座銀

营业中

休息中

中環分店食過好多次, 時常都聽到其他人講跑馬地總店更好, 路過幾次都冇食到, 終於有機會比較下座銀炸雞 - 每次都必叫, 香脆嫩滑juicy, 呢家仲多咗檸檬鹽可以蘸, 唔洗整污濁手加檸檬汁, 加咗檸檬鹽味道提升又冇咁油膩雞白湯拉麵 - 將雞湯打到泡沫, 雞骨香濃綿滑, 每次都心大心細唔知揀拉麵定沾麵好, 當日天氣凍就揀拉麵, 夠熱對拉麵真係好重要, 食完暖笠笠雞沾麵 - 比拉麵更濃郁, 不過喜歡炸牛蒡嘅朋友可能要加點先滿足棵木煙熏糖芯蛋 - 每人半隻過到口癮, 夠煙熏味值得加配

🎈雞白湯拉麵 $138今日小編突登走到港島，因為上網睇到一間白湯拉麵非常出名🍜，放假當然要專登入嚟朝拜下啦。果然名不虛傳，濃郁既雞湯底不在話🤤，連雞肉肉質都好嫩滑，絕對食上癮。而雞肉上就算有黑胡椒亦冇蓋過肉身既味道，而且仲有一塊叉燒食🥩，以及金黃炸過過牛蒡條，望落好似花一樣咁靚，脆卜卜。而雞白湯白雪雪好多泡泡💦。✦✦✦✦✦✦✦✦✦✦✦✦✦✦🎈雞沾麵 $148沾麵湯底味道更濃郁，同樣好味🤩，材料同拉麵一樣，一試難忘🥰。 ✦✦✦✦✦✦✦✦✦✦✦✦✦✦🎈棵木煙熏糖芯蛋 $15糖芯蛋充滿煙熏木香味🥚，較少拉麵店食既到味道。15蚊1隻唔太貴，糖芯蛋蛋黃流心，入口融化，加埋煙熏過味道更豐富👍。

原本同哥哥諗住去試跑馬地新開間意式薄餅屋，點知餐廳午市冇開，結果就走咗過對面馬路間「座銀」食日式雞麵。店子木造嘅門面、燈箱招牌、紅色布簾及零星嘅擺設都散發著和風氣息。當中最可愛嘅小肥雞足以代表麵店嘅命脈食材。襯托埋天花嘅波波吊飾仲好有時代感。中午時份，中央圍繞著開放式廚房嘅高櫈吧位早已坐滿食客。日中對照嘅彩圖餐牌共有八頁，清楚道出品牌嘅根源及主打雞麵嘅精髓，可選嘅項目卻只有六款，而且冇列出飲品。哥哥點咗碗海鮮雞拉麵（$138）。另配一隻棵木煙熏糖芯蛋（$15）。最終因覺一碗拉麵唔係幾夠飽，所以就加多碗牛蒡雞肉飯（$48）。雞白湯拉麵（$138）：每客拉麵均連筷子、匙羮、圍裙以托盤呈上。拉麵麵條軟韌適中，炸至金黃且捲成花藝般嘅牛蒡條條則清新香脆。起哂泡泡嘅湯底色澤猶如餸名般白雪雪，飲落真係好似咖啡咁柔滑，不過小肥只係略嫌其味道唔係幾夠香甜兼溜滯咗少少。最失敗就係兩片乾乾嚡嚡嘅雞胸肉同叉燒，掛喺碗邊嘅形態不禁令細佬諗起黑白無常嗰條脷，外觀絕對有影響到食慾囉！座銀炸雞（$48）：炸雞上枱時，服務生體貼地提點雞件剛剛炸出，要小心睇熱。熱辣辣嘅炸雞皮層香脆，肉質厚潤，乾巧唔油膩，比拉麵嗰片慢煮雞

最後去左座銀好耐之前就去過中環果間唔記得果次係有無得揀沾麵淨係記得環境唔錯冷氣好足今次就去左跑馬地對上一次黎到跑馬地已經係去養和做手術果時搭電車到總站再過兩條街既景光街就係呢間座銀中午都無落場時間我地星期日既四點鐘黎到成間舖係一個客都無餐廳有bar位而家任坐就坐左餐廳最入既二人檯冷氣真係好足算係比較少有有裝修既拉麵店一坐底就問要凍定熱茶可能因為係其他拉麵店就屬於落場時間不斷聽到廚房既切野聲因為坐得太遠就睇唔到有幾多位廚師侍應就見到都有兩三個呢個集團三間日式餐廳全部都開係元創坊果頭之前食過既圓圈三角都係屬於同一個集團我都係見到佢地個口罩套先知都有去左炭家試埋個鰻魚飯呢兩年無得去日本唯一可以係香港食到炭燒鰻魚就應該得呢一間座銀係日本有五間店主要開係大阪同神戶係tabelog最高分既本店都有3.74分既咁座銀就主打雞白湯聲稱用日本雞一共只得三款麵雞白湯拉麵雞沾麵同海鮮雞拉麵小食得炸雞仲有雞肉飯全部都係雞所有麵都無跟蛋同圓圈三角一樣要另買十五蚊兩件半隻幾乎係同圓圈三角一模一樣倒模咁雖然都算靚仔但真係好唔鍾意呢種銷售手法海鮮雞湯拉麵上面放左佢地招牌既炸牛蒡裝飾係真係幾美觀而且浸淋左口感都唔錯呢個