金山海鮮酒家 (已結業)

說到金山，我想起的必定是舊金山；除了舊金山，就是在荃灣附近的金山郊野公園。今天，幾名麻甩吃飯，地點當然不用去高餐廳，這類懷舊地點，吃著花生，喝杯啤酒，和朋友去吹吹水，正是人到中年的一大快事。不過，今天的花生卻有點腍。其實自己已經很多次路過金山，但總是過門而不入，朋友說今天來這裡，我才意識到，原來這裡如此好評。早已訂位，來到時下層已經滿座，問一下侍應，侍應著我到樓上，上了一層，侍應說是二樓，我才知道，原來這間金山，規模一點也不小。友人已經在這裡吃過幾次，我是第一次來，點菜還是交給他們吧，但從他們點菜心得，看得出這裡，是以海鮮聞名。先來半隻雲英雞，雲英雞是指未下過蛋的母雞，這裡是否真的用這類雞我不得而知，但這隻雞很有雞味，肉很嫩滑，而且很多肉，不會皮包骨，而且還有雞腎，雖不是雞雜，但已經很好了，怪不得是招牌之一。之後到海鮮陸續上場，油鹽水煮蜆和平時吃的不太同，因為這裡加入了不少調味如金不換、椒絲等，要說是油鹽水，不如說是輕量版冬陰功會更貼切。蜆肉鮮甜，隻隻飽滿，連汁吃很不錯，但要提示一下的是不太夠熱呢。椒鹽白飯魚為當晚最愛，也謝謝其一食友千叮萬囑要order。白飯魚很大條，炸得香口爽脆乾身

師傅遲遲都未同師母慶祝母親節, 點解? 莫非係師傅冇心肝? 非也, 非也! 實情係師妹回港在即, 於是寧願等埋佢, 一家人齊齊整整食餐母親節飯仲好啦! 話晒師傅都有好多年冇同師妹一齊慶祝母親節了!終於師妹回港了, 再揀埋日子, 但遲遲都未諗到食咩好, 而師傅就為左呢一餐飯都諗到頭都爆, 事關師母食野都幾奄尖, 種類選擇太少, 同師妹商量過後決定以中餐為主; 但到底去邊間食店好呢? 毫無頭緒下上黎呢個網度睇下, 無意間見到呢間食店, 覺得唔錯, 加上師傅好多年都冇黎過, 決家一家人黎會一會佢!於是訂定位, 四位姚氐七點鐘準時去到, 被安排坐於樓上; 坐底後即刻睇下有咩野想食, 大家商量左一陣, 最後拍板落單有雲英雞半隻, 白灼蝦斤半, 豉椒炒聖子王, 椒鹽白飯魚, 例湯-唐心粉葛煲蠔豉唐排, 蝦醬通菜, 蒜燒牛仔骨同埋味菜炒鵝腸! 四個人食八道菜, 一d都少野架!正喺等待嘅同時, 師傅就飲下杯茶傾下計, 飲左兩啖發覺杯茶好重漂水味, 起初以為係個茶壺有漂水, 但實情係隻杯超重漂水, 最後師傅成晚都冇飲到杯茶喇! 等左一陣率先登場嘅當然係白灼蝦, 杯都未舉大家己經開餐, 無計啦四位姚氐全部

補祝舊同事的生日，搞手提議了兩個食飯慶祝的地方，一是葵芳的甘潮小廚，另一是金山海鮮酒家，壽星女選了後者。其實只係一個小局，三個相熟既舊同事聚一聚，吃得更開懷。搞手係一個極度喜歡香口食物既人，由佢負責拍板點菜，唔使問都知今餐又會係多肉冇菜，煎炸野居多。打頭陣是招牌菜雲英雞，可是有點失準，雞味不重，肉質沒有以前的嫩滑，甚至有些 『鞋口』，開衰左個頭，未知是否因為香港最近沒有新鮮雞供應的關係。出色的有花枝餅，挺香口的，質感是既爽又彈牙，做得幾好。砵酒焗蠔，很香。一客有四隻，蠔雖不算太大隻，卻頗有鮮味。咬下去，蠔身結實、肉厚，即使圍邊也不會韌，係脆卜卜的，加之有淡淡的酒香，質感味道皆不錯。椒鹽白飯魚又是炸得香口，脆卜卜的，是送啤酒佳品。不過可能是白飯魚太幼細，像只吃到外層的脆皮，卻沒發現白飯魚的存在，有如在吃粉漿，個人覺得麻麻地。只後一味是酒鹽水蜆，雖沒有豉椒少咁惹味，但隻隻開口蜆肉，更為鮮甜味美，肉質又不會過韌，有水準。有紅豆沙送，算是煲到起沙，溫度又足，比起好多連鎖酒樓做得還要好。唔使錢的，收貨有餘了。在這地方吃東西，侍應都是老叔父，也不要求什麼服務，總之上菜夠快就可以了。

一行六人浩浩蕩蕩去金山補足媽媽生日, 叫了九餸一湯, 吃得飽, 開心滿足也!椒鹽賴尿蝦 –賴尿蝦走油得香脆而不油膩, 肉鮮嫩, 椒鹽味香口.豉椒炒聖子皇 – 至愛之一, 肉鮮爽口, 豉椒汁不會過杰.蒸鮑魚仔 (6隻) – 肉厚彈牙, 當然鮮鮑味一定比較淡, 但口感十足.豉油皇灼鵝腸 – 鵝腸爽口不韌, 有些肥膏在内, 最愛夾上薑絲銀芽絲韮皇絲同吃, 十分夾味.椒鹽白飯魚 – 炸得乾身脆口不油, 像吃薯條一樣, 但我和爸爸感覺一樣: 吃不出白飯魚肉質感, 似是吃炸漿為主, 可能是白飯魚質素影響吧!薑葱桶蠔煲 (5隻) – 因我不吃蠔, 只吃了吸了蠔汁的葱段. 這裏勝在有彈性, 例如蠔和鮑魚仔等可因應人數而逐隻叫.墨魚膠窩貼小棠菜 – 將小棠菜切碎加入墨魚膠再酥炸. 這裡的炸物都做到香脆不太油膩. 墨魚膠再彈牙些更好.沙薑雞腳 – 我很喜愛沙薑菜式. 雞腳入味又不會淋得爛, 膠質很重.椒絲腐乳生菜 - 腐乳香濃帶微辣, 不會水汪汪.例湯是豬肺湯 – 清甜滋潤.加裡一支啤酒, 兩支可樂, 兩碗白飯, 兩碗白粥都只是$1060, 抵呀!