Sky726

Sky726 位於 T.O.P. 隔離，行完一日街行幾分鐘就到餐廳，好方便～上到最頂嘅25樓，一出𨋢就留意到餐廳嘅佈置，成個天花佈滿小燈，好有情調～晚餐時段嚟可以由日落睇到夜景，去到夜晚嘅景色如繁星點綴一般，同餐廳嘅佈置互相映襯.前菜叫咗燒焗南瓜湯、流心水牛芝士伴蕃茄同香煎煙薰慢煮北海道帶子。南瓜湯用燒焗方式製成濃湯，令南瓜嘅甜味突出，而且又濃郁又滑。水牛芝士配蕃茄排得好精緻，切落去真係幾流心，本身食芝士有啲漏，但配埋番茄個配搭就較易入口，配搭一流～帶子就好厚肉，中間配以菇同石榴粒，令整體味道更加昇華！主菜就叫咗兩款意粉 - 意大利手卷意粉伴野菌、珍寶虎蝦意大利飯伴龍蝦牛油汁。手卷意粉比較少見，係比較硬身嘅意粉，只是略嫌辣肉腸太多，但咁樣先可以令意粉更有味。至於意大利飯，唔係煮得過軟或太硬，完全吸收哂龍蝦汁嘅味道，加埋啖啖虎蝦肉，味道一流！成餐食咗大約每人$500 ，好抵食。雖然望落每碟唔算大份但食落又幾飽。而且食物選擇都唔少，主菜亦設有素食選擇，非常貼心。除咗係拍拖/紀念日好去處，餐廳寧靜嘅格局亦適合老朋友聚舊傾談一番.

上網搵到呢間嘅環境睇落唔錯，決定同未婚妻嚟浪漫一下。上到嚟的確幾好view，少少昏暗，有燭光點綴，真係有啲fine dinning嘅感覺。怕太多野食唔哂，所以冇叫兩個set，只係一個set再加多一個main，另外再叫甜品。主菜上前有麵包、胡桃南瓜湯、燒南瓜沙律同埋三文魚mousse。南瓜湯都幾濃稠，如果飲哂一碗可能會飽飽地；沙律都OK，菜夠新鮮，南瓜又甜兼冇渣，芝士份量又剛剛好；特別要介紹嘅係個三文魚mousse，真係有三文魚既味道，但質地係mousse，我有諗過係咪將啲三文魚肉直接攪成漿狀…雖然腦海有呢個畫面，但都覺得幾好食同特別。主菜要咗個板燒自家熟成西冷牛扒伴香草牛油，再加個意大利手卷意粉伴野菌、辣肉腸及巴馬臣芝士。兩樣都好食到不得了！先講個意粉，望落有啲似肉醬意但係啲意粉係粗身卷筒狀，掛到多啲醬汁，而個醬有辣肉腸加芝士本身都好好味，仲有啲野菌菇令個口感更有層次，滿分！再讚個西冷，如果唔係個羊西冷賣哂，我可能都冇發現佢呢個牛西冷係咁正：夠厚身，脂肪少，肉味濃，我每一口都切得好細份，驚太快食哂…試咗呢兩個main course都覺得咁好食，令我不禁想知道其他會唔會到咁好食，所以我呢

星期日同男朋友睇完電器之後，去Sky726食浪漫晚餐。我地叫左一個Set Dinner同散叫意粉加甜品。香草餐包夠軟熟。精緻小吃係三文魚慕絲，入口好細滑，鹹既慕絲都幾特別。燒南瓜沙律材料豐富，沙律菜新鮮，南瓜好味，仲有芝士粒、麵包粒、番茄乾。胡桃南瓜湯超好飲，口感十分幼滑，完全無粒粒，味道香甜。板燒自家熟成西冷牛扒伴香草牛油叫左五成熟，西冷煎得恰到好處，牛味濃郁，幾大塊又厚身，伴碟有蘆筍同綿滑既薯蓉，正。跟餐甜品本身係法式朱古力撻，但無晒，變左係紅莓芝士撻。有幾層，味道唔錯。餐飲叫左熱咖啡。意大利手卷意粉伴野菌、辣肉腸及巴馬臣芝士 手卷意粉口感幾得意，麵團感種啲，煙煙韌韌，野菌、辣肉腸、巴馬臣芝士全部切碎，令到每食一啖都食到所有材料，好味。火焰朱古力球好igable，侍應會係你面前點火，佢係朱古力脆皮包住雲尼拿雪糕同朱古力蛋糕。

一向都有嚟726覓食嘅習慣，今次重臨嚟過幾次嘅Sky726 ，一路高空俯瞰旺角街景一路食飯😎珍寶虎蝦意大利飯伴龍蝦牛油汁 ($218)超推薦！三隻大大隻嘅虎蝦，再配埋超惹味嘅龍蝦牛油汁，食落唔會太膩，口入面仲充滿住海鮮嘅鮮味💛Risotto飯粒口感偏硬，不過都完美地被鮮味十足嘅汁包裹住，值得一試！意大利手卷意粉伴野菌、辣肉腸及巴馬臣芝士 ($188)手卷意粉嘅麵質同平時食嘅意粉好唔同，口感比較厚實，煙煙韌韌，整體上味道唔錯，辣肉腸嘅微鹹將意粉嘅味道昇華，不過配埋巴馬臣芝士，食食下都幾膩🤣Paradise Punch ($78)平時都好鍾意飲開胃嘅Mocktail🍸呢杯飲品就啱晒我心水🤩入面有用到椰子汁、熱情果、橙汁、菠蘿汁同埋梳打水，飲落去酸酸甜甜，非常清爽！仲有啲水果粒包括熱情果，好有口感！

上樓餐廳雖然唔似得大商場咁五光十色，但上樓相對租平，用較平價錢食到好嘢的機會相對較大。今晚呢間西餐又係一個好例子。濃郁奶油蠔湯伴魚子醬一句講曬，蠔味爆燈! 配簡單牛油麵包食更加係食到停唔到口。脆炸魷魚圈配他他汁及雞尾汁魷魚圈咬落唔韌，熱辣辣、脆卜卜、唔油膩... 香煎蟹餅伴藜麥蒜泥蛋黃醬有相你睇，蟹餅外層脆卜卜，切開裏面大量蟹肉，絕無偷工減料， 啖啖肉，無得輸 !燒慢煮16小時辣豬助骨外酥內嫩、入口即化。意大利手卷意粉伴野菌、辣肉腸及巴馬臣芝士意粉做到 Al Dente, 辣肉腸嘅鹹香、微辣跟 Parmesan Cheese 非常配搭。

位於旺角道的SKY726，標榜Sky Dining Experience，講到咁猛，一定要試下啦！一入門口就見到呢個咁靚嘅水吧位，整齊排列嘅玻璃杯反射著柔和的燈光，倍添情調，心情都會即刻靚啲！個天開始轉暗，出面嘅景色真係一流呀，呢間餐廳真係啱晒拍拖食飯！天再黑啲，玻璃外牆會反射埋天花嘅LED燈仔，做出好似星河咁嘅效果，配埋東方之珠嘅夜景，真係超靚超浪漫！意大利手卷意粉伴野菌、辣肉腸及巴馬臣芝士 $188超特別的手卷意粉，頭一次喺香港食到，口感非常獨特！辣肉腸切到細細粒，能夠俾手卷遂粉包著，啖啖都咁惹味！虎蝦意大利飯伴龍蝦牛油汁 $198可以要求廚房煮腍身啲，附合返香港人嘅口味，夠貼心！虎蝦大大隻，已剪開和去腸，乾淨又易食！意大利飯索晒虎蝦同埋龍蝦湯嘅精華，香味濃郁，食極都唔厭！