發哥粥底海鮮火鍋 (已結業)

🦞龍蝦餐 $288一位，🦀海蟹餐 $248一位；星期五六日火鍋每位加$10；另外茶芥醬油每位$15；全日免加一。每位都有燉湯一盅，我飲嘅係螺頭姬松茸燉雞湯，夠火候得黎味濃且清澈，唔係hea 你架👍🏻。龍蝦餐同海蟹餐分別包半隻龍蝦同半隻蟹，另外仲包七款海鮮同安格斯牛肩肉，七款海鮮包括蟶子皇、貴妃蚌、多寶魚、黃金蜆、時令貝、海蝦🦐，第七款海鮮可選新鮮鮑魚或冰鎮鮑魚；蜆同貝類我收到沙白同帶子，鮑魚就揀左新鮮鮑魚。🤩最驚喜嘅係鮑魚，生猛新鮮唔在講，煮完肉質有彈性得黎又好易咬👍🏻，唔會硬掘掘或者食橡膠咁；貴妃蚌中等體形，非常飽滿鮮甜；海蝦都好新鮮，拮好左一串串又剪曬蝦鬚，煮起上黎好方便，夠曬貼心。蟶子皇就有少少失望，係就係大隻，但肉薄又唔算鮮甜。八款配料分別叫左西班牙豬腩肉、美國肥牛、鮮滑雞、自家製雲吞、海蝦海沙白炸魚皮自家製墨魚滑。🤤推介雲吞！皮薄餡靚好juicy，仲有少少甜味，應該係來自蔬菜嘅，呢個真係必點！美中不足係魚皮唔夠脆同埋有浸燶味，不過又好好比我地可以換第二款配菜(最後叫左唐生菜)。食曬主菜同配料就可以食粥啦，店員幫我地加左飯、粟米、南瓜同芋頭，時間關係我地唔㡳煮左好耐就食啦，粥底

上次試左佢嘅早茶，見到有晚市粥底火鍋食，就一直話想試吓。顯徑東菇亭大裝之後，多左好多新野，同貴價野，舊式嘅東姑亭都已變左新茶樓同火鍋店。早市是飲茶，晚市係發哥火鍋小菜。都好多變化下。上次飲茶，都已覺得唔錯，食材新鮮，材料都好多自家制，墨魚滑，竹蓆茅根水等等，都係茶樓自家製，相當欣賞佢嘅心思。今次試佢嘅298粥底火鍋餐，有龍蝦🦞聖子發黑毛豬,肥牛，另加八款火鍋料，開始時以為唔多夠，仲諗住要加碼叫多幾個牛肉同豬肉。不過，食落又好多好鬼飽。值得欣賞嘅係佢嘅海鮮同黑毛豬，非常好味😋海真是游水咁新鮮，鮮，甜，爽😊。意外嘅是黑毛豬，十分出色，一食就知好野。肉味香濃。另外佢嘅自制墨魚滑非常爽口彈牙，用料十非足夠。相信我仲會幫襯佢。

身為沙田友，好多朋友都係住沙田，住顯徑仲特別多，經常嚟呢頭附近食嘢，最近見到顯徑冬菇亭開咗間新食肆，有小菜有火鍋，今晚一家攞開嘢過嚟，就決定入去試吓；今晚我地揀咗食粥底火鍋，見到有套餐，我地兩公婆分別點咗同龍餐蝦海蟹餐，先嚟一個燉湯，好清潤，每個餐都有安格斯牛肩肉、蟶子、貴妃蚌、黃金蜆、海蝦同多寶魚，不過當晚冇多寶魚改咗海班，仲有可以揀新鮮鮑魚或者冰鎮鮑魚，我地兩個都要新鮮鮑魚，上枱嘅時候隻鮑魚又大隻仲會郁㗎，粥底一滾我地就先食鮑魚，真係食得出嘅鮮味，所以我推薦大家嚟到一定要食新鮮鮑魚牛肩肉好嫩滑，海蝦夠鮮甜，雖然龍蝦同蟹都係半隻，但套餐仲有8款食物選擇，好多種類，所以一定夠食，除咗汽水任飲，每枱都有瓶竹蔗水，經理話係廚房師傅自己每日煲，唔係街貨，飲落果然好嘢!下次除咗粥底火鍋都可以試吓小菜，呢度三個冬菇亭都係佢地，地方大，坐得好舒服，值得同一大班朋友嚟聚餐!