雲來軒 (已結業)

呢排食得西餐多，又想食返中餐，資料搜集後決定嚟到雲來軒！呢間名就聽過，但從來無食過既中餐館。得知餐廳擅長玩fusion，心中特別期待。好在有訂位，因為星期一人都好多我地睇完餐牌，先叫個燉湯潤下喉。燉湯用紫砂茶壺裝，係近期好興既功夫湯。一壺夠哂2個人飲，用功夫杯飲湯其實又幾方便。湯好清甜同時都好濃郁。湯料都好淋好入味，送上豉油，細心！叉燒都係一個必點菜色，叉燒每件都好大舊，肉質厚實唔會燒到好乾身，個汁香得嚟唔過甜，高質！海鮮叫左時令扇貝，每隻手掌咁大！蒜蓉粉絲蒸特別惹味！蒸既時間剛好，肉質鮮甜又嫩！好味中意食海鮮就點多個招牌菜，呢味餸精緻得嚟都好有特，蝦同帶子擺埋一齊，兩者都鮮甜，蝦既彈牙加帶子既嫩滑，配上意大利黑醋，係幾特色話明玩fusion，姑且叫個檳城棒棒骨，用既係豬脾肉，啖啖肉，肉質仲好嫩！有豬味，食既時候仲好方便。配上自家制咖哩真係好惹味，配料又多。最後食個炒飯，原來主廚用陳皮入饌有一手，就叫個炒飯試下。炒飯用上健康既黑蒜，有少少酸酸地多開胃，加上露荀増加口感！

雲來軒這個大名一直都有聽過，今日終於可以一睹她的風釆。位於棉登徑，地方有點隱世，但有質素的餐廳，一樣人山人海。沿著樓梯上去，見到很多老闆，亦即是主廚的訪問，同時亦有很多跟各大明星的合照，不乏天王巨星餐廳裝潢及價錢都算平民，令我更期待她的魔力是什麼。先來一客蜜汁豚肉，即是叉燒。叉燒用上較瘦的部分，有光澤。蜜汁好惹味，不會過甜，叉燒燒得剛好時間，肉質嫩又夠入味！必定要試！最近入秋非常乾燥，特地點了客燉湯，湯用上紫砂茶壺盛著，這是馳名的功夫湯，燉湯用上喝茶方式享用，就是有趣。不得不讚雞湯很清甜，喝得出沒有任何味精，裡面更有湯料，配上豉油，貼心！海鮮方面點了兩隻大扇貝，蒜蓉粉絲蒸。每隻元貝有手掌般大！肉質鮮甜，好鮮味！$88一隻價錢合理！另一招牌菜就是這個這個生煎金沙龍皇帶子，一半蝦餅一半新鮮帶子，兩樣都是我最愛的食材！兩者均彈牙鮮嫩，配上意大利黑醋調味，令整道菜更清新！ 得知主廚擅長玩fusion菜，聽侍應姐姐提議點了這個四方盒，用上豬脾肉製成棒狀，方便進食，配上自家製馬來咖哩，微辣很惹味。四方麵包盒亦可沾咖哩食。扺食！最後當然要點個炒飯，我們選了日本黑蒜露荀紅皮炒飯，炒飯用上營養價值爆表的

第二次嚟哩度食 因為覺得哩度嘅食物質素及其他也不錯 小妹一早已經book左7:30pm枱 當日7pm我取枱時 接待處職員話我係book 6:30pm 仲話我book時講錯時間🔥😡真係荒謬 根本就無可能 我自己book我會唔知？當時嘅態度真係令我覺得好嬲及受屈😠😠想問果位職員平時係咪都係咁做野？咁嘅態度真係會趕客 我都要諗下係咪會有下次。胡麻手撕雞 別看它普普通通 但味覺上真係好好好食 不知不覺又食左好多 佢嘅麻醬好香 雞絲撕得平均 有厚度 仲有青瓜絲作伴菜 撈埋一齊食真係不錯 小妹推介👍🏽😋懷舊鬼馬龍皇卷 有好多舊架 炸得幾脆 佢嘅肉質係蝦肉 仲有啲粟米粒 但食唔出有鹹蛋黃的味道 可以再突出一點吧 配埋個sauce有黑醋味 仲有酸酸甜甜的汁 都幾開胃 都okay架檳城棒棒骨四方盒 食材係有四條豬仔脾 不過小妹認為肉質有少少韌同埋乾 但點上了咖哩汁就好味很多 哩個咖哩都辣辣地架 材料有辣椒🌶️香葉 少少瓜類......佢個四方盒🍞烘得好脆 麵包都好soft 點埋個汁真係一流 不過個汁可以多返少少會較好😋😋川貝冰糖陳皮燉原個雪梨 🍐 佢真係制作需時架 今次都要等左半個鐘先有得食呀 個🍐不是很

聽就聽得多，食就未試過，終於約左幾個同事星期六晚去試菜星期六、日晚飯分兩段時間，第一轉6-8,第二轉8-10,我哋選左6-8,有某些餸菜要預先預訂，我哋訂左皇牌燒鵝和茶壺湯(日本花菇雞腳燉螺頭)其餘餸我哋就在當晚入座時再選，入到去個環境好舒服，好好坐，等齊人我哋就選菜，有好多餸選擇真係太吸引，唔知選乜好，最後選左以下幾款：皇牌燒鵝唔係頂級好味，但都算中上，食落啖啖肉，冇肥膏，調味幾好，唔點酸梅醬已好味，點左更加正，酸梅醬，掂！唔能夠頂級既原因我覺得係皮與肉中間欠左少少肥茶壺湯(日本花菇雞腳燉螺頭)個湯賣相好似飲功夫茶，用茶壺上，個湯好熱而且好濃入面湯料好淋。拖地蜜汁黑豚肉真係冇得頂大細味道適中，唔太鹹唔太甜，入口即溶金磚豆腐睇賣相其實係同普通椒鹽豆腐冇分別，不過食過先知道同一般有乜分别咬落去外皮薄而脆，內裏豆腐嫩而滑，出面做唔到噤既口感檳城棒棒骨四方盒棒棒骨係豬肉好彈牙嫩滑，個咖喱汁好正可以將四方盒切件用來索咖喱汁食，如果想完全用盡個汁，可以叫個白飯撈汁，就真真正正用盡醒胃話梅雞話梅味入晒雞肉，酸酸味味，越食越開胃呢個餸可能用石窩上，過左一個鐘d雞和個窩還有煙和熱能保持食物温度杞子花膠

個多月前,曾到”雲來軒”品嚐晚餐.今天晚上,我再次揀選它,作為和朋友用膳的地方,全因它的菜色特別,且食物味道不錯.這次揀選了幾道菜色,首先來的是”金磚豆腐”,外層炸至金黃色,入口鬆脆,內裡的豆腐軟滑,外脆內軟相輔相成,這是一個值得一嚐再嚐的菜色.接著上來的是”雪山花姿戀”,以蕃茄作花瓣,蛋白作花蕊,花朵圖案伴隨合桃作泥土點綴.清淡的蛋白與甜甜的合桃,配合得宜.再來的是”醒胃話梅雞”,雞肉嫩滑不粗糙,配合特製的醬料烹調,入口味道不錯.緊接著的”檳城棒棒骨四方盒”,以四方麵包作外圍,包圍四枝燒烤豬肉棒.因應人數關係不能平分,我們另外加了一枝.豬肉棒可不點或點上咖哩汁進食,豬肉鬆軟配合獨特的造型,仿如視覺和味覺同步享受.最後一道菜色是”開水巴馬火腿白菜”,濃味的火腿伴隨清淡的白菜進食,濃淡配合相得益彰.總括來說,食物的質數和服務態度,令人十分滿意,唯食物價錢略為偏貴.

今日同條蟲去食今年第一餐大閘蟹, 預先留定6大隻!! 七點未夠, 全場爆滿, 好彩訂定位再叫多個"檳城棒棒骨"先黎兩隻蟹先Woo~真係好多羔丫!! d羔好似蛋黃咁甘香跟住食個骨骨盒, 咖喱好香, 食得出係自行調配的咖喱, 並唔係出面求其買到的現成咖喱漿開!!個包焗到好脆, 食完兩隻蟹先食個包, 個包都唔會淋到一 pat pat!!大廚師傅會不時出黎同d客人溝通, 問下意見!!一問之下, 原來呢度下至茶葉, 小食, 上至菜式到甜品, 都係由大廚一手一腳去處理(煮理) 非常欣賞呢度做事認真的態度, 因為呢度小至茶葉咁細微既地方, 都絕不馬虎!! 一飲落去有陣茶香, 沖左6,7次仲有茶味! 唔似d大集團酒樓沖出黎d茶無味或苦>.<除左食物外, 呢度d服務態度十分良好, 時不時會過黎沖水, 睇下仲有咩未黎, 最重要係, 只要我條百厭蟲一四圍望, d職員就會好快留意到, 然後好熱誠咁問『係咪想要d乜?』(其實條蟲真係四圍望下, 無乜特別想要) 噢~好耐未試過唔使做伸手黨都有人理呢間係我呢兩年食過最有心機同誠意既中菜