泰海鮮 (已結業)

同屋企人食生日飯 弟弟滿心歡喜諗住試下秋生推介的餐館。我地買左$1700海鮮，一行7人去食！呢餐都算經典，無諗過咁新鮮嘅海鮮可以煮到咁，仲要講係秋生推介，成餐飯無一碟係覺得好食😡 ！！第一碟 炒花甲看似唔錯咁，但唔夠味 呀師傅你未落鹽喎仲要成碟只係暖.......！椒鹽瀨尿蝦 咩事？咁嘅色？個殼林嘅？平時最鐘意「損」個殼，今次完全無左呢個指定動作啦！因為成碟都無味！！我都想知啲炸蒜係咪只係後期加上去！同樣，成碟又係暖嘅.真係好差！蒸扇貝零失手啦掛？錯啦！佢蒸過籠呀 救命 🤯還我新鮮海鮮呀！！！都係果句，碟新鮮蒸起嘅扇貝，唔熱㗎！！青山灣芝士焗龍蝦一句講哂：唔識欣賞，唔入味 成碟又係暖嘅 完全唔夠熱 黎到今日最「驚喜」一碟 椒鹽鮑魚 上菜果刻真係啤一聲！咁樣係椒鹽？咩料？忍唔住立即叫個姐姐黎問問😑點知佢答：你地叫左呢個酥炸蠔有問題？真係可笑 連姐姐都睇唔出係椒鹽鮑魚！忍唔住立即叫佢同旁邊碟椒鹽瀨尿蝦比一比，究竟咩係椒鹽！跟手就有另一個姐姐講話問問廚房！覆返我地話：我地呢度係咁煮㗎 真係世界級回覆，無野講！😡我真心唔知泰國菜個椒鹽煮法是咁的 ！但個瀨尿蝦又係大家認知嘅椒鹽做法！只係想講一句

越開越大但仲要晚晚訂位坐無虛設白灼東風螺-本身新鮮已經夠鮮甜椒鹽瀨尿蝦-火候小小大足,肉嫩鮮甜但未能迫到入味黃金蝦-火候夠炸得好脆殼都食得,咸蛋味好香入到味落蝦肉但又唔會咸肉又唔會鞋砵酒焗蠔-口感香脆但中間軟糯粉,砵酒味剛好唔會食唔到但嗅到好香,小朋友都食到唔苦,食過咁多間最一次必叫豉椒炒聖子米粉底-聖子炒得好入味得來又唔會老,夠林滑小朋友老人家都唔會厭韌,但米粉底就油膩左啲,汁唔夠索唔到蒜蓉粉絲蒸扇貝-蒸到過晒籠咬唔開,肉厚但唔甜,粉絲無浸透蒸完都硬碰碰,生熟蒜夠晒可惜西芹炒杉斑-西芹翠綠嫩無渣,斑球嫩滑啖啖肉唔腥又彈牙,魚厚身但起骨淨返小小紅炆斑頭腩-魚肉炸得夠脆,味道偏淡左有火腩蒜頭炆但唔香,汁收得唔夠乾身菠蘿炒飯-飯太硬太乾半生米而且油膩,肉鬆好碎撈埋飯食都唔覺,腰果夠脆有硬口,菠蘿酸甜夠開胃整體煮工唔錯,不過有老人家食唔到新穎煮法,加工費又唔費抵食又好食

曾經到此食店吃過多次海鮮，很欣賞其烹調的技術，所以今晚相約家人在此嘗冬至飯。由於大部人都外出吃飯過冬至，所以我們提早相約5:00pm吃晚飯。我們陸陸續續已到達食店，一行13人，被安排到一張大枱，這張枱較適合10人坐，但由於其他枱已被訂所以只能無奈地接受。安座後，部分家人往三聖邨海鮮街選購海鮮，他們一共選擇了7款海鮮：蝦、桶蠔、蟹、瀨尿蝦、聖子、龍躉、花甲，侍應生先量度一下每款海鮮的重量，之後我們再告訴侍應生每款海鲜的煑調方法。坐了不久，第一度菜餚白灼生蝦已上枱，基維蝦的呎吋雖然不算大，但勝在爽口鮮甜及彈牙，喜歡吃辣的沾上辣椒油更為惹味。接著椒鹽瀨尿蝦亦送到, 瀨尿蝦的呎瑪是超巨形, 長度比起我的手掌還要長, 所以廚師將其切開一半, 椒鹽瀨尿蝦最惹的地方, 便是鋪滿在瀨尿蝦面的炸蒜粒, 瀨尿蝦蘸上蒜粒一起吃, 非常美味, 另外辣椒和椒鹽的份量恰到好處, 微辣且夠味, 外穀炸得香脆而肉質鮮甜爽口。還未吃完瀨尿蝦, 另一碟豉油皇蝦碌亦相繼奉上, 蝦碌色澤金黃色, 豉油入味, 蝦肉鮮甜爽口。吃完2碟較油炸海鮮, 送來了一碟較為清淡的蒜蓉粉絲蒸聖子, 聖子夾着蒜蓉粒、香葱一起吃份外惹味，粉絲沾上

聽過屯門三聖村食海鮮既美名好耐，今日終於有機會一試我同男朋友成八點先到埗，之前做過research都話泰海鮮或者容龍; 泊好車本身想去容龍但發現有小小遠又費時再開車就決定試泰海鮮~先去關財記買海鮮，花多眼亂，得兩個人但乜都想食。。。最後揀左聖子7隻，龍蝦1隻同瀨尿蝦2隻。關財記d伙記都幾nice，知我地第一次黎食都會比下意見，佢都話泰海鮮唔錯最後仲好好人地計齊頭，共收$550買完海鮮就去泰海鮮加工等食可能我地過左繁忙時間，一去到就有位，伙記又好快手招呼我地，亦有建議食法，三款海鮮，加碟炒菜心。落單後，大約十分鐘海鮮就上枱!! 大部分加工費，首斤$56，之後斷兩計，當然有d煮法會貴d。以我呢餐為例，三碟海鮮加工，炒碟菜同叫左一枝啤酒，共$361。我覺得都ok~兩個人清哂枱真係飽到上心口，海鮮餐真係應該大班人食先最開心同化算

今次，朋友遠道來港，一盡地主之誼，特意帶他們到屯門三聖食海鮮。當然，要先到三聖海鮮街選購海鮮，再到這間店給烹調，這樣價錢比起直接到店內進食來得便宜。豉椒炒蜆豉椒炒蜆非常很惹味，蜆肉沒有沙石，而大部分蜆肉也是留在殼裡，醬汁惹味，必配白飯一碗來吃。蒜蓉粉絲蒸扇貝通常扇貝一定配搭粉絲來蒸。這間店舖一樣烹調出色，粉絲完全吸收了扇貝的鮮味。另外，扇貝蒸得剛剛好，不會顯得太熟，配上蒜蓉和蔥花來吃，鮮甜無比。椒鹽瀨尿蝦還未端到桌上，離遠已聞到氣味。的確每隻瀨尿蝦也都沾滿椒鹽及蒜粒，香口惹味，基本上連蝦殼也可以吃掉，滋味無窮。吃前，必定替瀨尿蝦做一下按摩，這樣蝦殼會較容易剝出黎。啖啖蝦肉，爽口鮮甜，每次吃海鮮必吃。

經朋友介紹，又一次來到三聖嚐鮮，這次我的新嘗試是「泰海鮮」。星期五晚上的「泰海鮮」，一遍熱鬧朋友是熟客，眼前的大廳滿是客人，喧鬧之聲此起彼落。由於朋友是熟客，我們被招呼到一房間去。房間吊著水晶燈，大約可容納六至七人，最吸引我注意的是這幾個閃亮耀眼的奬盃，全是2015年屯門龍舟賽不同項目的奬盃，相信老闆熱愛這項運動。「泰海鮮」的餐牌不單具備各種中、西煮法的海鮮，更詳列來料加工的收費，這種明碼實價的做生意態度，值得表揚！看完奬盃及餐牌，我們到海鮮檔選擇心宜的海鮮。我愛的辣酒煮花螺第一道呈上。花螺體型雖然偏小，但肉質較嫩，不過論爽彈程度，始終及不上大花螺的口感那般充實。醬汁方面，味道豐郁，雖然辣意不強，但第一口未適應辣度前，一不留神被辣汁嗆到了。若能將醬汁添加麻辣及層次感，相信效果會更加完美。上湯龍蝦煎米粉底是大家的心水之選。上湯烹調得不俗，香而不過鹹，又不會太糊口，以配襯中小型的龍蝦來說，汁量與濃稠度剛好。至於煎米粉底則較為薄身，面層明顯預先沾過漿粉再煎，雖然外層香脆，但內層的米粉帶有點點水氣，不夠香口，這點應該不難改善。薑蔥蠔的蠔隻鮮甜，生熟度掌控恰好，可嚐到軟滑啫喱狀的蠔心。我們原以為