品點左杯鹹柑桔蜜，唔係太夠味，偏淡，可以濃D😅好滿足既一餐，果然係招牌菜😋走既時候仲見到門口有炭燒雞蛋仔(推車仔架)，可惜太飽同好多人排隊所以無試到🥲

以前喺附近讀書嘅時候，經常嚟食飯，後來畢咗業之後都冇嚟過，今晚去完又一城買嘢，但又唔想喺又一城食晚飯， 於是乎就諗起附近南山村嘅品香樓。品香樓就好似入咗室內嘅大排檔，唔知係咪搬咗新舖，感覺上比以前乾淨同坐得舒服好多。我哋重點叫品香樓熱賣排行榜嘅食物凍朱古力差不多每一台都會order，佢哋杯朱古力嘅特色係上面加咗好多cream，我鍾意將啲cream同朱古力攪勻你飲，特別好味。紅豆冰比凍朱古力細杯，紅豆唔多，但好林，唔係太甜，可以接受。西蘭花花枝帶子帶子唔係好多粒，反而花枝就比較多，帶子嘅size適中，花枝就好大片，西蘭花炒到剛剛好，味道好。南乳炸豬手豬手嘅表皮好似炸到好香脆，其實唔係好脆，皮下黐住豬手嘅肥肉，即係我哋平時食豬手好鍾意食嘅骨膠原，所以唔會太乾，同南乳醬一齊食，好惹味，可惜骨太大肉太少。火焰密椒牛柳粒侍應會在我哋面前點火，火唔會太大，過咗一段時間先至會熄滅，所以呢個餸菜一直都保持住熱辣辣。我第一口咬落去已經覺得佢好惹味，再食埋佢啲薯仔同椒，簡直係絕配，望落去好似細細兜，其實有好多牛仔粒，同埋佢有好多汁，用嚟撈飯食一流。但畧甜和多油。蜜桃沙拉骨，炸香了的豬肋條加上沙律醬和蜜桃，

冇茶位費，亦冇加一。係收$6前菜！口味偏濃，比較重口味！我口味偏淡，所以覺得有d鹹！地理位置都幾好搵，樓面阿姐唔夠人手，叫好耐都冇人理我！晚飯時間要等位！凍朱古力$23，冰有d多，不過好濃好正！風沙雞$135半隻，食到後面越食越鹹。。。南乳炸豬手$88，炸到有d乾。。。明太子炒飯$57，個人覺得佢個炒飯做得好靚！不過我老公就食到津津有味，因為佢口味比較重😂

限聚令放寬了，幾個男人來到南山邨品香大牌檔吃些重口味菜式送送啤酒，聊聊天。6点45到店門口，大部份檯也還未入坐，感覺新舖比較整齊明淨。坐下侍應送上收費小吃菠蘿粒和炸花生。先來二款小吃古祖味水魷魚- 水魷有咬口，不像街市發得軟軟的水盆貨式。混上濃甜沙爹醬汁十分惹味。涼拌海蜇絲- 麻油很香，海蜇絲也爽脆。如果加入些蔥油，可能更香口。再點香口煎炸菜式送啤酒南乳炸豬手- 豬手皮不是脆的，灑上炸蒜，煙煙韌韌帶着淡淡南乳香，醮上些甜香南乳醬汁，十分可口。黃金花枝- 這邪惡菜式，咸香咸蛋黃裹着帶點韌的魷魚片要趙多幾下，送酒也不錯。芝麻蝦- 蝦膠放在小方麭上灑上芝麻油炸，買相也不俗。但油火不夠猛，迫不出麵包多餘的油份，所以很油膩；蝦膠也不爽。啫啫通菜煲- 煲上檯不夠熱，所以沒有像鄰桌那蝦醬味道發渾得理想引入，也帶咸。再來個單尾生炒糯米飯- 吃落應該不是生炒，不油，有蝦米/臘味香，炸花生很香脆，可惜也是過咸。看到很多年青人也點了飲品凍朱古力。上面舖滿鮮忌廉很吸睛，入口滑溜，味道可口，可以替代甜品。整體來講，對這餐廳感覺良好，但有些菜式過咸，性價比高。

到過南山邨食飯的人應該也知道品香樓這間餐廳!! 每次我跟朋友去到都一定會每人叫一杯凍朱古力加cream!!!可以說是回憶!! 雖然有點邪惡, 但間中飲都問題不大!哈哈凍朱古力加cream朱古力好濃, 上面的cream多到高過個杯!! 通常我都會先嘗幾啖cream, 之後再把cream 攪拌一起飲!!!令朱古力變我香滑一點!南乳炸豬手這個南乳炸豬手也是每次到都必點的食物!!南乳味好重好濃, 未放入口都已經聞到好香的南乳味!! 豬手炸得好香脆!!如果認為還不夠濃味, 可以點少少南乳醬!!其他食物都好有獲氣!!!

食住香港地道風味❤️❤️❤️南乳炸豬手：必食！ 塊皮煙韌香脆！真係外脆內軟！一試難忘😘 😍 強勁鑊氣！ 個炒芥蘭係脆ga👍🏻 氣氛熱鬧，比較迫，但卡座都坐得舒服 👍🏻 d待應 姐姐都有禮貌，抵讚 ❤️🙆‍♀️ 上菜頗快、仲要大份量南山邨品香樓一直都廣受好評，所以一直都好想試！ 嚟到試，嘩，真係超水準👍🏻 個炸豬手真係必食，唔十分喜愛食豬手既我，連食3隻！ 仲要一邊食一邊打算買一盒做宵夜😆 每個小菜都好精彩，仲要好抵食！ 3個人8碟嘢，每人只係二百蚊 😆😆😆 小提示： 係吖book咗位都要等十幾分鐘，耐心d 啦 ～ 😆

話說有朋友住係南山村附近，而我又好耐冇去行又一城，但同時又唔想係入一城入面食貴野，立即就諗到呢一間好出名嘅品香樓。對上一次黎食已經6-7年前，當時已經好出名，排長龍先有得食，今次我地醒啦，記得要訂位。就係因為有訂位，一黎就有得入座啦。眼見門口人龍比以前更多，就已經知道呢度嘅味道應該冇變。我地一係4大3小叫滿一檯餸，但都可以食得哂，就知味道一流。契媽炒飯：睇個名係唔知咩黎，入面有咸蛋黃碎，肉鬆，豆角，豬肉碎、仲有2大片蝦片。味道一流，飯炒得乾身，加入咸蛋黃更惹味，唯一美中不足係2片蝦片已淋哂。風沙雞半隻：出名嘅風沙雞，皮好脆，但略咸左少少，不過點埋個酸酸地個汁就剛好，如果唔點呢就太咸。糖醋桂花魚：估唔到咁好味，魚炸得鬆脆，糖醋汁酸甜度剛好、小朋友都好鍾意食。係估唔到呢無水可以煮得咁有水準，話哂都係功夫菜。芝士肉鬆西蘭花伊面底：小朋友偏愛食西蘭花同芝士，所以叫左一份比佢地食，估唔到又幾多份，佢嘅肉鬆係豬肉碎，芝士汁一流，撈埋伊面食係好正。黎呢度食又點可以唔叫炸豬手，雖然份量比較少但豬手本身來貨貴都明白嘅，皮炸得香脆，點埋個南乳食係一流，但肉就比較少。避風塘釀茄瓜：入面釀入墨魚滑，唔會話好多

講起南山村一定會諗起品香樓。雖然食過好多次，不過寫食評都係第一次。有訂位，但如果多人都要等下。。。品香樓既食物仍然保持水準，價錢都好合理。手撕雞通常訂位個時就要訂埋，如果唔係食唔到。好滑好香芝麻味，入面仲比埋雞腎個啲！最出名既凍朱古力，一定要叫。有濃濃朱古力味，舊忌廉勁吸引，對於女仔黎講太邪惡啦。其實凍好立克都值得一試。炸豬手，必食，骨膠原重，皮脆又唔油膩。加埋南乳醬好正。鍋貼芝麻蝦，炸得岩岩好，入面啲蝦膠夠哂彈牙，芝麻好香，配埋甜酸醬食一流。生炒糯米飯，賣相唔錯，入面有臘肉臘腸個啲，花生都算脆。走既時候，當然要到出面既小食檔攤，食雞蛋仔同格仔餅。

▶️我不是住這區，所以之前未曾聽過這間食店，主要是朋友介紹而來光顧，我們 星期六晚上去到那裏已經有很多食客， 十分熱鬧。🔥火焰蜜椒牛柳粒🐂餸一送上枱，侍應用火槍燃點盤底的鹽巴，甚有視覺效果，但是否對食物味道有提升則不得而知。牛柳有啃勁，炒得香口，味蕾感受到微微的黑椒味，再配上青椒、紅椒、洋蔥等配料更加惹味十足。🐽南乳炸豬手🐽甚少食到炸的豬手，豬手皮香脆，肉鬆軟有口感，南乳味不重剛剛好，是一道不錯的菜式。▶️食店的食物具有大排檔風味，同時有一些特別的菜式選擇，整體來說別具風味。

踏入七，八月，身邊特別多人生日，個個都會提出唔同餐館同壽星公慶生，今次揀左品香樓。事關朋友極力推介，還要我提前三日訂位，怕walk in 有排等。可能今日勁大雨(黃雨)，所以等位既人唔算多，亦可能因為餐館 說明六點過後，亦齊人才入座。我地一行六人，一到步就入得，餐館環境比我感覺 ：細枱區有啲似茶餐廳(有卡位，睇落有啲迫)；大枱區有啲似大排檔(中間多數圓木枱 )，色調又有啲似西餐廳(暗得黎有射燈)。以上只為個人五官中的視覺感受 是否認同就要去體驗下啦重點黎啦，就係開始食啦：1）南乳炸豬手（$88）豬手香脆炸易入口，炸得黎外脆內軟，肉汁鎖住左，配埋個南乳醬，咬落唔會乾而且好入味 。2）香蒜黃金蝦（$98）蝦味十足，唔會有雪藏味，有香香既蛋黄味，味道夠但口感有待改善，事開炸得唔夠脆。3）糖醋桂花魚（$118）魚肉炸得黎肉汁無全失， 汁就同甜酸肉既味差唔多，無嘜驚喜， 但係當魚配埋啲汁有加分啊!!4）XO金菇肥牛煲（$98）尼個有驚喜，肥牛份量唔算少，咬落唔似像膠咬唔斷，唔un易咬；肥牛加上Xo，加重牛既味道，而且成個煲咸淡適中，配飯一流!!5）西蘭花花枝片抄帶子（$118）份量有啲少，但勝左

自從畢業後都好耐無踏足九龍塘同石硤尾喇~今晚回到大學時的飯堂~ 石硤尾~根據朋友推介，以下5個餸!凍朱古力~ 鋪上滿滿的忌廉~呢度差不多每一台都會有人叫凍朱古力架!我怕肥，所以無搞哂D忌廉落去~太子炒飯~ 有點普通啦！家常菜，節瓜粉絲蝦米煲開頭一黎到好多湯，傾左一陣計粉絲吸返D湯水~ 岩岩好~椒鹽九肚魚~ 熱辣辣~外脆內軟~ 連骨食哂~南乳炸豬手~ 好似食皮多D炸大腸~ 我是大腸fans~4人埋單HKD435~ 平!靚!正啦！下次再黎叫下其他餸~

星仔的朋友遠道而來參加我們的婚禮，所以我又帶他們來品香樓，除了可以讓他們感受港式的鑊氣，另外亦可以給他們看看香港的舊式屋村。＊＊＊＊＊＊＊＊＊＊＊＊＊＊＊＊＊＊＊＊＊品香樓因為佔了幾個鋪位，所以即使我們一行8人在星期五晚上來到，不用等位已經可以入座。特濃朱古力($20)凍朱古力是這裡的名物，無論是否朱古力愛好者都沒有理由不點。據說只有晚飯時間的凍朱上面才有忌廉，但今次我們就走忌廉。凍朱依然朱古力味香濃，走忌廉令凍朱入口沒那麼香滑，不過仍無損其美味。南乳炸豬手($78)南乳炸豬手炸得夠脆又不會太乾，吃到南乳鹹香味，非常惹味。椒鹽骨($75)椒鹽骨肉多骨少啖啖肉，又夠椒鹽，好味。香蒜黃金蝦($98)黃金蝦份量都多，但可惜略嫌鹹蛋黃醬不夠多，有點到喉不到肺。風沙雞($105)原本想點手撕雞，但由於沒有預訂，所以唯有點風沙雞。風沙雞肉質不算太滑，但勝在鹹鹹辣辣醃得非常惹味，雞皮都帶點脆口。金銀蛋蒜子浸白菜仔($75)吃了多味煎炸食物，一定要吃個蔬菜。這個金銀蛋蒜子浸白菜仔，上湯鮮甜而不油膩，清淡得來又美味。八珍扒豆腐($85)八珍扒豆腐內有豆腐、冬菇、大蝦、豬潤和肉片，非常足料。生炒臘味糯米飯

大約7:00左右到達，當時人流未算很多。由於已經一早BOOK枱，順利成章一入即坐小炒皇-味道不過不失。鼓汁蒸白鱔-味道一般到了自己最喜愛的炸白飯魚，份量很大，可惜咬感不夠脆潮洲蠔仔粥-無得輸，用料充足，味道一流南乳豬手-充滿骨膠原，但應該是豬腳，而不是豬手 飲品-朱古力還有一碟$10的小吃

經常到品香樓晚膳，發現水準浮動，未能維持在高水平，食飯好像抽獎，就看你幸運與否，當晚廚師能否保持水準了！唯有凍朱多年未曾令我失望！是晚點了3個菜，分別是招牌南乳炸朱手，排骨蒸糯米飯，以及避風塘牛仔骨