蔡瀾越南粉 (已結業)

最近中環開左間越南菜，聽講係由蔡瀾先生主理，所以就同朋友去湊湊熱鬧。食店有兩層，裝修時尚，我地睇完個menu就叫左越南牛肉粉 (HKD 68)，特別牛肉湯河粉 (HKD 128)，香茅烤豬頸肉 (HKD 58)，越式蒸粉卷 (HKD 48)。至於飲品就叫左泰國椰青 (HKD 36)同埋話梅青檸梳打 (HKD 32)。越南牛肉粉可以選擇兩種食材，我地選擇左生牛肉同金錢腱，因為有手指公。不過你仲可以選擇牛筋，貝殼牛肉丸，銅錢牛鞭花或者牛栢葉。賣相唔錯，佢另外會將芽菜，香料，辣椒同檸檬會放係第二碟，讓食客選擇自己喜歡既味道。牛肉只能夠講既係非常正好鮮嫩，而啲金錢腱好滑，唔韌。另外，特別牛肉湯河粉其實係集合哂生牛肉，金錢腱，牛栢葉，牛肉丸，牛筋同牛鞭花。味道都好好味。可惜啲粉唔夠，不過唔駛擔心，因為呢度係可以免費添粉架，啱晒所有大胃王。跟住黎既就係豬頸肉同粉卷。豬頸肉肉質好滑，分量又大，點埋佢既醬汁，真係一流。個粉卷有4個，味道唔錯，而且好足料添。個椰青相對係超市買既清甜，絕對係唔同層次。 而個話梅梳打，味道酸甜，口感幾豐富。不過值得一提既係，佢提供既飲料唔係水咁簡單，而係羅漢果水，非常甘甜。

聽人講蔡瀾越南河，佢地以為要$128碗而卻步，但我知其實$68就食到啦，邊使咁貴呀今日咁啱去中環，又落緊雨，見到越南河比平時少左人排隊，就去試下啦我唔敢食最貴既特別牛肉河，因為有牛鞭花所以我地都揀返生牛肉河粉 & 自選兩款既牛肉粉生牛肉湯河粉 $88湯底好熱， 黎到時，生牛肉都差唔多熟哂生牛肉唔算太特別，但比較有咬口最特別係個湯底，牛骨湯好濃，湯頭清澈唔油膩，比平時港式既越南湯底唔同，呢個偏甜少少每碗湯河都配香草配料，青檸辣椒嘗試加入唔同香草，令湯頭有唔同既變化而河粉係師傅現場即造，比較厚身，滑溜得黎又有口感，最吸引係河粉任添而自選牛肉粉就平d， $68其中一個朋友要左牛丸+牛腩，牛腩肥瘦適中，幾軟腍，而牛丸彈牙，肉汁豐富但湯底同$88果個明顯唔同，但都好味越式炸春卷，金黃酥脆外皮包住蘿蔔絲等饀料，用生菜包住吃，香脆得黎又唔油膩蝦醬炒通心菜，蝦醬味道濃郁，用黎炒通菜都係絕配黃金蝦扒，蝦膠彈牙爽口，仲有粒粒蝦肉，好有口感覺得咁多小食之中，蝦扒一定要食越式冰咖啡，$26，感覺同港式差唔多，下次要飲滴漏咖啡先得椰青$32，水清甜，椰肉嫩滑整體都ok，下次見少人再排隊先

中環是香港經濟樞紐，每日有幾過百萬人在此營營役役或觀光，而且亦是高級品牌的集中地，同時多間米之蓮食肆都屹立在這區，而蔡瀾先生亦在此經營了一間以越南湯河為主打的餐廳。食物款式不算多，主要以湯河、撈檬及一些越式小食及飲品。泰國金柚沙律柚子沙律酸酸甜甜，加上生菜墊底，清新開胃。黃金蝦扒有點似蝦餅，不過裏面包著粒粒墨魚粒，爽口彈牙且不油膩。越南法棍三文治法包外脆內軟，裏面夾著些生菜、辣牛肉及豬肉，辣味很微但很惹味。特別牛肉湯河粉有幾特別？一定要食過先知啦！湯底以牛骨熬製，所以有濃郁的肉骨鮮甜味，河粉爽滑不易變腍，配料是7款牛類製品包括彈牙牛丸、嫩腍的生牛肉及以形補形的牛鞭等。最後飲了個椰青，椰青水就比較淡。

聽朋友說, 蔡瀾開了一間越南餐廳, 我被 “是蔡瀾開的”這五個字吸引到, 便決定要試一試。 這間越式餐廳應該是我在香港暫時去過最大間的越式餐廳。裏面空間感重, 室內非常大，而且還有兩層的。大概七時正, 餐廳出面已經開始排隊。餐牌上有小食、甜品、飲品、好幾款越南粉供應，還有我最愛的越式三文治。我點了蝦醬炒通心菜、越南法棍三文治、泰國椰青、特別牛肉湯河粉。蝦醬炒通心菜好惹味, 通心菜多汁，辣辣的。越南法棍三文治入面有青瓜、莞茜、醃肉。 烘過的法包質感幾脆，帶點辣味，但分量偏少。吃完越式三文治再喝椰青解解渴。甜品方面，我們點了青檸香茅凍，青檸味不會太重。