胡同

营业中

休息中

父親節諗左一輪食咩好，最後決定揀一間就腳評價又唔錯又可以打到卡嘅餐廳，所以就揀左位於尖沙咀嘅『胡同』。一早睇定左其他人嘅推薦，所以揀左以下幾樣餸。火焰胡椒片皮鴨 片皮鴨就預先預訂咗一隻，因為都算係舖頭嘅招牌菜，有機會walk-in 會冇，所以就打電話留定先。佢個名原來係火焰胡椒，除咗火焰之外都唔係太食到胡椒味。片皮鴨上嘅時候，廚師會喺隔離用火焰燒隻鴨，然後切皮。味道食落去唔太有太大驚喜，不過不失。然後用蒸籠裝住嘅皮一上菜嘅時候有煙包圍着以為會熱辣辣，但係即刻食已經凍咗有少少失望。大紅燈籠高高掛即係辣子軟殼蟹，好多辣椒再加炸軟殼蟹，味道係正常加少少辣辣地嘅炸軟殼蟹味，份量岩岩好夠6個人一人一舊試味。花椒金湯桂花魚呢個係其中一樣最好食嘅餸菜，啲花椒辣得來又唔會太搶，唔食得辣嘅人都食到，幾香～薑米蟹肉蘆筍蛋白炒飯呢個係一個正正常常嘅炒飯，唔係好食到薑味，不過都算炒得乾身。食完呢4野之後都唔係太夠飽，所以我哋都再落多咗兩款餸。京城羊肉呢個係另一個驚喜之作，上菜嘅時候望落去有啲似燒肉，食落去羊味非常之豐富，而且唔算太蘇，值得一試。小魚菜苗一上菜嘅時候見到隻碟係有少少崩咗，我哋即刻討論，其實係餐廳

近年好多中餐廳都用上西式格調，設計上整體感覺比較精緻，位於尖沙咀Zentre嘅胡同都有呢種格調。環境方面比較昏暗，一入門口有一種入左酒店lounge嘅感覺，再加上落地大玻璃方便欣賞維港夜景。 🌕🌕🌕🌑🌑燈映牛肉味道唔錯，甜甜地，略嫌唔夠薄，唔夠通透 🌕🌕🌕🌑🌑火焰胡椒片皮鴨（半隻）會有師傳喺你面前花式翻熱隻鴨再片皮，除左觀賞之餘亦都令鴨皮更加香脆 🌕🌕🌕🌕🌑大紅燈籠高高掛辣椒煮軟殼蟹，辣椒好香，軟殼蟹鬆脆，但係以呢個排場黎講略嫌唔夠辣 🌕🌕🌕🌑🌑海龍皇簡單一個蟹肉湯 🌕🌕🌕🌕🌑麻辣蝦香脆爽口，唔夠麻唔夠辣 🌕🌕🌕🌑🌑鹹肉津白為左上枱嘅時候可以成朵花咁，同一般上湯浸嘅津白有少少唔同，比較爽口（硬身） 整體黎講菜式都係比較精緻，但係唔知係唔係為左遷就香港人口味，川式嘅麻度同辣度比想像中弱好多，無左個神髓，只係用好多辣椒堆砌左一個好澎湃嘅視覺辣度。食川菜就係想麻想辣，當然為左迎合市場而適量調整口味係在所難免，但係過度遷就市場就無左本來嘅特色。

今日同朋友嚟咗食生日飯😋我哋由1點開始食3個小時嘅non-stop brunch (only food)Unlimited appetizers嘅食物會每樣都會上一次比你哋試晒 之後就可以任嗌你想食嘅食物，但基本上食晒一次就已經好飽😵‍💫首先，我哋食咗呢個椒鹽大墨，咬落去好彈牙同埋味道啱啱好 不過唔食得辣嘅人要小心啲辣椒🥵之後就係呢個炸茄子🍆！ 我係一個唔鍾意食茄子嘅人都覺得好好食 佢個口感好似食緊魚柳咁三色點心😋 個蝦餃會有小小辣 但好有泡椒味好特別😜 燒賣都好足料😋 不過蓮藕餃我就一般，佢味道似牛肉球但口感就爽口春卷我就覺得冇乜特別，但佢裏面嘅餡都好足夠叉燒包應該係最一般，覺得佢太甜所以唔太鍾意呢個咸水角，勁推薦！佢裏面嘅魚香真好香口😋一定要揀呢一個炸軟殼蟹！佢係有少少辣，但個味道係好match個軟殼蟹，仲要佢係勁多蟹肉勁大隻！🦀牛小排都幾好食不過稍為普通左d雞煲我就唔推薦，因為冇酒嘅香味同埋唔辣 同埋雞嘅肉質有啲鞋❌我哋加咗個片皮鴨，佢嘅皮都好薄同埋個鴨都好脆👍🏻最後就係廚師推介嘅甜品，糯米糍嘅餡係朱古力，不過個皮就有d厚🍫檸檬tart就正常唔會太甜🍋不過個朱古力tart就太甜所

點心有泡椒蝦餃、碧綠桃膠素菜餃、欖角雪魚餃同麻辣鳳尾蝦餃，可以由清啲既素菜餃食起！之後食到麻辣既蝦餃會覺得好過癮竹炭魚香鹹水角全黑既鹹水角真係好少見，表面仲炸得好香脆蒜味麻香帶子帶子好厚肉，加埋冷麵同辣油好正火焰胡椒片皮鴨會係你面前即場燒同切🤩花椒金湯桂花魚金湯好濃有層次，魚肉都好嫩滑大紅燈籠高高掛即係炸軟殼蟹，估唔到配辣味又幾特別！🍸Comfortably Numb有啲似martini，vodka based加少少荔枝味，但加入四川辣椒元素，條脷會有少少麻🔮Fortune Teller - 用左本地品牌Two Moons既氈酒，再加埋會遇水綻放既茶花，賞心悅目

朋友約了聚會，選址胡同，還告知餐廳已搬遷到中間道。這是家我喜歡的餐廳，尤其是它迷人的維港景色，搬到了新地址，當然要去看一看。問了侍應，原來搬來新地方才十天。這新餐廳感覺上比北京道的舊址更加寬暢，重點是長方形的佈局有三面是窗，換句話說靠窗邊的位子多了，而且長方形的餐廳中間沒柱子，所以就算不是窗邊的位子，看到的視野也非常開揚，從觀感的角度是比舊地址好。菜單的改變不算太大，喜歡的菜餚依然存在。頭盤要了煎鵝肝燻蛋，鵝肝煎的香脆，配上燻蛋，吃在口里有種充實的感覺。第一道上的熱菜是蜀南竹海，這道菜做的有心思。有點咬口的竹笙包著秋葵，加上微辣的醬汁，吃在口中就有了層次感，是個不錯的結合。京城羊肉應該不用多說了，就算不愛吃羊的朋友也會喜歡它。畢竟是腌制過24小时，燉後再炸的羊肉，除了沒有一絲羊膻味，那入口既溶的感覺一吃就知道含了不少功夫。接著上的是草綑牛骨。滷水浸熟的牛肋骨用荷葉包著蒸，一打開荷葉就香氣四溢。牛肋骨帶著荷香，牛肉香嫩，肉汁鮮甜，非常美味。吃美食又怎能缺美酒，要了一壺熱花雕女兒红，香醇美酒配上精緻菜餚，能和三幾知已共度美好時光是一大樂事。接下來上的是我的至愛，大紅燈籠高高掛，香炸軟殼蟹。