Orange Elephant Thai Restaurant (利奧坊) (已結業)

期待已久嘅餐廳小編前一晚已經睇定menu事關餐廳喺博文街舊址朋友已經大大力推介👍🏻可惜一直冇機會試今次終於可以嚟到新舖試🍖 炭燒豬頸肉…………$92厚切！燒得好香好juice肉嫩彈牙 醬汁微辣且酸甜而且份量仲好多.🍖 椰汁雞湯(小)………$85椰汁香濃 帶出雞肉嘅鮮甜香嫩仲有少少辣🍖 椰青焗海鮮飯……..$114原隻椰青超吸睛打卡一流有外表又有内涵海鮮配料都偏大塊.🍖 芒果冰特飲…………$36濃厚芒果沙冰🍧完全冇好假嘅化學糖漿味每啖都係新鮮芒果肉嘅鮮甜仲帶有粒粒果肉100%熟成!!雖然新舖好似位置比較遠但只係喺奧運站Exit C行5分鐘絕對值得專登入去

大角咀似乎想打造一個美食天堂 😃真係愈開愈多餐廳或小食店，搞到好日都唔去大角咀嘅我，都多咗去食食食 😁前排就約咗老友食飯，話想食泰國嘢，好耐冇去，就揀咗去呢間。店內環境都好寬敞，好多座位，有一幅好吸睛嘅牆身 (如相中背景 😂)呢度嘅嘢食，每碟嘅份量都幾多下，所以唔叫咁多碟喇，驚食唔哂 😆🦐 柚子蝦沙律 $89老實講，比起海南雞，我會推介呢個多d！蝦好鮮又大隻，柚子肉好juicy唔會乾身，酸酸辣辣好開胃！🐓 泰式海南雞 $128/半隻半隻份量都ok，雞唔會話太細隻 👌雞皮冇太多脂肪，雞肉亦夠嫰滑 😋🥥 椰青焗海鮮飯 $114睇落個椰青就唔算好大個，但個飯真係3個人share食都得！d飯壓實架，又好多料！😧有椰肉、蝦、魷魚、青口、三色豆及腰果，蝦同青口唔係俾BB size架！係大大隻！😮椰汁好清甜，d飯索哂椰汁好香濃 😋🥭 芒果椰汁糯米飯 $68俾原個芒果 (大家應該唔計舊核架呵？😂)芒果肉夠多又夠甜！❤️不過覺得糯米飯嘅份量就少咗d，應該多2舊仔個比例就會啱d，因為食食下得返芒果冇糯米飯夾埋食，硬係爭咁d 🙈糯米飯好煙韌軟綿，椰奶都俾夠及較濃身，好香啊 😍

橙象星期五晚上爆哂棚，有啲枱仲做到兩轉，勁呀。夥計大部份係泰國人黎，憑當月午市消費單，即享有星期一至五晚市堂食八折優惠，正宗又抵食。泰式明爐烏頭魚條烏頭魚好大，好多魚肉，肉質結實唔鬆散，但唔嚡唔韌，仲好嫩滑。本身個湯汁都有魚味，仲有一碟泰式酸辣醬汁，蘸黎食就更惹味。（條魚仲有秀珍菇同椰菜）椰青焗海鮮飯原個椰青上，飯飄溢著椰汁香氣，啲椰汁多到流出黎， 每一啖飯都充滿著香濃清甜嘅椰汁味。簡直不得了，一食就食到唔停口，餸料有海鮮大蝦、魷魚、椰肉、腰果；啖啖真材實料。爆炸大蝦一共四件即兩隻，炸到全隻金黃脆卜卜，大蝦蝦肉結實彈牙，伴碟有好多炸左既香料，夠氣勢。西米糕（四件）甜甜既椰汁層呀有好多西米，西米既比例比出面既多。搬左黎利奧坊，新淨企理，去商場洗手間方便。

除咗九龍城，大胃覺得大角咀都有幾多泰國餐廳，其中呢間橙象由博文街搬去利奧坊大間咗靚咗，食得仲chill平時食泰國嘢，食明爐魚居多，今次試吓焗鰂魚，夠晒特別撩開魚肉，裡面塞滿香料香茅，魚肉嫩滑到飛起，啖啖充滿香氣如果要飽肚，勢必嗌個椰青焗海鮮飯，份量激多，勁多椰汁同海鮮，每啖都係香味逼人，超充實鐵板蠔仔蛋係蠔迷必叫，好多蠔肉，粒粒飽滿，幾乎多過炒蛋，隨便夾一夾都夾到蠔肉咁甜品都唔使睇menu揀，一定係芒果糯米飯，芒果超大隻，啖啖肉好鮮甜，淋埋椰汁食吓糯米飯，好圓滿嘅一餐芒果迷不妨嗌埋個芒果smoothie，攪得好幼滑，果香好濃椰青都好大嚿，果肉仲幾容易刮𠻹

之前Orange elephant 仲係博文街嘅時候食過一次，今次再嚟利奧坊嘅新店，味道依然正宗又抵食！香料燒焗鰂魚（$175）即叫即燒但絕對值得等！原條鰂魚外皮用咗岩鹽同其他香料醃製，魚肚再包有金不換等香料，焗完之後嘅魚肉又鮮甜滑嫩又有淡淡香料味。個人超鍾意泰式蘸醬，酸辣度十足，好惹味！椰青焗海鮮飯（$114）堆到就滿瀉嘅椰青焗飯，表面淋上椰奶，配料好豐富，除咗有蝦、魷魚、青口等海鮮，仲有椰肉、腰果、提子乾、椰絲，增加口感。下面嘅椰青竟然有保温效果，食到最尾啲飯都仲暖！西蘭花炒鮮魷（$78）蒜香炒西蘭花加爽口鮮魷，西蘭花夠爽脆，鹹香同鑊氣十足！芒果冰特飲（$36）夏天必點特飲，順滑芒果沙冰加埋粒粒芒果粒，香甜又消暑。凍泰式奶茶（$32）泰式奶茶都幾大杯，聞落幾香，淡淡甜香。

大角咀食好西系列又嚟啦～ 小店位於利奧坊地下，由泰國人主理嘅地道泰國餐廳🇹🇭 更提供泰國過江龍Mango Mania嘅飲品🥭 新舖裝修以簡約風為主，環境舒適寬敞，店員服務態度友善，真係唔可以唔去食呀！🥘 泰式拼盤選擇困難症人士必點之選😳 有齊蝦餅🍤 魚餅🐟 春卷🫔 同竹葉燒雞🍗 各兩件～ 上枱時熱辣辣💖 炸物外皮酥脆，炸粉夠薄身而且唔會分離，內裡彈牙爽口，香料味亦足夠😍 香葉包雞就比較特別，雞肉嫩滑多汁，都幾得意～ 🥥 椰青焗海鮮飯採用原個椰青焗😋 賣相可愛超級打卡able💗 餡料包括魷魚🦑 蝦🦐 提子乾🍇 蘿蔔🥕 腰果🥠 等～ 面頭仲有滿滿嘅椰汁添🥰 味道香甜但完全唔膩🤪 整體份量十足，最啱同朋友開心share嚟食👫🍍原個菠蘿海鮮焗飯又係賣相吸睛嘅一道菜色😜 配料同椰青焗差唔多，但加埋菠蘿同肉鬆酸酸鹹鹹咁味道非常開胃😳 每一啖都好似尋緊寶咁，幸福感滿滿🧡🥭 Mango Mania 係真嘅芒果呀！味道濃郁，香甜可口而且飲落去好順滑～ 🥤 椰子冰估唔到椰子味咁出😳 味道清甜但唔膩，消暑一流😍

好耐冇見嘅大角咀朋友約我食飯，我哋就選址Orange Elephant Thai Restaurant。呢度做緊推廣，每日都有$1指定菜式，真係好抵！食泰國菜當然要食泰式拼盤，可以一次過滿足晒幾個願望。炸蝦餅大大件又夠彈牙，就算唔食拼盤都一定要食佢。春卷外皮脆卜卜，入面嘅餡料都好食。魚餅就比較濃味，充滿泰國嘅味道。香葉包雞嘅雞肉幾嫩滑，仲帶有香葉嘅味道。每逢見到咖喱包都忍唔住要叫返一份，呢個咖喱海鮮脆包盅有滿瀉嘅咖喱汁。入面有好多唔同嘅海鮮，大蝦、青口、魷魚等，配埋又甜又香嘅咖喱真係好食。另外仲揀咗椰青焗海鮮飯，厚厚嘅椰漿淋喺焗海鮮飯上，撈飯一流。焗飯入面就好多配料，除咗海鮮，仲有烘得香口嘅椰絲、腰果等，夠哂豐富。最後嗌多兩杯凍飲，珍多冰同泰式奶茶飲完更加透心涼。