阿麥廚房 (已結業)

之前都有聽過呢間餐廳，成日都會喺銅鑼灣覓食，今晚終於有機會嚟到呢度試吓啦到店入邊裝修都幾有格調，我同朋友book左七點，仲有少少六點九到度，呢度已經滿左一半，果然幾受歡迎！呢個主推都係set dinner，我哋唔客氣啦首先嚟到嘅係香煎法國鵝肝，呢個要加＄58 ,不過鵝肝非常好味，有時其他地方食到會有怪味，但呢度係絕對冇嘅，煎得好香口，食完覺得唔夠仲想再繼續食啊呢個大蝦占米多，大推非常好味，蝦肉好彈牙，配埋有菇同調味好香口，冇諗過咁正加＄38有黑松露菌忌廉湯， 非常濃厚嘅黑松露香味，加埋啖啖都係茹，好足料！呢個都係要加＄38 ,好香南瓜味，同埋真係有幾舊蟹肉，啖啖南瓜肉，絕對冇偷工減料主菜出場，繼續係好香濃嘅黑松露味，而且帶子煎得啱啱好，唔會過乾過硬，好鮮甜非常大份量嘅鹹豬手，我同朋友食咗好耐先清到，加配薯條同埋沙律豬手肉唔會過鹹，調味啱啱好，亦都唔會太乾，整體係好食！不過真係略嫌有啲熱氣食完之後喉嚨痛最後我同朋友都買咗熱朱古力，竟然有拉花，香濃嘅朱古力味，好有誠意每人三百多，食物質素好，適合情侶撐枱腳

搭友人去日本買野, 任務完成當然要約出黎交收啦, 為左答謝佢並預先同佢食生日飯, 訂好左呢間西餐廳係呢度食既好處就係晚餐有SET, 價錢唔算貴, 又唔駛點太花時間就可點餐, 一於每人一個特式晚餐!頭盤包括有2款沙律任擇, 點左凱撒沙律清新一下, 爽脆沙律菜配上香脆煙肉片加多士粒, 再灑上咸香芝士粉, 口感唔錯!友人唔多好"綠", 另加$58可升級至香煎法國鵝肝配焦糖酒醋藍莓, 香煎有一定厚度既鵝肝, 放少少焦糖酒醋藍莓調和一下, 香軟既鵝肝, 配埋脆多士一齊放入口, 鵝肝既油份係口腔內咇出黎, 然後又食到焦糖藍莓既甜味, 口感層次幾夾!頭盤食完就到湯出場, 另加$38可升級至呢2款餐湯: 黑松露菌忌廉湯 - 質感比較稠杰因有菌粒, 除增加香味仲有咬口感; 中間既黑松露為呢碗湯"賜予"獨有香味, 飲完都半飽!另一款為蟹肉南瓜忌廉湯 - 味道帶有濃香甜美南瓜味, 亦食到有南瓜絲, 加上蟹肉既鮮味, 較黑松露菌忌廉湯更易為人所接受!主菜要左呢客帶子黑松露野菌意大利飯 ($208), 份量夠二人分享, 意大利飯要煮得好食都幾花心思, 軟硬度要掌握得好, 呢客就做得唔錯, 每粒飯粒都夠索晒入味,

朋友推介阿麥廚房, 但未試過想去看看環境才決定, 結果6:30p.m. walk in雖然大部份座位仍是空的, 但原來已經full booking! 過了一星期決定再試試, 致電又是full booking, 到第三次, 一早致電book位, 終於試到啦!套餐包括前菜、餐湯、主菜及飲品。鵝肝及黑松露一向是我的至愛, 平日到其他餐廳, 法國鵝肝散叫一般要$128, 這裡的前菜加$58便有法國鵝肝, 很吸引的價錢, 一定要試試! 見到有黑松露湯(+$)及主菜, 一於兩樣都要! 餐廳內有很多人選了德國燒豬手, 見到勁大碟, 怕吃不完及太熱氣, 但最後也決定試試。前菜選了田園雜菜沙律配陳年醋汁，新鮮開胃; 香煎法國鵝肝配焦糖酒醋藍莓質素不錯, 但原來只得半件鵝肝, 怪不得只加$58! 黑松露菌忌廉湯有水準, 南瓜湯也很好味; 帶子黑松露野菌意大利飯的飯剛熟透, 有驚喜, 但份量似乎少了點, 對比德國式燒豬手的超大碟, 似乎不合比例! 燒豬手配薯條, 熱氣到極點, 但確實好味, 最後也全部吃完!整體來說, 這一餐飯的味道不錯, 是一間值得推介的餐廳。 

是晚係加路連山道食晚餐！ 男友上網搵左呢間👇👇因為我地約好左每月既10號要吃好西今晚黎左好出名既阿麥廚房由於一早訂左台，大概7點到左餐廳估唔到星期三既晚上都咁full! 餐廳裝修簡單，唔花巧，只有少量小擺設！但又幾有味道～ 幾elegant環境雖然唔大，但都唔錯，人手好充足！ 男友今次揀得幾好餐牌選擇唔算好多，每一個set都包左餐湯、沙律同飲品！ 餐湯同沙律可以加數十元升級！蟹肉南瓜忌廉湯（+ $38）真材實料的一個湯，南瓜忌廉味道雖淡，但食到蟹肉同蛋白唔錯！黑松露菌湯（ +$38）濃郁香醇既一個湯！黑松露油散係湯面，十分突出飲落有野菌碎粒，實屬不錯之選！兩個湯都值得升級接住落黎就係沙律，跟餐有凱薩沙律！另外加錢可升級鵝肝或者大蝦，我地一個升級左大蝦，另外一個就要番凱薩沙律！反正可以share 食大蝦占米多（+$58）無後悔升級上到台已經聞到濃郁既蝦味！廚師細心地將蝦切細，食個陣好方便，可以繼續保持議態大蝦爽口彈牙，最欣賞的是配上蝦膏去煮，味道十分濃郁另外仲有菇去配搭！整個前菜大大加分帶子黑松露意大利飯：最鐘意既海鮮之一就係帶子，所以見到有帶子既菜式，通常都會叫，今晚都不例外帶子只是微

今晚慶祝肥師奶重生, 食餐好的, 阿麥廚房從銅鑼灣地鐵行來只須數分鐘, 直路一條, 很方便。19:00入座, 人客不多, 19:30己座無虛席, 其間不斷有新客入來也無功, 溫馨提示 :來晚餐一定要定位, 免失雅興。晚餐跟餐沙律及餐湯均可加錢升級;沙律+$58可升級香煎法國鵝肝配焦糖酒醋藍莓或大蝦占米多餐湯+$38升級至蟹肉南瓜忌廉湯或黑松露野菌忌廉湯2樣升級不用$100, 識食一定不介意付多少許肥師奶不食海鮮, 她升級香煎法國鵝肝配焦糖酒醋藍莓配沙律提意將焦糖酒醋藍莓用湯匙押爛混合焦糖酒醋, 藍莓醬香甜帶微酸, 用以撈沙律及配鵝肝提味非常正。鵝肝底面煎得金黃焦香, 中間超嫩滑, 入口即溶, 只切了肥師奶少許試, 食吧也滿口油香, 如果獨吞一件可加少許藍莓醬減油膩感。升級蝦占米多 (升級+$88)大虎蝦起肉以洋蔥及菇菌炒香, 再配以香濃蝦糕制成的醬汁上檯, 上檯那陣香味直樸鼻孔, 蝦肉好爽脆鮮甜, 洋蔥及菇菌吸收了蝦糕醬的鮮香濃郁, 香濃而不鹹口, 極度好食, 餘下蝦糕醬用來撈沙律菜食。蟹肉南瓜忌廉湯 (升級+$38)我係蟹迷, 一定升級這個, 南瓜忌廉湯湯底香甜幼滑, 最驚喜是那些新

銅鑼灣有好多西餐廳，我朋友今日就帶我黎到呢間小店試下超抵又好味既咸豬手。黑松露菌忌廉湯($38)餐湯先飲個黑松露菌忌廉湯，忌廉湯十分幼滑加上黑松露菌特有的味道，令你口腔充滿了整個湯既味道，歷久而不散，令人難以忘味。香煎法國鵝肝配焦糖酒醋藍莓($58)前菜鵝肝加上面包一齊食，不但可以將鵝肝的油膩減少，還可以配合到濃味既鵝肝軟熟既口感，加上硬包的感覺，一軟一硬配合出不同的口感層次，焦糖酒醋藍莓十分香甜，焦糖的香甜還有藍莓的鮮甜都可以食到。德國式燒咸豬手($208)份量十分多足夠兩個人的份量，薯條是新鮮炸的十分脆及薯味十分甜。咸豬手外皮十分脆，在瘦肉及皮中間的脂肪膠質十分高，一咬入口就好似係食緊JELLY一樣，還有肉味最重既瘦肉位置，外皮的脆加上脂肪及筋位的膠質，還有瘦肉位置的肉味，真係飲酒最好的下酒菜。帶子黑松露野菌意大利飯($178)又是以黑松露加強味道的一個菜色，味道十分濃郁，加上帶子燒得焦香而肉質十分軟熟滑嫩，飯煮得十分好，除了陪軟外還可以有一定的嚼勁不會好似食粥一樣，加上黑松露的味道令人十分難忘。

遇著朋友生日, 總想為佢地安排一餐難忘又好食既生日飯, 今日我就將我一個小學既同學生日飯交給阿麥廚房, 我深信阿麥可以用心製出美味既食物給我呢位相愛了二十多年既老朋友~~店內裝修走簡約路線的, 以白色及棕色為主調, 燈火光明, 太約可容納四十人, 而牆上掛了不同地方既畫, 相信店主同我一樣甘喜歡去旅行的~~ 呢度既晚餐主要係食Set Dinner既, 價錢由HK$148 - HK$218不等, 前菜及餐湯可另外加錢Upgrade, 呢個價錢也算是合理呀~~始終係朋友既生日飯, 前菜分別由沙律Upgrade到各一個大蝦占米多及香煎法國鵝肝配焦糖酒醋藍苺, 每樣加HK$58~ 大蝦占米多先將原隻蝦起肉切粒, 再加入菇及洋蔥放回蝦殼上去焗, 味調得不錯, 有鹹香夠惹味~~香煎法國鵝肝配焦糖酒醋藍苺鵝肝略為偏細, 但其外脆內滑又夠, 煎得又夠香口, 實在有點不夠喉, 還是想多食一兩件, 但始終呢D高膽固醇既食物亦不宜食太多, 點到即止~~同樣因為朋友生日飯關係, 由普通是日餐湯Upgrade致蟹肉南爪忌廉湯及黑松露菌忌廉湯, 每樣加$38~~蟹肉南爪忌廉湯一上枱已散發陣陣南瓜味, 內更混入南瓜

成日黎銅鑼灣都未黎過阿麥廚房呢日同朋友兩個人黎呢到共進晚餐有驚喜餐廳好有情調 燭光晚餐呢每枱都有小蠟燭兩個人叫左兩個Dinner Set價錢跟據自選既主菜收費見到餐牌都有好幾個選擇 個個都好吸引咁Dinner set=沙律+餐湯+主菜+靚靚飲品沙律有凱撒沙律同田園雜菜沙律配陳年醋兩款開胃既沙律為整個晚餐揭開序幕餐湯有意大利菜湯或忌廉湯兩款因為我地兩個都唔鍾意飲紅湯 所以兩個白湯丫唔該xd好脆口既法包蘸上忌廉湯 一齊放入口非常完美既組合我地食既係BBQ烤辣味西班牙豬肋骨同埋帶子黑松露野菌意大利飯 意大利飯一黎到 已經聞到好香既黑松露味每啖都食到好濃既黑松露！！我愛呀重有兩粒好大好大粒既帶子 wawawa意大利飯屬於硬身 好有咬口好大份既豬肋骨 份量絕對可以兩個人share👭個名有個辣字 其實一d都唔辣豬肋骨加上BBQ醬好惹味肉質彈牙 又易切重有重有 好欣賞旁邊既薯條熱辣辣 好多薯仔 好好味好脆 一條又一條 一條一條 點茄汁 食哂重有自選飲品選左熱朱古力 味道普通 唔會太甜但最驚喜係個好靚既兔仔拉花！拉花師好有心思呢 令一杯平凡既朱古力都變得不平凡