牛繁 (MW Plaza) (已結業)

終於又到Happy Friday了，所以相約同事放工聚餐。於是就到位於尖沙咀的日式燒肉店。餐廳裝修具工業風，頗有特色。餐廳提供很多特色肉類，本來打算吃其實套餐，原來午餐只去到星期一至四 5:30，星期五套餐只是去到5點。下午茶只想吃點東西，所以沒有點太多肉類。⭐️壺漬牛肋條$118牛肋條有點韌度，燒起來充滿油香；再配上特調香蔥，咀嚼起來特別惹味。⭐️牛繁和風拌飯$78拌飯材料豐富有芽菜、紅蘿蔔絲、牛蒡及菠菜等，再加上特製醬油及配上燒肉，簡直一絕。⭐️盛岡冷麵$68夏天將至，燒肉配冷麵是絕配。冷麵酸甜開胃，清爽解膩。另外再加上蘋果片、青瓜絲及泡菜舖陳在冷麵上，色彩繽紛，十分奪目。

提早約咗朋友食聖誕飯 食肉獸必揀牛繁今次係第二次食 好耐無嚟 但都keep到水準 出色💛牛繁特選盛合特上和牛肉眼扒、特上厚切牛舌、極上霜降和牛肩翼板扒、特上牛五花、特上胸腹肉性價比好高嘅盛合 兩個人乜都想試就叫呢個❤️💛野菜盛合洋蔥 粟米 黃椒 紅蘿蔔 香菇 牛油蒜粒最出色係栗米同牛油蒜粒 推薦呀💛蔥燒鹽香牛舌都係厚切比較有口感👅💛壺漬牛肋條還可以 肉汁同調味都不錯嘅💛奶油啤酒鍾意奶油味嘅孩子必點呢個 易入口 好味🤤

推薦 高質日式燒肉店Prime Beef Platter牛繁三點盛合Rib Karubi壺漬牛肋條Australian Wagyu澳洲和牛Rice with Soft Boiled Kirishima Egg大人氣！牛繁温泉卵丼一間高質日式燒肉餐廳，燒肉好食，環境舒適，服務態度好，非常值得推界。餐廳內有儲物櫃供客人放私人物品，客人可以輕便啲，又唔怕手袋、文件有油煙味；入座後有條圍裙，著白色衫都唔驚會整污糟，又有抽油煙管，好貼心。餐廳用嘅唔係鐵板，而係細細個烤爐，有啲似燒串燒嘅爐，因為體積細，唔可以一次過燒好多片肉，所以兩個人用一個。其實呢個設計都幾好，「燒啲食啲」就品嚐到啱啱燒好嘅燒肉最好食嘅味道，唔會凍哂先食。牛繁三點盛合有上級牛五花、中落牛肋肉同特上澳洲胸腹肉。個人認為胸腹肉最好食，好有牛味且醃料好入味，咬落有肉汁；牛五花唔算肥亦唔係好薄好薄，有少少口感得嚟又做到入口即溶；牛肋肉都好食但冇前面兩樣出色，醃料入味，肉質比胸腹肉韌少少。壺漬牛肋條有兩條牛肋肉，醃汁有少少甜味，調味淡，味道唔出，不過牛肋肉食落鬆軟唔會韌，適量咬口。牛繁温泉丼當然係用珍珠米，飯上有一隻温泉蛋，鋪滿海苔絲同飯

今晚陪朋友到金巴利街試婚紗, 順便係附近搵間餐廳一齊dinner~每次經過呢條街, 總被"牛繁"所吸引, 呢間係日本過江龍既烤肉店, 正好今晚我倆就入去邊食邊傾!每張檯都放有一小個烤爐, 烤爐之上除了有一個抽煙煙囪, 煙囪額外加配了一個罩, 除左可以令燒烤散出既煙集中被抽外, 亦能避免到燒既時候唔會彈到自己。牛繁 主打牛, 當然牛既款式較多, 亦有豚肉、雞肉選擇, 除烤肉外, 都有沙律、小食、飯類等等..【壺漬牛肋條】HK$108壺中放左兩件牛肋條, 牛肋條醃得好入味, 而且夠林, 夾集淋左少少汁既香蔥一齊食, 甜甜地又帶香口, 而且冇筋連帶。  【蔥燒鹽香牛舌】HK$98薄切牛舌淋左少少汁, 燒既時候唔會令牛舌太乾, 夾住香蔥食, match!【極上牛板腱厚切和牛板腱排】HK$198牛板腱既牛脂分佈幾平均, 肉比牛脂多, 所以入口唔會成口油, 肉味幾重, 肉質都幾嫩。【雞軟骨 （日本雞三角）】HK$68平時食雞軟骨都係一粒粒, 第一次見雞軟骨係三角, 真係好少機會係其他餐廳見到。軟骨爽脆唔會太硬, 質地似豬耳既軟骨, 唔怕硬到咬傷d牙, 正!!LIKE & SHARE 餐廳Faceb

又同朋友一齊食飯，睇到openrice評價咁高最後揀左 牛繁呢間餐廳，大家果然冇介紹錯👏🏻好彩我朋友叻叻book左位如果唔係walk-in真係未必食到牛肉質素相當高，雖然價錢偏貴，但牛味十足每一個部位都各有吸引之處呢間餐廳應該成日食我都唔會厭🥰同埋餐廳偏暗，同朋友坐下傾吓計幾舒服每次望住唔同部位嘅牛，都唔知點樣揀好呢個時候就揀一個拼盤，可以食完之後邊一part好食再encore!! ❤️牛舌同鹽香既汁好夾，原本嘅香味已經好濃，仲要配埋厚切，又香又爽口，冇得輸！當牛舌放係爐上面，你就見到幾厚幾大塊😍食牛食到悶悶地，可以揀豬。五花腩燒熟後，非常爽口，配上原本既淹味，正呢塊扒成個爐咁大，攞嚟影相都開心❤️同埋越厚既牛扒，其實越易煮，燒到一邊差唔多嘅時候，再反另外一邊咁就啱啱好喇淹味甜甜地，同埋牛助肉肉質軟身同入口好滑粟米都幾甜😋 蛋花湯 到我面前仲係出晒煙㗎～最鍾意咁🥰食咁多咁好味嘅牛，配呢碗清清地嘅蛋花湯清一清油膩感覺，再食過🙊😂👏🏻 濃厚日本感覺，我最鍾意味素加紫菜撈飯，用嘅絕對係有咬口嘅日本米，一人食一碗都唔夠❤️❤️❤️

本來為了慶祝朋友的生日預訂了CAFE，但係朋友要OT..過了預訂時間還未出現，便於附近尋覓第二間可以食既餐廳牛繁係一間想試好耐既燒肉店，8:35p.m.時入去見到都有人o係門口等緊...詢問店員後佢話最快要9:30p.m.先有位，可以幫我o地登記o左先心諗等埋朋友黎應該都差唔多時間啦，登記完後即刻收到confirm既SMS最後朋友9p.m.便到達，我o地又再嘗試返去問下睇下可唔可以早D入去...點知又咁岩有位，實在係太好了！！坐下時便立即點餐，因為果陣已經餓到暈咁滯啦佢MENU有寫住LIKE佢FB有一碟肉送~我o地當然唔會放過呢個機會LIKE埋啦前菜我o地ORDER o左牛繁漬物盛合，佢包括o左芝麻青瓜，日本泡菜同酸辣蘿蔔初頭覺得佢$68都幾貴，但份量都幾多下，由於本人麻麻鍾意食青瓜，所以無咩COMMENT，但朋友話好味而我覺得佢既日本泡菜同酸辣蘿蔔都超級好味，日本泡菜無韓國果種好易醃到勁咸，佢個味清清地唔錯酸辣蘿蔔..佢係長條形既蘿蔔，酸同辣balance得非常好，絕對推介大家叫黎配肉食蔥燒鹽香牛舌...10萬個推薦，勁嫩滑同JUICY，不過唔係好食到鹽香，但點佢個燒肉汁食好正特上霜

上OpenRice睇到都幾多人推薦呢間燒肉，就約咗3位朋友去會一會佢！鋪內環境一眼睇晒，唔算好大，但啲圍欄原來可以拆開，一枱坐十位都完全冇問題！呢到都幾貼心，驚啲油會彈到件衫，會提供即棄圍裙俾客人！講下啲嘢食先！牛舌同埋蔥係分開上嘅，我開頭唔知，直接將蔥放喺牛舌上面燒，店員見到，即刻過嚟教返我，原來要燒好一面再放蔥，咁樣先唔會倒咗啲蔥出嚟，突然覺得自己有啲蠢添🙈極度推薦大家食呢個，牛五花嘅牛味十足，而且層次豐富，入口超級鮮嫩，仲有啲肉汁！一壺有兩大條牛肋條，呢個肉質就實正的，需要啲牙力去咀嚼！但肉味都算濃！係咪好吸引呢！嚟個理想vs現實先！理想：現實：係exactly 一樣架！ 每面燒5秒左右就食得，味道方面，由於和牛嘅油脂分佈比例均勻，所以啖啖肉味道都帶油香，入口油花即溶！食到口乾乾就叫咗杯菠蘿梳打飲下，本來仲以為會有啲菠蘿粒！原來係冇嘅！但啲梳打都幾有氣，唔錯！P.S 個爐有啲細，如果可以大啲就好！同埋吸油嗰舊嘢太近個爐，又冇得較返高，唔太方便！

關於日式烤肉，筆者大多光顧某大集團旗下的。今次朋友便帶筆者跳出Comfort Zone，來到尖沙咀的「牛繁」嚐新事物。一行二人使用一個烤爐，上面備有抽油煙管。烤爐體積雖小，但開關是設在桌下，自己控制火喉，絕對有足夠熱力來烤肉。桌上放了圍裙，供客人穿上。「牛繁」還設有儲物櫃，方便放置私人物品，鎖鑰再由自己保管。這樣便不怕袋子會沾上烤肉氣味，頗有心思的做法。雞腿肉烤好後蠻惹味，肉質亦頗為嫩滑。豬頸肉是厚切的，口感爽身。即使不小心烤久了，也不會太韌。五花肉絕對是烤肉必備的食材！薄薄的一片，脂肪分佈平均，不會過於肥膩。牛肉類頗新鮮，價錢也不算太貴。當中筆者非常欣賞肉類的醃料，入味之餘又能夠把味道提升。蘸上由店員預先遞上的烤肉醬料，帶點微辣感後更添滋味。珍珠米飯灑滿飯素和海苔絲，海苔絲下就是水汪汪的溫泉蛋。把蛋汁拌勻米飯，十分香口，配以烤肉同吃，越吃越開。烤肉當然要配一杯解渴的飲料，水果梳打有多種口味可供選擇。筆者選擇了這杯檸檬味的梳打，感覺清新又不會過甜。

公司沒完沒了的工作終於暫告一段落，所以決定同朋友食番餐好好慶祝。午餐決定食好耐無食過既韓燒，上Openrice搜尋一下，發現尖沙咀【牛繁 Gyushige】都唔錯，一於盡早打比朋友叫醒佢起床快快起行。.【牛繁 Gyushige】位於尖沙咀金巴利道，MW Plaza 地舖，在尖沙咀地鐵站金馬倫道出口，行數分鐘就到，地點好方便。這家在金巴利道新開的【牛繁 Gyushige】，是 1968 年於日本創立，在上海、越南等地已開超過百多家分店，聲稱以平民價食到和牛，事實又是如此嗎？店內環境好開揚，裝修都好新，舖面不算大，但至少坐得舒服，亦有落地大玻璃看金馬倫道街景。最重要就係抽風系統做得好好，韓燒完行出門口一些味都無，抵讚。期待佢既食物因為會跟從日本原店做法，醬汁全由日本空運過來，但餐牌、裝潢與日本都會有分別。香港分店目前只設單點，走平民路線，暫不提供放題。用美國牛及澳洲牛，也有香港店獨有的日本和牛、西班牙黑毛豬護心肉等特別部位。每碟最便宜賣七八十元。每張枱上都有日本煤氣爐，與一般圓形網燒烤爐不同，火力更勻循；爐上亦有抽氣煙囪，望落去細細地但係功效還是見到的，抽油煙機可以拉上拉落,自己控制呢。個

好耐冇食燒肉👅 就黎試下依間新餐廳😍 .特上牛胸腹肉 $88必點！厚度切得啱啱好😍 一咬落去勁嫩 同埋好有牛味 真係一啲都唔洗點用力咬😚 雖然佢本身已經有調味 但佢會另外再比多兩盤調製好既葱花 比你再調教鐘意既口味😚.葱燒鹽香牛舌 $88煙煙unun脆口👅 食落仲有啖啖葱香味～·壺漬牛肋條 $98拎起既時候已經見到有好細心既切紋 令調味更加入味之餘 仲係燒既時候可以更加易切同快熟 而且更加香口.霧島溫泉蛋飯 $48用咗好多芝麻紫菜調味👅 入面仲有一隻溫泉蛋離埋佐😍 撈勻佢有種好治癒既感覺😚 食落口都幾特別 簡直係冇得輸嘅配搭👍🏻 連我唔鍾意食飯都食咗幾啖.柚子梳打 $45幾好飲 唔會話剩係得梳打味 真係落佐滿滿既柚子😍 我仲有食埋佢！我見佢仲有多款生啤提供😳 下次試下同朋友啤啤佢😛.總結，性價比勁高👍🏻 價錢唔貴而且份量好足 重點係好味 突然之間想食燒肉都可以嚟食👅 而且個爐點燒都唔會燶咁 好正😚 諗起都流口水😍

熟悉我嘅朋友都知道我非常喜愛食肉❤️🥩，今次同朋友第一次嚟呢間餐廳。喜歡呢度簡潔而有格調嘅裝潢，抽風系統🌀做得好好，唔會滿佈煙氣味，餐廳仲會安排每位顧客有一條圍裙，好貼心，喺呢個環境下食烤肉，非常享受！☺️ ·食物方面，每款烤肉都肉嫩多汁、味道同口感都各有特色，大滿足！😍 值得一提，店員服務態度好好，好主動、好醒目。鍾意「打卡」嘅我，一邊影相， 一邊問朋友烤肉嘅名稱，店員會主動行埋嚟用心介紹，好細心！👍🏻·🔸 壺漬牛肋條（$98）10/10最鍾意呢款肉，最有驚喜！牛肋條捲住放入壺入面，由頂部望落去，只係見到少少肉，本身有d失望，點知原來係兩大條！😱 原條放上爐燒，燒完自己剪開，大小由自己話事，好腍、好多肉汁，超！好！味！🤤·🔸 特上霜降牛五花（$148）9.5/10價錢相對比較高嘅肉，脂肪紋分佈平均，賣相加晒分！入口即溶，口感一流，值呀！❤️·🔸 上級和牛里脊肉 配月見汁（$0）9/10打卡免費送嘅！😍 份量一d都唔少，好有誠意！😳 牛味十足，同樣係好腍，配埋月見汁，好正！·🔸 蔥燒鹽香牛舌（$88）9/10其他牛唔同，牛舌肉質爽口，另一種吸引！😚·🔸 特選豬五花（$58）8.5/10充滿柚

日式平民燒肉由於用”某” apps 可以有5 折優惠，所以晨咁早就開餐（下午5:30）！～ 壺漬牛肋條肉質尚算細嫩，不過有D筋，送酒妙品～ 特上霜降牛五花牛肉雪花均勻，有肉味，賣 $148 （未加一）有10片，可以～ 100%橡果飼!伊比利亞黑毛豬護心肉可能係醬汁完全掩蓋咗啲肉味，所以食唔出有乜咁特別。。。～ 嚴選櫻姬雞腿肉日本雞肉無得輸，個人至愛～ 日本魷魚魷魚出奇地非常腍滑，但一啲魷魚本身應該有嘅魷魚味都無（用化學物質處理過？？），唔係我杯茶。。。～ 日本泡菜可以整體食物價錢親民、質素可以、侍應主動同有禮，推薦！

對燒肉有情意結既我，見到有間所有醬汁全部由日本牛繁直接空運到香港，唔同肉會跟唔同醬，仲會用返日本既「櫻花切」處理所有肉類，好似好勁咁，呢日就決定揀呢間日本燒肉-牛繁。由尖沙咀地鐵站b2出口行5分鐘左右就到，都好方便。我地一早打左黎訂位，係門口等左一陣就入得，營業時間分別開到0000/0100，想黎既朋友仔可以參考一下。入到去坐底，枱面就放有燒肉用既圍裙，餐具，仲有呢度既特色醬料。8點鐘左右入座，已經差不多滿座喇由於我同男人都好鬼肚餓，就一次話叫左6款肉食，咁先滿足到食肉獸個胃🤣🤣第一樣黎既係牛肋條，食落好有牛味，加上佢本身加左調味，唔駛特別再點其他汁都好食跟住就有豬豬豬，唔記得左講過呢度唔同肉有唔同味揀，呢個係辣肉醬料，真心既，以呢個價錢，好值得食第二樣豬既野，護心肉，幾乎係我每次食燒肉都必食既部份，呢間都無令我失望份量好足，一共有9塊，好有口感，唔錯呢個好特別，未見過角切既肉，係鐵板度燒可以4面都燒到，有牛味仲幾有口感。呢個重點推介！好味好食好牛👍睇見佢油脂分佈平均，唔係已經叫左咁多碟，我會再叫無論係炸雞定燒肉，我都會飲番杯，你呢？叫咁多樣野食都係$800！好抵食差點唔記得講，呢度既

這家日本過江龍餐廳，在食物質素上存在很大的進步空間。晚上點了四道菜，每道菜都存在瑕疵。首先，厚切特上牛舌，牛舌的橫切面太大了，少了厚切的爽口、結實感。骨付牛小排，整條厚薄不一致，肥肉太多，燒的時候，要先把薄的部份和厚的部份切開，若果不是的話，薄的部份會被烤乾。而且整條肥肉太多，吃下去滿口油。牛小腸，這個沒有拍圖片，但切得太小件了，不知道廚師自己有沒有烤過，烤完之後跟尾子指甲一樣大。口感奇差。壺漬牛肋條，食物上沒問題，只是期望壺裏面會有多點醬汁。啤酒68一杯，青菜38。買單連加一要650。但是食物質素是這樣的話，有點不值。