莎巴馬來西亞餐廳 (已搬遷) 新店位置

經過灣仔覺得肚餓，見到呢間餐廳有幾多報紙做過訪問，好似幾吸引，於是入去食下，結果又幾驚喜！叫咗個lunch set係咖喱鴨配油鬆餅，咖喱食落去辣到啱啱好，啲鴨好鬆化，一咬落去就會散開，係正宗嘅馬拉鴨！油鬆餅幾香，食落去外脆內軟！最好食係呢個炒蘿蔔糕，蛋絲同芽菜都為呢個餸生色不少，每個蘿蔔糕都沾滿左豉油，蘿蔔糕個皮炒得脆卜卜，蝦又有啲鹹香味好惹味，成個餸都好有鑊氣！沙嗲串燒嘅精髓沙嗲汁真係整得好好，食落仲有小小甜味！食之前一定要沾滿個汁！

睇左ig post 介紹呢到既海南雞飯夜晚七點幾黎到，walk in 等左成20mins期間不斷讓book 枱既先入。餐廳其實冇留枱比book咗枱，只係有位會比佢地先 搞到Walk-in 等左好耐建議一定要book枱！(雖然見到book 左都要等)門口貼左好多米芝連推薦既貼子海南雞 半隻芽菜底  份量正常。皮爽 不過肉不算好嫩滑雞味亦都唔夠濃 不過不失油飯幾大個 不過唔夠香椰汁咖喱牛肉少少辣 牛肉份量好多  唔錯油鬆餅最好食既一樣 餅微微烤香用手撕開就甘食都好好食夠濕潤鬆軟 唔會食到成手油 兩個人食唒已經好飽餐廳唔算太好坐 而且樓面得3個人  服務亦唔係甘好食物水準不過不失 而且價錢偏貴仲叫左杯拉茶  拉茶茶味唔濃唔甜 較淡味 如果係為海南雞黎 個人覺得唔洗特登黎食中環papparich 既雞飯好食好多 (雖價錢較貴)反而見隔離張枱個喇沙湯麵好似幾吸引 有機會lunch經過可以黎試下 不過要等位過10mins 我都應該唔會等

自從離開了灣仔工作，都好耐沒有來到這間馬來西亞的餐廳「莎巴馬來西亞餐廳」，不少名人食家都大讚夠正宗，而且又是蔡瀾常去150間餐廳之一，今天與妹妹再來回味一番。餐廳環境方面都幾舒適，裝潢簡約乾淨，而且冷氣又足夠。午市繁忙時段過後，人潮已逐漸散去，不會坐得太迫。餐飲點了杯熱奶茶，都是港式奶茶，茶味濃郁甘香，花奶的份量剛好，又夠熱，都不錯。平時我最愛飲椰青($42)，大熱天氣下飲個冰涼可口的椰青真是清爽，香甜又解渴。這碟海南雞飯雖然是Set Lunch($75)，但份量十足。雞肉新鮮且雞味濃郁，肉質嫩滑而雞皮爽脆薄身，油飯有光澤富雞油香，而且仲有黃薑味，味道都不錯，難怪是店中的招牌菜。其後我們點了一份油鬆餅($38)，附上一碗香辣的咖哩汁，取一小塊油鬆餅蘸上咖哩汁，口感鬆酥軟香帶點煙韌，沒有油膩的感覺，又有濃烈的咖喱香，真是越食越滋味。海鮮喇沙 ($88 )湯底有濃稠馥郁，重椰汁香且帶點微辣，餡料有元貝粒、炸魚片、豆卜、青口、蝦、魷魚、蜆肉等……讓湯底滲滿海鮮的鮮甜，米粉份量足，掛上湯汁更加香惹美味 。食物方面真是有水準，難怪不少名人都來光顧，份量又足料，值得再來。

以前係附近上堂，是日黎到呢條熟識既食街食下呢間老字號門口貼左好多米芝蓮既報導，於是就同寶一試究竟餐牌好多選擇，兩個人都唔知叫邊款好之前食過佢既下午茶係肉骨茶，覺得冇乜味，今日都免得翻焯先黎個菜，係我係屋企經常食既菜苗，都炒得爽口既，但多油左少少因為寶唔想食飯所以再黎個油鬆餅撈咖哩汁，都鬆脆既，如果可以剪開啲咁就食既時候冇咁唔方便。然後就係主角古馬咖哩牛肉，就咁睇唔太知咩係古馬，以為係都係會有咖哩，點知原來係葡汁128貴左少少囉咁細兜野，牛都幾好咬幾腍既，但唔係太入味，可能我鐘意啲濃味少少既咖哩最後想食啲甜野就叫左椰汁黑糯米，店員提左我地一句係糖水黎架喎，黎到先知點解佢要提，因為我心裡面以為係芒果黑糯米啲friend點知原來係差過酒樓既椰汁紫米露唔太滿意普普通通啦，店員態度都可以好少少唔好黑口黑面呼呼喝喝

同 octopus 行完書展，想喺附近搵間特色餐廳食飯，就呢間。海南雞係必叫既，因為我鍾意食！半隻，份量頗足，雞肉算滑(當然有其他比佢更滑既餐廳啦，但就獨孤一味)。有三款醬汁跟，我鍾意辣味，食得開胃d銀魚咸魚芥蘭，芥蘭爽脆，愈食愈追住食(太惹味)油鬆餅，因為見到印巴藉師傅整緊，所以好想叫嚟食。佢已經跟埋小碗咖哩汁(都辣辣地既如果點得多)肉骨茶，係 octopus 想食。馬來西亞版本既淡口版本，飲後口腔回甘，足料，跟埋份油炸鬼粒(指定配料)。個人建議出一碗裝，方便少人都可以叫多幾樣野食椰青，好fresh，好飽都忍唔住食左少少椰肉好full好滿足，店員姐姐都讚我地犀利話我地今晚唔駛宵夜添～

自從去完新加坡旅行, 小妹有時會想吃喇沙.今天和老公經過灣仔, 順便去此間店品嚐喇沙 - 莎巴馬來西亞餐廳油鬆餅~ 此店會附送咖喱醬汁一碗, 油鬆餅一點都唔油淋淋, 再點咖哩汁來吃, 簡直香辣又鬆化炸魚餅~ 老公本來想叫炸蝦餅, 點知叫錯了, 但都有驚喜, 魚肉與內裡的香料配制得很好海鮮喇沙~ 今晚期待品嚐的主角, 湯底濃郁, 帶有椰香味, 可惜海鮮是雪藏   如湯底不夠, 可叫待應提供紅豆冰~ 小妹小時候都好喜歡紅豆冰, 長大後就偏愛飲奶茶及咖啡等    紅豆份量多, 而上面啡色的冰其實係椰子制成, 好飲

公主話要食新嘢，我立刻第一時間上 openrice ，找未幫襯過的餐廳啦。搜尋灣仔區，睇睇邊間餐廳多笑臉，見到「莎巴馬來西亞餐廳」有不少笑臉食評，決定一試。訂了晚上七時四十五分，早了五分鐘到達。 本人及公主並不喜歡面對面坐，當晚幸運地被安排到可以鄰坐的桌子。公主好很肚餓，拿拿淋點了油鬆餅，之後才細看餐牌。共點了：油鬆餅 $38海南雞半隻 $168馬拉盞炒通菜(小辣) $78古馬咖哩牛肉 $128油鬆餅真係好鬆軟，綿綿的撕開那熱騰騰像綿布一樣的餅身，再沾上跟隨的咖哩汁，絕對是風味美食。這種好味道是東南亞食物獨有的。聽說海南雞是這裏的招牌菜，所以點來試試。不同國家的海南雞都有自己獨特的改版，如星加坡、馬來西亞、泰國、越南、印尼。雖然我不清楚那裡的才是正宗，但只要好吃的我都收貨。雞放涼吃，是傳統做法；除了雞翼尖有骨外，其他部分已經去骨。 雞皮顏色啡黃而微暗，斬雞刀法亦跟我在馬來西亞沙巴市集吃的海南雞十分相似。 肉厚而不韌，亦不覺皮下有過多脂肪，脾滑胸嫩。三款醬料不馬虎，味道均在合格之上。不過，這裡的海南雞始終稍微遜於「泰國人海南雞」，但仍然是不錯的。馬拉盞炒通菜，也許我要求少辣的緣故 ，所以

之前已經黎過幾次覺得野食真係幾好食名不虛傳成日黎灣仔都要食佢雖然次次都要等位, 但都值得既haha果日媽媽唔想煮飯就決定出街食兩老又口痕好想食佢就黎左晚飯時間例牌等位, 但響附近兜左2個圈就到可能平日又早左啲無咁多人啦依個椰子焗飯個人覺得唔差但兩老似乎唔太中意佢太'漏'最後我一個人包底依個油鬆餅真係超級超級好食!!!入口鬆軟熱辣辣, 蘸埋咖哩食真係一流!!!!次次一盤都唔夠要再加咖哩方面因為爸爸唔食雞我地未試過但其他款款都差唔多好食既現場仲有個外籍師傅表演拉油鬆餅有得睇有得食, 正!!!!整體表現黎講佢屬於中上灣仔區咁多好野食佢都站得住腳係有原因既下次會再黎食!!!

黑食會前前後後都攪左六次, 而肥鄧, 串爆, 吹雞同大聲亦先後揸過莊, 一個循環之後理應再次輪到肥鄧, 點知串爆忽然爆一句想食肉骨茶, 喺咁嘅情況下肥鄧決定過莊比串爆, 所以是次揸弗人就係串爆! 而串爆心儀左呢間食店嘅肉骨茶好耐, 所以最後決定黎呢間食店, 亦為黑食會之第二循環揭開序幕!用串爆名義留定枱, 吹雞同肥鄧早少少到左門口, 已經見人山人海, 但店內真係有張四人枱預留了, 等埋串爆先至行入去, 坐底一陣大聲亦出現了; 既然人齊了當然要落單, 一口氣就柯打左巴東羊肉, 馬來沙爹雜錦, 福建炒麵, 油鬆餅, 薯仔薄餅, 當然唔少得肉骨茶啦, 四個人揀左個細! 落完單等左一陣, 首先登場就係串爆最心儀嘅肉骨茶, 雖然係揀左細的肉骨茶, 但經侍應細心分贓後, 份量就剛好足夠四個人, 店方好明顯係驚四大內訌, 所以擺定條友喺度啦! 先試肉骨茶, 講真肉骨茶點樣先叫好, 真係唔多識, 不過呢碗肉骨茶就確實討好, 皆因湯夠清味道甜, 而藥味都幾濃但又唔會好似碗藥咁, 有藥香而冇藥味 洽到好處來形容就最貼切不過; 配上豆卜夠腍, 肉亦鬆軟, 加少少油炸鬼脆脆地, 非常好味, 呢道肉骨茶絕對係必

今天去完動漫遊戲節，正好就去了這家前一晚openrice見到的馬來西亞餐廳。去的時間比較早，沒有等位。兩個人點了一個油鬆餅，一個古馬什菜，一個馬來巴東牛肉。油鬆餅很韌很香，什菜的湯汁超有吃入味，巴東牛肉燒的很酥，可以聞到有很多香料的味道，配合油鬆餅吃超贊！

上星期四晚相約好友人一起看舞台劇「戀LOVE LOVE」，由於在灣仔香港藝術中心上演，故放工後便與友人一起到灣仔共進晚膳。我們大約18:30到達，進入店內時仍是空空如也，我們是第一檯顧客，雖然沒有訂位，但也能坐到四人的位子，不用搭檯，第一感覺不錯。不消15分鐘，即18:45，不知人群從何處來，已坐了大半位子了，到19:00時，全店已經滿座！由於我們只得二人，也不能吃太多，由於這裡的海南雞很出名，所以點了半隻海南雞、一份巴東牛肉、一件油鬆餅及一份炸香蕉。巴東牛肉：牛肉處理得很好，牛肉很林身，但不失牛肉味，可是巴東應較辣，這個醬汁個人認為沒辣味，連不太能吃辣的朋友也覺得不辣，但對於一向因不能吃辣而沒機會試這道菜的朋友也許是個好消息吧！海南雞：未吃時看到賣相很好，雞的鮮顏色讓人很想吃！ 夾起時發現連雞中翼的位置也是去骨，入口時發現很有黃油雞的感覺，感覺沒有冰鮮雞的感覺或味道，而且肉質很嫩滑，配上附上的醬汁一起吃，實在不能停下來呢！油鬆餅：新鮮送過來時皮是脆的，但鬆餅內層仍是軟身，可惜今次沒有咖哩，巴東汁配鬆餅感覺怪怪的，下次還是叫咖哩一起吃好~ 順帶一提，必需趁熱吃，否則放久了會變硬喔~ 炸

今日(27-4-2011 Wed)繼續過o黎灣仔人做半日o野,約男友同我o係呢區食飯,食完我至返荃灣公司.佢上網查到呢間’好o野’,就先o黎搵位,點知我老闆娘唔提早放我食lunch,攪到男友先叫o野食,我去到,佢已經食完佢$65.00o既海南雞飯套餐等我,真係好唔好意思.而佢都飲o緊一杯另叫o既拉茶.我都試吓,係淡淡的唔甜o既一杯奶吧.之後我叫個$65.00o既餐,又唔記得咩椰汁咖哩牛肉配油鬆餅,要可樂.好快,餐湯到o黎,細細碗,上面有脆片,真得意,攪吓佢,原來係粟米湯,都有啲蛋花添,而味道就係清清淡淡咁.然後椰汁咖哩牛肉同油鬆餅都到o黎,牛肉粒好鬆軟,牛味都濃郁,薯仔亦好腍,而成個餸對我o黎講係辣,可能入晒味啦.而開頭油鬆餅蘸汁食時唔係咁覺辣,但食食吓都頂唔住,唔蘸太多喇.食完,男友都拿拿淋要埋單,我o既甜品都即上,係咩o黎呢?係一件糕,咁又係件咩糕?答案係唔知,只知係冇甜味,只知有啲西米,口感係腍腍地.價錢,男友埋單時拎埋張單,我睇睇,原來佢杯拉茶都要$30.00,好貴呀!小插曲:我食到尾聲時,隔離張枱後過我o地o黎o既客人點完菜後,問我o地係咪香港人,問我o地覺得呢o度啲o野食點

After book exhibition,my mum and I went to this restaurant to eat because it is a popular restaurant in Wan Chai.When we arrived there,it was almost 9pm,but we still had to wait the table for about half an hr.We ordered 2 food plus one drink.海南雞飯It is a must-order dish,almost every table in the restaurant ordered it.The chicken was really fleshy and juicy.The rice tasted very good but not too oily.Dipping chicken some sauce make the chicken more delicious. curry with油鬆餅Since I don't eat spicy fo

男友知我鍾意食薄餅, 經過一試叫左油鬆餅, 海南雞飯, 巴東牛肉油鬆餅好鬆好脆, 好食海南雞飯好差, D雞好乾好鞋, D飯就OK巴東牛肉好惹味, D牛肉好腍雖然係平日, 但都非常多人光顧

心血來潮﹐到這裡一試~~在門外等位的時候﹐路過D人都話﹕係啊﹐呢間真係好好食聽到甘樣﹐都有D期待入去享受食物~~兩個人叫左﹕咖哩角 ( 2羊2牛)﹕為了區分牛同羊﹐店子會在角上點一小點紅點 (不過已經幾星期前吃﹐已經忘記紅點代表咩)。 咖哩角其實無咩太特別﹐炸到入面都少少乾。 炒蘿蔔榚﹕好似好多味精~好咸~而芽菜﹐蛋﹐菜脯同蔥的比例比 蘿蔔榚多好多。巴東羊﹕個汁甜甜地﹐香料好香﹐D汁濃度適中﹐羊肉整得好腍﹐此道菜非常惹味~油鬆餅﹕本身不會太薄﹐好似比起其他店還厚了少少﹐配上惹味的巴東羊﹐真係好好食~~~D姐姐服務幾好~又會主動加水~~同埋都好有禮貌~~~但有少少貴﹐因為一個細細的炒蘿蔔榚已經要50幾(定係60幾)蚊