鄧記川菜

营业中

休息中

黎到位於尖沙咀 K11 Musea，商場設計非常特別及高端，當中各種食肆林立，今次揀左幾間餐廳都心大心細，經過鄧記川菜門口被環境及菜單吸引入去。Menu 都算多元化，菜式非常正宗傳統，當日挺多人用餐，所以無緣坐海景位置。同知心好友約會，點選了不少吸引菜式，整體非常出色，菜式實而不華，正宗傳統，簡單但呈現到高級中菜感。花膠高湯濃郁，花膠大大片，食得出真材實料，不比高級粵菜餐廳輸蝕。川味口水雞醬汁非常惹味正宗，濃稠度恰到好處，麻麻辣辣，非常惹味，一流！雜醬麵 及 成都擔擔麵簡單又正宗，雜醬較大碗，擔擔麵較細碗，成都風味全融入麵中，個人會較喜歡擔擔麵，將雜醬麵比了下去。糖醋里脊肉用料的確新鮮，廚師工藝 做到醬同原料非常分明，酸甜度適中，可比美高級粵菜。泡椒蒜香焗龍蝦喜出望外菜式，食慣蒜蓉蒸，芝士等配搭，第一次嘗試泡椒，比預想中更配搭，味道不會過度濃厚，但層次豐富，不太辣但夠惹味。糖不甩上菜時仍然帶有溫度，外脆內軟，能夠保持微溫的口感煙韌，黑糖不會太多，食落較優雅而不膩！

▫️鄧記川菜尖沙咀梳士巴利道18號Victoria Dockside K11 Musea 4樓412-413號舖K11 Musea的鄧記川菜裝修精緻，用餐環境恬靜舒適，維港景觀引入眼簾。不論是情侶慶祝，家庭或朋友聚餐，都非常適合。🍽四川口水雞 ($108)雞肉肉質不錯，啖啖肉，四川麻辣汁有驚喜，越食越開胃。🍽香煎蓮藕餅 ($168)蓮藕整塊上，炸得香脆可口，又不會蓋過肉餅的味道，略嫌肉餅的份量比較迷你。🍽香烤牛肋骨 ($498)牛肋骨上菜的時間較長，原來是因為需要焗一段時間，確保肉汁完全鎖住。牛肋骨的選材上乘，肉感豐富，表皮炸得脆卜卜，咬下去肉質細嫩，脂香濃郁，加上表面的孜然粉更有四川風味。🍽水煮牛肉 ($468)牛肉份量非常多，肉質嫩滑。我非常喜歡食辣，所以對水煮系列一向很高要求，一定要夠麻夠辣，他們的水煮牛肉辣度十足，寬粉更是吸收了湯底的精華，但不會太油膩。🍽乾鍋手撕包菜 ($168)豬肉片和手撕包菜特別吸辣，少少麻，但就非常香。加上菜爽脆清甜，非常有層次。🍽成都擔擔麵 ($48)麵條幼細，湯裏有豬肉碎同蔥花。湯底濃郁，帶點四川辣味和花生醬的香味。

叫咗個$468套餐兩位起，好多嘢食，好抵食，職員聽到我哋話好想食豆腐花，幫我哋留定先，埋單$1117，環境好有氣氛，一早book定海景位，如果沒有90分鐘用餐時間，就真係非常圓滿，但我哋用餐超過時間無被催埋單交枱，全部嘢食都好好味，但我個人覺得酸菜魚就唔夠味道，不過啲魚肉好厚身。呢度乳鴿真係好好好味👍👍👍，係一定要叫，原本想再叫多隻乳鴿，但真係好飽，唯有下次。😋介紹下個套餐有咩好嘢食：四川口水雞（好正）炸豆腐（普通）鮮椒海鮮滙（酸酸辣辣好開胃，好正）辣子炒蝦（好食）淮杞響螺燉雞湯（好正）酸菜桂魚（一般）乳鴿（非常正，入味）炒菜（正常）擔擔麵（麻-我鍾意）四川冰粉（好得意，凍啲會更好）另額外叫咗三碗豆腐花（如果熱啲，更加好食）

每次諗起四川菜，麻辣火鍋即刻係我腦海浮現。不過原來四川菜係味道同款式上可以做到百變效果，今日同朋友嚟到鄧記川菜見識一下😎餐廳裝潢比起一般中菜餐廳更加時尚，吊燈同木板牆身最能突出時尚既一面。鄧記亦設有室外座位，客人可以飽覽維港景色。不過今日太凍，加上自己著唔夠衫所以無坐到室外🥲。餐廳另一邊係酒吧，餐牌上可以見到中西合壁既酒類飲品。- 醬香桃仁平時我對於合桃微微苦澀既味道麻麻。不過加左甜醬再炒，甜味十足，口感更加酥脆，令人停唔到口。- 老壇子膏蟹香港人做蟹有特別多既做法，包括呢道用四川泡菜整成既老壇子膏蟹。大閘蟹本身蟹肉唔多，但蟹膏非常鮮甜，加入泡菜令人越食越開胃。入面仲有爽口嘅鴨血，味道變得酸酸辣辣。- 紅燒羊肉煲紅燒羊肉煲係餐廳十二月精選既菜式，鄧記既羊肉係我食過最軟稔，而且滲透岀一陣麻辣味，另外一啲羶味都無😍。蘿蔔都好好味！- 成都擔擔麵整體口味唔算太麻辣，花生醬亦唔會太搶，鄧記既口味對我嚟講啱啱好。麵條亦非常細滑，不過份量真係好少🤣紅燒羊肉煲同老壇子膏蟹最出色，而九月至十一月係食蟹既最佳季節，所以非試不可！