孖沙茶餐廳 (已結業)

去開上環開會，點都要搜尋下美食，呢間茶記，相三眼仔煎蛋飯非常好吃。師傅的蛋香脆煎可口，但又保留了蛋汁，加上豉油，係小時最愛的味道，看似簡單大，卻表現出大師的味道。

📍 孖沙茶餐廳上環禧利街23號地下.🤤叉燒煎蛋飯💰$44.傳說中嘅名物三眼仔 打卡靚又好食叉燒係會賣晒 好彩我地黎得早坐低食緊嗰時都一路聽到樓面嗌入廚房問仲有冇叉燒不過講開 我地就喺到諗 呢間茶記一日要消耗幾多隻蛋每碟飯三隻 我地兩條友都食咗半打 仲要未計唔止呢道菜要用蛋.煎蛋無得輸 完美生熟度蛋黃係橙黃色 而唔係淡黃色影出黎真係好靚👁👁👁叉燒夠冧 唔算好肥汁甜甜地 配埋蛋同叉燒 送飯一流.平靚正一次過滿足晒三個願望

咁岩返工經過上環，前排電視又見到人稱三眼仔飯既叉燒煎蛋飯，就特登行多兩步過黎試下好唔好食啦，點知又唔算太難搵，附近都好似仲有啲餐廳可以試下添，咁今日就試下佢。一見到門口係好典型既茶記樣，咁為左確定無去錯就睇下啲食客食乜，結果大部分都係叉燒煎蛋咁就應該岩啦！咁我又早左到就唔洗排，點知坐低無耐就見到都幾多人排。好彩咋！咁我淨係叫左個飯，發覺都等左一段時間，可能太多人叫。咁黎左食落發覺真係幾好食，啲蛋汁岩岩好出黎連飯食係正既，仲要三隻蛋！叉燒都好好味！價錢都正常水平，果然唔錯！唯一可惜係坐得迫啲唔會好舒服，不過都預料中事啦

上環舊式茶餐廳出名菜式，地方好細中午12點幾已經有成十人排隊。最多人叫就係呢個叉燒煎蛋飯。叉燒非常一般，偏鞋口同埋韌，煎蛋OK，個豉油夠香同濃味。不過以呢個價錢，我寧願去食太興燒味，試過就算數。

好彩唔洗排隊，最後一張枱立即衝入去。 舊式裝修 摺枱圓凳，幾張枱但人頭湧湧入得呢個門口點會唔識孖沙三眼仔，「叉燒煎蛋飯今日仲有冇」， 冇錯...一碟咁"簡單"嘅飯唔係"我要"就有， 如果你認為簡單你更加之錯!!我都忘了食咗幾多次閉門羹，先有機會食到呢味飯。唓，有乜咁特別?! 堆頭夠 、叉燒煎過、 三隻立體連體太陽蛋重點在豉油，唔喜歡豉油撈飯/未食過就唔會明豉油最強作用。 情意結吧！名為男人的浪漫， 當然由男人食， 他低著頭密密食密密食，嗯…好味好味。 應該只有男人才明白的味道😐油占多是小時的回憶，每一次嚟都會叫， 喺等飯嘅時間可以攝攝牙罅!! 就係鍾意果堆果占一啲都唔孤寒，烘底要見到金黃色，外脆內軟，食落先夠爽!溫馨提示 :賣曬就冇，唔好太晏去。

上環雖然食肆眾多，但是一到了工作日的午飯時間，寥寥幾間的既較為經濟又質素不俗的食店，通常都是人滿為患，有時甚至要大排長龍。以前到了月尾必定會金太陽見，但是近來發現金太陽已經結業，早餐未有著落，只好沖杯咖啡吃個麵包，午餐則選擇要排隊的孖沙。午膳時間只有一小時，而如果辦公室又可以飲食，買外賣較為方便，可以預先打電話落單，老闆娘會告知領取時間，省卻大熱天時在街上排隊半小時以上。來到取餐時看到一眾打工仔大汗疊細汗排隊便知道在這區食個午飯其實不易。很久未吃過，點了經典的叉燒煎蛋飯，雖然覺得還是餐肉較配煎蛋。三隻蛋黃無需再介紹，雖然算是頹飯，卻令人覺得簡單而滿足。

每次午飯時間經過孖沙均見人龍，大概是因為孖沙的價廉物美和懷舊特色，以及招牌煎蛋叉燒飯吸引了大批在附近寫字樓工作的上班族，成為上環人氣食堂之一。今天特意提早於午飯時間前到達，客人未算多。餐廳提供簡單的常餐和粉麵飯，牆上貼滿了雜誌報導。來到點這個黯然銷魂叉燒煎蛋飯是常識吧可選太陽蛋或熟蛋，太陽蛋叉燒飯又俗稱三眼仔飯，多可愛的名字!下單後不消數分鐘食物便送上，廚房師傅效率驚人，是熟能生巧、日子有功，亦是平日應付洶湧午市人潮所訓練出來的速度。三隻太陽蛋牢牢地互相依靠，外圍邊緣焦脆，內裡蛋白只是在剛好凝固狀態，橙黃色蛋黃圓潤光滑， 令人有股衝動鑿破它!生蛋黃加甜豉油拌白飯，是港版的日式生蛋醬油拌飯（卵かけご飯），簡單的美味白飯軟硬度適中，拌以蛋黃漿及微甜豉油吃很不錯，唯一敗筆是乾瘦無味的叉燒，份量雖多但欠叉燒的豐腴肥美。紅豆冰加 $7，椰汁味道較弱，甜度低，屬可接受範圍內。在我將近吃畢時午飯人潮湧至，留意到幾乎每檯都有一半以上食客點三眼仔呢樓面與廚房的辦事效率非常高，食客用餐後也馬上付款讓位，這大概是繁忙的香港都市文化吧。

孖沙係我open rice上面收藏左頗久嘅一間餐廳，因為我人住新界好少過上環嗰邊，一路搵唔到機會去會一會佢個三眼仔飯。某個星期六，終於的起心肝早啲起身出發去尋找傳說中嘅叉燒三蛋飯大佬朱大約12點半就到上環，而我衰咪咪摩摩，1點先到達孖沙一行到去鋪頭前面，第一句即刻問老闆娘：「仲有冇叉燒？」 好彩仲未賣晒咋！二話不說即刻order左兩個叉蛋飯，同埋兩杯凍奶茶。其實舖面唔可以話好大，但係老闆娘會安排到坐得幾逼，為求坐滿每一個座位。先送上兩杯凍奶茶，奶香茶濃，飲落去唔係淡茂茂嘅，茶餐廳既高級水準黎講係合格 飯好快就送到黎啦係好完整既三眼仔，見到都即刻垂涎三尺🤤🤤佢既豉油係特別深色嘅，食落帶少少甜味。如果唔想佢落咁重手豉油嘅話，落單嗰陣記得講「走色」啦個底藏左十多片叉燒叉燒偏瘦，我睇其他食評都話佢出品嘅叉燒係特別瘦嘅，但我今日就見到我隔離果位女士挑咗好多肥肉出嚟。當然唔少得爆蛋既呢一幕啦撈埋豉油同埋飯一齊食，簡直係冇得頂呀孖沙嘅飯底係比較硬嘅，各單位朋友要注意下啦😉 依然，舖頭既姐姐們都係比較有性格既秉承香港茶餐廳傳統!兩個飯+兩杯凍飲: $74 中上環地區，抵!

好中意食呢間孖沙，簡簡單單既材料都可以食出好味道！而且好有人情味叉燒煎蛋飯($35連野飲)，呢個飯又叫「三眼仔飯」，哈哈三大隻太陽蛋，太陽蛋既蛋汁加豉油撈埋飯真係好好食，好似細個食既荷包蛋飯咁最梗要就梗係配埋叉燒啦，叉燒份量相當多，瘦叉燒唔會話好肥，就算平時唔係食好多飯都唔覺唔覺食哂成碟飯凍奶茶都係必飲啦，濃茶味，香港茶餐廳既味道不過呢間既飯真係好快賣哂，lunch hour仲要排隊去食，坐底已經話得番最後一碟叉燒飯，食食下就已經聽到蛋飯要停一停，果然係好生意！

來到這裡的客人，雖然店內有不少菜單上的選擇，但大多只會點這碟頭飯 - 叉燒煎蛋飯作午餐，我亦當仁不讓，選了它果腹吧。在香港，食品菜式要琳琅滿目，客人有得選擇，才是基本要求。偏偏有些時候，我卻鐘情食肆可專注單一項目發展，就是因為這份專注，這種與別不同的歷練下，最終方可自成一家。店長問我蛋想怎樣煎，生蛋，熟蛋，反蛋，太陽蛋。坦白說，花二十七元加飲品總共三十二元可以予我挑煮法，確實意想不到呢。碟頭飯來了，嘩三個蛋黃白煎在一起整大塊，十分足夠。蛋煎得好好，剛剛熟，而不油膩，沿邊透徹不太焦，上了甜豉油，吃下去好好吃。吃得好飽呢。之後叉燒薄切，十多塊，接近十五塊，刀功不錯，吃下去順滑，厚薄大小均一，沒有太多色素，肉本身不膩不乾，不錯，很快一口又一口吃完，好滿足。餐飲熱奶茶走作一個完美點綴，茶底好將那甜豉油味稍稍中和，紅茶葉香，濃郁，飲下去好順滑，入口不澀，不錯。是時候，可以大刀闊斧，一碟叉燒煎蛋飯走天涯吧。

記得第一次看到這間餐廳的資料，是在KC的那本香港飲食全攻略，那個時候，對於上環尚未算熟悉，但看到圖中的那三隻蛋，樣子豐滿，可愛甜美，就如那些剛剛長大的小妹妹已經庭庭玉立在著泳裝選香港小姐，我想起了那個時期一樣年青貌美的陳茵微，不過今天她已貴為人母，但這裡的叉燒煎蛋飯依舊風采依然。 記得那天，我膽粗粗一個人，在我生日的時候，一個去了上環橫掃幾檔有名氣的食物，食到我基本上飽到不行的那年生日，孖沙就是首站。還記得年少無知的我，當時吃東西經驗尚淺，選了這個毫無疑問容易飽肚的來吃，那刻看到那碟飯的滿足和震撼，是無可厚非地快樂的，雖然還有很多個check point 但還是吃得碟底朝天。 那天一時多，我還記得我想吃的叉燒蛋飯已經售完了。當然，去到無理由什麼也不吃就退出，夢寐以求的食店，一天一點對這個美麗的三眼仔的思念，再等就大概也夠我送我來回地獄又折返人間，一於就正面一點，選了永遠是女配角的餐肉，誰知那次吃完後，愛得死去活來，沒有心淡，那天由這一分錯開始計起春風秋雨間，對孖沙這個名字趨之若鶩，雖然吃不到那個出色的叉燒，但久久不能釋懷的是餐肉的脆邊，三隻太陽蛋的澎湃，那不是用邪惡就可以來形容的豉油，