表叔火鍋

营业中

休息中

今晚終於有時間同班死黨敍一敍，梗係食我哋最喜歡既火煱，可以慢慢一邊食一邊吹大家見到呢間好似幾正，就入左去坐低開始尋食之旅我哋選左個：鮮蘿蔔清湯牛腩鍋、手切新鮮肥牛（大）、鮮豬腳筋、蟶子皇、蝦丸拼墨魚丸、鳳城水餃、韭菜豬肉餃、即炸響鈴、即炸自家製魚皮、窩筍、手切頂級牛頸脊（小）、黑松露鮮蝦雲吞、日本稻庭麵條、牛什拼盤、皇帝菜、粟米另外，今日想食豪d，係未有得打邊爐前叫條活魚刺身食吓先活魚刺身：呢條包立公，新鮮到上左枱，條鰭和尾還在動即刻試吓味道先，入囗又爽又鮮甜食完之後侍應問我哋剩左魚骨點正，係放落火鍋湯底，還是加錢做椒鹽，我哋梗係選後者，多一樣食法而且惹味好多鮮蘿蔔清湯牛腩鍋，好多蘿蔔和牛腩，蘿蔔好清甜，牛腩入囗牛味濃而軟腍手切新鮮肥牛（大），賣相吸引，唔太薄，手切雙飛，好香牛味，入囗嫩而不韌鮮豬腳筋，咬落又軟又腍，囗感滑捋捋食食吓，之前攞左去加工既活魚，終於送到，椒鹽活魚，熱辣辣香噴噴，入囗好香椒鹽和炸蒜味，食落外脆內嫩蟶子皇，好大隻，入囗爽甜，新鮮味美蝦丸拼墨魚丸，非常彈牙，侍應同我哋講係自家制手打丸，唔怪得之噤彈鳳城水餃、韭菜豬肉餃，大大隻好飽滿，入囗爽，味道適中，而且係即叫即包

今日同幾個朋友去左打邊爐，呢間鋪搭小巴好多時都會見到，上網seaech完見到都唔錯呢。環境唔係有好靚既裝修，始終我地主要打邊爐，如果裝修越靚，野食價錢相對都貴。啲枱凳都唔會放到好迫，都有足夠既位置。先黎左渣竹蔗水，夠哂凍同清甜。叫左胡椒豬肚雞做湯底。飲左兩碗湯先，好香胡椒味，飲好暖胃。手切肥牛，煮完之後望落好似好韌同嚡，點知食落好淋同好牛味！廣島蠔，一碟都有成8~9隻，食落唔會有雪藏味，唔錯！即炸魚皮，唔洗放入湯都可以就咁食，非常鬆脆。即炸響鈴，放落湯幾下再食，唔單止索哂湯，而且佢本身都好鬆化。手打四寶丸，真係好彈牙，咬落去嗰時差啲走出黎。

同朋友仔聚會最好就係烚下烚下！今次同舊同學一起去到近旺角豪華戲院附近的表叔火鍋到打邊爐。未齊人時，我們叫左份刺身拼盤，$268已經有四款刺身，非常抵食及新鮮！三文魚厚切有口感、赤貝彈牙、甜蝦夠晒鮮甜、水母非常爽口！CP值咁高，難怪差唔多每枱都叫返盤。餐廳有多款招牌湯底，今次我們就叫了胡椒豬肚雞鍋。配半隻鮮雞都只係$138。將所有配料放入胡椒湯內，大滾就可以先飲新鮮的胡椒豬肚雞湯。雞湯唔係好油，而且胡椒味都算幾重，係夏天飲得太多凍野，用黎驅寒真係唔錯。食火鍋我特別鍾意食手打丸！手打丸的彈牙感係其他半熟的雪藏丸完全無得比！餐廳的手打四寶丸有齊墨魚丸、蝦丸、豬肉丸及鯪魚丸！無論邊款丸的口感都非常彈牙，相比下，我會特別鍾意食夠晒鮮味的蝦丸。朋友仔特別Order了一份廣島蠔，一份大約有8隻到，每隻的Size都唔算細，而且漲卜卜。烚熟後唔會太細隻，而且味道鮮而唔腥，$88都幾抵食。相比滑豆腐，我覺得蜂巢凍豆腐更適合打邊爐食！由其食呢D靚湯底的火鍋，呢D會「吸湯」的豆腐，可以讓大家食盡火鍋的精華！鳳城水餃係餐廳新鮮包起的，唔係一般酒家用雪藏的水餃。食落豬肉好Juicy，加埋爽口的木耳絲，味道及口感都

朋友話想食完刺身後打邊奴, 有咩地方可以一次過食晒兩款不同類型的食物,我諗起大角咀間表叔。餐廳幾近旺角地鐵站, 而且又坐得舒服, 傳統港式格局, 一睇就知行經濟實惠路線。我們先叫了一大盤刺身: 日本水母刺身晶瑩透亮，口感彈牙爽脆, 餐廳亦特地提供了柚子醋, 蘸上柚子醋的水母刺身味道極佳。三文魚三文魚厚切又大份量當然不在話下, 對於鍾情於魚生嘅人嚟講，絕對超滿足原隻甜蝦蝦身帶有濃厚的甜味, 刺身獨突的黏黏口感和膠質，可以看得出這裡的甜蝦刺身是非常新鮮的。到打邊奴喇: 鮮潤海底椰湯底有椰子、粟米、大蔥、海底椰, 味道鮮甜, 感覺滋潤, 最重要係湯底價錢經濟實惠即炸響鈴除左手打丸外, 表叔另一樣最有誠意之處是即落order 即炸響鈴鮮炸香脆之餘, 扔落個鍋到3秒就即刻食得, 非常過癮。鳳城水餃大大粒鳳城水餃包得皮薄當然不在話下, 除左有鮮豬肉餡外仲有原粒鮮蝦，加埋超大量的爽口木耳絲, 味道香濃獨特, 一隻餃要分幾次先食得完啊~上海菜肉雲吞自家製的雲吞餡料新鮮，正宗皮薄餡靚, 粒粒飽滿本地手切肥牛圍爐火鍋當然少不得一碟油花滿佈的肥牛, 一看表叔的本地手切鮮牛肉色澤帶亮澤就知是正野，不會像雪藏牛

揀呢間原因，一黎未食過，另外主要係地點，因為易些搵位泊車，但如果唔揸車人，呢度可能有些吊腳。不過大角咀出名不嬲都有好多卧虎藏龍嘅餐廳，約朋友黎食應該都唔會托手㬹啦。地點：揸住架車想搵個位泊車，去旺角都係好難搵位，揸去大角咀擺街搵錶位易D，上網搵下有咩地方好食，揀左呢間黎試下！最尾我都都附近找個錶位去泊。環境：易搵同埋係單邊位，舖頭光猛！餐廳格局，唔係中菜館咁坐得好靚，有卡位有電視，冷氣夠凍。食物：見佢好似用料幾新鮮，所以都叫左海鮮黎試下，款式都OK！BB椅： 有，所以揀呢度！近排潮食花膠雞湯底，旺角有好多間都好出名，原本無心黎呢間試花膠雞湯，但又心郁郁見佢有想試下，$208半隻鍋底都唔平。。。湯底 － 濃湯花膠鮮雞鍋（半隻）$208： 佢講到話係濃湯。。。上枱，咁同平時在旺角食過大X地食嘅濃湯，無論顏色味道都差左少少，都有黏口嘅感覺，不過花膠就唔太多，湯底又唔夠白淨，不過雞湯都叫有用心煲嘅。另外雞半隻分開上，驚喜佢雞都新鮮，同埋佢仲有埋雞內臟，有潤有腎有雞腸，咁佢雞夠新鮮都值得加分嘅。手切雪花牛頸$：睇到佢雪花紋理咁平均，未食都覺得應該唔錯，食落更覺得入口即溶咁，油香四溢，又有牛味，O

天氣乍暖還寒，今晚又忽然返北風，相約好友旺角等，晚飯兼派利是，佢提議在旺角食，但我兼人多又逼，我建議行去大角咀，我地沿旺角道行去福全街，大約五分鐘就到，橫掂凍凍地，就幫襯呢間表叔火鍋。一行二人，店員安排卡座，一坐低店員就為我地斟茶，很友善，座位頗為寬闊，檯面夠大，立即點菜了，火鍋生料選擇眾多，而且有新鮮海鮮和刺身選擇我地點左沙爹鴛鴦湯底，沙爹超級濃郁，很惹味手打四寶丸，有牛丸，蝦丸，墨魚丸和鯪魚丸，四款都彈牙好味，好友中意鯪魚丸，說有果皮香味，我就中意墨魚丸，超級彈牙黑松露雲吞，一客有八粒大大粒，皮薄菜肉有濃濃黑松露香味，推介主角手切牛肩脊，牛肉厚身而牛味夠濃，肥瘦適中，用沙爹湯底淥一淥，更惹味即炸響鈴，送上桌時熱辣辣，我沒放湯就即吃一條，很香脆，沾上沙爹湯底更可口雜菜籃有五款蔬菜，兩個人夠晒食食飽飽埋單，店員主動送上西瓜兩片整體食物很高質而價錢合理，招呼和座位都很舒適，下次再黎一定試埋佢地嘅刺身

天氣漸冷，相約好友到大角咀打邊爐暖一暖身。事源我好貪心相又打邊爐又食刺身，四處打探之下，發現大角咀的【表迷火鍋】可以一次滿足我兩個願望，所以決心來走一趟。在旺角站下車，走了幾分鐘，就到餐廳，地點也算便利。餐廳門口掛著［Now Sports]牌子，這裡可以直播足球比賽的呢，三五波友最適合不過的聚腳地。餐廳內十分闊落，環境光猛清潔。牆上有電視播著我媽最愛的電視節目。另一部電視則播著足班賽事。我們被領到一張四人枱，好乾淨的枱面，而具坐位跟枱的距離寬闊，坐得舒服。枱下有充電備，好貼心的服務。調味的材料都好足夠呢，連芝麻和辣油都有提供。這裡除了平時打邊爐堂飲的汽水、罐裝飲品外，還有各款的酒精飲品。打邊爐最啱就係啤一啤，要支啤酒就最過癮。因為我跟朋友都不勝酒力，所以叫了楂下火的竹蔗茅根，都只是＄28 ，足夠兩人飲足一晚。這裡的打邊爐材料種類應有盡有，由雞牛豬羊、海鮮、丸類、菜、麵類，應有盡有！最特別的是這裡連刺身都有！海膽、三文魚腩、甜蝦、帶子、鮑魚刺身⋯⋯諗得出的都有，就是除了打邊爐，還可以食到平時只有壽司店才有的高質刺身！我們點了個沙嗲鴛鴦鍋，＄78 ，湯頭都好濃郁，最特別是加了紅棗，凍天至補

旺角開飯開到厭，於是決定同同事去大角咀搵下野食，跟住見到呢間火鍋好似幾多野食，於是就決定抱住試下嘅心態入去食下。一入去見到地方都算大，店員仲熱心咁為我地送上調味盤，仲同我地介紹左好多好食嘅野冬瓜瑤柱田雞鍋 ‌呢個絕對值得一讚架，呢個冬瓜瑤柱田雞鍋係雖然只係108，但係田雞份量唔少，仲要專人為我地放落鍋，非常咁貼心。田雞未落鍋之前仲識郁架真心夠晒新鮮，入口感覺好鮮味，唔會有軟淋淋嘅感覺。而湯底都算清甜而且有足量嘅元貝，一啲都無花假架。即炸響鈴呢度嘅響鈴炸得岩岩好，上枱嘅時候依然保持脆身，加小甜辣醬我覺得比落鍋焯幾下仲好食，不過最最重要都係夠晒熱又夠脆，真係好值得推薦手打四寶丸呢度嘅手打四寶丸真係幾足料下架，就連粒粒丸都足料過人，呢度嘅蝦丸同埋墨魚丸就入面我比較鍾意嘅丸，因為蝦丸入面真係有蝦架，而墨丸亦都口感十足，夠晒彈牙，真係令人超滿意手切牛胸爽平時一般嘅火鍋店都好小會有牛胸爽呢樣野，我都係聽老板介紹先識叫同埋食法，牛胸爽數十秒等佢一變色之後就可以擺入口，事實證明真係唔錯架，因為真係好重牛肉味而且仲有小小油而不膩，口感十足嘅感覺除左野食，餐廳嘅環境都唔錯架，二個人靜靜地坐低食下野，都真係