鮮入圍煮 (已搬遷) 新店位置

晏晝先決定要食呢間，竟然即日book到夜晚7點。去到冇咩人，本來話限時兩個鐘，過咗鐘都冇人干涉我哋 坐低畫完點心紙就出去水缸點咗芒蜆，新鮮到撈起嗰陣仲噴緊水。芒蜆食落肉唔算厚，但幾鮮甜芫茜皮蛋湯底，皮蛋好足料，味道就係坊間嗰啲差唔多 桶蠔好大隻，食落creamy，咬一啖啲蠔味蠔汁充滿成個口腔，好正鵝腸有兩款，我哋嗌咗少肥膏都仲有少少連住，咁先唔會乾食落夠甘香爽脆! 桂花蚌夠新鮮，好爽好鮮甜，近年嚟未食過咁好食，必試!手切安格斯牛肉，量唔多，用好多冰墊底。起雙飛，油花均勻，但好快膩，其實都食唔到幾多 西班牙豬腩片雖然有肥肉，但食落唔肥膩而且爽爽地，推介!鴨血唔會有陣令人不快嘅鴨味，又唔會一夾就散，不過不失帶子水餃，帶子用咗貝柱，如題，無咩驚喜但用料實在，味道唔錯墨汁墨魚滑，裡面好多墨魚粒，爽口彈牙，推介!油麥菜、生菜，新鮮薯粉係爽滑但唔煙韌嗰種，吸曬湯嘅精華，我哋食完一轉要再加單，推介! 最後一定要飲個湯，對比返開頭咩都未落嗰陣鮮甜勁多，好精彩，飲埋都唔覺好味精 雖然呢度食物種類唔算多，又唔係標榜自家出品嘅特色材料，但用料新鮮，性價比高，未試過嚟呢度坐得咁舒適咁闊落，而且全單7折，嗌埋

今日岀旺角，未到六點好餓，之前已經想試下鮮入圍煮，見時間都早，避開晚市時間，一定有位，便walk in 入座。時間尚早，冇乜人，可以靜靜地同朋友傾下計。餐廳設計似大排檔，海鮮豬肉即叫即切，好懷舊feel。湯底很清甜，皮蛋煙韌甘香，芫茜味好正。呢個唔係好多地方有得食，我們點了一試。看似普通，但質感和我們平時吃的很不同，肉質較癡牙。呢排少食豬肉，所以我們在點了一個西班牙豬腩肉。豬肉半肥瘦，食落甘香但亦不覺得肥膩。這個蝦滑是手打的，食落新鮮彈牙，而且份量亦合理。服務員還細心地提我們把蝦滑落入鍋中。牛丸牛味非常濃郁，還非常爽脆彈牙，超正。桂花蚌新鮮爽脆，很大件，口感超正。記住不要淥過龍，否則就會失去了桂花蚌本身嘅質感。皇帝菜翠綠，鮮嫩清甜。紅薯粉放入鍋中滾一會就吃得，熟的時候呈半透明，質地煙韌，吸收了湯的精華，十分美味。

這間火鍋店一直以黎都有好多人食，每次想食的時候都會book唔到位，今次好醒預早訂位，所以去到就唔需要再等啦!餐廳位於登打士廣場2樓，可以選擇行樓梯或搭升降機到餐廳。餐廳佈置以懷舊街市作主題，而且是用圓枱，什為懷舊。餐廳內有個小型魚檔，如想食海鮮便要到這裡選購。濃厚原隻雞煲花膠湯(小)($268)，兩三年前黎講呢度打邊爐，已經試過這個湯底，對佢念念不忘，所以今次再黎食這個湯底!水滾後先飲湯，湯非常鮮甜，而且粘口。煲內有半隻雞及6隻花膠，雞肉嫩滑。我們每人也飲了2大碗才開始打邊爐。脆肉鯇魚片($63)，魚肉夠薄切，爽口彈牙，中間唔會太多魚骨!手切安格斯牛肉($188)，牛肉份量都算幾多，油脂唔算好多，牛肉味濃，肉質都算鬆軟。新鮮淮山($35)，呢個湯底冇可能唔食D吸味的食物。淮山完全吸收了湯的味道，非常鮮甜!炙燒芝心丸($32)，這款芝士丸係我最愛吃的，丸中心有流心芝士，特別惹味!羊肉片($68)，羊肉的羶味都唔算太濃。桂花蚌($138)，桂花蚌鮮甜，肉質爽脆!總括黎講，餐廳環境感覺懷舊，像去了舊式街市打邊爐，食物質素都唔錯，有機會會同多D朋友黎食!

今日約左幾個姊妹去旺角行街，諗住一齊食埋晚飯。醒起有次係朋友既facebook見到有間打邊爐好正，係用花膠湯底既，即刻search下。原來就係登打士街，叫做鮮入圍煮。為左驚要等位，所以我地決定早d食晚飯，可以慢慢坐傾吓計食下嘢咁。原來就係喺登打士街廣場，好彩下面都有個廣告牌，等我地唔洗周圍搵。原來個度附近都有好多嘢食，下次可以試吓其他嘢。嗰度嘅環境好有特色，真係好似一個街市，可以即買即食咁。佢有一邊係有幾個魚缸賣海鮮，可以即揀即食，夠晒新鮮！仲有埋價錢，真係好似一個小型嘅街市。好彩我哋早左到，所以入面唔係有咁多食客，可以靜靜地慢慢食。首先梗係要叫個花膠煲原隻雞湯底，始終我哋係為咗呢個雞湯而嚟既。我哋得四個人，所以叫咗個細size嘅，一送到上嚟，就有一陣陣既雞香味。鮮黃色嘅雞湯，個湯面頭仲有一層好香嘅雞油，真係有一隻雞係裏面仲有剪細左既花膠。因為我實在太肚餓，所以飲左碗雞湯，味道好濃郁，雞味好重，仲有d膠質，好似食咗好多骨膠原落肚咁。花膠煲得好煙韌又夠曬滑調味料方面都有好多選擇：有蔥、炸蒜、生蒜、辣椒同豉油。另外我哋仲叫咗啲芝心丸、牛丸、烏冬、同菜嚟打邊爐。芝心丸，一啖咬入去，d芝士流曬