蜀府川鍋 (已結業)

放工約左好友去佢屋企附近食飯，上網睇到有一間蜀府川鍋好似幾好味，兩人走去打個邊爐先，見到其他川菜都好吸引，但最後都係揀打邊爐，揀左個湯底大蜆蝦粥底。湯底來之前先來個泡椒香筍，夠辣度，同埋筍爽口無渣，不錯。大蜆蝦粥湯底好足料，大大隻蜆而且無沙，蝦都有十隻左右，質地都好爽口，但建議可以先給米水，米飯就後期先加會更好。手切牛脊肉（大）份量好多，肉質唔硬有牛味👍🏻響鈴、蟹子丸、鵝腸、竹笙、准山片、油麥菜、最有驚喜係即燒大連鮑😋香蒜舖面，鮑魚鮮味而且質地彈牙👍🏻$48 有海膽可以放粥，價錢來說好抵～最後食到撐飽個肚走人。

我身邊朋友的公司都非常多年假，幾個月冇見，已經去了不知多少次旅行，今晚就特登約出來晚飯和派手信，你絕不能想像一晚我竟然可以收到印度台灣泰國的手信。食飯其次，聚舊和派手信是重點，所以求其選了朋友公司附近的食店，地點就由朋友發辦。＊＊＊＊＊＊＊＊＊＊＊＊＊＊蜀府川鍋店名雖然有個川字，但不像其他以川菜作招倈的火鍋店般每一道菜都浸在滿滿的紅油和辣椒內，除了帶有四川風情的酸菜魚和麻辣鍋外，它也有提供其他港式湯底，火鍋配料選擇亦非常豐富。泡椒尖筍($38)泡椒尖筍在餐牌上有兩隻辣椒圖案，辣度沒有想像中厲害，大約只有小辣水平，份量都幾多，空口吃可能會覺得有點偏鹹，建議人多一點才點，幾個人分吃剛剛好。原隻大蜆龍蝦粥($238)蜀府除了雞煲、蟹鍋和魚鍋等，也有幾款粥底火鍋。這個原隻大蜆龍蝦粥有大大隻龍蝦和很多蜆在內，食客可以先食海鮮，之後再下火鍋料，食到最後粥底也煮得夠綿可以食用。龍蝦都幾有睇頭，所以食落啖啖肉，要食到海鮮應有原味，當然是在下火鍋料前就先把它們吃了。蜆都幾大隻，有肉地之餘也沒有沙。另外值得一提是，粥底火鍋都不用另收醬料費，雖然醬料選擇不算特別多，但出面單是醬料費少則$10/人，多則二十多

朋友於大本營上班，所以來這區覓食～ 朋友喜歡吃辣，我愛打邊爐，發現這裡有間川菜，還有粥底火鍋，真係啱佢又啱我從油塘站A2出口出去會見到右邊有條樓梯，沿路直行，唔洗兩分鐘，就會見到餐廳在對面馬路～紅色招牌好易認！可能因為不是旺區的關係，所以不用等位，即時入座～～坐低即落左個蟹粥先～其他慢慢諗～這裡除左粥底火鍋，仲有雞煲、蒸鍋、小菜、燒海鮮等等，選擇豐富～可惜得兩丁人，食力不足，好彩有啲選擇可以點半份，讚～朋友點的小食，睇落無咩殺傷力，入口先有酸味，之後越食越辣，幾好食幾醒胃～以為係火鍋配料，點嚟試試，上枱時有埋碟辣油，一問之下先知原來係小食～哈哈味道有點似滷水蛋，但質地彈滑，不錯～皇帝菜 $34韭菜餃＋雲吞（全份）$48沙嗲醬爆豬肉丸（半份）$26自家八爪魚丸（半份）$26配料都新鮮，雲吞係菜肉饀，兩款餃都很有內涵，唔伏～傾計不知時間過，傾傾下主角登場～哇～好大鍋，好大隻蟹呀～～！仲見到一片金黃色的蟹油我地先食蜆，留低隻蟹繼續熬～而個粥就梗係未食得住啦～肥嘟嘟的大蜆，鮮甜彈牙，正呀！最後拆肉食蟹～滋味無窮彈牙～最緊要係無砂！只係比我想像中細隻左小小。。。點左兩款牛，牛頸脊同一口和牛粒：牛

冬天少不了的活動，就是食火鍋。早前和幾個朋友去了油塘工廈附近，食蜀府川鍋，食了餐另類火鍋，都算是價廉物美喔！蜀府川鍋門口掛上大燈籠，門口有魚池，養活新鮮的海鮮。蜀府川鍋除了有火鍋之外，還有其他選擇，有小菜、水煮系列、串燒等等，選擇種類也有好多。今次和朋友的目標是火鍋，二話不說先來個火鍋湯底，日常的火鍋湯底，食得多，今天就來一個粥底火鍋- 原隻大蜆蝦粥 - $178。一鍋粥底裡面，都有唔少配料，大蜆蝦都各有10多隻，蜆肉肉厚，蝦隻都鮮甜，肉爽。泡椒尖筍 - $38顏色睇落好似唔多辣，但食落辣味慢慢跑出來，拌酒做餐前小食一流。可能近鯉魚門的關係，海鮮的價格都較外面便宜，都叫了好幾樣海鮮。海花螺 - $68日常食花螺，一碟都有10幾粒，用粥底灼熟，肉厚鮮甜韓國灰活蜆 - $58 / 份活蜆都係粥底火鍋的好選擇，用來熬粥一流，每粒肉都厚，而且經過處理，沒有沙。自家手打Wasabi 墨魚丸 - $88 / 份自家手打墨魚丸，爽口彈牙，唧入一點點Wasabi，提升墨魚丸鮮味之外，帶來味覺刺激。新鮮大連活鮑魚 - $28 / 隻鮑魚上枱都係活生生，尺寸都唔細，放入粥底灼熟，肉厚，肉質爽口鮮甜食到最後

最近同朋友發現了，原來去油塘三家村，除了食海鮮之外，原來還可以有平正海鮮邊爐 - 蜀府川鍋。蜀府川鍋除了有愛辣人士最愛的四川菜、水煮系列之外，還有冬天少不了的火鍋之選，可能疄近鯉魚門，這裡的海鮮種類非常多，而且是高質素平價之選~先點了原隻大蜆蝦粥底火鍋 - $178，一鍋粥底裡面已有不少大蜆 & 蝦，蜆肉大隻肉厚，蝦肉爽，是新鮮材料。只食光鍋內海鮮，也蠻多。餐前小食價錢不貴，多點幾款也OK泡椒尖筍 - $38 - 顏色白白的，看起來不辣的樣子，不過食完後，辣味慢慢會跑出來，餐前小食開胃挺好另單點了幾款火鍋配料： 海花螺 - $68 - $68 有10多粒，相比之下，較外間其他餐廳多。先用粥底灼熟所有海鮮，簡簡單單，不用點醬，肉厚鮮甜，食花螺的甜味。韓國灰活蜆 - $58 / 份：蜆和粥底真是最好的夥伴，食光粥裡要的蜆，再叫多一盤來熬粥，再追加的蜆都是一樣，煮開了都是肉厚的蜆肉，還有都是沒有沙，贊！新鮮大連活鮑魚 - $28 / 隻：新鮮還活動的鮮鮑魚，不用熟太久，剛灼熟了便可以食，每隻都挺大隻，可以大啖享受鮑魚鮮味食完一晚的海鮮精華上湯，最後加入粥膽，成為一碗綜合美味鮮甜海鮮粥，那個粥

四層鍋，四個満足！蒸，小吃，煎和煮，一次過嚐盡。前菜有尖椒重慶皮疍和泡椒尖筍。我喜歡尖筍，麻辣勁度十足，增加食慾感。火鍋湯底是芫茜豆腐和胡椒豬肚。芫茜豆腐湯底味道清淡，豆腐有點酸味，不知是否壞了。胡椒豬肚湯底，香氣陣陣，豬肚處理清潔，軟熟好味。什錦海鮮盤淨看己先聲奪人。鮑魚還在移動，新鮮度一百分，只蒸數分鐘，嫰滑的鮑魚已在口中。貴妃蚌可能因煮時間太耐有點老了。蒜茸龍蝦雖然細隻，肉質卻意外鮮，嫰。龍躉肉質好滑，魚味香濃。其他海鮮中規中矩，三百多元，算抵食。牛脊肉紋理好，肉質不會韌，牛味還很濃郁。其他配料還有山根，響鈴，生菜，小白菜和淮山。今晚真係食到飽飽又滿足。

遊車河遊到呢個荒蕪既地方，見到一排紅燈籠再望真原來係有個大招牌，大大隻字寫住蜀府川鍋，原來是吃川菜的，好辣的我即時提出要試下，橫掂呢頭泊車去非常方便。OK 泊好位，行入去會見到個大魚缸，呢度都有啲新鮮魚食喎！！坐下後，老闆推介了兩款小吃，對我來講都是幾特別的尖椒重慶皮蛋＄38別以為是普通料，呢個皮蛋是金黃色的，比較少見，連周中師父都推介過！！吃落味道甘香又質地滑脫脫，加上秘制麻辣醬淋面，風味十足，又麻又香。泡椒尖筍＄38睇落平平無奇，愈是平凡既野愈估你吾到架！！媽～好辣呀！！筍是用最幼嫩的部分的，吃落嫩滑爽，有筍香，而辣味又會滲透入筍心，好刺激！！天下第一骨＄88/5枝名字認真架勢堂了！！又睇下佢有幾天下第一先，燒焗至金黄色的表皮，熱到辣咀（要小心慢食）外面香蒜味濃，內裏肉剛好熟的成度很嫩口很好吃炮炒土豆絲＄52睇返資料，原來土豆絲是馬零薯來的，切成幼絲加香料醬油和辣椒炒，又幾好食喎！！知道炒土豆絲係川菜的常客但就是未試過，呢度的土豆絲切至麵條咁幼好易夾，亦好入味麻辣烤鱘龍＄378嘩！！原條鱘龍魚大大盆上枱，還有火爐座底，煲住來食愈煮愈辣好過引。而鱘龍魚我則是第一次吃的，肉質非常嫩滑，