喫茶ちょうぼ

营业中

休息中

復古昭和風的喫茶ちょうぼ Choubo Kissaten於大埔區一直人氣高企，最近於銅鑼灣世貿中心開設新分店。新店室內裝潢與大埔分店略有不同，以暖木色為主調配以綠色植物佈置，簡約設計呈現素雅恬靜風格，鄰近窗邊的卡位更可隨時欣賞迷人的維港海景。近門口區域亦有售賣日式精品，將喫茶飲食及生活態度集於一身，給人一種寫意、放鬆的感覺。餐牌主打和風洋食料理，包括招牌日式蛋包飯、炸物小吃、意粉、定食、甜品等。日式紅酒燉牛面肉蛋包飯 $145於圓潤飽滿的黃色蛋皮墊上炒飯，上桌後侍應會用刀在中間位置對半切開，輕輕一劃，蛋液立刻往兩側攤開，像瀑布一樣緩緩流下。蛋皮仍是處於半熟狀態，軟嫩滑口，然後再倒下紅酒醬汁，整個過程帶來視覺衝擊。牛面肉經長時間炆煮後極之入味，味道醇厚，肉質鬆軟卻仍帶有嚼勁。飯粒吸飽醬汁，纏著滑溜靈動的半熟金黃蛋汁，相當好下飯。蟹肉忌廉可樂餅 $62金黃外皮炸至香脆可口，即點即炸，熱得盪口。一咬開隨即湧出濃滑的忌廉餡料，外脆內軟，沾上酸甜的番茄醬汁，亦可中和炸物的膩感。南蠻塔塔醬日式炸豬扒飯 $138這款定食亦是店內的人氣之選，淋上南蠻塔塔醬，甜甜酸酸的味道足以令人食慾大開。外層粉漿亦不

日系嘅裝修真係會令人心心眼😍呢到主打木系柔和嘅裝修，裡面有數個座位都係可以望住避風塘海景，感覺好舒服😌。門外仲有少量made in japan嘅擺設賣，十足日本嘅咖啡店，銅鑼灣又多一個打卡點📸🕰️海鮮蕃茄醬蛋包飯🦐🦑$138有青口、魷魚圈、大蝦，除左魷魚圈比較淡味，其餘調味都唔錯，蛋包飯嫩滑😍店員會係面前切，相機食先📸蕃茄汁帶洋蔥甜味，整體不錯🕰️南蠻塔塔醬日式炸豬扒飯🐷$138 塔塔醬中和左炸豬扒嘅油膩感，豬扒都幾大塊，甚至疊到兩層，炸得偏乾身，唔油。飯底就比較少汁，多番啲會更好🕰️南蠻炸雞🐥$88 脆得黎個醬汁調味得好好，唔會太甜亦唔會太鹹帶少少醋味，雞肉又juicy😚配埋塔塔醬同椰菜食一啲都唔膩，反而想食完一件接一件🕰️極·日式布甸船🍮 $108睇openrice啲相覺得好靚必需叫🤪布甸彈滑，好重雞蛋味。除左布甸，仲有一件lotus 餅整成嘅芝士蛋糕，味道偏甜，cream cheese味濃郁🕰️抹茶麻糬沙冰🍵 $52麻糬一大粒，mochi 口感，沙冰味道濃厚😚🕰️草莓沙冰🍓 $48草莓味道唔算太突出，忌廉味較重

世貿裝修完開左幾間餐廳, 呢間就最吸引到我, 先係門口既打卡樓梯位, 再黎係入面既裝修充滿日式和風既感覺, 連menu既圖案一睇就覺得D野食好好味晚餐一個星期前已經訂左位, 當日門口都有人排walkin。南蠻塔塔醬日式炸豬扒飯 $92炸豬扒飯賣相一流, 豬扒炸得好香口同脆, 配上塔塔醬酸酸甜甜令豬扒多了一份清新既口感, 我仲向侍應要多份塔塔醬, 食到每啖都係醬明太子蛋包意粉 $96因為已經叫左飯, 又想食蛋包飯, 所以最後叫左蛋包意粉, 咁就唔需要食咁多飯留肚食租品。一鎅開蛋包意粉, 半熟蛋漿流晒出黎, 入口軟滑, 又唔會有蛋腥味。而每條意粉都俾明太子包袱全, 配上半熟蛋一流極. 日式布甸船 $108布甸船外貌好有復古和風感, 當然布甸唔會令人失望, 非常滑溜, 很有焦糖味, 又唔會太甜。而木糠芝士蛋糕, 芝士同餅配搭很巧妙, 一啖一啖接住食, 唔會膩。

最近聽朋友講世貿中心番新咗之後有唔少新餐廳進駐，而其中一間最吸引到我嘅係嚟自大埔好出名嘅日式喫茶店，佢有我平時都好鍾意食嘅蛋包飯同日式布甸🥰 所以就捉咗男友陪我去試🤭 入面環境勁靚，仲有棵大樹同唔同精品係門口，啱哂比人打卡😝嚟到一定要嗌呢度嘅名物：蛋包飯😙 店員幫我哋切開蛋皮，再淋上茄汁，成個過程都好治癒，好啱打卡！而半熟蛋好嫩滑，汁都幾多下，同埋最緊要係個飯係炒飯底，昇華咗成件事～ 而炸蝦新鮮炸起，熱辣辣好脆口，好滿足😌另外，男友嗌咗炸豬扒飯，豬扒份量好多，同埋都幾厚切🤤，雖然配上南蠻塔塔醬有啲邪惡，但好彩個飯有唔少椰菜絲，撈埋一齊食感覺健康少少🤭男友鍾意食雞皮，特登嗌咗呢樣小食比佢🤭 由於雞皮煎到勁脆，加上入面嘅餃子餡，一軟一硬口感好出色，點上月見汁，鹹鹹哋咁，唔估到呢度啲小食都咁出色🤤甜品方面，我絕對係為咗布甸而嚟😬 嗌咗個布甸船，係combo嚟，包埋焦糖cheesecake，佢哋個賣相勁吸引！布甸食落滑溜亦好香蛋味，仲跟咗唔少水果，會fresh啲😋 而cheesecake就較漏，但焦糖味都幾濃郁~我哋各自嗌咗杯抹茶同焙茶麻糬沙冰，一開頭都覺得好好奇麻糬點樣同沙冰混合，原來係擺咗

終於被我等到「喫茶」在市區開張了！之前在大埔食過一次，我已經深深被它所迷着，而我亦一直很想再食多一次，但又不想專程搭車入大埔，只好一直等一直等。餐廳在銅鑼灣新開這麼大件事，朋友當然立即跟我說，並應承和我第一時間去朝聖。喫茶在銅鑼灣世貿中心新開張，原來整個世貿中心都是全新裝修，所以餐廳的內裡和周邊環境一等一新淨。一看到喫茶門面，已經很想找個靚位置打卡，基本上所有坐位都是非常舒適亦很好影相，門口有個圖書壁牆，中間有和風卡位，入面更有海景坐位，如果你是早來的更可以優先選擇位置。餐廳有多款和食選擇，包括蛋包飯、炸物、甜點、茶類飲品等等，整個感覺就好像去到日本的和式cafe 一樣。甚至，我覺得喫茶比起日本的cafe更勝一籌。❀ 1. 日式紅酒燉牛面肉蛋包飯 (推介產品)喫茶的蛋包飯似乎是最為聞名。眾多蛋包飯之中，我還是跟從餐廳的推介產品，嚐嚐紅酒燉牛面肉蛋包飯吧。餐廳將蛋包飯做得非常有誠意，店員遞上餐後再會在你面前將蛋包飯切開，看着滑滑的雞蛋慢慢流出，感覺非常治癒。蛋包飯的雞蛋毫無疑問一定要選用日本雞蛋，所以食落非常有蛋香味而又順滑，牛面肉亦都煮得稔甜有味，果然為喫茶推介產品。❀ 2. 南蠻塔塔

大埔嘅老友話食過「喫茶ちょうぼ」洋食屋，大讚啲蛋包飯好掂，超高水準，最近，從網友口中得知，「喫茶ちょうぼ」晌正在翻新嘅「世貿中心」插旗，小弟就唔使跑到老遠入大埔啦，收工由中環過嚟就可以食到其招牌嘅蛋包飯喇。晌門面所見，裝修已經好有心思。近門口位，佈置得有種復古風嘅書房咁，加埋啲舊款梳化椅、燈飾、座地燈，真喺有種跳番去昭和時代呀。題外話，晌門口嘅旋轉樓梯喺上唔到去架，行多兩級就見「顧客止步」，不過，企晌度絕對喺好可打卡位。再走入啲，先喺左右兩排餐枱椅，裝修古雅，同樣，配以復古嘅枱椅，加點植物作點綴，而啲侍應又着住有型嘅西式套裝，睇得多日劇嘅朋友，都知完全喺日本洋食屋嘅復刻。而走到最入，仲有一知偌大嘅用餐區，呢個區域有兩個亮點，第一就喺一排窗口位，對住避風塘嘅景色，喺可惜坐唔到；第二喺正中間有張巨型嘅共用餐枱，足足可以坐到12人，啱晒一大棚朋友嚟慶祝吓生日之類。加上樓底高，空間感十足。除咗裝修有啲亮點之外，店內仲有唔少日本陶瓷餐具、小擺設、精品……等等供零售。而店內所用嘅餐具，同樣咁靚！餐牌亦見心思，除咗有中英日文對照之外，每分類都有啲食物彩繪，畫得很傳神，很有和風洋食屋嘅風格。而食物選擇