甜蜜蜜甜品專門店 (已結業)

在尖沙咀食完晚餐就轉場黎附近食甜品～榴連飄雪 $59椰奶冰溝紫米露，上面加上榴連球和小丸子，想不到這個配搭好好味😋心太軟 $62太耐無食過，一食開心到暈，太好味，朱古力味濃郁，配上雲呢拿雪糕冰火口感，正！

那晚上同舊同事聚舊食完飯，想搵地方坐下，食下甜品，點知又係好趕忙嘅一餐不過都幾好食咖哩度定價還可以，中等，又5算平又5算貴，不過款式都算多，仲幾特別香橙朱古力梳乎厘個味道酸酸甜甜，arm晒我同事唔鐘意食太甜嘅口味，配埋個青檸雪芭，係真係match得唔錯我嗌嘅黑白朱古力梳乎厘面頭啲朱古力夾埋成個梳乎厘好搭調，佢個心都打得5錯，充滿蛋香，配埋個朱古力漿食的話，個人黎講會覺得太甜所以就咁食都好食心太軟不太甜，焗得外脆內軟其實哩度嘅甜品5錯咖，只不過佢好多人排，一直都好快手收你碟，要趕住你埋單咁，有啲趕

係尖沙咀食完串燒，想食返個糖水中和下，呢度係唔錯既選擇！ 一共叫左3個甜品share 食，第一個就揀左原個椰皇海底椰焞蛋白潤返下，細細個，唔會太甜！ 同埋叫左心太軟同芝士木糠布甸，心太軟好正，無法抗拒濃濃朱古力醬！

要在尖沙咀一帶找甜品店，一點都沒有難度，但若要找間有質素保証的，就非甜蜜蜜莫屬了。位於甜品店林立的厚福街，隨意數都有三間甜品店，競爭也是相當激烈，但唯獨門面普通平平無奇的甜蜜蜜依然能在厚福街屹立不倒。看到甜蜜蜜的簡單餐牌，不賣浮跨，嘩眾取寵的綽頭甜品，售賣的是實而不華，基乎間間甜品店都會售賣的甜品款式。但是他們這種平實的處事態度卻造就甜蜜蜜的成功。而蠻特別的是餐牌更有日文的語言，尖沙咀是香港遊客區，這樣也能顧及更多不同客戶群。甜蜜蜜的店內沒有刻意花費於裝修，對於「外貌協會」的年青人來說，必定會選其氣門面更為可觀的甜品店，但是甜蜜蜜是就實力路線，盼望客人食過他們的甜品回味無窮，再度光顧。心太軟伴雪糕：甜蜜蜜採用比利時品牌朱古力製作軟心朱古力，朱古力的味道香濃郁厚，再配雲呢拿雪糕。製作需時大概15分鐘，心太軟新鮮出爐呈到我們的面前，切開心太軟，朱古力熔漿也隨即慢慢流出，純正的香濃朱古力漿幼滑無比，相當滋味，能成為甜蜜蜜主打的甜品實在當之無愧。焗黑白朱古力梳乎厘：剛剛吃完心太軟，這個梳乎厘也隨即遞上，我們的肚子也無暇休息一會，聞到香濃的奶油和朱古力香味，而且賣相相當吸引。梳乎厘上還有幾粒朱古

那天在尖沙咀附近食完晚飯，剛巧經過厚福街，剛巧途徑甜品店，又剛巧有點口痕，就隨便進去了原來這間甜品店主打心太軟，我見賣相不錯，就叫了一個試試等了差不多十五分鐘，心太軟終於到了size比我想像小了一點，賣相也ok，希望味道不要令我失望吧....當我滿懷希望地界開它的時候，入面的朱古力沒有很‘潘湃’地涌出來，相反沒有什麽反應，我立即試了一口，原來心太軟不是熱的，而是微暖而已.....不過朱古力味道還是不錯的，味道很濃郁而外層的朱古力蛋糕就比較乾，整體來說它不是不好吃，只是十分普通的心太軟，如果叫主打就比較‘牽強’lo....我只有快快一口雪糕，一口心太軟比它ko掉.....很快，越夜甜品店就越多人，我只好帶著失望的心情離開........

甜蜜蜜，一直都係尖沙咀區龍頭糖水舖，"心太軟" 和 "疏乎里"都係招牌甜品。但係近期响附近開左一個新的糖水舖，分散左不少客源。但係成班人難得行開去到尖少咀區，當然要去番老品牌的糖水食下。可能真係客源分散左，唔係以前有咁多人响門口等位。但係都要花少少時間去等下枱先有得入。坐低左，緊係叫番個心太軟，疏孚里，士多啤利窩夫，迷你大堆頭。全部食物都係製作需時，所以都要等左一陣先有得食。首先食下個心太軟，一樣咁好食。切開個甜品，中間溶左的朱古力流晒出來，仲要係好夠熱，食落口感好甜。跟住要快水快腳食個疏孚里呀，如果唔係個疏孚里會 "冧"左。點埋個朱古力醬，味道都係一流。士多啤利窩夫，個士多啤利醬都好甜，個窩夫都好鬆軟，感覺好好食最尾食番個迷你大堆頭，即係什果涼粉西米露。什果和涼粉都係一般，所以相比其他甜品，呢個就好似比較遜色。但係整體來講，各種招牌甜品都仲係有一貫水準，而且味道一流。難怪店內都仲有好多客人光顧。

係尖咀食完飯想食甜品，我第一時間唸起甜蜜蜜既榴槤忘返。去到好多人排隊，和九龍城既情況好唔同。入到去坐得好逼好唔自在，而且價錢亦比九龍城貴。唔知係咪有比較，這裡的榴槤忘返太甜，麻麻地。心太軟就香濃，保持水準。我們食剩少少就不斷俾人問 “重要唔要” ，分明係趕客走，真係食得唔自在。

同三個朋友去食，排咗好耐隊先有位，舖面好細。不過d甜品真係好有水準，入到去食真係唔會令人失望。個presentation都做得好好。忘記咗我d叫果d甜品叫咩名…其中一個好似係心太軟。新鮮局所以都等咗一輪先有得食~ 外面夠鬆脆，跟住一吉落去d朱古力sauce香味就散發出來~超好食。

http://www.openrice.com/restaurant/sr2.htm?shopid=7751心太軟~$45心太軟似乎係招牌菜幾好味, 蛋糕焗得夠亁同企身一篤開朱古力流出黎, 有微微香味 ( 食心太軟無他都係為呢下 =] )朱古力醬香濃, 唔太甜, 挻好的, 食完唔會好kou 喉不過本人希望用再濃d 帶少少甘既朱古力, 可可味先會更出吧個侍應無問要咩蛋糕, 我呢個係雲尼拿, 見到隔離有cookies and cream..... 有d 唔開心lor = -="anyway 整體唔錯不過如果俾我揀食心太軟, 同一個價錢我會推介 九龍城 既 小店http://www.openrice.com/restaurant/sr2.htm?shopid=8965心太軟 兩個不相伯仲, 不過就鬥 sides 啦小店用既係自製雪芭, 雖然有d 硬, 不過就勝在夠冰夠凍, 一冷一熱更特出同埋碟面裝置靚d荔枝玉露~$38個沙冰都幾滑, 清清甜甜口感上有棷果, 水晶珠, okay la唯獨個幾粒罐頭荔枝, '鯨'亁太耐 有d 柴皮 = 0=""由於第一日去既時候同行友人唔食榴槤, 所以隔日再去造

i have already been to 甜蜜蜜for so many times and 心太軟is definitely the MUST order item!!the warm chocolate lava is no doubt a perfect couple with the cold vanilia ice-cream....if u like dessert, esp. chocolate.....im sure that this thing can satisfy your sweet-toothbut dun expect the staff there are polite or patient to you....since there are always long queue at night, they would clean up ur dish immediately as soon as you finish the food and get you out of their place...><

一直對甜蜜蜜好感一般, 價錢貴, 份量少, 人多, 趕客 (其實因為人多, 所以趕客呢~ 還抱怨!), 想傾計慢慢享受甜品美點, 甜蜜蜜一定不會是首選!今日再去原因是時間尚早, 九時多襯人龍還未出現時光顧才可以慢慢享受及朋友要求食心太軟~ 我們仨, 一人一心太軟!落單後約十分鐘, 熱辣辣既心太軟便送到! 大家都急不及待舉機拍照~ 心太軟份量比想像中大, 而且蛋糕頂沒有太多的灰色麵粉漬, 感動!因為坊間心太軟上, 或多或少都會留有灰色的麵粉漬, 就算那個心太軟有多好味, 一看到那些麵粉漬, 胃口便全消了~心太軟外面鬆脆, 內部鬆軟並帶有朱古力香, 打開中間部份, 看到中間朱古力漿慢慢流出, 已經食指大動, 要將佢消滅了! 哈~暖暖的心太軟配上冰凍軟滑的雲尼嗱雪糕, 味道配合得天衣無縫! 原本熱熱鬧鬧的對話頓時停止, 因為大家正在享受那個感勳時刻呢! ~吃過心太軟, 內心是甜甜, 暖暖的! 期待下一次的光顧~

無黎甜蜜蜜都一段時間了，每次經過門口都咁多人，難得今次門口無咩人等位，即刻拎飛，但最終都等了30mins先入到去。一如以往，裡面坐無虛席，迫迫夾夾。可是這裡的甜品賣相不俗，吸引了很多客人幫襯。詰家是以酥皮豆腐花起家的，可是已經很久沒有試了，因為有其他更好的。炸香芒春卷配芒果沙巴翁係每次必叫甜品之一，個賣相都好靚，熱辣辣的芒果春卷點上凍冰冰的芒果汁，倍感美味，而墊底的沙巴翁亦使酸酸的芒果汁帶上了一點甜味，整體配合得宜。法式焦糖燉蛋配脆皮雪糕球個名字好長，味道都一樣咁長久，脆皮雪糕球真係好好食，脆皮個質感好似食緊金莎咁，但係咬開後卻是冰凍的雪糕，法式焦糖燉蛋，味道唔錯，可是感覺唔太滑溜，表面除了焦糖外，還灑上了一層糖霜，給賣相加了分。黑白朱古力梳乎厘即是朱古力梳乎厘配上朱古力醬再加一球杏仁白朱古力雪糕，梳乎厘焗得幾好，好鬆軟一定要趁熱食，而個雪糕球更加得意，味道十分特別，好軟滑。最後上枱的是心太軟配雪糕，呢個甜品基本上去親邊一間都會叫，一來朋友們都喜愛朱古力，二來一見到朱古力漿流出那一下，真係令我垂涎欲滴。這個味道都唔錯，可是都要等好耐。雖然水準比以前差了，但係尖沙咀甜品界都有一定地位，如

門口好多人等, 等左十多分鐘入去即叫心太軟!!! 問一下waiter 可否轉ice-cream 的flavor, 不過唔得 , 唔緊要!menu 上寫要等15分鐘, 但10分鐘內就來了我們愚蠢地先吃完ice-cream 才吃心太軟 應該一齊食先好食!! 雪糕夠凍, 同滑心太軟很夠甜味~ 正~Dessert 個presentation 好tidy一個已經夠兩個人食lu下次會黎再試其他

11pm. 我只想坐低食甜品. 朋友suggest去厚福街.去到, 唔想再用腦, 見到呢間就入, 唔好煩.當時唔多客, 環境都算ok.不過總覺得有一絲污糟既感覺. 點解呢? 唔知... plus總覺得員工們有點頹同hea. 唔係好勤力~anyways, 由於一入門口就見到有幾台客叫心太軟, 估計呢個應該係鎮店之寶, 所以唔執輸, 叫返個先. menu上有好多款, 頭都痛. 咁就是但另外再叫一個黃金夢 (定係黃金屋呢? can't really remember... ). 因為有圖. 3個人, 又唔係好肚餓, 所以叫2個都夠既~可能又係冇乜客啦, 所以都幾快上~先上黃金夢. 見到佢個時有少少0咀~ 因為佢個器皿個樣實在有點... 點講呢... 樣衰? 好cheap? 唔知點describe, 總之我見到即時唔多有興趣想食. 一個好有plastic feel既碗已經令到我對呢個甜品打個discount. but this is probably my problem. btw, 我想講, 師傅放d配料係個bowl in a really求其manner. 你feel到佢係好冇心機咁將所

甜蜜蜜d甜品好似幾出名, 去食個dinner順便可以試埋佢d甜品$50晚餐包飲品&是日甜品, 主菜有十幾款可以揀, 不過D款式麻麻地講真份量唔大, 勝在有甜品搭夠就啱啱好兩個人叫左兩個set1.大蝦海鮮牛油飯, 有大蝦一隻, 幾隻中蝦, 青口、蟹柳、魚塊每樣都係得一舊, 個汁配合得好好, D飯食落就冇意大利飯咁lup口, 只可惜d飯超少... 2.黑椒豬扒意粉, 感覺上份量多少少, 其實都有好多洋蔥, 不過個豬扒好好味, 煮得入味而且好林果日既是時日甜品都唔錯, 朱古力pie雪糕, 個pie其實係個蛋撻皮上面裝住舊朱古力軟蛋糕, 連個雪糕都好味過人, 因為裡面仲有朱古力碎, 正！其中一個甜品加左$30由是日甜品轉心太軟, 好好味！勁多朱古力醬流出黎, 個蛋糕又夠軟熟, 正價要$42不過佢地D service就麻麻地, 唔係太友善, 地方亦坐得迫迫地