臺北棧 (荷李活道) (已結業)

經過左呢間餐廳好多次，加左入想試既列表好耐，終於有時間去試，特登揀2點冇乜人先去。叫左個酸辣牛肉麵，酸味就食唔出，辣味都係得少少，可能我食開濃味，所以覺得唔夠味，不過佢加入左蟲草花，增加左口感幾好，牛肉相當稔入味，飲左好多湯都冇覺得口喝。另外再叫左明太子甜不辣，好味，不過其實我唔係好知咩係甜不辣😅外賣左個伯爵茶芋圓，試左一粒伯爵茶啫喱粒，唔識欣賞，揀曬出嚟淨係食其他，下次唔會再嗌。提提大家佢地只收現金

有係中環返工的朋友勁推佢哋的台式cocktail, 而家冇左晚市，唯有早少少tea time 黎試。招牌牛肉面-湯頭有藥材味但不會太過，絕對不油膩-刀削麵好Q彈！是姐歡喜的咬口-牛肉係厚厚的，好淋滑髒髒芋泥鹹蛋黃蛋餅-姐是芋泥控！芋泥好甜，唔係死甜係有芋頭味的香甜-大量鹹蛋黃碎夾埋芋泥鹹鹹香香甜甜咁明太子甜不辣-魚糕炸粉不會太厚，口感Q彈-明太子醬大量係面，作為佐酒小食一流奶茶妹妹，醉了-非常有驚喜！見到cocktail menu 已經覺得好吸引-earl grey 再加vodka and Bailey, 茶味不會被酒味cover 哂，仲有bubble, exactly 係飲緊有酒味的bubble tea，女生一定大愛！

難得約到好友午餐飯聚，那我就選擇到這間提供台灣美食的地方。 明太子甜不辣 台灣地道小吃，甜不辣炸得金黃，表面有點脆，魚肉彈牙，嚐到魚肉鮮味，配上滋味鹹香的明太子醬更令味道提升。 招牌牛肉麵 可選刀削麵或寬粉絲，我就選了彈性帶嚼勁的刀削麵。香氣飄逸的招牌牛肉麵，湯底濃郁，牛肉厚切入味，烹調得宜，燜煮得香滑軟腍。亦有入味的百頁豆腐，因其多孔的特性，吸收了濃郁的湯汁，十分滋味。還有半只溏心蛋，蛋香十足。 髒髒芋泥鹹蛋黃蛋餅擺盤漂亮 香口的蛋餅捲着芋泥和鹹蛋黃，幼滑的芋泥帶來芋頭自然清新的甜味，沾點碟子上的煉奶，味道帶甜而不膩，口感綿密，層次豐富。 奶奶麻糬　今天終於可嚐到每天限量的麻糬 可選粒粒花生或黑芝麻，今次先嚐粒粒花生吧。店員送上時十分貼心的講解怎樣把碟中的麻糬與花生混合。一小團麻糬沾滿花生碎粒，放入口即嚐到口感涼涼而帶奶香味的麻糬及香脆的花生碎粒，味道十分匹配。這裏做的麻糬不含糯米，用日本鮮牛奶製作而成，怪不得可以那麼順滑，入口即溶。

成日行過都多人排既中要人氣台灣fusion食店，今次人多，再黎一次，可以試更多款式但份量偏細，多人就可以叫多D明太子甜不辣 🌟🌟🌟🌟🌟熱辣辣既甜不辣，煎得好香，入面煙煙韌韌，點埋明太子醬好夾，咸咸香香台式肉鬆榨菜蛋餅 🌟🌟🌟🌟🌟蛋餅都係傳統味道好，肉鬆榨菜都係最夾，加埋沙律醬、甜醬、芝麻，加上用鴨蛋整，好香髒髒芋泥鹹蛋黃蛋餅 🌟🌟🌟🌟呢款係推介，創新既口味，擺盤都好靚，芋泥鹹蛋黃都幾夾，咸咸香香，芋泥唔會太多，比例岩岩好，唔會好漏，但個人鐘意傳統肉鬆口味鹹蛋黃芋泥乒乓球 🌟🌟🌟🌟味道同髒髒芋泥鹹蛋黃蛋一樣，但表皮脆卜卜，唔多介紹啦麻婆豆腐手工餃 🌟🌟🌟🌟手工餃大大隻，麻婆豆腐同佢都可以撞埋一齊，都唔錯～蟹肉麻婆豆腐撈麵 🌟🌟🌟🌟🌟全晚最推介蟹肉麻婆豆腐撈麵，滿滿蟹肉，完全唔會吝嗇，Q彈既麵條，撈埋軟滑既豆腐，加埋蟹肉香，好好味豬軟骨鯊魚骨豆乳湯麵 🌟🌟🌟🌟清清淡淡豆乳湯，配料有脆卜卜既蟲草花、豆腐、流心蛋、豬軟骨，唔會太濃味，味道岩岩好奶奶花生麻糬 🌟🌟🌟呢款好多人推介，係用鮮牛奶同木薯粉整成，係糯米粉整出黎個種煙韌感，好岩怕漏既朋友，但我個人鐘意真麻糬多D

Weekend去完中環街市朝聖和Shopping後，在附近找了這間人氣很旺的台灣菜小店。記得有次經過門口，人龍之長令我立刻Bookmark要找機會試試看。正好這天Tea Time到店，客人不多，不用排隊！聽著台灣流行歌，吃著台灣美食，不禁心裡想：什麼時候可以再去台北暴食……台式肉鬆榨菜蛋餅 $68 / 薯泥起司松露蛋餅 $78作為蛋餅控，Order了2款蛋餅也不過份吧！肉鬆榨菜蛋餅的肉鬆份量頗多，夾在蛋餅和榨菜中間，配搭酸酸甜甜的沙律醬，好有台味！相比之下，薯泥起司松露蛋餅味道較淡，全靠松露醬帶起味道，薯蓉非常棉滑，很有飽足感。招牌牛肉麵 $108湯底濃郁，有藥材甘甜的味道，好有台灣風味，選擇掛湯又彈牙的刀削麵就最適合不過了。牛肉採用了牛腱部份，淋滑無渣，還有蟲草花增加口感。份量不算多，如果是正餐的話，建議要Order小食。溏心蛋滷肉飯 $55溏心蛋和半肥半瘦的滷肉同樣入味，滷肉汁一向都是白飯小偷，略嫌白飯有點乾和硬身，與軟滑口感的滷肉有點格格不入。明太子甜不辣 $68甜不辣煙韌彈牙，也不油膩。明太子醬很濃郁，鹹鹹甜甜很有層次，與甜不辣淡淡的味道很搭。

雖然見到門口有人排隊， 不過睇過啲食評都覺得好吸引， 排隊都要試下， 好彩等咗兩三張枱就輪到我地， 叫咗啲招牌嘢食， 牛肉麵個湯好香好好飲， 啲面滑得嚟有少少彈牙， 個牛肉亦都好淋好入味， 下次再嚟都會再叫， 仲嗌咗個芋泥蛋餅， 個蛋餅皮佢好似話係用鴨蛋做， 食落煙煙韌韌， 口感好好， 個餡都好足料好好食， 再來就係個明太子甜不辣， 個甜不辣個口感都係有少少煙煙靭靭， 又有少少似魚蛋咁， 加埋明太子食啱啱好， 下次再嚟都會再encore， 最後係個鹽酥雞，新鮮整起上嚟真係好好食

出街遇上打風落雨，就即刻改變路線，變成和朋友找家餐廳避雨加吹水了。在OPENRICE見到這家店蠻熱門的，就來個台式小吃甜品當下午茶吧。明太子甜不辣，平常吃到的甜不辣多是關東煮形式的，第一次吃到煎炸形式的，比較香口，明太子醬鹹鮮的味道很點睛，提升了整個味道。髒髒芋泥鹹蛋黃蛋餅，紫薯粉和鹹蛋黃相間，色彩繽紛，賣相很不錯。蛋餅裡包裹著軟滑的芋泥，芋頭味沒有期待中重，好在味道也不會太甜，再配上一些鹹蛋黃，有種鹹鹹甜甜的味道，很多變。若是喜歡重口味，還有煉奶蘸醬可以加上去，那麼鹹甜的味道會更突出。奶奶麻糬配黑芝麻，看起來平平無奇，確是最驚喜的發現，冰冰涼涼的口感，入口嫩滑即化的美妙，就像是雪糕和啫喱的綜合體，反正一點都不像我認知中的麻糬，因為根本不需要咀嚼。香濃的牛奶味，拌上黑芝麻，再分割成小塊小塊易入口的形狀，一口一粒滿嘴冰涼和香甜，好好吃啊。伯爵茶凍QQ芋圓，材料豐富，包括雙色芋圓、珍珠、綠豆、伯爵茶凍、愛玉，滿滿當當一大碗。除了綠豆，雖然其他都是QQ彈彈的口感，但層次感不同，夏天吃碗這個真的很開心。相對來說甜品比小食更為出色，值得回頭，店內還有其他主食可以再找機會來試試。

一間都算幾火紅嘅餐廳🔥🔥🔥成日都係ig見到有人po佢地個蛋餅，個賣相真係幾吸引🤩.黑蒜牛肉麵 $118明太子甜不辣 $68髒髒芋泥鹹蛋黃蛋餅 $85.佢嘅牛肉麵有兩款麵底可以揀，分別係刀削麵同寬粉絲。我揀咗刀削麵，口感幾好又掛到啲湯！佢個湯底黑蒜味真係好濃郁，但又唔會過鹹，真係會一啖接一啖🤤佢重有比埋啲蒜泥，好重口味🤣牛肉有3片，我食個3舊都好冧，不過朋友就話佢個舊好硬😢😵‍💫😵‍💫可能係一啲啲嘅問題……除咗牛肉，重有豆腐同埋半隻糖心蛋🥚重有叫咗兩個小食同朋友share，感覺佢地啲小食定價都偏貴少少💸💸💸甜不辣有煎過，食落會香口啲啲，面頭就係加咗啲明太子沙律醬，唔算太抵食。芋泥鹹蛋黃蛋餅見到個個都有叫嚟打卡🤣🤣🤣賣相一流。味道其實都係不敗嘅組合，芋泥+鹹蛋黃。主要係偏向甜食，蛋餅皮煙銀，不過朋友覺得厚咗啲。不過一條蛋餅要$85蚊，真係偏貴🥲

中環美食雲集又夠國際化今日就去治吓冇得去台灣旅行嘅癮呢度算係一間酒吧式嘅餐廳三個女仔叫咗個五個菜式(最後係夾硬食晒佢嘅)1️⃣髒髒芋泥鹹蛋黃蛋餅整體係偏甜嘅 雖然加咗鹹蛋黃不過味道唔夠出 始終係新式菜式 無保留到台式蛋餅嘅特式 有醬汁 所以略為失色2️⃣手繪雙色鹽酥雞雞件好大件 偏濕 炸得唔夠脆醃得夠味但不夠台式覺得係兩個醬拯救咗整體嘅味道3️⃣明太子甜不辣我覺得係最好食鐘意佢個甜辣醬 有明太子好惹味甜不辣又好煙韌4️⃣Oreo 奶奶麻糬呢個好難整得好食 覺得喺香港食過咁多間呢間算係唔錯 麻薯質地流質得嚟又煙韌 如果可以有少少Oreo 整嘅醬 平衡翻太多Oreo碎好乾嘅問題就好了(雖然原本食譜無得咁LoL)4️⃣黑蒜牛肉麵呢個係今晚第二好食 黑蒜味好香又唔會太咸牛肉又夠多配料又好足 係幾好食不過黑蒜味少少蓋咗牛肉湯底嘅味總括而言 係幾enjoy係度食飯 台式餐廳嚟講算係不錯~

武漢肺炎下，去不了臺灣，唯有外賣臺灣菜回家，扮作去了旅行。點了一麵三餸和一客甜品。麵要了黑蒜牛肉麵，一看以為是墨汁但原來是黑蒜湯底，味夠派但不太鹹。麵底是透明的，很特別亦爽口，不過不太吸到湯味。牛肉是整個麵的精華，用上了牛展，肉林而入口。食臺灣菜，一定食 A 菜，加上魯肉作汁，簡單而美味。明太子甜不辣，既有台灣亦有日本口味，兩者味道亦很夾。最好食是麻婆豆腐手工餃，麻婆豆腐醬汁帶點辣，餃子亦很香肉味，估不餃子和麻婆豆腐是如此的合拍。最後來一合個 QQ芋圓作甜品，現在大把地方食到高質芋圓，但加上茶味果凍，又是另一種風味。最後，外賣8折。