泰發泰國餐廳

营业中

休息中

去到九龍城隨便入咗一間泰菜館，估唔到有驚喜，嘢食質素高，而且大份，好抵食！生蝦食落鮮味，肉質爽彈牙，配埋泰式酸辣汁真係無敵。餐廳仲有幫手炸埋個蝦頭，一啲都冇浪費，食落仲要好香口碎肉生菜包，今次揀咗豬肉，碎肉食落好香辣好惹味，仲有滿滿嘅肉汁，一啲都唔乾！最推介嘅就係呢一碟檸檬燒牛肉，只係$138，就已經有咁大碟，而且牛肉肉質軟嫩，唔會燒得好老，配埋酸酸地嘅檸檬汁同泰式辣汁，好惹味。蟹肉炒飯飯底炒得好香，蟹肉都算大粒

九龍城出名食泰國菜, 相信應該好多人都知, 朋友話今晚想食泰國菜, 便黎到這間泰發泰國餐廳試下!*泰國金柚海鮮沙律有蝦同墨魚, 加埋柚子, 微辣酸汁, 好開胃的前菜*檸檬燒牛肉見到餐牌標示左No.1食品, 當然要試下,  一出黎既賣相已經相當吸引, 啲牛肉好似成座山咁高, 勁, 這個半生熟牛肉, 有牛味之餘, 還很有嚼勁, 微辣, 好味, 仲有芥蘭做菜底, 底下有酸酸地醬汁, 加埋生蒜頭片, 很好食, 有驚喜! 係其他泰國餐廳未有食過, 推介!*鹽燒盲鰽我對於泰國燒魚, 都好喜歡, 今次試下呢種魚, 幾特別, 魚身入面都係放左香茅香葉, 上面放了鹽原隻 燒, 打開魚皮，熱燙燙的白煙輕飄，魚肉嫩滑, 點埋自家店的秘製泰式酸辣醬汁, 真係好食, 仲有陣陣的香茅香葉南薑香料味道, 味道好有層次, 正!*椰青清甜可口, 食埋椰肉, 好開心呢間泰國餐廳價錢大眾化, 食物美味, 下次再黎試下其他菜餚~

👎🏻👎🏻叫左四道菜，全部都係太辣，辣到唔知自己食緊咩，特別係生菜包🥬👎🏻👎🏻最重要想講嘅係檸檬燒牛肉，之前食過九龍城另一間係極好食，我哋以為其他都唔會差得去邊👎🏻👎🏻我哋錯啦，一嚟到，我哋以為自己嗌左生牛肉，然後問佢可唔可以熟多少少，佢哋攞咗去微波爐度叮，都唔緊要，因為我哋要求熟少少。👎🏻👎🏻一食落口，同街市買BBQ燒牛扒嘅牛肉一樣，無咬口，冇牛肉味，食得出係好低質嘅牛肉，只係落咗泰式嘅汁，咁點解我唔去BBQ燒低質牛扒

九龍城出名多泰國菜餐廳🇹🇭除咗比較出名嘅黃珍珍、小曼谷、金寶等，其實仲有好多泰國菜小店今次要介紹 — 泰發泰國餐廳✨由老闆娘至侍應都係泰國人主理👨🏻‍🍳口味正宗得來，價錢又親民.🌟🍴肉碎生菜包（豬）🥬💰$65泰菜必點之一🤟🏻肉碎夠juicy，香茅味足加埋紫洋蔥🧅更香更好味☺️生菜好fresh ，夾住肉碎食，正😆另外份量都好多，抵食👍🏻.🌟🍴檸檬燒牛肉🍋💰$123大大份，堆到成座山咁🏔牛肉大約三四成熟🥩，本身我鍾意食比較生嘅牛肉就覺得啱啱好😅不過同行朋友就覺得太生牛肉上灑滿辣椒蒜頭醬汁🌶🧄唔會好韌，配埋醬汁酸酸辣辣夠惹味😎食唔到辣嘅朋友仔要留意，呢道菜都幾辣下，可能要同侍應講落少啲辣椒😅.🍴泰式冬陰功（細）🍲💰$63好足料，有大頭蝦、菇、蕃茄等配料夠酸夠辣，香茅味重，唔錯😛.🍴泰式燒雞（半隻）❌💰$75估唔到衰係隻雞手上😭燒雞🐻預期皮脆內嫩但佢啲皮好林，肉質又比較鞋😫唔好食，直頭有啲後悔叫咗🥺.由於餐廳無加一關係，人均都係$100左右泰國菜嚟講算幾抵食✅除咗最尾隻雞之外，其他菜都算中上水平餐廳仲有好多唔同嘅菜式選擇如果一大班人食就可以每樣試啲鍾意食泰國菜嘅朋友仔有機會可以試一試（不過記得唔

服務一般，唔係個個侍應都識落單，所以落單要嗌好耐。平日都超級旺場，所以上菜上野飲都要啲時間。坐都好迫，八個人坐六人枱，中間加隔板。*泰式芒果沙冰 $28大杯又解辣，芒果香濃，沙冰細滑，冇啲奇怪大塊冰粒。*木瓜沙律 $55大份，青木瓜爽脆，加埋脆花生同番茄仔，又辣又fresh。生菜唔係好新鮮，包住木瓜絲食，另有一番風味。泰式炒金邊粉 $58金邊粉唔會好油，乾身但好張口，而且偏甜，甜得嚟又有啲死甜嘅感覺。配料有炒蛋雞肉豆乾，同埋花生碎，可惜冇生芽菜同白砂糖，好似就唔多正宗喇。馬拉盞炒通菜 $59少少辣，但好油，惹味，但都唔夠馬拉盞蝦醬味，勝在大份抵食。馬拉盞炒椰菜苗 $68同樣惹味但偏油，椰菜苗比通菜更好食，可能因為多咗個有咬口嘅菜梗。串燒 (雞) (豬) $15燒得好靚，雞同豬都入味，肉質唔會腍晒，有少少韌，唔洗點沙嗲醬都已經好好食。檸檬燒牛肉 $123燒牛肉原本係好生，落單嘅時候叫佢燒熟啲，而家熟度啱啱好五成熟，唔會太韌，牛肉味差啲，不過好香蒜頭味，檸檬味反而弱啲，少少酸味開胃，又會令人一啖接一啖咁食。鹽燒盲鰽 $119盲鰽外皮脆但全部都係粗鹽，一定唔會食塊魚皮，魚肉嫩滑，肉多骨少，啖

今日專程同FD嚟九龍城食飯聽人講九龍城呢邊都幾多好野食特別係泰國野搵到呢間見OK多人食應該唔錯★★★檸檬燒牛肉佢地嘅No.1招牌菜檸檬味幾重，蒜味亦夠香濃牛肉未算太軟腍，少許軔身份量中等，主要原來有好多菜心仔墊底★★★★椰青焗咖喱海鮮呢個幾有驚喜，用椰青焗嘅咖喱有陣清香嘅椰味咖喱都俾好多，唔辣嘅偏甜甜地，食落最正係入面有椰肉不過海鮮就少咗D，同埋加咗份薄餅撈咖喱食，原來係剪好咗細細塊唔算太酥脆，個人都係鍾意大塊D可以包埋D料~★★芒果炒飯冇乜味，好簡單普通嘅一碟炒飯只係多咗少少芒果夾雜住，但完全冇一種好融合嘅感覺，正宗實在算不上吧飯粒偏乾身幸好有椰青咖喱可以撈飯吃專程嚟試好野的話都係唔好叫飯好D泰發泰國餐廳整體評分★★★地理環境★★細舖略逼隔離幾張大枱講野超大聲都幾嘈雜下服務★★★幾繁忙下唔會點理你食物★★★OK啦，好睇個別菜式價位＄＄＄埋單每人2百幾，唔算太飽

好耐冇黎九龍城晚餐，黎得就梗係食泰國野，次次都係食泰發！每次黎都被安排入唔同分店，店員姐姐依然有禮又熱情。食日餐點：冬陰功(細)檸檬燒牛肉馬拉盞炒椰菜苗紅咖哩雞蒜蓉包(5件)泰國餐廳必叫冬蔭公，雖然係細size，但分量已經足夠兩人飲，材料豐足，有蝦、芫茜同埋有泰國香料，辣味剛剛好。泰發必叫 檸檬燒牛肉， 悉心推砌一座高山，牛肉塊塊size均勻，燒到半生熟，肉質好滑嫩，檸檬汁唔係得酸味，牛肉配呢個汁好夾！馬拉盞炒任何菜式永遠冇得輸，鑊氣十足，但又唔會鹹。此咖哩唔會辣，裡面有好多配料-豆角、青檸、洋蔥、薯仔等等，肉其實可以選擇豬/牛/雞，我地選雞肉，肉滑!為左食咖哩，特意叫蒜蓉包，塊塊好大件，又夠脆口，配埋咖啡汁，真係會食唔停口。餐廳推介

話說近排返工忙到狗彩，幾乎無自己私人時間可言😢，但都係要捉緊時間找找身邊既水桶友出黎，邊食好野邊大吐下苦水。人在九龍城，偶爾經過【泰發】其實都會俾佢嘅門面吸引，唔係因為佢有華麗嘅裝潢，而係因為有朋友說過好好食好正宗又唔貴而且評語都唔錯！所以問問有沒有位置，員工說有，那就入去乖乖坐定去等朋友，因為聽聞事關佢地都成日會Full House既!😜等緊朋友個陣同姐姐們聊聊天呢度主打正宗泰北菜式...老闆娘至待應均為泰國人，而師父更特別由泰國邀請到港做呢度既大廚，雖然全部都係泰國人但係每一位都懂廣東話！好勁啊！呢度細細地，長方形格居但挺有感覺的！入座後客人都不少，愈夜愈後更座無虛席。另外餐廳內牆上貼滿了推介菜式， 檸檬燒牛肉， 盲曹系列...等等完全樣樣都好想食，目不暇給。❗❗不能受辣的朋友緊記...落單前講一講，因為泰國人一向能接受辣味，所以會重手小小，但師父都會因著客人口味親自調製出能吃的辣道。等了一會先點杯...珍多冰 $25很多人以為珍多冰是泰式或越式甜品，但只對了一半﹗ 珍多冰其實來自印尼，後來傳偏東南亞其他地區，成為極流行的特色飲品，上至高級餐廳下至平民餐廳都極為大賣...珍多冰由珍

今日朋友提議去九龍城吃泰國菜，話有好介紹，為食的我當然舉手贊成，有人帶路，何樂而不為呢?泰發泰國餐廳屬於地道泰國人開的餐廳，在城南道8號，有兩間店舖頭連在一起。望望餐牌，嘩!價錢一D都不貴，又不用加一，非常抵吃。呢一間餐廳嘅第一推介，檸檬燒牛肉，當然要試一試啦!生熟度控制得很好的牛肉片，上面放上蒜片和辣椒、蒜蓉，賣相很吸引，分量也不少。牛肉吃起來很嫩滑，點上泰式汁，酸酸辣辣又帶有檸檬香味，非常惹味，醒神和開胃，下面有芥蘭菜墊底，沾滿泰式汁也很好吃。泰式黃咖哩雞，非常夠鑊氣，沾滿蛋液、洋蔥、青椒的咖哩汁好味得來夠曬多我們叫了薄餅配黃咖哩，很正。最後再多叫兩碗白飯，因為呢個汁非常好餸飯，服務員告知，如果不夠辣其實可以要求加辣，那我下次一定要加辣。馬拉盞炒通菜，好香夠鑊氣，顏色翠綠，味道惹味又不會太辣，我們吃得津津有味。蝦醬炒飯好大碟，上面鋪有一大塊蛋塊及豬肉鬆在旁邊，服務員教我們應該將蛋塊、肉鬆拌勻蝦醬飯一起吃才最好吃，我試過後，又真係好吃很多啊!泰發泰國餐廳，晚上8時已經坐滿食客，相信是因為這裡食物種類多、味道好、價錢大眾化，份量又足，更又不用加一，價錢比出面旺區的泰國菜館真是平很多，所

2/2晚上等埋老婆收工去食泰國菜,食泰國菜就緊係去九龍城啦。之後就搭車出發,老婆話朋友介紹九龍城泰發餐廳幾好食,所以我們就去試試。到了餐廳後order了數款菜式:1.檸檬燒牛肉-燒牛肉配酸汁幾開胃,肉質淋但感覺是用食粉醃淋,牛肉本身味道偏咸,品質一般2.木瓜沙律-酸辣味開胃,木瓜絲夠爽脆,少有配生菜供包裹食3.鐵板蠔仔蛋-蠔仔夠大隻,蠔仔蛋無味,靠辣椒醬攞味,與潮州蠔餅造法不同,相比下唔夠香口4.馬拉盞通菜-夠味夠鑊氣5.芒果蟹肉炒飯-飯唔夠乾身,炒飯沒有任何味道,淡得像忘記落鹽一樣總結:味道不過不失,但性價比偏高,因價錢相比其他泰國菜餐廳平。*從前較喜歡去隆姐,同心,小曼谷,金寶等泰國菜餐廳,但今時不同往日,味道已經不再……

之前已經寫過兩篇關於泰國菜的食評，這兩家泰國菜都沒有令我失望而回。多年以來，已經知道九龍城區有很多泰國人屋住，又開了很多泰國小店及泰國餐廳。這是第一次，深入九龍城，體驗一下傳聞當中的＜九龍城泰國菜＞，尋找真正的泰國好味道，比較這裡的泰國菜與香港各區的有多大的差別。泰發沒有破壞＜九龍城泰國菜＞的金字招牌，還帶來驚喜。餐廳地方不太大又是星期五的晚上，都比較忙，宜早一點找位置，分開左右兩個店舖，裝修新，洗手間乾淨（至少是男洗手間），店面地方乾淨。一般泰國菜的菜單都是厚厚的，都不會缺乏食物的選擇，泰發不會是例外，泰發的好處是菜單上都印上圖片，方便參考。其實選擇過多都是一個壞處，只想簡簡單單的吃一個晚餐，先要看字小如報紙的菜單，感覺並不好受，肚皮都還未醫好，眼睛先來受罪。先點了一個生蝦作頭盤，與其他的相比，別家都不會附上頭蝦，泰發把蝦頭香炸，與生蝦一同上菜，一點都沒有浪費食物，炸蝦頭香脆，生蝦肉厚新鮮，配上蒜片以及蒜泥酸辣汁，酸辣味凸出鮮味。特別推介！泰式拼盤：有雞肉及豬肉串燒（我沒有問清楚是甚麼肉，味道上應該是雞肉豬肉）串燒有燒烤味但不太熱，味道還不錯。炸肉丸炸蝦丸熱騰騰香脆，幫串燒加回一點分

較早前媽媽生日,去過黃珍珍慶祝,但只係得個"貴"字, 而食物質素一般,試一次已經夠了 今次爸爸生日,當然試一試由泰國人一手一腳開設既餐廳la... 果然, 好好食 大家都食得津津有味!一上枱既賣相雖然不太花巧、不吸引，但係味道係吾可以單靠賣相的! 開頭酸酸地,食食下有d驚喜! 突然有d辣... 整體黎講好爽口好刺激!羊架... 都ok嫁! 吾會太"蘇"!一上菜就香噴噴,令人食指大動呀!食咖哩蟹點可以咁dry...吾配蒜蓉包呢?! 點埋d咖哩汁,食得吾好哂麻 好爽口, 個汁酸酸辣辣好開胃 牛肉串燒 韌左少少 成晚最鍾意食呢味菜* 認真講係辣既,一邊食一邊飲番杯芒果乳酸! 正呀!

三月六日 (星期三)是夜，相約朋友來一聚朋友鐘情泰國菜，就由他來話事，選了泰發在九龍城，相信大家也不會對泰發感到陌生，近馬路旁的，是新店聽說這裡人會較少，環境也好一點，是較好的閒談地方侍者先送上蝦片作前菜入口蝦味甘香濃郁，加上極脆身的口感，真是打開胃納的恩物原想買一包回家，豈料離開時卻忘記了，甚可惜龍眼冰幾乎是泰國菜館的必備飲料龍眼肉挺多的，味道不算十分鮮甜反而芒果沙冰是較欣賞，酸酸甜甜，十分醒胃怡人朋友推介這客咸肉炒椰菜苗椰菜苗帶着一點咸，口感爽嫩而且炒得不太乾，濕潤的口感也較易令人接受聽說這裡的芒果海鮮炒飯做得不錯，也點一客來試試可惜來到卻只帶着餘温，味道分頓減幸好新鮮的芒果肉仍不欺場，入口清鮮，是十分泰式的感覺飯料也是晶瑩細緻，就是熱度不足，是一遺憾也朋友大力推薦這裡的的兩款菜式，其中一款是螄蚶沙侓因為螄蚶較難處理，加上衞生問題，很多店也不願供應這款凍食的沙侓，螄蚶夾雜其中，要逐一挑出來吃的確要花一點耐性味道尚算不錯，不過偶爾也會吃到砂粒，老實說，是略帶失望的或許，白灼的話還是會省力一點哩!友人推介的第二道菜檸檬燒牛肉反而是整晚的亮點牛肉入口一點也不韌，而且牛味香濃，質感幼嫩之餘

星期六由九龍塘走到九龍城，中午的點心還沒有消化完又要吃晚飯。在泰國餐廳林立的九龍城區，每日食一間泰國餐館，相信兩個星期也不會吃得完。這個晚上決定嘗嘗泰發這間小店。差不多是晚上八時，門口外也有食客在外排隊，友人很聰明的直入餐廳，發現有兩個位置便坐下了，很出奇的不用花一分鐘時間等位子。人少也有人少的好處。坐下了便有一個 Warm Welcome，就是免費的蝦片跟冰凍的開水。在炎熱的夏天有冰水是一種恩賜呢！蝦片我沒有試，因為怕熱氣，友人卻把幾片全都放進口內，我理解應該是可口吧。因為太飽的關係，我們只點了兩樣食物。生蝦刺身的蝦很爽口彈牙，完全沒有腥味。生蝦本身沒有甚麼調味，要多點一些辣汁才有味道，魚露的成份較高，不太辣，很不錯吧！生蝦的蝦頭被炸過並放在碟旁作裝飾，本身還以為是可以吃的，一口咬下去的時候卻是冷冰冰的，立即把它吐了，感覺自己很蠢。我們點的第二道菜是其招牌菜 ﹣ 檸檬燒牛肉。見到它半生熟賣相我的確有點兒嚇親，想不到在泰國餐廳也有 median rare 的牛肉，把它放進口裡卻有不同的感受。燒牛肉的肉是軟綿綿的，微暖，而且肉味濃郁，像是吃軟的牛肉乾一般，也沒有想像中的“生”，好味！配合

今日係Facebook見倒朋友posted 咗呢間泰國餐廳既食物相. 看去好似好好味,那就決定今晚去食呢間餐廳. 呢度的菜式都幾正宗, 老板和所以職員都是泰國人,但他們能都懂廣東話. 所有菜式醬料都是由人手親自調製. 泰國人一向食得辣, 所以不受辣既朋友記得落單前提醒走辣. 頭盤就是一盤蝦片, 好香好脆.這碟燒牛肉係店裡招牌菜.牛肉燒得好好味, 牛肉外層燒熟,裡面帶有點生, 食落不會韌. 配上酸汁和辣汁,非常開胃.這碟海鮮濕炒河不錯，廚師即叫即炒，火候十足，芥蘭還切有花形，汁又鮮甜，吃來一點也不油膩.這碟白灼螄蚶就有些灼過了頭, 走了鮮味.還有幾只不新鮮.有點怪味.蠔仔與炒蛋香滑中帶有鑊氣的味道, 上枱時還熱辣辣.d蠔一點也不腥. 鋪底的芽菜用鐵板慢慢煎熟, 份量很大,有很多蠔仔,連煎蛋都有蠔味, 非常美味.