蘇媽.蘇媽馬來西亞茶餐室 (已結業)

我諗大家都知道深水埗有間好出名嘅馬來西亞菜, 咁樣我哋梗係要試下啦。我哋差唔多一點去到餐廳, 要等五六張枱, 最後差唔多等咗成個鐘先有得食。等左成個鐘咁我地就以為應該好好食啦, 所以我哋就嗌咗佢哋最出名嘅嘢食黎試。分別係招牌老鼠粉, 辣死你嗎配仁噹牛肉, 招牌咖央同佢本身有嘅肉骨茶辣死你嗎配仁噹牛肉個飯睇相就好似幾好食, 不過食落其實冇咩味,綠色嘅飯同白飯冇分別, 除左影相靚啲, 食完 仲有少少反胃嘅感覺真係唔建議大家去食另外個招牌老鼠粉 其實都係冇咩味, 同普通銀針粉食唔出有咩唔同, 味道似台式肉燥。值得一提既係個招牌咖央又真係幾好味,佢個包焗得啱啱好, 夠脆。同埋佢入面啲醬都幾足料。溝出嚟甜甜地鹹鹹哋, 幾惹味總括而言 唔值得排咁耐 名大於實我會寧願 食其他嘢

我同媽黎呢度食下午茶已經係第二次啦，只有平日先至有下午茶套餐，唔駛諗食乜好，又夠晒抵食。我就揀左椰香咖央多士配馬來西亞熱拉茶 $26，加$15有埋檳城福建蝦油麵。媽話午餐仲好飽，只食椰香咖央多士配檳城熱白咖啡。我話加多 $15 可以有多一個麵食，而且平時都好少機會食馬菜。上次黎媽食佢食檳城福建蝦油麵同檳城白咖喱麵都話好辣，食唔到辣野。結果佢話點左招牌老鼠粉。檳城福建蝦油麵: 呢隻麵都算辣，且湯底算幾油，辣味蓋過蝦味，加埋油麵，更覺油膩。除蝦外，仲有半隻蛋、肉片同少許通菜，混埋湯底都幾入味，但真係辣左少少。招牌老鼠粉:  老鼠粉其實似係銀針粉，加上醃左嘅肉碎、葱花同青瓜絲，完全唔辣。肉碎醃入味，唔會太咸，落左葱花同青瓜絲，成個粉唔會咁 dry ，似台式魯肉碎咁，且令到成個粉更香口。我媽話食落似佢細個時食嘅狗仔粉。椰香咖央多士: 呢隻多士我覺得係必食，第二次食都好好味，多士烘完好香口，好脆。椰香咖央嘅椰香味好香濃，唯咖央真係幾甜。另真算幾細心，一份多士切成四份，細細件容易入口。檳城熱白咖啡: 香濃白咖啡味，可惜太甜，最好自己落糖。馬來西亞熱拉茶: 香濃茶味，同港式奶茶唔同，冇苦澀味，可惜太

有日買完餸行過剛開舖，見冇人排隊又有位就入去一試，未去過馬來西亞唔知係咩風味，試完有d疑惑🤔！點解次次經過都噤多人排隊其實係廣告同人群效應定係自己唔識食？以前只飲過朋友馬來西亞帶回來湯包煲過嚟飲，一落單就會放上每人一碗肉骨茶湯（只是湯冇其他料，因為免費）只飲了一碗因該只飲到咸湯味，但隔離位女仕不停叫添飲，唔知係咪自己唔識飲，因為自己煲湯包有藥材味，呢碗只有微微藥材味同濃濃咸味。 落單叫左怡保雞絲湯河，招牌老鼠粉，檳城香炸鹵肉卷，桔仔話梅水，冬瓜龍眼茶。睇相睇分享啦！

今日終於的起心肝打返篇食評！因為要去深水埗買野既關係所以預先上openrice ，IG search 下有咩野好食咁岩就係睇緊有咩特別野食既時候就見到好多人都post左蘇媽呢間食馬來西亞既餐廳！平時食得太多西餐同日本野，今日就食下馬來西亞餐！一打開餐牌見到d菜名好得意，都幾吸引！好多野都想食😋但唔係好餓所以我地叫左個Tea Set！ 一個話知你薄餅配咖哩,佢個薄餅煎得好脆，咖哩都好惹味，絕配呀👍🏻！Tea set 野飲叫左冬瓜龍眼茶，大大杯，好清甜，感覺好消暑。另外再加$15 有個招牌老鼠粉，其實係銀針粉，撈埋佢地既肉燥汁，青瓜，口感一流，值得一試！😋😋最後散叫左咖咉多士，不過略嫌凍左啲同個多士太厚身，如果熱啲會好食得多！今日都算好彩，好快入到去唔係好駛等位！下次會再黎試埋其他野食👍🏻

呢間餐廳平日午飯同晚飯時間都會大排長龍，所以我同同事就好奇想睇下呢間餐廳到底有幾巴閉！當日我地午飯時間去，大約等左30分鐘先有位。鋪頭唔算大，全部食客都要搭枱，但係座位唔算太逼，都坐得舒服~我地叫左兩款肉骨茶，配料分別係一字骨同豬腳彎，另外仲叫左招牌老鼠粉、馬拉咖喱雞肉撈麵、仁噹牛肉乾撈麵同埋咖央多士。肉骨茶飲落有鮮甜肉香，藥材味唔算太重，一字骨同豬腳彎入味得嚟又唔會好似平時煲完湯啲肉咁老，肉質仍然保持嫩滑。重點係肉骨茶係免費添飲，所以鍾意肉骨茶嘅朋友一定唔可以錯過！老鼠粉其實即係銀針粉，上面鋪咗肉碎同香腸，食落鹹香惹味。兩款撈麵都用咗油麵，麵質比一般油麵硬身、有咬口。馬拉咖喱雞食落幾香又唔會太辣，仁噹牛肉食落似濃味版咖喱，好香口，超好味，但係味道偏辣。另外值得一讚嘅係咖央多士！多士好鬆脆，咖央醬嘅椰子味好濃，牛油分量剛剛好，食到有牛油香但係又唔會咬到一大舊牛油搞到成口肥淋淋。總括嚟講，呢間餐廳嘅食物味道真係唔錯，而且價錢又唔貴，CP值極高呀！唔怪得成日都大排長龍啦~

久仰蘇媽的大名，開了餐室後更加想試，日前終於光顧了。星期六下午5時多，門外已經站了不少等位的人。幸好不用等太久便有位了，坐下來後先學肉骨茶四步曲。第一步是混醬，將蒜蓉、辣椒、頭抽和黑豉油混在一起。接下來喝一碗熱湯。招牌老鼠粉($30)的配料有腸和肉碎，以黑醬油調味，簡單味美。肉骨茶(一字骨)($38)來了，比剛才那碗熱湯更加熱辣辣，味道鮮甜，藥材味不會太濃，一字骨沾醬來吃，味道太好了。另一碗點了限量供應的肉骨茶(皇帝骨)($48)，平日較少機會吃到皇帝骨，值得一試，脂肪很少，肉味很濃。窩夫愛吃薄餅，點了話知你啦薄餅配咖喱($32)，幸好咖喱不太辣。點了一款飯/麵類，可加8元要一杯熱的馬來西亞拉茶，南洋風味蠻正宗的。

行完山走落黎呢間餐廳，朋友見門面幾靚，決定拎張飛，排左15分鐘先有得食，不過門口個侍應都幾識做，唔會要人白等，叫我地行個圈再返黎。店舖裝修都幾新淨，好多招牌，都幾有特色，最緊要張枱都好乾淨，地板都乾淨，我原本打算叫個招牌老鼠粉食下就算，加個桔仔冰。點知老鼠粉好好味，佢聲稱幾辣，但一D都唔辣，反而好好味，於是我地係咁加單，叫多左個椰漿飯，有少少似海南雞飯D飯，但有椰子味，而且綠色飯好得意，之後又叫多個炒蜆，魚仔醬好味道，D汁好正。串燒方面都唔錯，不過最正係肉骨茶，我就唔識食骨，所以叫左個豆卜金菇，幾入味，不過最正係舉手呢佢就會幫你再添肉骨茶，飲到夠為止，我FD話一字骨好好味，至於魚仔醬蘿蔔糕，用黎當糖水都唔錯。佢D碗都幾得意，細細個，拉茶就似係一般奶茶，不過滑少少，有個愛他愛他的食物，用竹葉包住，原來係魚肉黎，都唔錯，幾特別。食完咁多樣野剛剛飽，其實佢每樣野都係廿、三十蚊左右，平到傻，可惜我地叫左佢半張MENU野食，所以埋單每人都要一舊水，誠意推介像埋桔仔冰，食辣野像桔仔冰簡直係種享受。其實佢位唔係好多，但都冇催我地走，好人。