烏蠅館 (已搬遷) 新店位置

今次黎呢間同媽咪食烤魚🥰以前都會同媽咪上大陸食今次就想睇下係香港食會唔會都係咁好味😂麻辣烤魚小辣三刀魚 $288呢到有六種味道嘅烤魚，另外有三種唔同種類嘅魚可以俾你地揀，睇下自己想食邊種多啲 今次我哋叫咗麻辣味烤魚小辣，魚嘅種類揀咗三刀魚🐟 因為唔太敢食多寶魚 同埋店員話多骨啲 所以就試左三刀魚啦☺️裏面已包括三款是令素材菜，今日係冬菇，木耳，芋絲。湯底偏重口味 好重蒜頭味，一開始唔算好辣但煮煮下就越嚟越辣🥵😆魚唔算多骨同埋骨都係大骨多🤔土豆粉 $28土豆粉質感好特別，有小小似彈牙啲嘅烏冬🤤超吸味，正👍🏻茉莉花茶桃膠 $15茉莉花茶唔算好甜好清香，裏面仲有少少茉莉花添，成杯飲落都幾飽因為又有桃膠🙈忌廉 $10

家人很喜歡吃魚，通常是在酒樓吃蒸魚小菜比較悶，想來點新意思，所以挑選了在尖沙咀的烏蠅館，是專門吃烤魚的餐廳。環境很舒適，擺設用心，現場還有一大班朋友慶祝，氣氛很好～是個好地方開始點餐了，因為烤魚需時，店員會建議我們選擇了魚的種類，分別有$228 多寶魚 比較多細骨，$288 三刀魚 魚肉會較多、骨會少點，及$338 龍躉魚 。最終決定了三刀魚是優惠美味之選呢～而烤魚味道也很多選擇，家人喜歡吃辣，但我不能吃太辣，所以選擇了有小辣的麻辣烤魚，店員說如果能吃辣的話，泡椒烤魚會更美味！麻辣烤魚出場了，很香的麻辣味撲鼻而來，而且有三款時令素菜，這次有萵苣筍、雲耳和白蘿蔔片，店員說烤魚待1-2分鐘就能吃了，而素菜就要耐點，讓它們吸汁後美味可口，雖然只是2分鐘的等待，但望著烤魚已經超級餓了，第一口吃下去很新鮮的魚鮮味～連不太愛吃魚的我，也突然之間愛上了，麻辣味道恰到好處(´∇｀)加上魚香味～非常夾呢 又不會很辣～ 素菜也十分美味，最喜歡白蘿蔔片，甜甜又帶點麻辣，味覺的新體驗。吃完烤魚就可以打邊爐了，我們點了自家製的餃子，想試多點款式就叫了自選雙拼，西洋菜餃子和韮菜餃子，第一次吃西洋菜餃子，味道超級棒

呢間鋪係樓上鋪，其實都好易去，就係旺記冰室對面棟大廈樓上一樓，因為冇招牌擺出黎，就隱閉左少少，但呢間係隱世美食，佢係類似大陸超人氣探魚烤魚的香港版本，味道好川式，價錢都相宜，係好值得去的一間鋪。在大陸好少烤魚店會用多寶魚，可能因為比較扁平，肉不算多，但勝在肉質滑嫩可口，用來烤都好入味。跟魚會配送三個菜，當天我們有木耳、菇同薯仔片，都係烤魚常點的配菜，沾著湯底吃份外惹味。我地最近不嗜辣，就小小地點了個小小小辣，師傅很好，真的調得香而不辣，點點麻，卻沒有後勁，可以放肆大吃的辣度。爐是用石油氣的而非常見的炭火爐，火力較大，燒得快，很快就可以吃，但可能沒有用炭火燉的那麼入味。盤比較淺，放下墨魚丸，有3分1是外露出來的，這點比較奇怪，為什麼要用這麼淺的盤。不過火力比較猛，也沒有弄不熟的問題存在啦。我們另外點了魚皮餃、墨魚丸及土豆粉。魚皮餃、墨魚丸魚皮餃皮比較厚，入面豬肉，不過不失。墨魚丸解滑彈牙，入面真係有一舊舊墨魚，真材實料。土豆粉甫上菜我還以為是當當牌烏冬，因為佢既樣子有點似，但煮5-10分鐘後就會開始漸轉透明，非常彈牙。檸檬蝶豆花，其實蝶豆花沒什麼味道，我就是沖著它的夢幻顏色而點的，整杯飲

第二次黎食呢間烤魚啦，冇食一排就會好想食下烤魚，近近地係尖沙咀就食到都幾好，唔洗返深圳食。今次同上次比唯一最大唔同係上菜速度，快左好多，今日既客人比上次多，但上菜速度竟然冇因爲咁而慢左，值得一讚！今次叫左香辣味烤魚小辣，不過個人覺得香港的小辣真係只有一點點辣而已，如果想食到有辣既感覺相信應該中辣就岩岩好了，相反大陸既小辣就已經感受到辣😂😂條魚依舊新鮮，肉質嫩滑，冇魚腥味配料俾得好足，6款就夠食，如果係兩個人既話其實唔洗加其他野，一個烤魚套餐就足以夠飽😋不過貪食既小編加左兩個小食，一個係土豆粉，雖然最後都係食唔晒，但呢款粉係幾好食，夠黏韌👍🏻 另一個係午餐肉，煎得好脆身，不過兩人食都係有點多😂😂 建議約埋三五知己一齊黎食會較好～

女友想吃烤魚，上網見到評價不錯的，就上門試一試。店鋪格局明亮乾淨，坐得幾舒服。牆上有茶具和植物做裝修，有中國風味。叫了三峽香辣烤魚(少辣,走青)，配料有6款/8款/10款，可以根據自己的喜好來選擇。我地就揀左6款配菜。烤魚即製，需要耐心等候20分鍾先到。選用多寶魚，頗大一條。多寶魚魚肉鮮嫩彈牙，不(梅)，沒有雪氣味，頗為新鮮。魚焗得剛好，不黏骨。小辣不是太辣，但味道香濃，適合唔食得咁辣既人。配菜選擇了6款頗為索味的食材。土豆片，煮得軟身，泡耐了都入到味。金菇爽口索味，是必點之選。生根即比較油膩一點。豆皮挺身，富有豆香。鮮冬菇滑身彈牙。油麥菜是咁多個配菜中最好吃的，最索味的。配菜數量比想像中的多，頗為滿足。見到網上推介土豆粉，也點了一份來試試。店員很耐心來解釋土豆粉和紅薯粉的分別。土豆粉沒有紅薯粉那麼煙韌，介乎麵條和薯粉中間的質地。一吃頗為驚喜，是外面比較少吃到的麵質。推介大家來試試這麵。

呢間鋪頭位置黎講唔算好，因為街外冇咩大型招牌，要吸引人黎食真係要靠媒體或朋友介紹，先講入門第一關，道門好重，拉開真係有種世外桃園既感覺，唔大力拉都以為關左門冇開鋪，哈哈，店內裝修幾精緻，充滿中式風格，人流不多，人手也不多，出現有客人追單情況，由於烤魚需時，我叫左條烤魚都等左半個鐘，隔離左右都食得好芝味既時候我地就越等越肚餓😭😭。半個鐘後終於上菜，估唔到都幾大份，我地叫左個香蒜烤魚6款配料既套餐。唔包野飲，但配料都幾多選擇，個人推薦土豆粉必叫。之後盡量叫可以煮得耐既菜，因為個鍋會一直滾，如果唔快食菜就會爛晒。條魚好大條，肉質鮮甜，雖然唔似大陸某間我最喜歡既烤魚店，但我覺得呢間都煮得幾入味，算係幾好食。兩個人食唔洗加肉都會飽到上心口！

連續幾天都在下雨，整個人都軟趴趴，手指也是凍冰冰的。體內寒濕之氣很重，想食辣來祛濕驅寒。剛好聽同事講，這邊有家以辣為主的新餐廳～主打冒菜。她們的評價：係几好味，不過午市好多人幫襯。　誰叫上班一族都在同一時段LUNCH！！　　解決方法，就是避開繁忙時段光顧！　今天放工後，來到同事口中＜味道不錯，無奈客多＞的冒菜餐館。果然，在非繁忙時段，客人不多，更能細看內裡裝潢。有茶餅，有茶壺，木製枱椅，最重要是環境寧靜，所以環境比高分。來到最重要一環：選菜。　看到落單紙上這麼多的配菜和湯底，選擇困難症又會發作。　不過，今天想走肉，即是集中在左邊整棟＜植物系列＞的配料，再選麻辣小辣的湯底加土豆粉，然後註明多蒜多芫茜蔥，另加十元要有機烏龍熱茶。　　　等了十多分鐘，一碗特色冒菜來到了！高身的大碗，放著八餸＆土豆粉，還有堆得高高的芫茜蔥蒜。　先嚐一口特色湯底，帶微微的甜味，亦有點似大陸小龍蝦湯料的味道。雖然味道比較淡，但味蕾的記憶依然認出那個味道。還有浮面橙色的油，是特制的香油。用膳過後，這種油凝固為橙色固體。以前在成都市的火鍋時，常常看到枱面大量橙色固體的情景。再看窗外昏昏暗，雨濛濛，好像成都的天氣。驅寒祛

黎到烏蠅館唔好比佢個名嚇親，呢度係無烏蠅咖黎到第一印象就係店員雖然年紀輕輕，但又醒目態度又好，抵讚桂花烏龍茶使用原片茶葉沖泡既茶特別香醇，桂花烏龍飲落清新，而且茶味濃、又夠冰凍。店員見到我杯茶飲完之後仲走埋黎話可以用熱水泡多一次比我試吓，好細心。又一次過可以試曬冷/熱兩種飲法。熱飲比起冷飲茶味更突出，難怪品茶之人都係愛飲熱既。麻辣A餐(6餸) $48以尖沙咀黎講$48有個6餸麵係抵食既，我另外再加麵都係$4。配料可以自由配搭，在點單紙上自己剔剔剔~ 我愛重口味就當然要蒜、蔥同芫茜啦呢度既麵底幾有特色，有啲款喺出面唔常見到，例如四川火鍋麵同土豆粉。我今次就揀左土豆粉試試，食落質感似煙韌版既烏冬，但又未至於紅薯粉咁韌。有啲咬口又爽滑，我幾鐘意食另外豬耳同豆皮等配料都做得唔錯，每款都夠入味。店外有型格標語同打卡位點餐紙

冒菜以前在四川成都已經食過更加在香港難找到差不多的湯底。這陣子我找到了。這就是烏蠅館。烏蠅館不但有麻辣口味更有清湯湯底本來以為清湯係一般淡而無味既點知 飲落有驚喜原來侍應話清湯依然同冒菜湯底師父特制並不是味精湯 上到枱嗅到陣陣香味太有驚喜了👍🏻👍🏻👍🏻👍🏻今天友人不能食辣所以我們點的是2人餐的清湯主食 我們點的是土豆粉和火鍋麵土豆粉味道外型有點像烏冬 可是沒有烏冬的那點酸👅👅火鍋麵比一般公仔麵爽口😜😜由於沒有鴨腸 侍應生給了我們選擇 酥肉 粟米餃 和 墨魚仔由於我們是餃子控 當然選擇了餃子副食豆皮是他們自家制 所以比較厚身鴨血從四川空運到港 不像一般豬血口感比較粉淮山這是新鮮的准山 大愛 😍😍😍千層肚口感有點像牛栢葉 但是牛栢葉偏淋千層肚則相反豬黃喉豬的血管 爽😍😍😍😍😍大推貢菜很少地方會有 口感像榨菜 粟米餃子滿以為是冰鮮行貨餃子喜出望外地 粟子是原粒粟米 口感極佳其他配菜土豆片魚腐鵪𪂹蛋飲料桂花烏龍茶👍🏻👍🏻淡淡桂花花香係真係原葉桂花茶普洱奶茶👍🏻👍🏻普洱茶味勁濃P.s 全部都内有茶葉

一講到川菜 平時水煮魚烤魚就食得多 但冒菜就真係第一次試我地叫左二人餐 可以揀8個餸同2個主菜都只係128HKD 平均每人60幾蚊就可以食飽飽有麻辣同清湯選擇 為左辣而來既我地當然係點麻辣辣度有小辣和大辣兩種 我地鐘意食辣既所以揀左大辣！我覺得大辣有譚仔小辣的程度 想試既朋友可以根據自己既接受程度選擇因為係第一次試 所以我地都揀左啲平時少見既餸 例如鴨血 海白菜 豆皮等等 店員姐姐仲同我地講呢幾樣都係由四川直送 更加值得一試鴨血唔會好似我地平時食到既豬紅咁鬆散 大大塊好入味海白菜熟左之後呈淡綠色半透明 爽口而味道似平時成日食既中華沙律至於主菜 除左火鍋面同飯 亦都可以選擇土豆粉同火鍋寬粉土豆粉看上去似烏冬 但吃下去比烏冬彈牙 必試寬粉其實即係寬紅薯粉 配上辣椒 辣油 蒜蓉 蔥等配料 十分惹味另一樣不得不提的就係飲品 除左一般飲品 烏蠅館亦有不同既花茶同茶葉可供選擇我地跟餐叫左茉莉蜂蜜同桂花蜂蜜 每杯都加了不少的花 所以十分清香由於沒有加其他糖 所以亦可以嘗到蜂蜜的甜 十分驚喜