天吉屋 (已結業)

天吉屋攞過好多年日本既天賞🏅️主打天婦羅丼飯，菜單選擇得幾款，但係個人覺得絕對冇問題，整得好既話，菜式唔需要多☺另外呢度既蘿蔔漬、牛膀漬同埋椰菜沙律都係可以無限refill既，清爽感覺配合埋天婦羅食啱曬～ 1⃣️All Star 丼（$128）（圖一、圖三）一黎到已經覺得好多😳啲天婦羅堆好堆滿😍有黑虎蝦、石斑魚配紫蘇葉、軟殼蟹、魷魚、什錦炸物、雞肉、茄子、南瓜、四季豆、溫泉蛋。炸粉唔會厚，而且食落唔會覺得好油膩。特別鍾意佢地既溫泉蛋！好特別🤤未試過天婦羅既溫泉蛋，炸粉薄得黎，隻蛋一撩開，啲蛋汁流出黎～撈飯食一流！  2⃣️天吉丼（$128）（圖二） 呢個絕對係佢地既招牌！連續蟬聯七年既日本天丼金賞✨黎到一定要試下！有黑虎蝦、魷魚、石斑魚、茄子、南瓜、四季豆、炸紫菜、溫泉蛋。呢款同All Star丼基本上配料差唔多，不過佢就冇左軟殼蟹、雞肉同埋什錦炸物，但係就多左炸紫菜。另外佢既魚係大塊好多😋比既石斑魚係一大件魚柳咁大塊。食落好滿足！  

10月初去咗一轉東涌Staycation，當時老友送贈咗兩套「昂平360」嘅纜車飛，仲要喺水晶車添，當然，要答謝吓佢啦。所以，今晚專登約佢食番餐飯，選址中間位嘅「朗豪坊」，大家都方便走，而餐廳就翻兜「天吉屋 」，因為兩年多前食過，有保證，餐牌面更印住連續7年榮獲日本天丼金賞獎，實力自然秤高一線。咪睇佢個鋪面細細，裡面可謂別有洞天，地方唔細，一室木系，配以和風裝潢，雅致而有份暖和感。佔大部喺卡位形式，塊間板特別高，我就頗鍾意咁嘅設計，因為私隱度相對多啲、防疫效果又好啲。翻一翻餐牌，賣嘅嘢唔多，但就夠專。菜品只有5款，但每款嘅天婦羅都有唔同配搭，定價$118-$178，而貫徹日本人做菜嘅認真，用上秘製天婦羅粉、秘製天丼醬汁、北海道七星米、自家調製柚子胡椒沙律汁。飲品方面，選擇唔多，只有幾款罐裝飲品，數款日本酒品。不過，唔多選擇都無問題，因為有牛蒡茶供應。牛蒡茶一坐低，店員就奉上一大壺自家沖製嘅牛蒡茶，近年都有唔少人興食牛蒡，據網上資料，牛蒡茶有去油膩降血脂嘅效用，夠養生，配天婦羅就啱晒啦。飲落有種獨特嘅香氣，味道回甘順喉，感覺幾舒服。椰菜沙律所有菜品都會包埋牛蒡漬、蘿蔔漬、椰菜沙律及麵豉湯

唔經唔覺，疫情已經持續差唔多兩年，我哋一路都好掛住去日本旅行嘅日子，奈何依家仍然未能夠通關。為咗一解思鄉之愁，我就同朋友特登請半日假，去咗馳名嘅《天吉屋》食日本嘢。不愧係日本過江龍，間店一早就有唔少捧場客。我哋去到門口個陣，就已經見到好幾對情侶喺度排隊等候。好彩我哋等咗唔夠十分鐘就入得去姐！侍應帶我哋去到木製牌匾附近嗰張枱坐低，成個擺設好有日本風格，令我哋有一種置身新宿大街嘅感覺。呢間餐廳最出名係即叫即炸嘅天婦羅丼，我哋當然都要朝呢個方向點餐啦！因為疫情關係，部份菜式限量供應。本身我同朋友已經打算食唔到椰菜沙律之類，點知佢哋今日都有提供，好幸福呀！我哋一邊飲住牛蒡茶，一邊食高纖有益嘅牛蒡漬。呢度無限添加嘅牛蒡漬帶點酸鹹，口感爽脆，好啱做開胃菜。食完牛蒡漬之後，我同朋友依然十五十六，唔知order咩天婦羅餐好。喺呢個時候，侍應又拎咗兩碟椰菜絲同柚子醋上枱，佢哋話椰菜絲都係無限添加㗎！我朋友本身好怕食酸野，但佢覺得加咗柚子醋嘅椰菜絲，味道酸得嚟啱啱好。開餐之前，當然唔少得飲番碗熱焫焫嘅麵豉湯喇！值得一讚嘅係呢個湯冇咩味精，飲完之後唔會好口乾。天幕御膳 $148作為天吉屋特別推薦嘅丼飯，當然

見到咁多人like，難得經過旺角，所以就嚟左朗豪坊食，未嗌嘢食，侍應先嚟椰菜沙律，椰菜新鮮冰凍夠爽口，配上秘製柚子汁，超正，淨係齋食椰菜都得🥰🥰椰菜仲可以免費無限次添加👍🏻👍🏻🤤🤤另外，牛蒡茶係幾健康嘅，但味道就因人而異，個人麻麻哋牛蒡，覺得有啲苦，似飲緊中藥🌿天幕御膳 $148有三種食法🍤🍤1.普通天婦羅食法，配上蘿蔔泥薑末及天婦羅汁沾上品嚐2.天丼，顧名思義就係天婦羅配丼飯，將天婦羅放於飯上，淋上秘製丼飯醬汁一同品嚐3.天茶泡飯，將天婦羅放在飯上，加入秘製堅魚湯，最後加上芥末及紫菜作點綴😋試完三種食法後，我就比較覺中意1及2 mix埋食，天婦羅沾上蘿蔔泥薑末及天婦羅汁，會唔夠味，但加上秘製丼飯醬汁後，即刻昇華咗去另一個境界🥰🥰天吉雙品（冷）$108冷烏冬就麻麻哋，個烏冬淋左少少唔夠煙銀，而冷烏冬嘅沾汁相對就比較淡味，我偷偷地加咗椰菜沙律嘅柚子汁後，就覺得好食咗好多🤩整體食物都ok嘅，不過得60分鐘食就真係有啲急，入到去叫完餐，都等咗半個鐘啲食物先嚟到，相都淨係影咗三張，就已經要食得好急，仲要服務就麻麻地，我哋食咗10分鐘（仲有20分鐘先夠鐘），但已經催我哋要埋單🙄🙄🙄結論：食物再好

一個天丼能夠連續七年榮獲日本全國丼聯盟金賞，必定有其過人之處。位於旺角朗豪坊的天吉屋，他們的天吉丼正正就是獲得這個金賞殊榮的得主。餐廳主攻天丼，選擇不多，只有五款，分別有金賞「天吉丼」、香港限定的「軟殼蟹丼」、份量十足的 「All Star 丼」、三種食法的「天幕御膳」和烏冬+小天丼的「天吉雙品」。為了保持天丼品質，所有天婦羅都是即叫即炸，並用上秘製天婦羅粉、秘製天丼醬汁和北海道七星米，打造一碗美味的天丼。天吉丼（HK$118)👍👍👍👍👍榮獲連續七年日本天丼金賞獎的人氣天丼 - 天吉丼，材料主要以海鮮和野菜為主，有黑虎蝦、魷魚、海紅鯛、茄子、南瓜、四季豆、炸紫菜和溫泉蛋。新鮮即叫即炸的天婦羅，外脆內軟，配合天丼醬汁和北海道七星米，材料多之外，每件食材都很大份，滿足感十足。天吉雙品（HK$108)👍👍👍👍天吉雙品是一份烏冬配一個小天丼，烏冬可選配冷或溫。夏天天氣炎熱，配一份冷烏冬就最適合。冷烏冬採用了稻庭溫度，口感比較煙靭，加上柚子皮、紫菜、芝麻，佐以冰涼的鰹魚汁，透心涼！小丼飯有什錦炸物、黑虎蝦、茄子、四季豆、溫泉蛋，下面還有一層米飯，拌以溫泉蛋來吃就更好味。椰菜沙律👍👍👍👍椰菜絲沙律

想試呢間日本過江龍天丼好耐！咁啱今次喺popup e-store有75折coupon點可以唔食😚揀左平日嘅六點左右到 唔洗排隊😛叫完嘢食首先就會有一兜沙律送上嚟配柚子醋好清新開胃！份量都幾多 同時佢可以免費再添😋而中間嗰杯就係特製牛蒡茶 茶嘅味道同溫度都岩岩好 好好飲🥰特別係食天婦羅嘅時候解膩一流🤩叫咗兩個set 基本上所有天婦羅都試勻晒😋天婦羅份量好足！堆到山咁高🤣炸皮唔太厚 同埋要快啲趁熱食！就咁食嘅天婦羅味道有啲淡配合醬油食就岩岩好！醬油撈埋飯真係好正天幕御饍嘅三種食法唔重複啦要讚嘅係佢嘅魚湯用黎泡飯好出色😋以往我都麻麻地茶漬飯 但今次真係食到停唔到鏗魚湯嘅魚味好濃👍🏻👍🏻—————————————————————總結份量好足 味道又好 性價比好高😛難怪日日排長龍😂😂會再encore!

天吉屋是一間天婦羅專門店，主打一眾香口炸物。餐廳裝潢簡潔，富和風味，安座卡位都算舒適。牛蒡漬及蘿蔔漬是放置在餐桌一旁的餐前小吃，可自由添食。前者保健養生，後者酸爽醒胃。牛蒡同時出現於餐廳茶水之中，牛蒡茶可幫助排毒，特別適合配搭上火炸物。除餐前小吃外，椰菜沙律也可無限添食。吃前可澆以秘製柚子胡椒沙律汁上味，果酸味重，同樣有助下火解膩。小編要了一客天幕御膳，單是天婦羅食材已有八款，包括有黑虎蝦、海紅鯛配紫蘇葉、軟殼蟹、什錦炸物 (洋蔥和魷魚)、茄子、南瓜、炸紫菜及四季豆，份量十足。炸紫菜最容易吸濕走氣，建議最先品嚐。成品沒有令小編失望，脆卜卜甚好吃！黑虎蝦亦值得推介，虎蝦蝦肉味重又彈牙，讚！軟殼蟹雖然只用上約四份一只蟹製作，但也算大件肉豐，容易突出自身本味。什錦炸物 (洋蔥和魷魚) 屬另一推介，餐廳建議以天茶泡飯的模式品評。吃前先把炸物置於飯面上，再加入鰹魚高湯。最後加入少量紫菜及芥末作點綴即成。雖然魷魚風味偏弱，但單是甜美的洋蔥已能掙回失去的分數。以高湯作泡飯，食感濕潤。此食法既能為相對單調的天婦羅飯餐帶來一份新風味，放在席間末段亦較容易為食客胃納接受。除天茶泡飯這食法外，餐廳亦推介了另

自天吉屋越洋過海喺朗豪坊開張後一直人頭湧湧，每次經過門口都不乏等位嘅食客人龍，未有機會嘗試。呢日因為近期疫情驅使，竟因禍得福可以唔洗排隊直接入座。正如日店一貫作風，主打天婦羅就只主攻天婦羅，菜式選擇單簡而精。先斟一杯牛蒡茶濕濕喉嚨，牛蒡獨特嘅芬香撲鼻，吞咽後仍留於齒頰間。點餐後店員會送上一盤椰菜絲及柚子醋，可自由添加，柚子醋酸酸咪咪，頓時令沙律生色開胃不少。終於入正題天婦羅丼絕對依餐牌配圖比例製成，炸軟殼蟹堆積成小山丘狀，餸仲多過飯！！！有六大件軟殼蟹，金黃酥脆，殼薄肉多，入口仲帶油汁，好juicy；不過食多幾件略微有啲膩，建議配以餐枱上嘅醬料食用增添鹹香，會更惹味。溫泉蛋吹彈可破，外層包住一層麵包糠薄膜，一咬開蛋液噴射而出，蛋香撈飯無得輸呀皇帝菜與櫻花蝦炸成花環狀，口感鬆脆，又帶蔬菜嘅嚼勁，配搭幾特別；比起南瓜、茄子無咁油之餘又香口啲。味噌湯同樣出色，配料足，有紅白蘿蔔、牛蒡、豆干絲、豆腐，鹹度適中，呷一口順喉消滯，非常滿足。朋友點嘅All Star，名符其實樣樣皆有炸蝦大小中等、肉質爽彈；紅鯛魚稔滑軟嫩，魚肉厚身有質感，以紫蘇葉包裹，表皮近似魚皮質感，黏滑彈牙；洋蔥加櫻花蝦嘅配搭惹

每次係朗豪坊行街嘅時候， 總會見到11樓好多人排緊隊， 準備食日本過江龍「天吉屋」， 「天吉屋」係連續五年榮獲日本丼聯盟天丼金賞獎， 唔怪得咁受歡迎👏🏻啦！ 難怪開業左都有一段時間， 但至今依然都見到好多人排隊， 不過咁啱我路過嘅時候， 門外淨返一兩個人等緊位， 梗係即刻衝入去啦！😂😂 好快就安排到位置啦！👍🏻 裝潢以木系簡約風為主， 設有多個卡座，坐得都算舒適， （不過，如果兩個人兩個餐上晒枱， 之後就會覺得迫，因為唔夠位擺， 睇嚟餐桌都地大少少好。）🙊 「天吉屋」主要供應天婦羅丼飯， 所有餐點均附白飯、牛蒡漬、麵豉湯等。 所以點左嘢食之後， 店員就會捧一大盤椰菜沙律任你食， 加入日本秘製柚子胡椒沙律汁一齊食，酸甜胃胃！ 去除天婦羅🍤嘅油膩感就啱晒啦！ 如果第一次黎食， 又想試晒所有天婦羅， 同埋香港🇭🇰限定嘅軟殼蟹， 一定要試吓有埋三種食法嘅天幕御膳（$148）😏 🌟推薦❗️ 餐廳有三種建議食法， 天婦羅食法：直接品嘗傳統天婦羅的鮮味 天丼食法：先將天婦羅放在米飯上，再均勻地淋上秘製天丼醬汁品嘗 天茶漬飯食法：將天婦羅

終於都試到呢間 連續5年獲日本天丼金賞獎既天吉屋~ 座位唔算好闊落, 但整體環境都真係幾有日本風味 *請注意 平日夜晚黎食, 都係要預D時間排隊的 ~ 不過放心唔會排好耐, 因為 餐廳都有限用餐時間60分鐘 排隊隊伍多數會係餐廳對出既樓梯~ 仲見到有一排bar枱位 係望到入廚房架~ 只有五款選擇~ 全天婦羅 點餐後, 員工隨即就送上 無限Refill既椰菜沙律 配埋 秘製柚子胡椒沙律汁 ~ 個醬汁絕對係重點 ! 清新得黎 有少少胡椒香味 令椰菜絲生色不少~~ (最後我同媽媽refill多左兩次) 上餐速度算幾快, 等左一陣 員工就送上 軟殼蟹丼 $158 (呢一款係香港限定架呢) 原來會配埋面豉湯架~ 面豉湯不錯, 唔會太咸, 入面都幾多料 望到個丼 真係有少少嚇親, 實在係太大份!!! 呢個丼有:: 軟殼蟹, 茄子, 南瓜, 溫泉蛋 同 什錦炸物(皇帝菜和櫻花蝦) 軟殼蟹份量 一D都唔吝嗇! 我同媽媽 各自起碼食左3大件以上~ 食食下 仲有機會食到蟹膏位添 ! 不過我地都覺得如果可以juicy d既話 會更加好味 反而蔬菜類有驚喜~ 茄子炸得平均 南瓜本身好甜 ~ 溫泉蛋做成天婦

挾五年奪日本丼聯盟天丼金賞獎威勢的「天吉丼」於今年中在旺角朗豪坊開業，但動輒要排一小時以上....... 還是等人潮退卻點再到訪吧。早幾日陪老婆到此購物，隊陣屬可接受程度，就一於妳有妳行，我有我排吧。一機在手，投入劇中世界的時間也過得特別快，等不了多久便可入內了。採木系和風設計，透過開放式廚房看到廚師們正有條不紊地煮餐。丼有五款選擇，而大熱金賞的「天吉丼」當然是不二之選，另選了有三種吃法的「天幕御膳」。牛蒡茶、牛蒡漬、蘿蔔漬及椰菜沙律均無限量供應，喜歡漬物的老婆可開心了！而我就較喜歡這牛蒡茶，清香帶回甘、且具去油膩之用，與天婦羅是最佳配搭之一。丼未到，店員已奉上大大盤椰菜絲任你攞，淋上酸酸甜甜的柚子汁，清新好味；未夠喉可繼續添加啊。天吉丼～以秘製天婦羅粉炸成，配上特製的天丼醬汁同吃，脆而不膩；食材有黑虎蝦、魷魚、海紅鯛、茄子、南瓜、四季豆、炸紫菜及溫泉蛋，滿滿的盛於北海道七星米之上，視覺效果滿分。料多而味濃的麵豉湯，當然要一飲而盡啦。打孖炸，尤如木筏造型的黑虎蝦，不止爽口彈牙，亦因做工而令口感增倍，超滿足！較少見於天婦羅中的炸流心溫泉蛋，在口腔內破開的瞬間，濃濃的蛋漿

在日本連續五年榮獲日本丼聯盟天丼金賞獎的天吉屋終於來到香港，這麼猛的過江龍，新開已經大排長龍。未到晚市六時開場已見人龍，幸好我們五時四十五分到達，晚市一開就可順利入場。店舖不大，卻也特地分了一部分地方，讓人透過玻璃窗看到師傅在廚房料理。所有天婦羅都是即點即炸，偶爾會傳來陣陣香氣，但一點也不覺油益味。坐位裝潢用木材為主，主調較為淡色，走傳統典雅風。餐牌清一色是天丼，只有五個選擇，果然是貴精不貴多，也就是日本店對專門的堅持。用料其實都差不多，只是偏重誰是主角的分別，如得獎的天吉丼就有四隻大海蝦；而All Star丼就是大雜燴，相對大蝦的數量就只有兩隻；而天幕御膳的配料跟All Star丼非常相似，但多了茶漬飯的吃法。我們於是要了一個天幕御膳和軟殼蟹丼，兩者的配料相對地比較不一樣，可以多試幾款。點餐後，店員會先端上沙律，可免費任添。簡單的日本椰菜切成非常幼絲，清甜爽脆。我們可按自己口味灑上適量的柚子醋，酸酸的很是開胃，也能一解之後吃炸物的膩感。每桌旁邊有漬物、天丼醬汁和七味粉。用醬油醃製的牛蒡漬較為濃味，但不會過鹹，口感硬身一些。用白醋醃製的白蘿蔔則帶酸，口感較爽脆，用來解膩非常好。而且這裡