北斗

营业中

休息中

以壽司為主嘅Omakase 就成日食，今次搵咗間以串揚omakase 作為招徠嘅餐廳試一試，預早一個星期book星期六午餐，需留訂金每位300一行四人，星期六一點準時到達餐廳，餐廳座位唔多，只有bar 枱位八至十個 ，🤔唔知係咪當日客人唔多，樓面招呼由師傅代理埋，不過師傅都盡力招呼，加茶、收碟都尚算時間恰當午市套餐有$480、$680、$980 我哋揀咗$480 s , 有湯（梅子湯），前菜（海膽豆腐），三片剌身（帶子、深海池魚、鯛魚），三串串揚（希靈魚、煙鴨胸、沙椎魚），茶漬飯，甜品 。食物方面，火炙深海池魚、希靈魚串揚，其他都可以，但份量真係少咗啲啲，當你以為食到中段，點知原來已經係完結，我覺得可以多一、兩串串揚。雖然我哋係揀咗最平嘅lunch 但價錢係$480 ， 平時出邊食壽司omakase 可以食到12-15貫 。沒有比較沒有傷害，$480 set 以我哋當所食並未有特別貴嘅食材, 份量亦偏少，香港比較出名嘅天婦羅lunch 都係收緊同樣價錢，北斗確實有啲overpriced, 但如果你都係食壽司食到厭，都可以試一下北斗

而家有港鐵站，去九龍城方便到不得了。同閏蜜黎呢度尋寶，尋到呢間評價唔錯嘅日式餐廳。玄米茶加自家漬物做opening，已經好期待跟住落嚟嘅菜式～由淡至濃，刺身相當鮮味肥美，魚油喺口中慢慢滲出個種滋味超正。時令刺身都講究部位，例如5、6、7月時令係深海池魚，背部做刺身，腩肥美嘅油做炙燒，用最適時當造嘅食物，配上恰當烹調，可算係omakase嘅精粹。師傅用自家磨天婦羅小麥粉，所以炸物嘅外層係非常薄脆，有馬花椒日本鴨胸、醃製蟹籽夾醋青魚，當中少少岩鹽少少自己調味，每口食得出烹調嘅細膩，尤其鴨胸，香脆表面內藏厚實嘅鴨胸，相當好味！呢個季節最適合飲梅子湯，大大粒梅子，慢慢越來越濃嘅梅子香味，岩哂我！啖啖肉三倉伊勢龍蝦，連湯飲埋，厚實多肉爽口，有少少湯嘅咸味，超級好味！我揀咗明太子茶漬飯，辣辣地又有鮮味，好岩食嘅夏天漬飯。甜品係檸檬雪芭，冰涼又酸酸地，仲有兩粒精緻嘅麻薯，完美呀。日本廚師Watanabe san好nice，講左好多佢地日本有報嘅嘢比我地知。笑下食下，靜靜地好enjoy呢餐美味嘅尋寶之旅。

老婆生日，今日頭炮節目係同佢嘆個omakase。呢間餐廳日本人主理，座位少，好靜好舒服。見到醬汁選擇好多，有檸檬汁、胡椒、醋、豬扒汁等等，因為呢個餐除咗刺身同料理，仲有餐廳出名嘅炸物。前菜係天然豉油醃製過嘅喬頭同籮蔔，淡淡嘅豉油味，爽爽脆脆，好開胃。刺身分別係池魚背、吞拿魚、北海道帶子、炙燒深海池魚腩。池魚時令，魚腩部位肥美到不得了，唔需要加油都燒得甘香。炸物都超好食，當中醃製蟹籽夾醋鯖魚係我最鍾意。炸物咬落一d都唔油，超薄脆皮入面咬到粒粒蟹籽同醋香鯖魚，口感同味道都好豐富。Seasonal梅子湯好夏天，生津解渴又醒胃；三倉伊勢龍蝦，用清湯浸，超爽口新鮮！仲有雜菜烏冬或茶漬飯、甜品，樣樣自家製，食到廚師嘅用心！