塔門仔海膽燒 (已搬遷) 新店位置

之前遊過塔門，但因為時間關係所以未嚐到當地美食，聽聞塔門既海膽較有名，同CHICKEN行過佐敦見到依間塔門仔海膽燒，即時醒起生日去塔門慶祝果日乜都冇食，而且大家都中意食燒物，就坐低嘆嘆～大大隻字「塔門仔海膽燒」，店員話所有海鮮都係源至西貢，別有一番本地遊既風味。餐牌當然係海膽小食做主打，最吸引我既係海膽多士、海膽炒飯，不過覺得炒飯偏貴，最後嗌左海膽多士同銀針粉。環境地方唔算大，得買五六張枱，入夜時間如果多人就要等位。海膽焗多士，其實本人好少食海膽（因為怕腥），所以今次都可以話係真真正正第一次食！因為多士係熱食所以比較放心，海膽令成塊多士充滿咸香味，口感鬆脆，濃濃既海膽鮮味充滿口腔，味道一級棒。塔門艇仔銀針粉，銀針粉個湯底好鮮甜，係蝦乾既果種鮮味，配料同狗仔粉既差唔多，但湯底已經更勝一疇，而且銀針粉比狗仔粉彈口～  日本芝士年糕，口感外脆內軟，一咬落去芝士流晒出黎，微溫既芝士味道岩岩好，年糕既黏黏口感食落好過癮，一份兩舊唔算太膩，感覺唔錯～

最近周圍都激多海膽食品, 又手卷又刺身又碗飯......等等, 所以喜歡海膽的我就四周覓食海膽.佐敦有間叫塔門仔海膽燒, 聽個名都知有海膽食, 但估唔到有埋串燒同其他小食, 特色自家製飲品.menu雖然好簡單, 只有前後兩頁, 但有齊豬,牛,羊,雞, 蔬菜等串燒, 但最特別係店主是塔門人, 所以店內仲有燒海鮮食, 全部海鮮都由西貢入貨, 本地海鮮都好新鮮好味.塔門紫貝天葵 $28, 係店主自家製, 用紫貝天葵煲製而成, 本身個味酸酸地, 加左糖煲, 味道酸酸甜甜, 清暑開胃, 好岩夏天飲架.鹽燒白鱔 $48, 唔好睇個價錢有D離地, 其實性價比高, 一串白鱔已經好大件, 鹽燒食出魚的原味.肉質結實, 好爽彈, 而且一點都不腥, 魚皮燒得好香帶有膠質彈性. 加點7味粉更惹味.塔門招牌海膽炒飯 $98嘩!!! 超多海膽, 先試少少海膽有點腥, 但原來伴勻個炒飯黎食, 不單止唔腥, 仲好濃郁海膽味.雖然唔係日本貨的鮮甜味, 但海膽味特別重帶甘味. 令整個飯都好香.真係堅多海膽, 除左面層既海膽, 炒飯內都有好多, 拌勻後食每啖都有海膽, 用料十足.飯粒炒得夠爽身又香口, 鹹淡適中. 炒飯份量

位於西貢塔門嘅馳名海膽炒飯 為食嘅你地無理由唔知嘅 聽聞「塔門仔海膽燒」嘅老闆係塔門人 而且有親戚做海膽場 隔日就會將塔門新鮮嘅紫海膽拆肉運到尼度 做招牌海膽料理 唔洗山長水遠去覓食 就等豬小姐今日為大家臥薪嘗「膽」吧！book左晚上七點半和朋友仔毛毛共聚晚餐 環境唔算寬敞 大概只可坐二十人左右 尚算乾淨衛生雖然一早book左位 但只可選擇坐門口位或者近傳菜位嘅二人枱 熱辣辣有邊個想坐近又開又關嘅大門？坐邊？你懂的話到明為海膽而來 當然要試試海膽菜式啦 menu上圈住嘅係招牌推介 我地叫左兩隻海膽汁焗扇貝 塔門招牌海膽炒飯 流心海膽大啡菇 另外叫左芝麻八爪魚同塔門艇仔銀針粉原來艇仔銀針粉是咁的 感覺並非傳統嘅家鄉銀針粉睇番用料先 都算豐富喎 有冬菇 蝦乾 蝦米 豬肉絲 娃娃菜絲 蔥花 大地魚湯底都幾鮮甜 配料嘅功勞唔少啊 銀針粉口感唔會粉 帶爽身！同時會提供辣菜甫 不過豬小姐試過空口食幾粒 少少辣 但麻辣味過盛 蓋過菜甫原有味道 實屬一般 應該唔加會好過加每隻八爪魚都大到一個點！好少食到咁巨型嘅芝麻八爪魚 調味方面算做得唔錯 甜中帶微咸 夠凍！可惜醬汁太過杰身 醬住哂啲八爪魚 難免對本

這間餐廳主打海膽，而且海鮮係從西貢運送店舖，今晚我當然要品嘗海鮮湯底配合，銀針粉好似薯粉，粉條爽口蘆筍卷起豚肉味道清甜，不油膩豬頸肉肉質爽口，配上海膽汁加添碟上色彩，味道一流一刀切進菇入面芝士流出，一口海膽汁焗在菇表面，鮮甜度是無可口非的扇貝新鮮，芝士汁與海膽汁混合，帶出鮮甜口感必試難忘多士脆面內脆外面海膽汁，菜式新穎天氣炎熱，店鋪為客人調整手打奶茶，奶茶以三四款荼包合成，不會太甜茶濃郁非常同時天葵飲料是鎭店之寶，涼荼消暑解喝，入口似酸梅湯與利賓納的濃度，清新解渴，而且樽是店鋪獨家制循環物料