千賀水產 (已結業)

弟弟生日的大日子，請他食放題讓他開心。放題選擇多，總可以找到合自己胃口的食物，而且又可以吃到不同種類的食物。我們一行四人坐下不久，店員便捧上一盤新鮮海鮮，有海蝦、扇貝、青口、鮑魚、貴妃蚌、海蜆等等。我們便在燒烤架上放上不同的海鮮，幾分鐘後，便有熱氣騰騰的海鮮吃。我喜歡不加任何調味，品嚐海鮮的原始風味。扇貝嫩滑鮮甜，鲍魚厚身彈牙，海蝦鮮美，海蜆滑身帶點鹽味。然後上枱的是刺身，分别有：三文魚、八爪魚、鲍片、馬刀貝、榮螺片、大甜蝦、帶子等等。全部都很新鮮，尤其是大甜蝦滑口鮮甜，八爪魚鮮味彈牙，三文魚魚香十足，馬刀貝鮮味濃郁。吃完之後，我們還再點了一次刺身才覺满足。之後食物陸續上枱：芝士焗扇貝，扇貝上加了蝦籽、芝士和沙律醬，焗完之後，金黃誘人，味道酸甜開胃，扇貝嫩滑多汁，十分美味，我一連食了兩隻。芝麻雞翼，外皮酥脆，內裡嫩滑多汁。菠蘿大大件，用爐火燒一會兒，吃著暖暖的，甜味突出。台灣辣腸，味道濃郁，少少辣，十分惹味。點了少量壽司，火炙皇帝蟹棒，蒲燒鳗魚，火灸蒜蓉三文魚等，都是飯量不多，可以吃多幾件的。牛柳粒十分軟腍，幾乎入口即融。它吸收了洋蒽和黑椒的味道，所以味道濃郁。芝士排骨，排骨厚肉，加上

有好一段日子未來過元朗了，今日特別應朋友邀請來到元朗大馬路附近一邊傾計一邊食個日式任食磯燒放題。佢係一個價錢包任食自助吧，包不同嘅飲品，包各項日式食物包括刺身壽司等等，最重要仲包埋磯燒任食添，頗為化算。磯燒類方面佢首先會來個海鮮拼盤比大家燒，有元貝，青口，大蝦同蜆等等，款款鮮甜味美，跳出來仲好香添好似去左燒野食咁。食晒嘅話仲可以叫其他嘅配料的。刺身壽司類方面佢同其他日式任食店一樣，有各種唔同類型嘅刺身，三文魚，帶子，鮑片，蚌片等等，因為有太多種野食啦。雖然每一樣只係叫左少少，款款即叫即做，很不錯。另外仲叫咗壽司來試下都唔差的。小食類方面推介日式碗仔翅，熱辣辣又入味。另外推介日式一口牛，有少少入口即溶嘅感覺。佢嘅牛肉拉麵都唔錯㗎。最後要左兩種磯燒小食-鐵板芝士骨，同埋蟹皇粥，食到攬住個肚走。

聽住係元朗嘅同事介紹，佢屋企附近有磯燒海鮮放題。放題就食得多，磯燒海鮮放題就真係第一次聽，所以放工就同男友專程嚟食一食，為忙碌工作後身驅叉一叉電。由店員安排入坐後，第一時間當然拎起餐紙點菜。不過正當我寫緊餐紙其間，店員就送上一盤海鮮拼盤。海鮮拼盤 - 有象拔蚌、海蝦、鮑魚、珍寶帶子、貴妃蚌同墨魚仔。點食物紙會寫出每種海鮮燒既時間，建議可自由加入清酒燒海鮮。海鮮都幾新鮮，海蝦非常生猛，上枱時仲不斷郁。個人覺得珍寶帶子同貴妃蚌好食，夠大粒又夠鮮～象拔蚌好大隻～加入少量清酒燒後更好味。星級時令海鮮送一次，其餘海鮮有分免費再點或加錢添加。除燒海鮮外，燒蔬菜亦十分惹味～刺身拼盤 – 帶子，甜蝦，三文魚等刺身都鮮甜美味。壽司 – 賣相不差，而我最鍾意食入面嘅火炙皇帝蟹棒壽司。燒物點左雞軟骨串、燒牛舌等等。炸物 – 有一口芝士、榴槤炸彈、日式紫芋丸 ，熱辣辣又脆口。蟹皇海膽粥 – 店員會幫忙放上爐燒，而海膽份量好多，食落都幾惹味。飲品櫃 – 有別於一般放題，店來有提供Apple Cider任飲。門口旁提供既甜品櫃～隔望仲有個Candy Corner俾每枱客夾一袋。再過就係雪榚櫃，有韓國牌子雪條、雀巢

假日不想出市區，約了友人到附近區吃磯燒放題。磯燒放題選擇不多，聽說這間的海鮮較新鮮，所以選了這間。看門口的宣傳拉架就知以海鮮做主打，而且是比較少有的磯燒，看看價錢也不算貴。說到磯燒，少不得對著爐的抽油煙機了，所以坐在爐邊也不會覺得有油煙。先上一盤海鮮拼盤，放題包括了一盤海鮮盤，有非常新鮮的蝦、大蜆和蠔等。雖然桌上提供燒酒等調味，但我們沒有加任何調味來燒海鮮。因為海鮮新鮮，最愛吃其原汁原味。當中以蝦最新鮮，蝦腳還一直動，熟後帶烤過的香味和蝦的甜味。另一個非常好吃的海鮮是貴妃蚌，非常鮮甜彈牙。還有蟶子，同樣是非常新鮮，滑而爽脆。除咗一開始的一盤海鮮，還有大量日式放題食物。喜歡吃冷盤的不能錯過，有蟹籽、蟹柳、粟米、章魚、車厘茄、青瓜絲、沙律菜等，選擇甚多。還有如酒店自助餐的熱盤，我夾了蒜蓉炒小棠菜，小棠菜爽甜。麻辣煮花螺，我的親戚很喜歡吃，但我不吃的，沒有拿。拿了一塊蝦片，炸得很脆又新鮮。薯角忘記加蕃茄醬吃，味道還可。看到有很多人拿壽司，拿了當中三款吃，最好是炸蝦壽司，軟中帶脆。芝士黃金焗扇貝和千賀焗黃金蠔的水準不俗，芝士味道不會太鹹，帶子爽口，比焗蠔好吃。炸物炸粉簿身而不油膩，當中以芝士年

今日黎到元朗行下街經過見到一間磯丸水產咁的日本放題餐廳大家都知我的鄉下係日本突然思鄉病發作但又沒可能飛返去日本的所以呢我決定要係呢到搵返我係日本食磯丸水產的感覺一般的日本放題係香港都剩係得用紙寫低您要的食物黎到之後就食咁樣但呢間餐廳係有得自己燒架！好興奮呀！係叫野之前仲可以去拎D小食食下估唔到種類都幾多岩岩一坐低就黎左個海鮮拼盤啦入面有海蝦啦 大眼雞啦 鮑魚啦 貝殼類的野啦 蜆樣樣都好新鮮又裝得好靚！我忍唔住要放哂佢地落去啦如果唔想洗衫的人士就要注意下啦燒完次後就會有好香的燒烤味啦HAHA因為燒的食物同海鮮實在太正啦如果唔夠喉可以另外再叫架不過想再食靚少少同貴少少的海鮮就要再比多少少錢啦仲有D特別的泡飯同埋粥係可以燒架我叫左個蜆粥好鮮甜呀如果燒完覺得悶的仲有好多選擇架呢間餐廳我就叫左好多野食啦當然唔少得的係刺身啦又係好新鮮呀又叫左其他的熟食啦好似炒雜菜呀 牛舌呀榴連炸彈呀 呢個幾得意 咬入去好榴槤架如果食到好口渴的 又可以去拎飲品飲品有我最中意的忌廉鮮奶呀仲有D甜品雪糕可以拎有我小朋友時好中意食的回憶就係孖條啦食完真係好滿足呀兩個人埋單都係$590我覺得都好抵 因為又有得燒 又有得放題

日本刺身壽司在香港人飲食文化中佔相當地位, 其實磯燒亦是日本非常著名的烹煮手法.Tony在朋友介紹下一試元朗的磯燒放題餐廳 - 千賀水產. 多款新鮮海產如珍寶蠔, 蟹蓋即燒即食, 質素相當高. 令人驚喜的是餐廳的任食壽司,刺身,鍋物,炸物,湯物種類繁多, 而且味道不錯.另外餐廳抽風系統亦齊全, 食客不用擔心一身油煙味. 令人想一再光臨.海鮮拼盤+味噌蟹蓋鮮蝦任食, 肉質彈牙, 插上竹籤, 易燒易食. 蠔肉不錯, 海蜆鮮甜帶有海水天然咸味, 扇貝彈牙, 燒過後令味道更濃郁. 味噌蟹蓋十分足料, 值得一試.磯燒好簡單, 食材夠新鮮就十分出色, 用小錫紙碗燒青口, 避免燒燶, 令肉質保持juicy.菠蘿,小蕃薯,翠玉瓜經過燒烤後, 菠蘿變得更香甜, 小蕃薯更濃味, 翠玉瓜則保持清爽刺身(三文魚,甜蝦,八爪魚,帶子)磯燒需時, 新鮮刺身則填補了燒烤時間.肥美的三文魚, 爽脆的八爪魚.壽司各種壽司適合愛食飯的食客.天婦羅(蝦,蟹棒,南瓜,翠玉瓜)令人驚喜的薄薄炸衣, 蝦肉彈牙, 南瓜清甜焗薯細細的薯塊加上香濃芝士,不錯

朋友係要見既！無論做野幾忙都好，我同幾位大同每個月都會抽少少時間食個飯、見下面。上次試過元朗既千賀水產唔錯，今次再encore食磯燒放題。環境夠大，所以就算係夜晚7點繁忙時間都無需等位。一坐低冇耐，因為我地滿兩個成人，職員就送左個好大既海鮮盆上黎，計起上來每人有兩隻大蝦、一隻鮑魚和一隻珍寶蠔。職員間唔中會幫手燒下，還會提醒我地小心陰住「辣」親，都十分細心。D海鮮一邊燒，空氣中就瀰漫住焦香味食完呢Round海鮮，如果想追加頭先既海鮮，大部分都需要加錢，但係大蝦、蜆呢類就可以無限order，還有蔬菜可以叫，燒得都算過癮既。食完熟海鮮，自然要食下d生鮮。D刺身都非常新鮮，三文魚第一輪比較薄切，但之後再上個d都好肥美。另外甜蝦很鮮甜，頭同身都唔會甩甩漏漏。帶子肉潔白圓潤，咬落爽口唔散。壽司都唔錯，火炙三文魚壽司、鰻魚壽司和牛肉壽司味道都很不俗，油而不膩。炸蝦卷很香口，非常惹味。另外熟食我都有幾樣幾中意。第一樣係芝士肉醬焗茄子，茄子用鐵鍋保持住溫度，吃落口每啖茄子都裹住芝士肉醬，稍為油膩，但好入味好腍。第二樣係印度烤油酥餅，淋上特製咖哩汁，香酥可口。辣煮花螺都好唔錯，辣度唔係話好辣，好香八角味，

最近發現元朗有一間任食放題店，價錢相宜，人頭每位連加一都只需$196，就可以任食磯燒海鮮，實在吸引，所以決定去一趟。店舖好容易就找到，門面大大隻字寫著「千賀水產」。店內有大量的座位，環境好光猛通爽。枱面上有好多張的點餐紙，有大量不同的食材，真的任君選擇！由刺身、天婦羅、揚物、壽司、鍋物、鐵板、海鮮⋯⋯應有盡有。磯燒海鮮！全部都好新鮮，大蝦十分大隻，每隻都比我的手掌長！海蜆、扇貝全部都好大顆且新鮮。甲羅燒更是令人一食上癮！先打鵪鶉蛋打在蟹殻上，再拿去燒，蟹膏的香味好吸引，鹹香味十足。基本上所有海鮮都十分新鮮，當然其中有些要追加（另加錢）才有，如甲羅燒和扇貝，但大部份海鮮都可以任食，所以$196一位其實真的可以淨食海鮮番本。燒甲殼類海鮮時不用燒太久，殼張開就好，因為燒太久會太乾水。這個㙰皇海膽粥是要連飯放在爐上煮的，煮的時候加入蟹膏和香蔥、蛋等，真的好鮮美！壽司全部都好新鮮和美味。肉和飯的份量剛好，不會太多飯太易吃飽。其中比較特別的有韓風霜燒牛肉壽司，牛肉肉質鮮嫩有咬口。蟹籽芝士BB薯，芝士香濃，蟹籽鹹香，薯粒和芝士的配搭十分夾，鐵板上熱力夠。花螺和雞翼都好正！以小食來說真不錯。千賀焗黃金