HeSheEat (白布街) (已結業)

今晚又來到旺角，想念「HeSheEat」它的小食和主菜，這裡價錢也比起其他的西餐廳相對便宜，所以便走過來麥花臣附近這家的「HeSheEat」。裝修沒有太大變化，餐廳分為上下層，下層裝修成cafe，上層則是少女風味的格局，而位置都算寬敞，坐起來都算舒適。牛油果蟹肉凱撒沙律這個凱撒沙律好有驚喜，一絲絲的蟹肉蟹肉味道鮮甜，牛油果蓉也很新鮮，感覺很開胃，口感清新不油膩。配上沙律菜和麵包糠，香脆口感配上牛油果蓉，別有一番風味，兩者配合得很好。單骨蜜糖芥末雞翼 蜜糖芥末味香甜惹味，而單骨雞翼食落好方便，咬下去脆身而不油，肉汁非常豐富，肉都好嫩， 整體味道不錯。春雞黑松露意大利飯一上碟就聞到好香、濃郁的松露味，好像不惜工本地加入飯中。 意大利飯軟硬適中，唔會太硬身。而雞肉的份量很多，雞肉份量很多而且外皮香脆內裏嫩滑，咬下去還有肉汁，不會有肥膩感。綠茶心太軟 心太軟溫度控制得剛好，外皮保持鬆脆！切下去裡面的抹茶漿湧出來，配上冰凍清甜的豆腐雪糕形成冰火交融。而抹茶流心有非常濃郁的綠茶味，甘而清幽，讓人念念不忘。高度推薦！抹茶鮮奶 最頂層是超邪惡的cream，奶香味十足，不過因為抹茶帶少甘的關係，所以不算

一向都知道這家是旺角區的人氣小店，人龍長期不短，這天剛好早點下班幸好等了5分鐘，就能成功入座價錢很合理環境也算精緻乾淨，還有粉紅色元素走少女風呢。「春雞黑松露意大利飯」必吃，雞肉份量很多而且外皮香脆內裏嫩滑，咬下去還有肉汁，黑松露的味道不算太濃，但是意大利飯軟硬適中，飯汁屬於較清新的感覺，沒有太濃的厚厚的牛油味，反而令人更易入口，不會有肥膩感。肉的份量很多，飯則剛好。茅屋芝士菠菜三文魚焗飯比較適合鐘意清淡但又鐘意芝士口感嘅朋友，三文魚又夠哂健康！「蒜香辣椒蕃茄大蝦配蒜蓉多士」蒜蓉多士一共有四件份量，屬於適中，大蝦已經去除大部份外殼，方便進食。辣度只屬於微辣，蒜的份量頗多，十分香濃，而且蕃茄與味道配合得剛好，酸酸甜甜很開胃。「朱古力三重奏」朱古力控非常滿意！三重奏包括了朱古力心太軟、朱古力雪糕配慕絲，還有一杯冷朱古力。朱古力心太軟有非常濃郁的黑朱古力味，味道不算太甜，外脆內軟，溫度控制得剛好，只需要注意剛切開不要太心急，否則可能會熱到口腔。朱古力慕絲香滑跟雪糕的口感非常配合。朱古力飲品是意外驚喜初時以為小小的一杯，還有冰塊，味道只是淡淡的，然而卻是香濃而且很滑。「綠茶心太軟」抹茶控必食！

回帶上年年尾朝聖的一晚今次除了品嚐主食外也嚐了非常有名的鬆餅可能是吃完主食的關係所以覺得有點膩建議大家點一個與朋友分享就好或一人點一款嚐嚐不同的甜點鬆餅送到桌上時仍是暖暖的外皮酥脆蛋味濃若單吃或會感到一點乾但配上附送的🐝糖漿🍓雜莓🍇雜莓醬🍦雪糕鬆餅整體得以昇華暖熱配搭得剛剛好店內還有許多不同款式的創意甜點飲品建議大家可以試試

呢日同男友又去左行信和~行完要食晚餐了,,睇openrice發現原來旺角都有間HeSheEat!之前喺銅鑼灣食過一次,覺得好好食呀!就去食佢可能今日係平日,雖然入面都多人,但未多人到要排隊,都仲有位, 唔洗等呢間店原來有兩間樓嫁!喺樓梯望落樓下, 好靚~好! 睇完menu,我地決定叫返上次食過, 覺得好正嘅春雞黑松露意大利飯($128),同蟹肉蕃茄牛油果沙律($95)。然後再叫左海鮮意大利飯($140),是日精選餐湯($52),甜品就叫左拖肥果仁心太軟($62),岩鹽焦糖厚焗鬆餅($62)。是日精選餐湯($52)係個野菌湯來~再配一個餐包~嘩!真係唔係講笑,個湯超級大!!!仲大過平時去快餐店食麥皮餐碗麥皮抵飲呀!個湯好香菇味外,仲有陣陣蒜香~好飲!個餐包我唔知係咩包來呀!幾有咬口, 有油醋點, 都幾好食!蟹肉蕃茄牛油果沙律($95)呢個係上次喺銅鑼灣食過覺得好好味嘅!個圓形呢, 係主角, 有4層,最底係好smooth好滑嘅牛油果,然後中間最最厚個層, 係蟹肉!係滿滿嘅蟹肉!!然後上面仲有好fresh嘅蕃茄粒粒,最上仲有d魚子醬!放上塊麵包上面一齊食, 真係冇得頂!d菜都好新鮮, 配黑醋

今日同男朋友慶祝紀念日，所以揀左有好靚的甜品的HE SHE EAT慶祝。之前係銅鑼灣食過，覺得CP值好高，所以要翻check 😝😝😝牛油果番茄果沙律$95蟹肉醬溝左黑松露，濃厚的黑松露加上鮮甜的蟹肉，咪道配答得宜。再配上牛油果的油香，進一步將鮮味提升。另外餐廳好貼心備上幾片多土，唔鐘意食律的人可以將蟹肉醬同牛油果漿直接塗上多土。帶子青蘋果沙律$95青蘋果既清新加上帶子，係一個值得欣賞的創意之選。墨魚汁魷魚意粉$98墨魚汁夠咸香，魷魚夠新鮮，而且意粉明顯經過特別處理，軟硬適中。春雞黑松露意大利飯$128飯既質地明顯刻意為香港人口味adjust過，唔會好像平時意大利飯咁硬身，黑松露亦都唔不惜工本咁加入飯中，所以有極濃厚的黑松露味！綠茶心太軟$62火(後) 適中，cut開，入面的綠茶漿好像火山爆發咁爆出來，但係外皮竟然仲可以保持鬆脆！高度推薦比綠茶腔！牛油果砂冰$45超多牛油果! 正呀!最岩係食完甜品後，清一清喉嚨。真心推介要健康飲食的人來HESHEEAT,佢個沙律實在令我太難忘。大大份，又好味，又飽肚，用來做主菜都無問題。

一直都好想試HeSheEat今日終於俾我試到🤗餐廳有兩層 樓下隔離有機器運作緊會有啲嘈座位闊落 裝修簡潔 職員都好Nice🙋🏻‍♀🐤🍲春雞黑松露意大利飯 $128有半隻春雞大大舊 內質鮮嫩唔會太乾 外皮脆卜卜 黑松露味好香濃 Risotto軟硬適中 有咬口Creamy 唔算多飯啱啱好🍗炸雞翼配韓式辛辣醬 $52雞翼比想像中大舊 炸得好香口 外脆內嫩 好厚肉🤓 肉汁好滋味 唔油膩 雞翼皮有沾上辣椒粉好夠味韓式辣醬唔會太辣酸酸地啱啱好 整體拍得住脆香雞翼🥞岩鹽焦糖厚焗鬆餅 $62鬆餅面頭有塊半溶牛油 配有兩款醬 食落似係楓糖同焦糖 再加一球雲尼拿味雪糕🍦Pancake好軟綿線 有濃厚嘅蛋香味微熱嘅pancake配搭雪糕口感好正😋😋楓糖醬同pancake絕配 兩樣夾埋勁好食Pancake真係好好食不過有啲貴👉🏻👈🏻

以各式精美甜品作主打的食店想不到連主菜亦甚有驚喜首先點了春雞黑松露意大利飯賣相吸引無論是顏色和光澤都滿分雞肉肉質鮮嫩入味飯粒亦是al dente每一口飯也帶著極濃郁的黑松露香可見用料毫不吝嗇極力推薦緊接著就是芝士牛油汁蛋麵配香煎龍蝦尾香濃的芝士牛油汁為整道菜生色不少龍蝦肉彈牙麵條也煮得相當恰到好處甜品選了芒果忌廉班戟和藍莓芝士蛋糕泡沫前者芒果略嫌有點酸但朱古力的夾心和幼滑的雲呢拿雪糕很對味後者的藍莓芝士蛋糕值得一讚芝士味濃厚口感亦紮實沾上旁邊的藍莓泡沫一起吃口感豐富

今晚同好朋友黎左呢間人氣高既餐廳食飯，冇諗過除左甜品好食，佢既主菜同小食都一樣好食!我同朋友大概7點左右到餐廳，餐廳分左兩層，我地安排係樓上既座位，環境都算寬敞，不會太迫!座低後侍應為我地準備了一樽水，非常貼心!同朋友好多野想食，於是就叫左2個小食、1個飯1個意粉同埋2個甜品....飽到傻左!蟹肉蕃茄牛油果沙律，賣相非常靚，十分似係高級餐廳食既前菜!面層係蕃茄、中間係有黑松露既蟹肉，而最底層係牛油果醬，碟中還有沙律菜同有少少辣粉既多士，將蕃茄蟹肉牛油果配埋脆卜卜的多士一齊食，口感非常好!絕配!而沙律菜亦有黑醋醬點綴，感覺清新開胃!炸蘑菇釀雞肉，蘑菇本身好清新，而雞肉亦不會很肥，將兩樣食材變成一個炸物，夠創新!配埋餐廳提供既沙律醬，感覺很清新，不會太油膩!墨魚汁魷魚扁意粉，原來呢個意粉係有少少辣的，不過幾惹味，配上餐廳附送既檸檬汁，酸酸辣辣夠醒胃。另外D魷魚都好彈牙!春雞黑松露意大利飯，賣相已經好靚，雞腿肉質嫩滑，好juicy，外皮脆卜卜，好好味!而意大利飯唔會太"傑"或者太稀，剛剛好，黑松露味都好出!鮮果乳酪奶凍配有幾款不同的生果，而雪糕用上乳酪雪糕，酸酸甜甜十分解膩，而最底有牛奶味奶

妺妹仔喺甜品迷，每次晚飯後都要食甜品，今次唔駛周圍揾，可以一次滿足她既要求Hesheit 位於旺角白布街，平時行過見到好多人排隊，今天好好彩，唔需要等太耐就可以入座店內裝潢簡潔，光缐充足食物種類唔多，但勝在樣樣有，小食、沙律、主菜及甜品都齊蟹肉蕃茄牛油果沙律蟹肉新鮮唔腥，加埋微酸蕃茄粒粒及牛油果一齊食，味道清新、口感豐富，沙律菜爽脆多汁春雞黑松露意大利飯雞皮好香，唔膩，雞肉幼嫩多汁，好好食，意大利飯軟硬適中，口感唔錯，食落重有淡淡黑松露香味雜莓厚焗鬆餅鬆餅𥚃面鬆化，外面香脆，蘸左焦糖醬，味道更有層次綠茶柚子沙冰柚子味道濃郁，沙冰涼浸浸，十分消暑解渴

筆者介紹：人稱「肥佬B」，自2009年加入openrice，一直以openrice用作bookmark餐廳用途。踏入三十之年，心廣體胖嘅我quota遞減，故每逢可以出街食飯定必事前做足功課，以免浪費quota，希望透過寫食評同大家分享飲食心得和介紹我嘅口袋餐廳。作為新界仔嘅我，更與女友相約「每月港島一餐」，有興趣就即刻follow我啦！   寫食評前，我首先要告解一番。作為一個典型麻甩仔，食慣大排檔同碟頭飯出身，每逢見到呢類擺明居馬為左吸引港女嘅裝潢嘅鋪頭，我就一定嗤之以鼻，往往覺得一定係純粹為左打卡而野食唔慌好食得去邊！我承認係我偏見同愚昧，而今日我個好有性格嘅女朋友帶我黎hesheeat食tea，真係令我改觀，食完呢餐之後，我已經好想快d再黎食，務求試哂佢成個menu！星期六下晝四點幾黎呢度食tea，貪佢用app book檯有半價。店內裝潢有心思，有d似美國好hip個d cafe，氣氛環境都幾好，被安排坐樓上。每人都點左一個主菜share首先黎到嘅係春雞黑松露意大利飯，一上檯已經問到好強烈黑松露幽香，雞嘅份量算多，有一隻大雞比同下庄，兩件棟起飯嘅上面，成個setting都幾有心思，

旺角白布街上有好幾間不同風格、特色的餐廳食店，今天來到這間人氣食店HeSheEat。從外面看，店舖空間很小，心裏有點狐疑，但原來是別有洞天。餐廳分上下兩層，走到上層，空間足夠，座位亦舒適，沒有一點侷促。工作了一整天，能坐在舒舒服服地吃頓飯實在比甚麼都重要！打開餐牌，發現他們的甜品種類繁多，心中一喜，因為我雖然不至是甜魔，但甜品確是我心頭好，於是爽快地點了頭盤和主菜，當然還有的就是甜品啦！燒美國牛肉丘比芝麻醬沙律──薄薄的牛肉片，嫩滑順口，配着新鮮的蔬菜，加上芝麻醬，清新爽甜。最可愛的還有上枱時插在中間那個天使廚師的紙板公仔呢！帶子青蘋果焦糖合桃蜜糖芥末醬沙律──看見名字也能想像它的賣相吧！青蘋果甜中帶着微酸，配上焦糖合桃，豐富了整個口腔，稍微炙熱的帶子鮮甜美味，我們不消數分鐘就把整盤沙律放進肚子裏。可能今天我們都比較餓，不約而同地想吃澱粉，所以點了一飯一意粉。先來的是春雞黑松露意大利飯──聽說是這裡的人氣食物，果真是名不虛傳。自小我便對雞肉有一份堅持，就算賣相如何出色，只要入口過了火喉，我也敬而遠之。但這裡的春雞嫩滑不老，加上香氣十足的黑松露意大利飯，叫人怎能不把它吃得光光的？吃過飯，

話明係Girl talk，緊係搵一間旺中帶靜，坐得舒服又唔限時的食肆，HeSheEat正正合晒我哋心意。店舖頗大，內有不同組合的枱椅，可以少少哋兩個人食，亦都可以一大班十幾個人去食，唔錯唔錯。頭盤叫了炸蘑菇釀雞肉，估唔到蘑菇都可以炸，炸過的蘑菇非常香脆而且唔油膩，出面脆入面就依然Juicy，配上黑松露蛋黃醬，唔錯唔錯；而且還配有少量沙律菜，感覺平衡。燒美國牛肉胡麻醬沙律，燒過的牛肉軟綿綿，又滑又有牛味；而且還配有少量沙律菜，是不錯的頭盤。主菜叫了海鮮意大利飯，海鮮有青口、大蝦、帶子及魷魚，海鮮火候煮得剛剛好，令海鮮又滑又Juicy；意大利飯粒粒分明，軟堅適中，而且粒粒掛上番茄湯，推介。春雞黑松露意大利飯，雞有兩大件，雞醃得入味，雞脾肉嫩滑；意大利飯粒粒分明，軟堅適中，黑松露醬分量很多，粒粒飯都充滿黑松露醬，正。依度最好的就係頭盤主菜出品唔錯，而且甜品都出名，咁就唔駛食到一半轉場。藍苺芝士蛋糕的芝士鬆軟濃郁，配上滑滑的藍苺泡抹，唔錯。雲尼拿士多啤梨奶凍，士多啤梨雪糕該是雪芭，好fresh；奶凍滿滿雲尼拿籽，滑滑的，亦都唔會太甜，正。

春雞黑松露意大利飯 $128春雞意大利飯令人難以忘懷，2隻肥美的雞腿疊在飯上，外皮油潤金黃，大啖咬下去，肉汁香嫰。煎封後雞油被迫出，與黑松露醬匯合，變奏成細膩精華 ，份外滋味。意大利飯中央微硬，口感煙韌、濃稠，每啖都能品嚐到牛油、芝士、磨菇粒的香氣，舔舔脷指數爆燈! 香煎比目魚伴檸檬茴香沙律 $148香煎比目魚是新添的Special Menu，比目魚新鮮煎起，魚油四溢。入口脆皮酥化，魚肉輕輕一叉便散開，味道鮮而軟嫰，著實不錯。伴碟有雜菜沙律，配上檸檬茴香汁，清新解膩，只是伴菜略嫌未夠豐富。炸雞翼配韓式辛辣醬 $52炸雞翼香炸至酥脆可口，內裡肉質仍然濕潤，加上辣粉的點綴，微辣而過癮! 炸蘑菇釀雞肉 $68炸蘑菇釀雞肉誘人的小食，炸彈球包裹著原粒蘑菇，脆中帶香滑，並釀入雞肉，口感十分飽滿。沾上惹味的黑松露蛋黃醬，令人滋味停不了。士多啤梨撻配法式芝士及草莓雪葩 $68士多啤梨撻的賣相粉色夢幻，滿滿的士多啤梨圍著草莓雪葩，令人食指大動。撻皮十分清脆，入口沁出濃郁牛油香，法式芝士柔滑、淡雅，碰上香甜的草莓雪葩，結合成黏密的奶酪般，啖啖窩心! 綠茶紅豆厚焗鬆餅 $62綠茶紅豆厚焗鬆餅是即叫即製，店

自從上次食完銅鑼灣HeSheEat之後, 一直回味當中的味道， 至今非常念念不忘 ，他們無論是主菜 、甜品和飲品都很想再食多次， 以找尋這美味的感覺。今晚趁平日沒有咁多人外出吃晚飯的時候 ，一於去旺角這間超多人排隊的 HeSheEat碰碰運氣,看看有沒有位或需否等很長時間,再品嚐一次這人氣的餐廳食物。今晚果真有運有食神，由於星期二晚上，餐廳雖然是多人，但不致全場爆滿，我們很快被安排坐在樓上， 檯與檯之間擺放得非常寬敞闊落，坐得舒服，食得開心，超正的感覺。 翻開餐牌，雖然上次已食過一次， 但一看見各種美食圖片，幾乎款款都想試食一d。 所以今日要盡情地食個夠，想了一陣，决定先選兩款小食，分別炸雞翼韓式辛辣醬$52和炸蘑菇釀雞肉$68。食後， 兩款小食果然夠特別，並不是普通小食，味道零舍特別，口感新鮮。先說炸雞翼韓式辛辣醬，本地炸雞方式配上 韓式辛辣醬料，大大隻的雞翼，外面炸得金黄香脆，而雞翼面因滲透了韓式辛辣醬粉，食落有種香辣味，不至於麻痺感覺,難得肉質香滑，熱辣辣特別好食。值得一讚是炸雞翼雖滿是辛辣醬粉，但不是很辣，味道做到又香又小辣的，相信適合大小朋友口味。正！而炸蘑菇釀雞肉，很特別的

我由它剛剛營業只有甜品光顧到現在連鹹食也供應。 我覺得這裏的鹹食選擇很多。昨天, 我帶了一位朋友到這裏吃晚餐。 這裏的環境很適合和朋友聊天和吃飯，這裏的服務也不錯。飲品方面, 我點了一杯燕麥乳酪奶昔, 我的朋友就點了一杯西柚菠蘿茶。我的飲品裏面應該是用忌廉和牛奶打成的, 忌廉的味道很濃郁, 帶點燕麥味, 入面亦有朱古力脆脆增添口感, 非常好喝, 但喝到最後一啖便開始覺得有點兒飽。主菜方面, 我點了一個健康版無肉brunch, 這個brunch有菠菜、炒蛋、牛油果蓉、番茄、大蘑菇、蕃茄包、兩塊大薯餅、薯仔沙律。 我很喜歡那兩個迷你蕃茄包, 麵包帶點香草和蕃茄味, 配上牛油果蓉一流。