小曼谷海鮮燒烤屋

营业中

休息中

食咁多間泰國菜，呢間係少數食完想再食既餐廳，佢唔單止上菜速度快，仲要好好食。唔怪得佢門口咁多人排隊。食親泰國野，點生蝦係基本野啦，佢啲生蝦好大隻，好似厚切咁，肉質好結實，點辣醬食真心一流，我一口氣食曬我份量既3隻。🙃個燒雞有分全隻同半隻，兩個人既關係叫左半隻，原本都擔心會「鞋」，因為我地都鍾意食滑雞。黎到之後，唔可以話好滑，但佢烤乾左啲雞油，雞肉都仲keep到好嫩，點埋佢個辣汁，啲醬汁即刻比雞肉吸曬，無誇張，好好味🤤明爐魚只要蒸既時間岩岩好，魚夠新鮮，都好難整得難食，呢間佢兩樣都有🤤，加左青檸，成碟魚好清新，兩個人都清得曬🥰聽朋友講過，只有新鮮椰子既果肉先會易畢，呢間既椰子好易畢，係咪啫係好新鮮既意思🙃兩個女仔加一個白飯，食完唔會太飽，岩岩好，好滿足😋

又是到九龍城食泰國菜的好時候, 今晚同媽來了小曼谷。"食蒜茸包沾咖喱"既癮發作, 我們點了個泰王咖喱炒海鮮, 咖喱香濃且甜, 海鮮大大隻, 有魷魚, 青口, 大頭蝦和蜆等, 啖啖鮮肉配啖啖咖喱汁, 再配合厚厚, 鬆脆又多蒜茸既蒜茸包一同放進口, 好吃又實在! 另外再點了餐廳推介既小曼谷五星燒雞和明爐香檸汁蒸桂花魚。前者外皮燒得香脆金黃, 肉質超軟滑鬆香, 連同泰式醬一起食, 正! 條魚仲正, 很多香料, 但完全沒有蓋過魚的鮮味, 魚質軟, 味道香, 愈食愈入味, 大滿足! 當然唔少得椰青啦! 新鮮清甜, 椰肉軟滑, 優質! 還要讚吓其環境, 很喜歡它的佈置, 空間感足夠, 坐得舒適。見到有live band 設施, 不過冇幸聽到了。想來九龍城食泰國野, 來小曼谷吧! 真的有質素!

小弟好日唔黎一次九龍城遠道而黎都係為左黎呢間之前呢間已經想食好耐還掂約到舊同事出黎一於黎食返餐好既！我地6點幾黎到適逢啱啱放工既時間都唔係話好多人呢度環境簡約設計簡約之餘我又幾喜歡牆上幅畫同結他擺設我諗呢度應該有時會有人喺度獻唱XD呢度野食都有唔少款式眼花撩亂經店員介紹後最後揀左小曼谷五星燒雞, 泰皇咖哩炒海鮮, 泰式鮮蝦炒金邊粉同埋椰青另外餐牌有教幾句基本泰文都幾貼心XD蒜蓉包店員另外附近蒜蓉包一份焗得香脆之餘蒜味亦好香！小曼谷五星燒雞燒得好香而且燒得剛剛好唔會話太乾太燶另外雞肉用黃薑粉等香料醃製肉質夠滑嫩之餘亦夠哂惹味點泰式酸辣汁一齊食亦係好好配搭泰皇咖哩炒海鮮咖哩香味十足亦十分濃郁而且海鮮亦好足料大大隻包括鮮魷, 大蝦, 蜆, 青口等等煮得好入味必食！泰式鮮蝦炒金邊粉炒得好香而唔會好油膩配菜同大蝦足料份量滿滿的！加花生碎一齊食亦增添口感椰青夠哂清甜解渴飲完再食裡面啲雪白椰肉雙重享受！班蘭椰汁千層糕餐後附送既甜品有濃郁椰香

每次經過太子道西你都跟我揮手今天我終於有機會來拜訪你炎炎夏日當然要點沙冰椰皇沙冰芒果椰汁沙冰各一啜一口瞬間暑氣全消這裡的燒烤薄有名氣我們先點燒安格斯西冷牛排兩大塊已被預先切開內裡肉質略帶粉紅外皮燒香肉質嫩滑充滿肉汁牛肉味濃愈味道愈出是一道愈吃愈上癮的菜式小曼谷五星燒雞是另一焦點雞肉醃得惹味可口烤過後更香肉質仍能保持嫩滑再來是泰皇咖哩法包軟殼蟹一大個法包配上大大件軟殼蟹咖哩加了滑蛋份外滑溜軟殼蟹剛炸起很燙口吃罷了整個法包撐到不行最後是店家自家制甜品甜甜的椰汁斑蘭糕是最好的落幕

公司做一個新加坡的項目，全組人加班OT成個星期，終於停一下，可以一起食返餐~最識食嘅同事搵左呢間泰菜，話環境好，價格又唔貴~話走就走，分頭行動，搵人去等位搵人去泊車，大家因為一起做野都好耐了，都係有默契嘅~等位的時候影咗幾張相，確實環境都不錯。泰國菜點可以少得了咖喱同海鮮呢？呢個泰皇咖哩炒海鮮，兩百幾蚊，首先海鮮品種多有青口、大蝦、魷魚、蜆等等，第二個就係夠晒新鮮~滿足曬唔同人的海鮮的口味，我就食咗大蝦，爽滑咖喱味正中，好似我呢種咖喱就可以撈飯嘅人，就覺得好滿足了，D蜆新鮮，隻隻都開，而且肉質都大件爽口又無沙，好乾淨！另外亦叫左泰式鮮蝦炒金邊粉，口感豐富，配料多，蝦肉都係好彈牙，炒得好爽滑，又有泰國風味，新鮮青檸檬汁當然都唔可以漏咗。而泰式原味烤薄餅，上來嘅時候，都係好熱辣辣，係新鮮出爐，脆卜卜，又有嚼頭，外焦里嫩，好有風味~~還有仲叫左小曼谷五星燒雞~重點來了......燒雞，一定要點燒雞，因為真係堅好味，外脆裡面嫩，大家都爭住食雞脾，其實係屋企都可以有雞脾食，但係有人一起爭，又覺得更加好味~~~最後當然係一齊啤啤佢啦~唔飲得嘅女同事就叫咗椰青，今晚氣氛熱鬧又開心，又食咗一餐正嘅~下

食泰國野點可以唔去九龍城呢，今次係九龍城就試左有幾間分店咁犀利既小曼谷。裝修主打黃木色，有好warm既感覺。餐具印有佢地個名，而且外形係一隻大象，幾得意。先來一客菜，健康一下先。鐵板果然夠熱辣辣，上台時仲出緊煙。椰菜苗綠油油，但唔係因為多油，係本身菜苗夠新鮮夠靚，爽口。豬頸肉煎得岩岩好，夠香口，有小小脆口感，讚呀。食泰國菜點少得冬蔭公湯，新鮮熱辣，材料又十足，有幾隻大大隻蝦，入口陣陣香茅味，最重要係佢既酸味同辣味岩岩好，唔會好似出面食咁太酸。大大一盤既海鮮，睇見都流口水。海鮮有大頭蝦，青口同蜆。泰皇咖喱汁不太辣帶甜味，好易入口，送飯真係絕配。咖喱汁用左練奶，椰汁和蛋煮成，所以特別香濃，食完又唔會話好濟。賣相雖然冇話整得好靚，但係食落真係無得頂。雖然話係燒既雞肉，但係一d都唔鞋，反而仲滑滑地，相信係新鮮雞先可以做到呢個效來。燒雞既皮脆口，雞肉夠滑真係口感一流。雞肉除左夠滑外，帶有醃料既惹味，真係唔錯。埋單時仲有甜品送，椰汁西米露既椰汁味道香濃，千層糕彈牙外帶點煙韌。呢個好味既甜品為整頓泰國菜劃上完美既句號。

吃泰菜，九龍城一定無得輸。這兒泰國菜館林立，儼如一個「小泰國」。對此區的泰菜總是很有信心，即使隨心挑一間，也不會讓人失望的。  之前嚐過同心、隆姐都令人滿意。選了小曼谷海鮮燒烤屋，這家門面也夠吸引的，有別於一般傳統泰國菜館，很新派的樣子，看上去也很有規模，還有個吹氣娃娃向大家招手，路過的食客很難不被吸引進去的。  與別的泰國菜館相比，氣氛是相當不錯的，洋溢濃濃泰國風情，暖黃色系的燈光，配襯木系傢具，泰文節目不停放送，還有一角那Live band區域，直覺上，這家的主理人該是地道泰國人吧! 相信若假日前來，說不定會遇上泰國人表演呢! 翻開餐牌，除大熱的菜式外，也有些少有的地道泰菜。既喚作燒烤屋，有不少肉類、海鮮BBQ可選，挺特別的。剛下班的關係，已是飢腸轆轆，無力點菜，就由友人發辦好了。 青芒絲伴筍殼魚($189)坊間較少用筍殼魚入饌，識食當然要選它吧!以生椰菜墊底，香炸的魚身微微向上繞，面層鋪墊青芒絲、香茅、花生和莞茜，賣相十分對辦。  筍殼魚炸得金黃香脆，魚皮嫩滑香口，香脆的魚鰭部位更不能錯過。魚肉新鮮嫩滑，有啖啖魚香，別以為魚肉稔身是不新鮮的表現，事實不然，稔滑正是此魚的特點。至於

嚟九龍城梗係食....？其實九龍城已經變了天，不再是泰國菜的天下，我在此吃過大排檔，中菜，私房菜，西餐同蛋糕甜品，這次還原基本步，同朋友試下泰菜又如何？最後，千挑萬選下選中了為於太子道西分店的小曼谷海鮮燒烤屋！門口的那個近兩米高的吹氣公仔好可愛呢！時而揮手時而擺出歡迎的模樣！門外有小黑板寫著一堆店方的推介菜式泰式柚子沙律 $78一吃就知柚子是用泰國的黃金柚，粒粒分明又清甜多汁，蝦肉肉質彈牙，調味方面比較簡約，就以花生碎，辣椒粉，炸蒜等為調味，第一口感到有點點嗆喉就是，不過食落又幾過癮，至少有點層次感小曼谷五星燒雞 $108雞份量不算好大，但燒得外皮金黄色，食落外皮微脆但內裡嫩滑，肉汁保留得不錯，而且不會過份調味，幾惹味奉上辣辣地的醬汁，我覺得雞肉唔太乾，所以到最後都無特別點過椰青海鮮焗飯 $98面層有椰漿覆蓋，上層的飯口感略濕，但底層椰漿卻不夠，顯得有點乾啃，因為我對飯的要求都幾高的，最後要兩者拌勻才是我心水的淋度口感喜好每人也不同，而設計到可根據自己的喜好去調整所以整體我覺得問題不大，但我對入面的海鮮食材卻要給予好評！首先海鮮全都屬於彈牙那種，是大家子氣的大大片上，而且間中會吃到一大

真係好耐無入九龍城食飯，雖然九龍城區一向美食雲集，但對於 BeautySearch 來說沒有港鐵站的區域是搖不可及的... 前排，朋友帶我來到九龍城電髮，始發現，原來由公司到來，不用轉車，亦不需半小時，非常方便！所以，當有朋友再約我來這區吃晚飯時，已發現再沒借口推辭了。這次來到九龍城，吃的是近期 BeautySearch 不再懼怕的泰國餐。其實，一向都知九龍城內的泰國菜出名，而且，當中不少是由真正的泰廚主理，因而份外有泰式風味。而今次，我們揀選的「小曼谷」，在九龍城開業已有14年，最近仲新開左第5間分店。新店形象更年輕化，並且繼續秉承老店的宗旨，堅持每日使用最新鮮的食材。店內地方寬敞，以深木色位主，牆出掛了不少特色油畫，最得別的時，這裡有個小舞台，有註場歌手獻唱，只是當日我們未有遇上呢！其實，我都幾鐘意「小曼谷」的logo，一隻象徵了泰國的大象 logo，細看下，原來是「小曼谷」三字，實在非常巧心思。甫坐下，我們先點杯消暑飲品「芒果椰汁沙冰」，冰粒打得好細、好綿，還有濃濃的芒果香味；而又友的「椰皇沙冰」更是超級清甜，非常解渴！食泰國菜，BeautySearch 最愛點選併盤，貪其選多，