LIFETASTIC (希慎廣場)

营业中

休息中

講起LIFETASTIC都一定會諗起佢地嘅招牌草莓西瓜蛋糕😌但其實佢地嘅西餐都好有水準架👍🏻🔸芝麻汁牛油果蟹肉沙律 $118沙律上面有滿滿嘅蟹籽同蟹肉再加埋牛油果，成個沙律清新得嚟又夠豐富🥗 可惜當日冇提供柚子檸檬汁唔係嘅話個沙律應該會更fresh🔸巴馬火腿薄餅(10吋) $138一上枱就聞到芝士嘅香味🧀pizza非常香脆，parma ham鋪滿整個pizza🤤配埋芝士簡直係停唔到口🔸炭燒澳洲谷飼黑安格斯封門柳 $198呢個main非常出色💯牛肉味濃，肉質都比想像中鬆軟，就算揀咗七成熟亦唔會燒得太乾身👍🏻配埋醬汁一齊食令到味道更豐富🔸泰式冬陰功海鮮扁意粉 $138呢個意粉完全令人驚艷🤩有滿滿嘅海鮮，冬陰功汁濃郁得嚟帶點微辣非常惹味👍🏻🔸 招牌草莓西瓜蛋糕 $78蛋糕層層分明，頂層有洛神花果凍加上士多啤梨，夾層有玫瑰味忌廉同清甜多汁的原片西瓜再加埋杏仁餅底，令蛋糕食落清甜不膩又口感豐富#FEVI_cafe#FEVI_銅鑼灣📍LIEFTASTIC銅鑼灣軒尼詩道500號希慎廣場3樓326及330-331號舖

一向認識lifetastic都覺得蛋糕好出名，味道都幾特別，但原來店内都有main食，更加係幾有水準！ 🍬點主食後可以半價點蛋糕，真係可以好抵地滿足主食+蛋糕2個願望！🍬餐廳都坐得舒服，仲無時間限制，係傾計食野好地方。不過想食蛋糕，記得早d去~否則蛋糕太受歡迎可能會無！ 🌟椒鹽炸栗米 $58 -炸栗米幾特別，整到夠脆口但唔油膩，粒粒都有椒鹽粒，夠曬惹味！ 🥗柚子檸檬汁牛油果蟹肉沙律 $118- 沙律上滿滿蟹肉+蟹子鋪面，食沙律都可以好豐富🍝泰式冬陰功扁意粉 $138 -冬陰功汁整到夠香口，椰香味重至餘，辣得開胃。配料都好豐富，青口大大粒，仲有帶子、蝦等，值得一食！🍰招牌草莓西瓜蛋糕（原價$78, 點主食後半價）-必食cake款，食落去超級香玫瑰花🌹味，難得嘅係西瓜好爽香fruity，再配上大大粒士多啤梨同nuts，甜度適中又夠refreshing有甜品又有main嘅晚餐都係人均$200，真係非常難得！

呢間蛋糕店以招牌草莓西瓜蛋糕為人作知，估唔到西餐都有驚喜，精緻又美味😋！.🔸 (HK$198)餐廳推薦菜式之一。呢個黑安格斯封門柳以燒過嘅翠玉瓜、蕃茄仔、薯蓉等拌碟，再淋上自家調配嘅醬汁。五成熟嘅封門柳炭燒得啱啱好，外層微微焦香，內層肉質粉嫩而多汁，食落肉味濃郁，配埋醬汁食好滋味🤤！.🔸 (HK$158)餐廳推薦菜式之一。意粉面頭再放上炸至金黃色嘅軟殼蟹，賣相唔錯！海量明太子滿佈喺意粉上，而意粉硬度適中同好掛汁，每啖食落都食到明太子，鹹香十足😍！.🔸 (+HK$39)招牌嘅無麩質杏仁蛋糕系列之一。蛋糕以杏仁餅底、玫瑰味忌廉相間，中層夾有西瓜，頂層有草莓、洛神花果凍，再撒上玫瑰花瓣、開心果，賣相好吸引！食落酸酸甜甜，清甜可口😚！.🔸 (+HK$39)海綿蛋糕系列之一，仲要係季節限定！粉紅色嘅原味海綿蛋糕，充滿少女心💖！原味海綿蛋糕夾層之間有伯爵茶忌廉同白桃，頂層就有日本白桃同細細粒嘅桃味果凍，再以忌廉點綴。食落伯爵茶味突出，桃味香濃😋！不過要留意，呢款蛋糕就含有麩質㗎～.🔸 (HK$58)沙冰飲品系列之一。呢杯沙冰就好似液體版嘅招牌草莓西瓜蛋糕😆，由草莓同西瓜打成，面頭有西瓜，再撒上玫瑰

好開心🥳～最近去我最鐘意食嘅草莓🍓西瓜🍉蛋糕🍰 のLIFETASTIC BISTRO 希慎分店，試下佢地嘅晚餐先～ 😍 今次試嘅主菜：廚師推介👨‍🍳 の炭燒澳洲殼飼黑安格斯封門柳 $198廚師推介👨‍🍳 の明太子軟殼蟹意大利料 $158封門柳我地叫咗7成熟，黎到真係剛剛好，仲有陣陣炭燒味配埋薯蓉一齊食真係超正啊！😍 意粉真係有被驚喜！！前排食咗一個唔好食嘅白汁意粉🍝，黎到LIFETASTIC BISTRO抱住一試嘅決心，結果真係非常高質 💖意粉硬到剛好，最出色其實係白汁明太子，每一啖放落口都好滿足吖🥰甜品方面我地叫咗： 1️⃣ 招牌🏅草莓🍓西瓜🍉蛋糕🍰 $78/件2️⃣ 招牌🏅芒果🥭西瓜🍉蛋糕🍰 $78/件3️⃣ 鮮雜果伯爵茶（凍）$65/樽 2人份量雖然出咗白桃新口味都好想試！但始終最鐘意經典招牌款嘅草莓西瓜味，一如既往的咁好味，香甜中少少微酸嘅花香更突顯草莓果肉的清甜環境舒服😌坐得好舒適，同姊妹一齊Chill一齊傾下計，真係好Relax~

西瓜蛋糕相信大家都知道邊間，但同一間餐廳原來唔淨係得蛋糕，仲有得堂食餐。位於銅鑼灣希慎廣場3樓，餐廳有出面同入面兩部分，不過通常都排長龍。牛油果大蝦芝士焗大啡菇（2件）$78雖然淨係得兩件，但都落足心機，牛油果蓉加埋芝士，蝦都彈牙，最緊要係舊菇好juicy。燒汁烤原隻春雞 $178燒春雞好大隻，而且肉質鮮嫩多汁，薯蓉底撈埋肉汁食勁邪惡。大大份，實夠飽。招牌草莓西瓜沙冰 $58西瓜蛋糕嘅沙冰版，如果覺得食蛋糕好邪惡好大負擔，呢個沙冰都係一個好好嘅選擇。芒果熱情果西柚紅茶 $65好大杯紅茶，而且又唔會好甜，呢個配搭好fresh。招牌草莓西瓜蛋糕 $78呢個蛋糕一直都係女朋友嘅最愛，而且西瓜整蛋糕唔出水嘅專利，真係科技同味道嘅成果。整體黎講，CP值都幾高，而且整體用餐感覺同環境都好舒服，可以再去。

今日黎左呢間主打無麩質蛋糕嘅餐廳，裝潢以深藍色同金色為主，優雅又高貴。而家order一個Main或Pasta，+$15 就有一個餐湯、任何飲品半價 (沙冰除外) 同埋任何件裝蛋糕半價，幾抵食～柚子檸檬汁牛油果蟹肉沙律 $118將牛油果、蟹肉、蟹籽及各款沙律菜配合柚子檸檬汁拌食，味道酸酸甜甜，非常清爽醒胃。卡邦尼意大利粉 $108意粉質感滑溜又creamy，雞蛋同芝士份量比例恰到好處，芝士味濃郁，煙肉鹹香味重，味道豐富。🔹️招牌草莓西瓜梳打 $26 (半價)炎熱嘅天氣，要飲番杯酸甜清爽又冰涼的梳打水，清甜嘅西瓜配搭酸甜嘅草莓製成嘅飲品，好解渴。🔹️招牌草莓西瓜蛋糕 $39 (半價)(開心果・玫瑰花瓣・草莓・西瓜・玫瑰味忌廉同杏仁餅底)呢個係無麩質蛋糕❤️蛋糕頂層用左洛神花果凍及草莓果肉製成，香甜帶微酸的花香突出草莓果肉的清甜不膩，再配以玫瑰花瓣及開心果碎點綴。夾層以西瓜及玫瑰味忌廉相互層疊，玫瑰味忌廉味道清幽同清甜多汁的西瓜果肉完美平衡。餅底則以原粒杏仁磨成粉末製成，微細的杏仁顆粒令餅底口感更豐富。荔枝西瓜蛋糕 $78(荔枝・西瓜・接骨木花忌廉・同杏仁餅底)呢個都係無麩質蛋糕❤️蛋糕頂層用左接骨

這家的蛋糕很有名，色彩繽紛，不時也會買來食，但主食還是第一次去。 銅鑼灣店在希慎廣場內，以寶藍色為主調，有開放式座位，感覺優雅寫意！菜式是西式的，前菜、沙律、主食、意粉、甜品都有😍🥩炭燒澳洲穀飼黑安格斯封門柳🥗柚子檸檬汁牛油果蟹肉沙律都是廚師推薦的，牛柳色澤紅潤，入口有炭香而且嫩滑多汁，醬汁帶出提升肉味。伴碟蕃茄超甜！沙律新鮮豐富，加入柚子檸檬汁，食落甜甜地又清爽，唯牛油果可以再熟啲🍰招牌草莓西瓜蛋糕🍹雜莓梳打點主食，甜品飲品都有半價🌟，都幾抵食🤩蛋糕玫瑰味好香，裡面有一整片西瓜，好爽甜，蛋糕加入多款不同食材，真的好考功夫，食落又好夾。

無麩質蛋糕聽就聽得多，但一直都未試過，今年嘅生日終於試到。無麩質飲食對於對麩質過敏或者患上乳糜瀉的人有好大益處，哩款係連敏感人士都可以食嘅蛋糕🍰✨招牌草莓西瓜蛋糕 $398蛋糕層次感十足，面層鋪滿玫瑰花瓣同開心果碎，之後就有草莓+葡萄，而蛋糕位置係由杏仁餅底夾住玫瑰味忌廉同西瓜組成。一口食哂咁多款材料嘅口感好豐富，首先係食到香濃嘅玫瑰味🌹 跟住就係草莓酸酸甜甜嘅香味🍓 之後就咬到爽甜嘅西瓜🍉 不同嘅口感及味道有好大驚喜😍🔍整體感覺：蛋糕味道配搭得好好，今次食哩個係母親節少甜版，雖然係少甜，但甜度都好夠，仲突出咗材料本身嘅原味👍🏻 只要提前2日預訂，仲可以免費送貨到樓下，咁就唔洗擔心要拎住個蛋糕周圍走啦😆 喜歡食荔枝嘅我一定要試埋荔枝味先得😏

一直都想試鼎鼎大名嘅招牌草莓西瓜蛋糕，以往餐廳人龍不絕，今日中午嚟到，見冇乜人，就諗住靜靜地坐低享受，由於疫情關係，餐廳內部的座位已關閉，只開放餐廳對面的開放式座位給食客。難得來一趟，冇理由淨係食蛋糕嘅，順便試埋佢午市套餐，品嚐其他主菜及飲品。今日叫咗個午市Spaghetti carbonara套餐，包餐湯及咖啡，我加咗一件招牌草莓西瓜蛋糕，蛋糕就半價。雖然得兩、三枱食客，但係每一道菜都要慢慢等，首先嚟咗個忌廉餐湯，味道淡淡的，食唔出係罐頭嘅味道，但又唔算好好味，一大碗，飲完冇咩印象，一般啦。之後就來主菜啦。通常去新嘅西餐廳我都會試佢嘅carbonara，就可以知道餐廳嘅水準，意粉醬料味道好濃郁，但偏鹹，蛋味比較重，我自己比較喜歡忌廉味多少少嘅carbonara，這個還好。期待已久嘅招牌草莓西瓜蛋糕終於嚟啦😃蛋糕外觀色彩鮮艷，粉紅色好有少女心，相信女仔一定會鍾意，蛋糕分開好多層，一層層嘅忌廉、西瓜果肉、士多啤梨啫喱，夾埋一齊食，口感清新，甜而不膩，係好食嘅，但係味道又不至於會難忘……呢個細細件嘅蛋糕原價$78 ，真的嗎?😅今日呢一餐連加一埋單$200幾，所有食物味道都係一般，仲要坐類似

早前，難得限聚令放寬晚市堂食， 我們一行 4 人終於可以約出來食晚飯，補祝好姊妹 1月生日啦！我們提議走到銅鑼灣希慎廣場3樓的 <LIFETASTIC>，這間店有4間分店，分別是：中環、銅鑼灣及尖沙咀，只有銅鑼灣有兩間分店，有外賣店及餐廳！由於，我親身到餐廳訂座，順便睇吓餐廳環境及餐牌；訂座後不夠半小時，便收到餐廳的手機短訊確認訂座資料！食飯前一天，又會收到餐廳短訊要求我確認 Booking！第二次以 Openrice app 訂座，要講明訂定 High Tea set！除了安心出行之外，店方還有其公司的 QR code，以便食客填上個人資料！餐廳設有兩邊用餐區，一個在商場開放範圍，另一個在餐廳內；以深藍色調配玫瑰金色，格調獨特，充滿神秘感！兩次幫襯也被安排到商場開放範圍用餐區，反而更光猛及減少壓迫感！除了餐具之外，還備有口罩套，實用又貼心！服務方面，店員們態度好又有禮，卻是飲品及食物都上得好慢，慢工出細貨！令人大打折扣！當我第二次幫襯，質素似明星的靚女店員話認得我，令我好驚喜又開心！Menu食物款式不多，飲品選擇較多！Food MenuDrinks menu 第一次幫

這晚來希慎廣場吃飯。餐廳有main dish, pasta, salad, starter 多種選擇。點咗比較特別的水果茶（2人份）由西瓜、草莓及洛神花調配而成，酸酸甜甜很開胃。Starter蟹肉、西瓜及水牛芝士的簡單配搭，清甜卻美味。帶子好吃！啖啖肉，少許鹽調味，大大提升其鮮味，配上酸酸的乳酪醬，是一道不錯的Starter！Main dish泰式冬蔭醬配上海鮮及意粉的組合又是無得輸！香辣惹味。至於Slow-cooked Partridge with Pumpkin Purée 鵪鶉以慢煮形式烹調，肉質結實，跟酸酸甜甜的士多啤梨醬很夾。 最期待的當然是甜品環節！點了招牌草莓西瓜蛋糕及朱古力茉莉花茶蛋糕；特別喜歡其杏仁餅底，口感十足，配上甜度適中的玫瑰味忌廉，不錯～朱古力味十足，而且是可可濃度頗高的一件蛋糕，適合不愛吃甜的點來配咖啡喝。

同朋友慶祝生日，晚餐食居酒屋，因為餐廳收切餅費$100，所以我哋就決定食完晚餐轉場，book咗呢間去食蛋糕吹蠟燭。我哋三個女仔order咗三個小蛋糕，先試佢嘅招牌草莓西瓜蛋糕，可能因為本人唔係好食西瓜嘅關係，所以覺得普普通通。第二個食嘅係香蕉焙茶蛋糕，♥︎♥︎非常喜歡，陪茶味香濃，配上甜甜嘅香蕉，呢個組合非常夾✩✩雖然三個蛋糕裏面賣相最普通係佢，但我覺得係最好味✌︎✌︎最後我哋食喺希慎鋪獨有嘅碟豆花藍莓芝士蛋糕。坐我隔離嘅朋友講到明係唔鍾意食呢個，對於我來講就唔錯嘅，淡淡嘅忌廉芝士味，配上粒粒藍莓果肉，整個蛋糕都充斥住碟豆花嘅味道。另外飲品方面，我叫咗一杯朱古力奧利奧咖啡奶昔♥︎♥︎♥︎好好味呀，如果你唔怕肥的話，係必點嘅飲品✌︎✌︎今次我哋冇食熱食，但眼見隔離枱嘅熱食賣相非常之吸引，下次一定要去試佢嘅熱食。蛋糕賣相吸引，慶祝生日係唔錯嘅選擇，不過味道方面未必款款都可以滿足到味蕾。

姨丈牛一請食飯，話明唔想後輩破費買禮物，XO仔同哥哥就簡單地獻上生日蛋糕以表小小心意，並由姨姨揀選人氣西餅店「LIFETASTIC」嘅招牌無麩質蛋糕。離公司最近嘅希慎廣場分店原來係一間設有堂食嘅西餐廳，用餐區域延伸兩邊，面積唔細，樓底高高，商場空氣都好流通。藍色嘅牆上道出店名「LIFETASTIC」嘅來由及理念為「LIFE IS FANTASTIC」。環保嘅小肥早於官方網頁查看過蛋糕目錄及價格詳情：https://lifetastichk.com/Cake_Catalog/Lifetastic_Cake_Brochure.pdf現場陳列雪櫃展出嘅大部份都係不同大細嘅人氣糕品「招牌草莓西瓜蛋糕」。年經嘅服務生態度溫婉，訂購流程亦簡易迅速。方形嘅蛋糕盒十分穩固，內含保凍乾冰及蠟燭一枝，衛生得黎保護力強。招牌草莓西瓜蛋糕（$398/Small）：細佬有果仁敏感，明知食完會身痕都要俾面姨丈頂硬上，順便評一評嘛。生日蛋糕面層舖滿紫紅色嘅食用玫瑰花及翠綠嘅開心果。經哥哥巧手切出嘅蛋糕層次分明，可清楚睇到士多啤梨肉、西瓜、兩層忌廉及兩層杏仁餅。無麩質蛋糕俾小肥嘅感覺就好似食緊混入咗果肉嘅麥皮咁好健康

一直想試很久的餐廳！銅鑼灣這分店更設有咸食menu，剛好朋友生日，便約了到此吃飯。 侍應友善地為我們介紹推介菜式及飲品。比較特別的是菜式裡都會加入一些水果做配搭。最後點了Starter: Seared Tuna with Mango Salsa, Scallops with Tzatziki & Watermelon, Main: Signature Mentaiko, Crabmeat & Scallop Spaghetti, Slow-cooked Partridge with Pumpkin Purée 前菜的半熟吞拿魚配上芒果Salsa，很不錯喔，挺開胃的；帶子刺身十分鮮甜，旁邊的乳酪醬配上脆餅吃，甜甜的挺特別的。主菜方面，點了一肉類及一麵食。Slow-cooked Partridge with Pumpkin Purée 鵪鶉跟乳鴿有點相似，但肉質更為結實，有別於一般薯蓉配搭，甜甜的南瓜蓉配上肉類就像沾醬般食法；意粉方面，明太子、蟹肉這配搭本身已是一絕，醬汁煮得稠身，使意粉十分掛汁，是鮮味十足的一碟麵食。飲品方面友人跟我均點了Tonic drinks，味道酸酸的且不會太甜，打

今晚預祝朋友生日，佢想食呢間餐廳。希慎廣場呢間分店裝修以暗藍色為主，行型格路線。除左有餐廳座位，仲有商場座位。多款蛋糕既甜品櫃，全部都好吸引。除左必食既蛋糕之外，亦有提供主食，一次過滿足晒鹹甜既口慾，而且擺盤十分精緻。兩款前菜北海道刺身級帶子、青瓜酸乳酸醬、意大利青瓜、細香蔥擺盤精緻，帶子鮮嫩，成個配搭好新穎，味道都唔錯。蟹肉、西瓜、馬蘇里拉芝士、特級衫榨橄欖油蟹肉份量唔少，用西瓜入饌好特別，而且又靚既一道前菜。兩款主菜慢烤手撕西班牙黑毛豬肋骨肉、南瓜蓉、車打芝士、烤雜菜個豬切開係一撕撕架，口感軟腍，加埋芝士，好味道。原隻法國鵪鶉、南瓜蓉、薯仔、荷蘭豆、香草草莓辣醬鵪鶉肉質厚實，用草莓伴碟增添色彩，薯仔同南瓜蓉都好食。兩款蛋糕招牌草莓西瓜蛋糕: 玫瑰花瓣、開心果、葡萄、草莓、西瓜、玫瑰味忌廉、杏仁餅底賣相好得，打卡一流，食落玫瑰味好重，口感豐富。成個蛋糕用左好多水果，所以好清新，有別於一般既蛋糕，我喜歡。朱古力茉莉花茶蛋糕: 水煮迷你洋梨、朱古力及茉莉花茶慕絲、茉莉花茶糯米餅底、洋梨果肉、朱古力及茉莉花茶糯米餅底茶味好出，搭配朱古力蛋糕好夾，仲有洋梨，食落唔膩，甜度又低，美味可口。兩杯