博多拉麵別天神 (已結業)

2019就開始食佢💛，係百物騰貴嘅情況下，佢價格無變已經好難得！所以我間唔時食拉麵時就諗起佢～#蝦味噌豚骨湯麵 🦐套餐好鍾意佢唔係半邊溏心蛋，係比足成隻你！湯底夠濃，我偏好揀麵身「偏硬」，咬落夠彈牙又有口感！配料有我喜歡嘅粟米🌽同櫻花蝦，所以湯味有海鮮鹹香，會忍唔住不停飲！通常平$5配埋小食， 揀咗 #小龍蝦蟹籽沙律 ：佢幾大球，調味調得唔錯，用脆身嘅紫菜包住食，我覺得仲出色過佢嘅餃子🥟！基本款 #豚骨湯麵 唔算特別出色，因為個人比較喜歡「海鮮」味嘅湯底，不過不失，但因為有頭兩款食物，都會再嚟食～

尖沙咀有咁多間拉麵店，我仲未食過尖沙咀嘅別天神，今日就要試！量完體溫，攞住超級多嘢，想入去坐低擺低野先，職員即刻擋住我哋，話要點左餐先😖說實在係不太friendly，可能速食拉麵唔講求服務掛😖叫餐配嘅小龍蝦蟹籽沙律👍🏻我好鍾意呢個沙律！真係食到大大舊蟹肉，會爆開嘅蟹籽，夾埋脆紫菜，好match呢😋蝦湯底拉麵🍜門口部自助點餐機，冇得揀麵嘅軟硬度，坐到落枱先見到有指示，但趕唔切啦🙈好彩啲麵都無太淋！3塊豚肉都超厚切，味道ok不過本身麻麻地咁厚肉🙊朋友嘅麵😀

🔅🔅🔅拉麵狂又出現指的是我好朋友拉著我一齊吃拉麵那我就說去吃這間吧<博多拉麵別天神>🔸八點正到達剛好有位呢間分店相對較大足以容納十幾人🔹<小龍蝦蟹子沙律>特色的小龍蝦沙律蟹子爽脆龍蝦肉彈牙🤤用紫菜包住來甚有風味🔸<豚骨湯面> 湯底呈奶白色入口香甜叉燒肉質軟淋好入味糖心雞蛋口感不錯拉麵軟硬度適中爽口而又彈牙👍🏻🔹<蝦味增豚骨湯麵> 豚骨大蝦熬製湯底肉味香濃挺夾味增味但可惜相對較前者為淡～🔸<餃子> 呢個真係超超超級普通外皮煎得不脆又不香！🔹<總結>拉麵質素還算能保持提醒千萬不要繁忙時段去我們等了半小時才有拉麵吃🔅🔅🔅

同同事係阿士厘道收工， 就去樓下嘅「博多拉麵別天神」食個拉麵🍜啦！ 餐廳裝潢如日本傳統拉麵店， 除了中間方枱可供小夥人一起吃之外， 當然少不了和拉麵師傅零距離嘅吧㘆， 可以望住師傅親手為你烹調美食，感覺很親近。☺️ 不過因為時候尚早嘅關係， 我地就坐住好寬敞嘅方枱先～😂 「別天神」提供拉麵款式不多， 食左咁多年， 都係從一而終嘅兩款拉麵🍜：豚骨拉麵、蝦味噌豚骨拉麵， 不過都代表着餐廳夠專嘅！😏 如果一碗拉麵🍜唔夠喉， 可以搭配一款迷利小食轉為套餐，$105起。 🌟推薦❗️小龍蝦蟹籽沙律 面頭放滿黃色卜卜脆嘅蟹籽， 裡面還藏着粒粒爽口彈牙嘅龍蝦肉， 口感相當有層次！👍🏻 淨食得， 另一種食法就可以同用旁邊嘅紫菜包住一齊食， 香脆紫菜配上清新香甜嘅沙律， 造成鮮明嘅對比，又係另一番風味！😏 餃子 跟餐嘅餃子有4隻， 外皮煎得香口，餃子皮薄，菜肉比例剛好， 都算值得一試！😉 🌟推薦❗️蝦味噌豚骨拉麵（$85） 食拉麵最重要嘅就係湯底！🍜 先呷一口湯，蝦味噌豚骨湯底呈金黃色， 入口香濃順滑，帶少許黏口嘅感覺， 味道比豚骨湯底

每天放工都衝衝忙忙的離開，每次走到上紅磡火車站的行人天橋都有一陣豬骨湯香味不用追查已知是由天橋口的別天神傳來今晚難得朋友F來接放工，一於吃拉麵！我點了蝦味噌豚骨拉麵餐，配小龍蝦蟹籽沙律 ; 朋友F選了招牌別天神拉麵餐，配煎餃子。當然小食是大家分享眼看師傅煮麵，揈乾水。。很快變做好兩碗熱呼呼的拉麵我的蝦味噌豚骨拉麵顏色非常鮮豔，有櫻花蝦紅/青葱綠/粟米黃，賣相吸引。食拉麵第一件事當然是先喝一啖熱湯，湯底充斥著蝦甜味及豬骨香濃味不久湯慢慢地被櫻花蝦開始染紅店家選用的是幼麵，雖幼但沒有煮得太腍，軟硬度剛好配搭拉麵的還有一隻半流心的溏心蛋及兩塊肥瘦適中的叉燒朋友F的別天神湯麵，是特濃豬骨湯底，感覺像是從豬骨精華都溶化在湯裏面若有細心留意的話，桌子上有寫著如何把湯底推上更高層次。桌上亦於有各種調味食材可隨意用。小弟愛蒜香所以湯底雖然已無可挑剔，但也要補點蒜泥小食當中我最愛小龍蝦蟹子沙律，以乾脆紫菜捲著小堆龍蝦沙律，味道甜甜的還有些卜卜脆的蟹籽，口感一流內裏包著豬肉及菜的餃子也煎得香脆兩口子食得很滿足，拉麵價格從來不是重點，最緊要好食

長大了出來工作，一個人食飯就變成了家常便飯。🖖🏽 邊似得好似以前讀書咁柴蛙蛙，成群結隊，浩浩蕩蕩地食個lunch都要「10個位呀唔該」。 有朋友成日話我係「毒L」，因為成日自己一個人去食野。😅 計我話如果「豆腐火腩飯」係男人的浪漫， 我就覺得食「拉麵」係一個人的浪漫😆。 雖然不比厚福街的熱鬧，但阿士厘道可謂尖沙咀另一個樓上店和多國菜的匯聚點。 有日收工後沒有住家飯食， 一個人食拉麵就最好不過啦！🙈 拉麵店在日本是不少上班族收工後的落腳點， 因為唯獨只有拉麵店才不會營造出單身人一個人食飯突兀的感覺。 見到名為「別天神」的拉麵店，給我一份莫名的親切感，就像日本拉麵店的常見名稱，就入去試試吧。😏  餐廳裝潢如日本傳統拉麵店， 除了中間的方桌，少不了的當然是和拉麵師傅零距離的吧㘆啦，可以看到師傅如何為你烹調美食，感覺很親近。☺️ 小編試過在日本拉麵店吃拉麵時，師傅會觀察食客反應，一句「おいしい」就為他們增添不少成就感。😂 「別天神」提供的拉麵款式不多，但也代表着餐廳夠專。 可惜不知是不是換季貨源不足的關係，是日店內選擇只有一款，就是鎮店之寶——豚骨拉麵。 另可搭配多一款小食為套餐（$105）。

行完街後，就在附近找間食店食野，今次選擇了我最愛的日式拉麵，去了阿士厘道的博多拉麵別天神. 一直也想試下期間限定的蝦味噌豚骨湯麵, 可惜已經無供應，所以我就點了豚骨湯麵. 可以配餃子或者小龍蝦蟹籽沙律. 我地每人點一款. 枱上已放有各款配料, 醬汁, 食用餐具, 茶和紙巾, 非常細心. 小龍蝦蟹籽沙律. 碟旁放了幾片紫菜. 紫菜尚算脆身. 沙律內有龍蝦仔，肉質幾彈牙和爽口，而且當中混入蟹籽，多了一份卜卜脆. 餃子. 外層帶少許微脆, 內裡的餡料也不錯, 若多汁一點就更好味. 拉麵上枱. 首先飲個湯, 豚骨湯夠香濃, 入口帶有少許黏黏的感覺, 飲完也不覺得口渴. 义燒是偏瘦多一點, 入口也夠腍身, 啱晒唔太鍾意肥肉的我. 溏心蛋食拉麵我一定要食. 蛋黃算夠流心, 我會一口一啖. 麵是偏向幼身, 麵質軟硬適中. 配料是木耳, 幾爽口, 而且份量也不少, 混入麵一齊食, 雙重口感.