雪山冰廳

营业中

休息中

聽個名叫冰室，以為唔多嘢揀都係普通茶記嘢入到去就有驚喜🤩連龍蝦都有添今餐食咗好多碳水化合物😋～·～·～·～·～·～·～·～·～·～·～💁🏽‍♀️始祖椒鹽豬扒飯 $68而家除咗大排檔之外好少地方有椒鹽豬扒食呢間餐廳仲要係配炒飯底👍🏻有taste一見到呢個配搭就即刻叫咗飯底炒得均勻夠乾身而豬扒味道適中少少辣🐷夠曬惹味唔會好鞋💁🏽‍♀️檳城叻沙海南雞米線 $68湯底聞落好香，食落夠濃甜甜地味道幾好海南雞好滑好juicy 另外不得不讚吓佢個袐制醬撈埋啲麵一齊食更加香💁🏽‍♀️榛子醬西多士 $32熱辣辣好鬆軟夾心嘅西多士真係超邪惡🤤

今日黎到深水埗順便周圍搵食，行過見到呢間冰室好熱鬧就過黎試下😎餐廳都有幾多枱，等左唔洗5分鐘就可以入座😉餐廳似傳統既香港冰室，食物選擇算幾多🤠今日係下午茶時間黎到，餐牌上面好多野都好吸引，款款都想食😝🐔招牌避風塘生炸脾配紅豆冰🥤（$42）海苔薯條🥔（+$8）生炸脾係餐廳既招牌一定係必叫😍雞脾黎到好大隻，好吸引🤭最貼心既係雞脾已經起左骨，唔洗再自己慢慢切💯切落去啖啖肉勁方便🤩雞脾亦炸得好香脆，外脆內軟，肉質嫩滑❤呢個餐仲包埋紅豆冰，紅豆冰好足料，有勁多紅豆👍另外加配左海苔薯條，薯條係粗薯😆可惜唔夠香脆，而且海苔唔夠多🤓🍔經典芝蛋牛肉漢堡包（$38）漢堡包亦好有驚喜，本身見賣相冇乜特別仲冇咩期望🤣一切落去原來雞蛋係半熟蛋，蛋汁即時流晒出黎😋而半熟蛋亦令成個漢堡好juicy，加左唔小分😍牛肉亦好軟林，好香牛肉味☺️另外面包上面既芝麻都係亮點，好香芝麻味‼️🍲檳城叻沙海南雞米線（$48）叻沙係行入餐廳既時候見到有人叫左龍蝦叻沙，勁大碗勁吸引🤣但因為我唔食龍蝦所以就揀左海南雞😗估唔到黎到冰室都有叻沙食🤭叻沙湯底好香椰汁味☺️海南雞亦都出乎意料，雞肉肉質勁嫩滑，好正👍米線就林身左啲，不過整體黎講都係好食

今日小編放工之後去咗黃金商場到走左一圈🏃‍♀️，望下有乜需要買同留意下有乜新野出🧐。我相信大家都對黃金商場唔太陌生，而今日終於都係放寬堂食既第一天晚上☝，小編就緊係行完街先去食飯啦，唔洗咁急嘛。而就係商場過幾條街既附近就有一間出名既冰室🤨，叫做「雪山冰廳」，小編去到見到入面都係特別多人😯，唔通入面有啲隱世美食🤔？小編當然要親自入去試下啦。✦✦✦✦✦✦✦✦✦✦✦✦✦✦🎈K. 檳城叻沙海南雞米線 $40呢個餐係下午茶餐嚟，所以係份量方面係比較少啲😛。味道都係叻沙湯底應有味道，香濃🤗。而海南雞亦中規中矩，肉質雖然比較簿身😖，不過嫩滑增添唔少分🤚。✦✦✦✦✦✦✦✦✦✦✦✦✦✦🎈潮州佬蠔仔湯飯 $58 蠔仔好多都大大粒，一啖可以食到一至兩舊👄，入口軟熟，好抵食。份量絕對可以夠2個食，記得要清空個肚仔嚟食喇😣。另外，湯飯入面有魚乾同青瓜，尤其係有魚乾非常之特別，魚乾既硬帶香😛，加強每一啖飯既口感同帶出鮮味。而青瓜切得大大舊🔪，外層有啲硬但肉質就軟淋淋🤯，入口既質感好特別。✦✦✦✦✦✦✦✦✦✦✦✦✦✦🎈榛子醬西多士 $32呢個小編係第一次見到，覺得比較特別所以點咗嚟試下📃。西多士係每一間茶記都會有，不

早排已經幫襯過雪山冰廳一次，個陣覺得啲食物都唔錯。咁岩星期六同朋友去深水埗買野，未食早餐嘅我行到5點幾，個肚真係餓到喊。為求方便快捷，決定再戰冰廳，一口氣叫咗好多食物。-檳城叻沙海南雞米線湯底充滿叻沙香氣，入口雖然唔會太辣，怕辣人士都食得。我一向鍾意米線配湯一啖咁食，呢款食落真係好足味。海南雞質感較扎實，但咬落唔會鞋口，雞皮嫩滑程度都好抵讚。-爆餡蔥花蛋牛治(烘底)識食蛋牛治一定要叫烘底，入口外脆內軟。炒蛋夾雜蔥花同粒粒碎牛，雞蛋都幾厚身，稍嫌蔥香蓋過其他食材味道。-避風塘生炸脾雖然好熱氣，但真係好吸引。避風塘碎碎聞落有啲似媽咪麵調味粉香，配上炸脾幾夾。外皮炸得有少少老，但整體都香脆可口。-榛子醬西多士上次幫襯已經見到有人叫，似乎幾受歡迎。倒埋糖漿真係好邪惡，夾心有濃濃榛子醬，味道幾特別。-港式茶走紅豆冰原來茶走紅豆冰都幾好味，紅豆中和奶茶嘅澀味，比傳統紅豆冰更勝一籌。-樽仔奶茶朋友叫咗招牌樽仔奶茶，細細枝幾可愛。入口茶味香濃，質感幼滑。-懷舊黑牛黑牛可謂係茶記經典，朱古力曲奇雪糕加上可樂，入口多一份奶香，口感都creamy少少，頗有趣。

其實都幾鐘意試香港嘅茶記或者冰室，見呢間裝修幾靚又多人打卡，一於試試～今次Order下午茶餐，Around：$49/per💁🏻‍♀️餐廳裝飾風格幾fashion，睇落感覺新式主題茶記咁，無論地磚定牆身都落過心思設計，牆物上更有噴漆塗鴉作品，CP值唔錯。檳城叻沙海南雞米線$38-味道系可接受範圍水平內既，只係對我而言叻沙味道唔夠濃，可能因選用米線關係，米線本身比較難吸收湯底味道，如果改為米粉應比較合適，另外海南雞食得出滑嫩，可惜浸入叻沙湯底而唔係另上關係，耐左既雞已冇第一口☝🏻咁滑嫩，建議朋仔點單事先要求海南雞另上🍴咖哩雞扒飯$42-呢個十分欣賞佢較出後既咖哩，絕唔似日式咖哩，而系似中東經香料特別調製後既咖喱，夠晒香濃，而雞扒已切件經炒香再放入咖哩汁內，配上白飯到就好夾🤤跟餐$9樽裝招牌奶茶-出名自家凍奶茶會入樽裝，比較乎合衛生同方便買外賣既朋友，白濃夠滑，的確唔錯，對比維記樽裝港式奶茶既話，維記茶味會重d，而呢款奶味會重d🤔跟餐$9港式茶走紅豆冰-同往日茶記叫既紅豆冰唔係之處：拎走1/3奶左右既份量加入茶走奶茶，除左奶、紅豆味之外，仲多左份茶香，感覺幾特別因同平時飲既紅豆冰唔一樣，都唔錯

雖然算得上喺晌深水埗大，但屹立超過60載嘅「雪山冰廳」去過嘅次數寥寥可數，有嘅都喺好細個嗰時。早前，睇雜誌知佢由80後疏堂親戚接手，重新裝修之餘，食物款式都嚟個大革新。所以，說一不二，話會嚟食就會嚟，立即行動，同一眾老友嚟食個晏！環境如上文所講，喺全新裝修，原店嘅物品只保留兩張舊畫，由於是日午市逼到爆，所以，想影吓都唔方便。反而，入門口左邊一大張魚躍噴畫，感覺份外醒目。晌餐枱上，貼有一張固定嘅散點餐牌，有焗類、碟頭飯、皇牌咖喱、湯粉麵、環球美食（其他地區啲碟頭）。雖然話喺散點，一樣可以以優惠價加配飲品。早餐餐牌都介紹埋，因為供應時間由6:30am-2:00pm，唔晏過2:00pm嘅話一樣可以當午餐咁食。基本上分為金牌早餐及歐陸早餐，睇落鍾意前者，只喺賣$25或$28，連餐飲，怕唔夠飽嘅話可以加配多士或三文治之類，平得嚟夠彈性。此外，茶記必備嘅快餐、常餐、午餐、特餐又點少得吖。先介紹快餐，因為鋪面嘅黑板寫咗出嚟，喺日日轉款嘅套餐，定價$42，仲標註穿校服減$5，非返學日子唔知仲有無效呢，哈哈！常餐ABC就印晌另一個餐牌度，定價$36-$42，餐牌裡仲印帶小食、基本飲品及特飲，所以，個常餐