鮮入圍煮 (已搬遷) 新店位置

朋友從外國回港一周，指明要來吃火鍋，並指明湯底要「濃厚原隻雞煲花膠湯」而我是第一次來這店吃火鍋啊！湯底上桌的時候，原隻雞浸在濃郁的湯裡大家都先嚐一碗湯，湯頭濃郁香甜！正！！雞肉嫩滑不粗糙花膠新鮮爽滑又大件由於花膠滾太久會融化，所以灼其他食物前先吃完花膠啊～～～花膠雞果然是沒推介錯！！火鍋料的質素亦不錯！！手切牛肉，油花分佈尚算均勻，牛味尚濃花膠墨魚丸和花膠鮮蝦丸各半打，兩款丸都好爽滑～～響鈴香脆！脆肉鯇骨腩，肉爽脆，沒碎骨～～鵝腸新鮮不會腥，夠肥又爽口！雖然湯底高質，食材也不錯但最大敗筆是加湯！！！因為後加的湯，我和同行朋友吃完火鍋後都不約而同的覺得好口渴！大概是所加的湯都是味精湯吧？因此就要由笑臉變成ok啊！

曾經光顧過呢間火鍋店幾次，佢既花膠雞湯底真係係同行入面冇得輸！但亦都係因為咁，呢個湯底令佢打響咗名堂，食客越黎越多，而大部份更加係遊客添……而家越黎越難訂位，以前一星期前訂完全冇問題，而家要一個月 🙄🙄 我地勢必要回味佢個花膠雞，不惜等一個月，呢晚終於可以食到。。。就係呢個花膠雞湯～呢個係細份既，入面有半隻雞同差不多10塊花膠件濃濃既雞湯上枱前已煲到奶黃色，一睇已知真材實料！！等佢係爐上煲到一滾，我地已急不及待飲咗個湯先 😆 um... 真係好濃郁好鮮甜之後再加既湯都係濃湯，但當然冇咁好味啦 😂至於火鍋配料方面，肉類我地只係點咗手切牛肉，牛肉望落已非常新鮮，肉色有光澤，食落唔韌有質感，亦好香牛肉味第一次食火鍋點炸魚皮係原包上（可能係我少見多怪啦😂），似食薯片咁，都係脆卜卜，感覺都幾得意 😆呢個黑牛柏葉比我預期中冇咁韌，爽口。以往食過既黑牛柏葉好多都好似食緊橡膠咁，咬唔開😣，所以好少點呢個配料，今次我改觀了～😊雖然對大部份既火鍋配料都係滿意既，但有兩款就比較遜色咗啲。。- 鴨血，較為實咗啲同唔入味，本人都係比較喜歡台式麻辣鍋入面煲到入晒味同滑脫脫既鴨血多啲 😋- 鵝腸，食落有油耗味，點解

店舖以街市為背景做裝修，有舊式街邊打邊爐風味，旁邊有個海鮮檔口，可以即點即滾即食先說湯底我們點的是原隻鮮雞湯底，面頭有一層厚厚黃色雞油，雖然很不健康，但說真的一啖雞湯就好似有一百係雞係咀度，真係想唱”雞，全部都係雞” 大蜆大蜆比五元還要大隻，係現場即點即上枱，大蜆非常新鮮，還會活生生噴水，原隻筒蠔一筒有五隻, 肉厚多汁, 筒蠔對比生蠔雖然無咁新鮮，但打邊爐食法，筒蠔可以吸收雞湯精華，咬一口蠔汁加雞湯混合一齊，簡直一絕本地牛肉比起美國肥牛，本人更喜愛食手切肥牛，手切牛肉雖然脂肪比較少，但咬落有勁，有濃濃既牛肉汁，滾一滾，大概七至八成熟，放入口仲有少少生嫩既口感