臺北棧 (荷李活道) (已結業)

久聞其名今晚一食，果然無令人失望。小店環境時尚與一般台式食店截然不同。地方一眼望晒，最佳位置在長廊盡頭，高枱自成一角。聽到場內播放首『突然好想你』歌曲，瞬即重拾去台北的感覺，疫情呀何時先遠去呢？美食價錢幾經濟，與蘇豪區昂貴地段竟然拉不上關係，各種小食麵食甜品都咁好味，難怪高企人氣熱店之列。櫻花蝦烏醋茄子 $48冷盤小食茄子夠凍，好挺身夾落唔鬆散，口感軟綿綿，沾左醋汁甜酸美味，仲有櫻花蝦多份酥脆口感，連小食都做得咁出色要一讚。台式肉鬆榨菜蛋餅 $68蛋餅脹卜卜好大條，分左六小件，蛋皮厚身口感煙韌，餡料肉鬆榨菜頗有古早風味。適量的榨菜分佈均勻，帶來酸香爽脆口感，與香酥綿密嘅肉鬆，交織著味蕾滾動的音符，um！好味...好味。糖心蛋魯肉飯 $55賣相吸引，半隻溏心蛋黃晶瑩剔透，見到心心眼。碗飯份量唔少，鋪滿半肥瘦入口即溶的魯肉好入味，唔錯。手繪雙色鹽酥雞 $88鹽酥雞大件夾抵食有六件，酥脆外層咬落肉質嫩滑，味道唔會過咸，啖啖肉非常滿足。食原味已經好好味，仲有兩款醬汁三種食法又幾好喎，一款係黑松露蛋黃醬香濃惹味，另一款係柚子蛋黃醬酸甜開胃，我就鍾意柚子夠清新，鹽酥雞有著台灣的水準，確係必食之選！

豬軟骨鯊魚骨豆乳湯麵 🍜 $158 (6.5/10)可以揀刀削麵或者寬粉絲 今次就揀左刀削麵啦麵條幾Q彈 而且掛到湯 但啲豬軟骨就好韌 有幾舊係咬唔開 個湯底略為有啲油 個碗嘅保熱能力好低 食到一半碗麵已經凍晒🥶🥶🌟黑蒜牛肉麵 $118 🍜 (8/10)呢款係小店嘅招牌菜 同樣可以揀刀削麵或者寬粉絲 今次就揀左寬粉絲 湯底個黑蒜油味道好濃郁 牛肉好淋好入味 加埋香蔥同炸蟲花 就更有層次感🌟手繪雙色鹽酥雞 🍗 $88 （9/10呢個幾有驚喜 熱辣辣上檯而且份量好多 炸得好香脆有唔會厚粉 醬料沾左係兩邊 有檸檬同黑松露 大家可以根據自己嘅喜好點 不過個人中意配檸檬醬 酸酸甜甜好食啲 櫻花蝦烏醋茄子 🍆 $48 (8/10)醋酸甜甜幾開胃 可以當前菜咁食台式肉鬆榨菜蛋餅 🍳 $68 （(7/10)個蛋皮嘅厚度適中 唔會太厚 但味道就冇乜特別 價錢偏貴 性價比唔高OVERALL: 一試無妨😊 (6.5/10)呢間小店長期都好多人排隊 但個人就覺得唔太值 如果唔使排都可以一試嘅小店嘅裝修好新潮 門口仲有個霓虹燈俾人打卡Weekend2pm去都差多full house 建議大家可以book定位先🌟

櫻花蝦烏醋茄子($48)冷盤小食，醋有啲似日本燒汁粢飯遇上蛋餅($68)蛋餅用左鴨蛋，應該蛋味會更濃(不過我食唔出🙈🙈🙈)，不過餅皮係好食，比我平時食開嘅厚少少，好Q，裡面就係粢飯餡，肉鬆，榨菜 ，油炸鬼，冇糯米，冇想像中咁heavy，如果油炸鬼再脆啲就無敵鮮蟹肉麻婆豆腐撈麵 ($148)麵唔乾，麻婆豆腐好食，豆腐好滑，加埋肉碎，好香口，但係唔油，雖然話少辣，但係夠辣，調味控制得好，夠香但係又唔會太濃味，好多蟹肉，配料同麵嘅份量都控制得好好，推介👍🏻👍🏻👍🏻糖心蛋魯肉飯($48)好食！豬肉好juicy，但係唔會成口油嘅感覺，個汁好開胃，上面有少少炸蒜，好味過台灣食🙈🙈🙈，推介👍🏻👍🏻👏🏻👏🏻奶奶麻糬(花生味)($68)質感同我想像中唔一樣，以為好似年糕咁，但係麻糬係用木薯粉而唔係糯米粉，所以唔係煙煙韌韌感覺，反而口感似燒過嘅棉花糖，好軟身，牛奶味都出，我一直以為個麻糬係暖，但係原來係凍，少少甜，唔會好filling，食哂成個都唔滯，除咗花生味，仲有黑芝麻，oreo，紫薯味，我會慢慢試晒其他口味鮮芭樂苦瓜汁($52)新鮮打，好鍾意飲苦瓜汁，甘香但係冇草青味，又清熱，番石榴清香但係唔會搶味

台灣係香港人快閃旅行既地方所以台菜一直都係我最喜愛菜式之一疫情關係去唔到台灣，謂有黎拜訪一下Check-In Tapei !!!間鋪唔係好大，三十幾個位度食物方面我覺得都算整得幾有心機！櫻花蝦烏醋茄子好味指數五粒星滿分，我比四粒星因為茄子整到好淋，汁甜甜地幾開胃！蒜香三色台腸好味指數我比二粒星因為賣相好一般，拎過黎已經好失望！食落去味道同想像差唔多，但肉身偏乾身，所以我建議你地留肚食其他食物！鹽酥雞好味指數我比三粒星外皮幾酥脆，肉身還可以但欣賞它兩邊有二隻不同醬汁點來吃，唔洗咁dry😂日式起司鰻魚蛋餅好味指數我係比滿分！！全晚最好食！！可能我係鰻魚腔😂😂員工會即場燒熟芝士，燒過既鰻魚配埋熱熔熔既芝士簡真係冇得輸😎 蛋餅變左配配角豬軟骨牛乳拉麵好味指數我比三粒星先講左唔好既係豬軟骨整得唔夠淋，呢個對鐘意食豬軟骨既朋友仔黎講係大忌！但勝在湯底濃郁，佢係偏結身的，牛乳味亦夠溏心蛋魯肉飯好味指數我比四粒星食到呢碟其實我地已經好飽...但為左openrice既同伴們，點都要試一試😂😂佢既份量唔係好大，因為魯肉飯係偏油，所以岩岩好！肉身肥瘦適中！將肉汁連埋飯一齊食，好黏身，味道唔錯！不止400次伯

台灣係其中一個我好鐘意旅行既地方所以CHECK-IN TAIPEI一直都係我口袋名單入面其中一間今日終於抽時間同朋友過左黎試CHECK-IN TAIPEI既裝修配合返SOHO區既感覺食物方面 佢地加入一啲新元素創作出不同的台灣味道櫻花複蝦烏醋茄子好味指數 😋😋😋😋前菜我地叫左 茄子每粒都切得岩岩好一口茄子亦夠凍 唔會太淋味道偏甜左少少 但都係好味的蒜香三色台腸好味指數 😋😋😋😋三色分別係原味、蒜味、墨魚汁台灣腸同大家一向鐘意既味道一樣好香口 又唔會過份油膩 令人一口接一口但佢同一般食到唔同既係搭配住炸蒜片而外面大部分搭配生蒜片我個人係比較鐘意生蒜既辣味溏心蛋魯肉飯好味指數 😋😋😋😋呢碗魯肉飯比係台灣食既大一倍係台灣食既魯肉飯都會偏油所以食細細碗就會覺得漏但呢碗既醬汁唔會太油膩肉亦切得比較大粒 肥瘦適中將肉、醬汁、飯拌勻黎食 好易就食曬成碗髒髒紫薯麻糬蛋餅好味指數 😋😋😋😋😋本來黎到想試佢最招牌既奶奶麻糬但因為要晚夜先有 所以就揀左個有麻糬既紫薯蛋餅開頭會怕甜既紫薯同印象中咸食既蛋餅唔夾不過食左之後發現有驚喜薄薄既蛋餅入面包住紫薯蓉同有奶香既麻糬因為麻糬好軟熟 紫薯蓉既份量同甜度都恰到好

這間位於中環蘇豪區的餐廳位於長樓梯的中段位置店舖不大座位不多長型的空間，分了餐枱和酒吧高枱。由於長期人龍不減所以想在這裡食一餐好的，非常建議大家訂位這次想介紹朋友吃一點較為特別的台式料理所以選擇了這間餐廳，除了餐廳門口有大大的燈牌寫着「我愛台妹」以外，室內設計有特色，加上菜式有別於一般的台式餐廳，為朋友留下了深刻印象，超級加分我們點了一個台風素菜，櫻花蝦烏醋茄子$48，兩個台式小食，分別是炸地瓜薯條配話梅甜酸醬$65、手繪雙色鹽酥雞$88。另外，也點了一個主食，溏心蛋滷肉飯$48甜品就點了粒粒花生奶奶麻糬$68第一樣想塞的是櫻花蝦烏醋茄子，份量不多不少，但醋味很香在吃下第一口的時候櫻花蝦味濃郁配上醋茄子，口感有層次硬硬軟軟的，感覺很特別之後上菜的是炸地瓜薯條，地瓜製成的薯條，較為粗身，地瓜的質感被脆脆的薄皮包著，先脆而後香軟，略帶點微鹹，配上話梅甜酸醬，鹹、甜、酸三種口味皆在口中，非常美味手繪雙色鹽酥雞，上碟的賣相非常好看，值得打卡，吃下第一口的時候，鹽酥雞加上蛋黃的醬料配上，濃郁的醬汁加上外脆內軟的口感，絕對有別於一般的夜市品質，是超有品質之作而溏心蛋滷肉飯，份量是足夠一人吃，滷肉飯

雖然已經多次到訪Check-in Taipei但仍不厭倦，全因他們不斷推陳出新，每次來到都總會有意外驚喜。上次到訪後不久又換上新餐牌，換上數款以不同國家為主題的蛋餅，別出心裁。坊間的台灣菜館星羅棋布，但明顯會看得出這裡比起其他餐廳都別具匠心，不會墨守成規，反而不斷將新元素融入傳統菜式當中，新鮮感不斷，價錢亦相當親民。櫻花蝦烏醋茄子 ($48)茄子煮得香軟入味，有如海綿一樣盡吸烏醋變得酸甜多汁，櫻花蝦除了增添一份鹹香外亦令口感更加豐富，簡簡單單卻百吃不厭。芥末雲耳淮山 ($48)雲耳爽脆之餘酸甜開胃，後勁逐漸滲出一絲芥末辛香，不至過分嗆烈。秘製酸辣手工餃 ($65)手工餃皮質感煙韌但偏厚，中間包著椰菜及豬肉碎比較清淡，配上酸辣醬恰到好處。冬陰功龍蝦蛋餅 ($88)蛋餅中間包著牛油果及龍蝦沙律，整體配搭不錯惟冬蔭功主題不夠出眾，冬蔭功醬酸味較為突出近似千島醬。栥飯遇上蛋餅 ($68)以蛋餅皮取代糯米飯，將栥飯搖身一變成為蛋餅，新舊交融，當中保留肉鬆、榨菜和油炸鬼，油炸鬼保持酥脆可口，口感豐富，但個人認為如果肉鬆份量更多會更上一層樓。髒髒紫薯麻糬蛋餅 ($75)蛋餅外層撒上一層紫薯粉之餘更裹

中環很多FUSION菜，當中很多都很出色是日是想念台灣的味道，於是來了試一試台灣的FUSION菜晚上八時來到，幸好隊也不算很長二人排了十五分鐘左右已經可以入了店內麻雀雖，小但五臟俱全靠門口的是酒吧和四人的餐枱，行入一點就是高的吧枱有可愛的台灣語句裝飾櫻花蝦烏醋茄子 $48AGED VINEGAR EGGPLANT醋茄子是本人必點的，醋香和酸酸的味道很開胃加上有櫻花蝦鮮味的加成，是健康味美的前菜魯肉拌台灣A菜 $75LU ROU TAIWANESE LETTUCEA菜其實就是油麥菜，高纖，有不少半肥瘦魯肉和魯肉汁拌起來，沒違和感，不錯泡菜起司豚肉蛋餅 $75KIMCHI CHEESY PORK EGG OMELETTE不算很辣，蛋皮有一定厚度蛋皮口感不乾，每件都有足夠的飲片和泡菜芝士一起食，二人SHARE食完都有飽感了溏心蛋魯肉飯 LU ROU FAN $48魯肉和上面A菜的相同的半肥瘦的魯肉和汁一起拌是一流飯是粒粒分明，不要看只是小小一碗二人分一碗，再加上剛才的蛋餅，超 · 級 · 飽白桃綠茶 PENCH GREEN TEA $42一如以往的走甜，清香的白桃味綠茶又可消濟，餐飲好選擇玫

Check-in Taipei向來人氣鼎盛，除了因爲其價格親民之外，更因為它不斷推陳出新，推出一系列創意無限的菜式，這次再訪餐牌又已經改頭換面，雖刪減了不少舊有菜式，但同時亦增設了多款新品。麻醬涼拌秋葵 ($52)秋葵冰涼爽脆但略為硬身，個人偏好較軟一點的質感；醬料與一般日式麻醬截然不同，濃厚稠密並帶辛麻香。櫻花蝦烏醋茄子 ($48)茄子燒得香軟綿密，盡吸醬汁酸甜開胃，加上櫻花蝦口感帶脆之餘更加添鹹鮮香味。手繪雙色鹽酥雞 ($88)鹽酥雞件件巨大無比，即點即炸外脆內軟但粉漿較厚，雞肉肉質保持嫩滑多汁。雙色醬料分別為黑松露醬和柚子沙律醬，個人則比較喜歡清新的柚子沙律醬，甜中帶酸能夠稍為中和油膩感。鮮蟹肉麻婆豆腐撈麵 ($138)蟹肉份量雖多但鮮味徹底被麻婆豆腐醬蓋過，不過醬汁濃厚惹味並帶微辣，不期然令人食慾大增。撈麵麵條軟硬不一，被醬汁覆蓋的部分會較為軟腍不夠煙韌。芋泥鹹蛋黃蛋餅 ($75)上次到訪品嚐過期間限定的芋泥酥皮蛋餅，而這款芋泥鹹蛋黃蛋餅用上的芋泥感覺上大同小異，綿密細緻且當中混有芋頭粒，惟味道偏甜芋香並不出眾。蛋餅餅皮質感煙韌，雖然面層加上鹹蛋黃碎及肉鬆，不過鹹香被芋泥與煉奶

星期二相約了友人到中環品嘗一間新開的台菜-『Check In Taipei』，餐廳位於中環蘇豪荷李活道27號地舖，距離中環港鐵站大約十分鐘路程，位置便利，離酒吧街蘭桂坊只需約五分鐘路程，最適合飯後與友人把酒談歡。我們於晚上八時已經到達餐廳門口，當時經以有一小撮客人在排隊，可見餐廳的口碑當真不錯，經過大約十分鐘的等候，店員終於安排我倆入座。幾經商議後，友人和我分別挑選了下列食品。先講小食，炸地瓜薯條 ，地瓜條炸到外皮金黃香脆，內裡軟棉棉，入口充滿地瓜的香味，再沾上酸梅醬，讓人不自覺地一口接一口，加上地瓜薯條份量數量很多，最啱一大班朋友到來分享。再講前菜，櫻花蝦烏醋茄子 ，這一道冷盤十分之適合夏日享用，冷冰冰的茄子加上烏醋，酸酸甜甜作為前菜十分之開胃，茄子面上佈滿了大量櫻花蝦，增添了不少鮮味。主食方面，我們點了豬軟骨鯊魚骨豆乳湯拉麵 ，先來一口鯊魚骨豆乳湯，鮮甜得很，食得出沒有添加任何味精，豬軟骨烹調恰當，啖啖肉完全沒有骨，配以脆卜卜的油條、蟲草花、糖心蛋，為味蕾帶來了多重的享受。完美的晚餐當然免不了一道好吃的甜品，所以我們便叫了花生口味的奶奶麻糬，一大盤花生碎再加上一團麻糬，上碟時已經很