二撇雞

营业中

休息中

去到駱駝漆本來要打卡其他家看到這家好多人排隊，就臨時改變主意後來搜一下才知道是駱駝漆入面最有人氣嘅餐廳這家店名好特別【二撇雞 】看一次就會記得～最出名應該是這個什麼麻膠濃湯雞，但4個人都覺得麻麻反而小食有驚喜，所以本篇推薦他家小食雞湯粉等我下次試了好吃再推薦～【紅油抄手】抄手皮薄餡滿，內裡包咗鮮嫩嘅肉餡，再淋上香辣嘅紅油汁。一咬落去，彈牙嘅抄手皮同鮮美嘅肉餡一起爆發出嚟，味道醇厚又帶有一絲辣味，好開胃。【香炸腐皮魚角】香炸腐皮魚角係一道傳統嘅粵菜點心。以魚漿同其他調味料拌勻，再包入腐皮內，炸至金黃酥脆。每一口咬落去，可以品嚐到魚香味同脆口嘅腐皮，口感豐富又咬勁十足。【胡麻雞絲粉皮】胡麻雞絲粉皮係一道涼拌菜，特別適合夏天食用。粉皮經過烹煮後，配上鮮嫩的雞絲，再拌上香濃的胡麻醬汁。每一口都帶有滑嫩的粉皮口感，搭配上的胡麻味和嫩雞絲，口感豐富。【麻辣擔擔麵】麵條彈牙滑嫩，配上辣椒醬、花椒、有濃郁的麻辣風味。加上香噴噴的肉末、花生碎等配料，讓整碗麵食更加豐富美味。還有個失傳已久的豬趴，名字好笑，價格便宜，味道一般

〔二撇雞〕呢個名係朋友口中聽左無數次，嚟觀塘就一定要食！終於！搵日收工特登入去觀塘食✨【生滾花膠雲吞雞】$88首先！頭啖湯已經有驚艷到，有好多蟲草花，湯底好清甜！三大隻雲吞：每隻雲吞都好似拳頭咁大，入邊仲有三隻蝦！超級足料！三塊花膠：食落入口滑溜溜，口感彈牙！有好多雞件，不過我覺得就無蔥油二撇雞嘅雞咁滑～另外想講✨一定一定要嗌米線！煮得好爽口，彈牙超好食～【吊你癮小鍋】$66鍾意食濃味嘅朋友就一定要食小窩米線！個酸辣湯底真係整得好好，勁好飲！亦都勁足料，有雞肉、雲吞、魚腐、魚角、蟹柳、冬菇、酸菜！米線都超級彈牙！【蔥油二撇雞】（例牌）$45呢個蔥油雞我比💯 蔥同豉油都勁香，啲雞好滑好嫩！【失傳已久的豬扒】$28豬扒就覺得有少少失望，雖然炸完出嚟肉汁都好夠，不過食落去就感覺上有啲乾身，無咩味道！【麻辣雲耳】$22朋友話好食過米線舖嘅雲耳～我就覺得正正常常，不過雲耳就好爽口！

呢日6點幾嚟到，門口已經排長龍，都有十幾個人等緊，不過等左15分鐘左右就排到，入面座位都幾逼，幾窄，預咗坐得唔會好舒服。個雞幾滑，份量就少啲，米線份量都少湯底唔算好濃，有啲清，唔係好濃雞湯味雲吞好大粒，有2隻蝦，幾足料呢個湯睇落黃好多，但都唔算好濃雞味重點係呢個雞同另外上的唔同，呢個放埋入湯入面嘅雞，係普通雞肉，仲超大雪藏味，好臭食咗一兩舊就冇食小食炸雞翼同炸豬扒，小食好食過招牌主食，炸得好脆，雞翼都幾大隻，豬扒又唔鞋，冇梳打粉味淨係食麵可能會比負評，比中評係靠小食搭夠

駱駝漆第一雞米👍嫩滑雞件，米線彈口，醇厚藥膳黃酒湯底🫶！・・・・・・・・・・・・・・・・・・・・🍜 黃酒藥膳雞米線 HK$59・味道：雞件嫩到一個點，唔明點解浸住熱湯食到最尾都係咁嫩🤩份量都好多！湯底好掂，一入口係一浸藥膳甘甜香唔苦，然後淡淡酒味隨後散發，平衛得好好～・口感：湯底好light唔會感覺好補好重身，米線幼身但好彈牙，彈過啲正常粗度嘅米線添，本波大喜🫶🐷 失傳已久的豬扒 HK$28・味道：呢個就普通，醃得夠入味但冇咩特別。個脆皮似係炸芋角嘅皮，少有用呢種炸皮配豬扒，幾特別的。・口感：唔係乾/柴，但未叫juicy。正常，可食可不食～・・・・・・・・・・・・・・・・・・・・🤰性價比：高～🤰9衝度：9衝～🤰結論：多謝波友嘅推薦，當日去雖然都要排隊但都好快，大概5-10分鐘入得。值得排隊一食👍！ ・・・・・・・・・・・・・・・・・・・・

在觀塘處理完事務後，去了妹妹提議的二撇雞醫肚。雖然已是接近3pm的下午茶時間，而且沒有特價下午茶餐之類，但店內還是多客人的狀態，幸好剛好有枱才不用等位。話明二撇雞，主食主打都是有雞的粉麵飯類，還有大約10款小食供應。花膠雞濃湯米線，除了米線，也可選擇米粉或者加$3選上海麵。雖說是濃湯米線，實質是一碗好清淡，幾近無油，以及無味精的雞湯米線。配料有花膠、木耳、腐竹及杞子，都是健康養生食品之選。雞件另上，份量足，而且雞肉好嫩滑！偏重口味者或會覺得這款米線有點淡。黃酒藥膳雞米線，一上桌那陣黃酒香已撲鼻！配料有雞件、蟲草花、木耳、紅棗及杞子，夠滋補！湯底的酒味香甜濃郁，雞件雖沒那麼嫩滑，但吸收了黃酒香，很好吃，米線湯都被喝清光～～～香炸腐皮魚角，外層腐皮炸得夠香脆，魚角又香又彈牙！失傳已久的豬扒，一塊薄身的炸豬扒，內裡肉質仍然鬆軟並帶有肉汁，帶微微的甜味，好味～～不論是米線或小食，食物味道都令我們感到滿意，唯一就是花膠雞濃湯米線對我們而言是稍為偏淡，籲愛吃濃味食物人士不選這款或會比較合適。

之前因為人手問題 二撇雞暫停左了晚市一段時間 朋友於駱駝漆見到二撇雞回復晚市了 即刻分享了呢個好消息 相約再次回訪吊你癮小鍋上海麵 $69小店主打無味精 即使酸辣湯底十分濃郁 飲完不會有口渴的感覺 配料多 有雞件 雲吞 冬菇 魚片頭 豆卜 上海麵不會太軟身 推薦給喜歡濃郁口味的大家生滾花膠雲吞雞米線配凍檸茶 $88 + $7花膠雞湯底養顏滋補 味道鮮甜 令人不停想飲湯 加上大量雞件和雲吞 十分滿足 配料方面雞件無骨 肉質滑身 雲吞足料大大粒 可以食到啖啖蝦仁 米線方面 一如以往滑身 軟硬剛剛好 味道保持到一貫水準 失傳已久的豬扒 $28有骨豬扒有一定厚度 上菜時已經切開了 方便食用 比起上一次光顧 覺得豬扒有少少退步了 同上一次一樣豬扒脆漿薄身 調味亦入味 外皮仍然脆身 可惜豬扒中間有點乾身及瘦 油炸火喉有點退步 豬扒邊邊位較出色 畢生難忘炸雞翼 $24雞翼比豬扒更出色 與豬扒一樣 脆漿薄身 香口鬆脆 但咬開更多肉汁 油炸火喉同調味控制得剛剛好更滋味 更值得一試小店雖然只有簡約裝潢 但食物味道出色 值得一試 希望下一次豬扒可能回復水準

觀塘駱駝漆出名多食店，今期最新有呢間主打無味精雞湯米線的餐廳，即刻去試味先！黃酒藥膳雞米線 $59雖然試唔到最想食的生滾花膠雲吞雞，但呢款黃酒藥膳雞米線都令我覺得甚有驚喜。好多人都好怕藥膳湯的藥材味太濃，呢度的藥膳湯比較溫和，香香的藥材味，有種滋補的感覺，不致太衝擊；花雕酒味香而不濃，令米線湯底帶少許甜味。雞肉嫩滑之餘，仲帶淡淡的藥膳湯味，而且分量十足，超讚！花膠雞濃湯米線 $69好欣賞大廚將雞肉另外上碟，而不會擺埋喺米線上面，花膠濃湯不會因雞油浮面而變得油淋淋，而雞肉亦不會因濃湯的熱度以致過熟、變韌。失傳已久的豬扒 $28外層薄薄的粉漿帶點微脆感，而且豬扒肉質依然保持juicy，難怪個名咁犀利啦！香炸腐皮魚角 $24鯪魚肉以腐皮包裹再炸，味道正常，不失為一個小食choice。手機自助下單，no problem！

二撇雞 - Brother Chicken真係超級好彩，12點幾去到店門口見到長長的龍，打定輸數食唔到啦，點知前面排嘅全部都係5個同8個嘅大檯，店員走出黎問有冇2個嘅時候，開心到我哋大叫😆😆😆😆入到去落單完之後，唔洗5分鐘米線已上檯，再觀察下四週，其實都唔算大，不過大家都係食碗麵就走，所以流動率都算高。🐔黃酒藥膳雞米線 （$59）- 酒味同藥材味平衡得剛剛好，唔會搶咗對方風頭，又唔會「哽」到入唔到口，會令你不知不覺飲下一啖飲下又一啖。但比較估唔到係佢唔係用新鮮雞件，而係用雞柳，雖然係好嫩滑同食得出有醃過，但係用新鮮雞件會比較夾d。🐔花膠雞濃湯米線 （$69）- 雞湯係好味嘅但唔夠濃，米線係幼果款，好彈牙好有咬口，呢碗係唔洗五分鐘就上到檯，所以相對無咁熱，感覺好似一早整好哂凍哂咁，如果可以再濃d熱d呢碗米線會係💯，呢碗用上鮮雞件，醃得好入味，不過如果要轉雞髀要加$13，相對較貴。🐔小食：失傳已久的豬扒 （$28）- 一定要趁熱食！！！一口咬落去，超級鬆化，成塊手掌咁大，無咩骨位啖啖肉🐔低糖豆漿*2 （$9/枝）- 佢呢度得低糖同無糖兩款可以揀，低糖同外面正常糖一樣夠甜。後記：留意到店員清

🐔🍜🥢養生好味雞湯米線▫️因人手不足，暫只做午市▫️要預時間掛隊▫️可配米線/米粉/上海拉麵+$3☑️胡椒濃湯雞，米線 -$59胡椒雞湯呈奶白色，飲落胡椒味超濃，但又吾係辣，調味恰到好處，好暖胃，令人愈飲愈熱但又飲過不停。雞件嫩滑大件而且數量幾多，有6件左右，冇骨的啖啖肉好方便，但就唔入味。養身嘅配料有好多，有腐竹，大粒杞子，木耳等，令到湯底配米線一d都吾寡。☑️黃酒藥膳雞，米線 -$59因用上黃酒，雞湯呈黃色，飲落有淡淡嘅酒香味，滋補養身，愈飲愈熱。除左米線同雞，配料都用料十足，有大量蟲草花，木耳，大粒杞子等，增添風味。美中不足嘅地方係雞件唔入味，亦冇胡椒雞湯嘅雞甘嫩滑。☑️失傳已久的豬扒 -$28豬扒好大塊，已經切好咗一條條，方便食用，外皮炸得好鬆脆但吾會好油膩，肉仲keep到嫩同juicy，吾錯。

店名：二撇雞地址：觀塘駱駝漆四樓食物：胡椒濃湯雞米線小食：失傳已久的豬扒品評：二撇雞的胡椒濃湯雞米線味道不錯，雞湯濃郁，感覺沒有味精，胡椒味道十分重，喜歡重口味的人肯定會喜歡。雞肉去皮去骨，很嫩，沒有雪味，非常好吃。不過，米線的口感就稍微有點差了，不太好咬，有點漿口的感覺，吞嚥也稍微有點困難。另外，店內的失傳已久的豬扒比較普通，沒有太多特別的地方，但作為一個小食還是可以的。整體而言，食物很足料，符合售價，值得翻桌，但下次會試上海麵。餐廳等候時間方面，今次是平日星期五午餐時間，大概12:15到達，人龍很長，等候了約40分鐘。

米線永遠都係我同男朋友既comfort food☺️，聽聞觀塘工廈呢間米線好出名，主打無味精，咁梗係要試試佢喇，而我既總結就係：觀塘返工既都去食下唔該！推薦指數：🐷🐷🐷🐷（5分滿分）（原因：米線質地特別，湯好飲）🐔吊你癮小鍋米線 𝐇𝐊𝐃 66呢個真係冇改錯名，食完真係想再食🥹，真係吊緊你癮😂 酸辣湯底好濃郁，配料冬菇、豆卜、魚片頭，雞件都唔少，特別係有粒超足料既雲吞🥰，淨係蝦仁都3,4粒，超正🤩！🐔胡椒濃湯雞米線 𝐇𝐊𝐃 59胡椒味唔會太勁，易入口，雞件嫩滑👍🏻，唔會俾d邊邊冇肉位，重點係米線好特別，煙煙韌韌好得意🤤🐷失傳已久的豬扒 𝐇𝐊𝐃 28失傳已久又稱唔上😂，炸得好香脆，唔會乾身，但都係想像到既味環境：裝修有d似自修室🤣🤣，比普通工廈餐廳闊落，老闆態度好好，好感up🫢

今日要去新界搵個friend，要去觀塘轉車，於是我就諗起駱駝漆三期有好多美食，我係openrice搵左好幾間，但發現有間餐廳名好得意叫「二撇雞」😆咁就撳入去睇吓係食咩先，一睇好吸引我嘅係一碗花膠雞濃湯米線，就決定走去食下啦！去到就見到門口係一幅綠油油嘅草牆等了大約5分鐘就入得喇，座位都非常舒適。係等位期間我已經揀好咗食咩喇，所以一坐低就可以落單比哥哥仔😆由於係我今日第一餐，非常肚餓，於是就叫左一碗花膠雞濃湯米線、一份失傳已久的豬扒😆😆😆嘩嘩嘩！碗濃湯好好飲，我就覺得無味精而且好足料，花膠都有4-5片，而雞係分開上，貌相似海南雞啲朋友😆，食落好滑而且係無骨的👍🏻👍🏻不得不讚係米線好彈牙，口感非常好👍🏻失傳已久的豬扒，好香好味👍🏻但原來一碗米線飲埋湯已經好飽，下次要叫小食就搵多個friend黎一齊share先得喇！今次搵食又搵到間抵食又好味嘅，好開心好滿足呀🥰🥰🥰

今日難得嚟咗駱駝漆大廈，梗係要來覓食一下啦，見到呢間二撇雞，主打雞為主粉麵飯，於是決定嚟會一會佢🤩花膠雞濃湯米線 ($58)- 花膠雞果然係推介菜之一，一上檯就好有視覺上嘅衝擊，超級足料，軟淋大件嘅花膠、新鮮滑嫩嘅雞件，仲有奶白嘅湯底，一啖食落去熱辣辣好好味😎- 米線份量足，而且滑脫脫，口感一流；湯底味道濃郁香醇，仲要$58就食到咁好嘅質素，好正😛- 凍檸茶(+$5)酸甜解渴，冰涼透心，係永遠冇有錯嘅佳選😚招牌海南雞(半隻) ($76)- 海南雞簡直水準嘅表現，雞件切件均一，雞肉雪白，肉質嫩滑，而且雞味濃郁，啖啖都好享受😋- 奶茶(+12)茶底香濃，甜度適中，入口順滑，冰冰涼涼，好飲啊😍畢生難忘炸雞翼 ($21)- 炸雞翼真係「畢生難忘」，香脆嘅表皮、juicy嘅雞肉，油香味十足，每啖都好邪惡但好正啊🤤失傳已久的豬扒 ($26)- 豬扒都好正，厚身大塊，肉質都鮮嫩，一啲都唔會柴，同埋豬扒都處理得好好，唔會有臊味😚手拍青瓜 ($18)- 青瓜新鮮爽脆，口感一流，調味一流，蒜蓉香、醋酸味夠，味道好到位，爽口惹味，微辣開胃，作為小菜一流😄餐廳都闊落，坐的都幾舒服，食物質素都好唔錯，遲啲經過再

今日係觀塘駱駝漆搵到呢間小店專門食「雞」😙餐廳主打食「雞」同炸物，價錢性價比幾高。.🍴蔥油二撇雞$72(半隻)隻雞超滑又爽口，香蔥味極重，雞浸到好入味，雞肉好嫩滑亦好夠香氣，蔥油撈埋一齊食簡直一絕。.🍴花膠雞湯米線$62花膠湯好濃味，米線就略嫌比較硬身，但浸左湯都OK，雞件好細心咁切好分碟上，唔會俾湯浸淡左雞味。.🍴畢生難忘炸雞翼$21 / 失傳已久的豬扒$26改個咁既名都覺得搞笑，店主大力推介呢兩樣，雖然好熱氣但係即管試吓係咪咁好食🤣 哇 😨😨😨😨😨😨 簡直可以講驚為天人，擺明兩樣都係生炸，但我唔知加咗醃料，令到好鬆軟又夠脆。.🍴麻辣雞絲粉皮$26麻醬雞絲粉皮就食得多，麻辣又估唔到幾滋味，不過個人就覺得麻味比較重唔夠辣🙂

心血來潮去左駱駝漆逛逛，沿途見到間新開的米線店 “二撇雞” 見個店名幾特別，見過左午飯時間，人流少左就入左去試試。環境尚算舒適，有小島風格feel。畢生難忘炸雞翼 $21熱辣辣，新鮮炸起，冇雪味，皮脆肉嫩，好耐冇喺街食過呢種質素的雞翼，讚失傳已久的豬扒跟米線 （$38）呢個絕對平民價錢，5粒星嘅的質數豬扒醃得剛好，肉汁多，肉身軟，脆漿調左味再炸，非常香口。雞湯底@有啲掛口，足料，味道清甜，放了杞子同木耳，感覺更加滋補養身。💗💪