客家人窯燒雞

营业中

休息中

🙋🏻‍♂️餓底探員去咗元朗調查呢間窯燒雞，雞隻經過風乾處理，再放入窯爐度燒，造出脆皮效果，餐廳唔止得窯燒雞，仲有其他窯燒系列都好出色，好似窯燒三寶丸/燒賣等，喺出面食唔到，下次有機會再試埋🐤招牌窯燒雞 $198🙋🏻‍♂️表示店員隻雞係用三黃雞，加咗迷迭香調味，燒起時香味撲鼻，隻雞經過風乾處理，雞皮特別脆口，燒到金黃色，味道焦香，雞肉口感嫩滑，油份豐富，食落好脂香📈吃貨指數😋好味度 9/10🔙返啅度 9/10

一到門口就看到三大個瓦燒缸，就是用來做窯燒的🌟店內招牌是窯燒雞，但仍有很多其他的窯燒菜式，例如窯燒燒賣、窯燒排骨等等🌟但既然是頭一回光顧，當然要先吃看看招牌搖窯燒雞～燒雞在放進缸內窯燒前會先在風乾櫃內進行至少一天的外皮風乾步驟，並同時放入香料醃制入味🌟由於雞皮都已被風乾，所以窯燒時雞皮會額外香脆🔥師傅經驗老到，燒雞的火候把控得很好🌟雞皮十分香脆，一口下去會聽到雞皮有「咔嚓」的聲音🔥雞肉嫩滑流油，肉肉充滿了香料的味道🔥滿口芳香♥️真的十分好吃🔥🔥🔥鳳爪口感Q彈♥️鹽焗味道夠香，但不會死咸，值得一贊🌟分量也是給很足的～指尖的部分都清理乾淨，很不錯👍🏻自家制的菊茶，無糖很健康🌟味道甘甜，清爽解膩♥️

有時食白切雞、海南雞食到有啲厭，依家窯燒雞好似幾hit，有唔少專賣窯燒雞嘅店，經過見到燒得幾靚，買嚟今晚加餸試試下佢～～招牌窯燒雞 $198/隻窯燒雞做法就係先醃雞，之後掛上風乾櫃風乾，最後放入窯內高温烤熟。小店係即叫即燒，雞因為風乾過再高温燒，雞皮食落特別脆，皮下帶油脂，一切開流出滿滿肉汁，食落去肉質厚實飽滿、入味 。見佢唔止就係得燒雞，仲有其他窯燒，好似坊間少見嘅燒賣/窯燒三寶丸，下次再試試佢🤣。

終於試咗窯燒雞！好好食，一定要推介😁餐廳地方不大，乾淨企理，堂食可以坐低拆雞慢慢嘆，我係預早whatsapp預訂，夠鐘再去拎返屋企食嘅😌窯燒雞之外仲有啲小食如冰梅醉豬手、鹽香鳳爪、泡椒魚皮、桂花車厘茄等等；店舖放咗幾個大瓦缸，瓦缸中間放咗荔枝柴，經過風乾嘅雞原隻放入大瓦缸吊燒，高溫燒大約45分鐘，去到就睇住師傅鈎隻雞出嚟，新鮮熱辣香噴噴🔥🔥外賣包裝貼心，跟一把廚房鉸剪+即棄手套+濕紙巾👍🏻拎到返屋企仲好夠熱！雞皮色水燒到好靚，收皮效果好，一剪開爆晒汁，雞肉有煙燻柴香味同迷迭香等香料味，皮脆肉嫩，雞胸部份依然好滑，正！！

朋友介紹呢間燒雞真係好正😉食過保證唔會後悔❤️門口已經見到入面有幾個瓦缸係度用黎燒雞😁建議大家早D打電話黎預約定燒雞，咁就唔使等😋 我地就預約定，所以坐低5分鐘左右就熱辣辣原隻燒雞上枱。隻燒雞一上枱已經好香，原隻咁樣上枱真係忍唔住影低幾張相😋熱辣辣一撕開，已經勁多雞油同埋肉汁滴出嚟，好juicy ! 雞皮好香脆，好薄好似玻璃紙咁😍燒到金黃色，脆過食薯片！香脆嘅程度真係連雞頸同埋雞髀骨，都脆到卡卡聲🤩雞肉十分嫩滑！全隻雞由頭到尾都好嫩😂連雞胸咁厚肉嘅位置，都可以燒到好似雞髀位啲肉咁滑身👍🏻又多肉汁，真係食到吮晒手指😋而且隻雞都幾大隻！兩個成年人食一隻雞都差D食唔晒😁價錢仲好抵！食一隻燒雞$200都唔使，出邊街市買一隻雞成本都150-160啦！呢間仲要燒得咁好味🤤性價比真係極高。我仲叫咗兩個冷盤小菜，桂花車厘茄同雞腳😉個車厘茄仲剝埋皮呀🤩老闆真係好有誠意做食物😍個桂花糖水底又香甜，我食完啲車厘茄仲飲埋啲汁😂個雞腳都好好味，好香沙薑同埋其他香料味道👍🏻都好值得一試。呢間餐廳味道真心正！滿分💯必食推介👍🏻

男朋友話最近嘗試左啲好嘢要拉隊再去食多次..估唔到真係樣樣都有驚喜！小店舖面唔大，但都坐得舒服。我地一坐低，就order左招牌嘅窰燒雞同惹味骨，因為係即燒嘅，所以等嘅時候我地仲叫左幾個小食食住先..我地一開頭叫左車厘茄、豬手同埋雞腎，雞腎份量好多而且好爽脆惹味，我完全停唔倒口..豬手皮爽口，仲食倒少少梅嘅味道..酸酸甜甜咁，好開胃食到咁上下，隻雞就上檯喇，一上檯嗰下真係超香..因為隻雞原隻上檯，店家提供鉸剪俾我地自己剪開食..一剪香啲雞汁就流出黎，啲雞皮好燒到好薄好脆，一啲肥油都冇..食落勁juicy勁滑..雞入面見倒有迷迭香，仲有其他嘅醃料..唔怪得啲雞肉咁香..👍🏻果然係招牌！之後到個惹味骨，師傅燒到微燶有陣焦香味..外面少少甜甜地，入面都好入味…我食完一條又一條..哈哈..始終keep住食肉，呢個時候，再食番一開頭叫嘅車厘茄簡直係個好配搭呀！個車厘茄去左皮，用桂花糖漬，食完大大舊肉再整番粒涼浸浸嘅車厘茄，好開胃..又可以繼續食喇🤣我地見啲小食咁好食 最後仲加多左個泡椒魚皮，個魚皮少少辣同好爽脆，食下食下就食曬成兜..果然冇介紹錯！下次要再去食埋其他小食先！