Samsen 泰麵

营业中

休息中

早排同朋友食呢間泰國菜,呢間泰國菜連續得到6年米芝蓮,所以夜晚8點去到都要排隊😲等咗差唔多45分鐘先有位泰式街頭椰子雪糕🥥🍨雪糕用椰殼裝住,椰子味好濃😍裏內仲有椰子肉.粟米同花生,味道好夾,而且甜度適中👍🏻

朋友知道我鍾意食泰國野🇹🇭就帶我黎食📍灣仔Samsen～想趁仲未係好熱嘅時候就黎食，畢竟係要排隊(齊人先可以入座)xxxxxxxxxxxxxxxxxxxxxxxxxxxxxxTable for 2 👧🏻👧🏻食物:- 炒泰國通菜 ($88)- 香辣泰式炒闊河粉 (和牛) ($148)- 招牌泰式蟹肉炒飯 ($158)- 炸豬頸肉配烤蕃茄辣醬 ($88)- 泰式凍奶茶 ($46)- 泰式凍青檸茶 ($46)- 泰式街頭椰子雪糕 ($78)D野食好野味同好有鑊氣。外表可能平平無奇，但係食起上嚟係非常有驚喜😋😋😋 尤其係蟹肉炒飯同和牛炒闊河粉。和牛睇落去一般般但食起上黎非常嫩滑。河粉就吸晒和牛啲汁。整體⭐️⭐️⭐️⭐️/⭐️⭐️⭐️⭐️⭐️👍🏼野食味道冇得頂，裝修得有街頭風格👎🏼冇得訂位，坐得比較逼，食完就要離座

一直都知道灣仔有一間好出名嘅泰國菜，之前襯天氣開始轉熱，想趁「熱」感受吓夏天嘅氣息，weekend專程出咗去食呢間泰國菜！舖頭開12:00，12:30到嘅時候已經坐滿咗，要等下一輪先有位。但係職員好好，排緊隊嘅時候派咗杯冰水俾大家飲！入到去第一時間叫咗最出名嘅船麵！湯底香甜濃郁，和牛肉身超級嫩滑，仲有通菜、炸蒜同炸豬皮做配菜。雖然份量唔多，但係喺咁熱嘅天氣食一碗船麵，感覺剛剛好，仲有胃口可以食埋其他小食！闊河粉質地軟燸煙，火喉調味怡到好處，唔會太過油膩又非常惹味。睇賣相以為豬頸肉質會好乾，食第一口反而覺得唔錯。豬頸肉切成條狀並以炸蒜頭調味，入口啖啖肉，非常有咬口。呢個甜品好似係每枱嘅必食，食完濃味嘅主菜，食返一個椰子味嘅甜品，的確係解膩之選。飲品冇提供飲筒，可以大大啖飲，飲嘅時候覺得充滿泰國特色！

經過冇人排隊先算，要排就不了🫸，定價太進取，味道中上啫🙏～・・・・・・・・・・・・・・・・・・・・🍚 招牌泰式蟹肉炒飯 HK$158・味道：蟹肉好多但冇乜蟹味，啲鹽落得唔均，一啖好鹹一啖正常～・口感：炸蒜同洋蔥都好細好少，所以食落一pat嘢咁，落多啲脆口嘅配料或者蔬菜，口感會好啲🙏。🍜 招牌泰式和牛濃湯河 HK$158・味道：和牛重牛香，4塊和牛，4粒牛丸，2-3舊牛腩，以米芝蓮獲獎食物嚟講，份量幾佛心😂牛筋丸牛肉味幾出，不錯。牛腩正常～牛湯底好重香茅同青檸味，都幾濃。係好食，但佢值$98啫，$158真係進取咗。・口感：和牛嫩滑嘅，牛丸都係水準之上食到筋粒。🍹泰式粉紅青檸梳打 HK$42・味道：erm聞落有陣咳藥水味，但飲落正常，係偏甜唔太酸嘅青檸梳打，整體OK。・口感：冇生果的所以冇口感可言XD不過梳打唔係好夠氣sad🥲🍨 泰式街頭椰子雪糕 HK$78・味道：粟米唔算甜，椰肉唔夠香，雪糕唔夠椰子味，花生正常，erm普通料～・口感：椰子雪糕係黏嘅，粟米同椰肉都夠爽，花生夠脆，OK desu～・・・・・・・・・・・・・・・・・・・・🤰性價比：中～🤰9衝度：可試～🤰結論：頂盡米芝蓮街頭小食

週五下午5點45左右去排隊 隊伍已經排過街角後3M多 但還是勉強趕在第一批入座😅因為一位所以坐吧臺落單招牌wagyu粉&椰子雪糕-後上粉確實很值得一試 和牛質量高同埋湯底濃郁且不失泰國風味 非常之特別 唯一的不足就是粉絲漆埋一齊 並且份量只有圖片上哏多 大食嘅記得多嗌啲🌝雪糕不齁甜 大愛❤️同椰肉 粟米 花生一齊 感覺好健康hhhP.S.服務員姊姊會一直且及時的添水 讚👍🏿

灣仔最愛飯堂級泰北菜🇹🇭Samsen 泰麵📍灣仔石水渠街68號地下➰好歌推介「見或不見，亦很掛念，你在心裹，亦於面前」#見或不見 #張敬軒➰每隔一段時間想食泰國野，心裹面都不期然得依間長期榜首嘅泰麵，雖然有時要排上數十分鐘，但所有食物出品都係一流水準。.餐廳有上環及灣仔分店，兩間各有特色，灣仔依邊主打和牛船麵聞名，上環分店菜式.及甜品更多種類，餐廳多年來榮獲米芝蓮推薦，人氣不減。.餐廳裝修以街頭風格，開放式餐廳及廚房設計用盡餐廳格局，務求放置更多座位，因此我唔太推薦嚟依間餐廳漫漫長談，但大排檔式嘅熱鬧氣氛亦係另類風情。✥小食𖥕炸豬頸肉配烤蕃茄辣醬 💲88 ⭐️4/5⭐️本身一直都會叫蟹肉奄列，但由於午市並無供應，所以叫左依道。炸豬頸肉並非我地平時食開嘅切片，而係豬肉條狀，配搭炸蒜調味入口更滋味，豬頸肉有咬口，但略嫌少少偏乾，整體上都唔錯。✥主食𖥕招牌泰式蟹肉炒飯 💲158 ⭐️4.35/5⭐️嚟親依度，我都會推薦朋友叫兩款主食，雖然都係澱粉，但係全部都係即點即炒，非常有鑊氣，蟹肉炒飯上枱看似平平無奇，但飯粒乾爽粒粒分明，火喉掌握非常有水準，其次係蟹肉份量豐富，每啖都食到一梳梳嘅蟹肉，非常滿足

【亂係餐牌點一樣都唔會令你失望嘅泰菜🇹🇭】佢係連續六年得到米芝蓮🏅上次介紹過上環店，今次介紹灣仔店🤩2間食嘅嘢係唔同㗎！灣仔店係主打濃湯同和牛船麵😋裝修泰FEEL GET🇹🇭想講雖然泰菜唻講少貴，但真心物超所值！全部都高質🥰強烈推薦大家去食🤪.🍴招牌和牛泰式濃湯河湯底偏濃味，香料味好足，同平時食到嘅好唔同，充滿肉味，完全唔油膩，好食😍偏辣🌶️ 河粉唔係我哋平時食嘅河粉，彈牙煙靭，仲好掛汁，我中意食呢款粉多啲！配料有和牛、牛肉丸、牛腩、炸豬皮、生菜🐮牛肉丸彈牙，好有口感🤩澳洲和牛半生熟，啱啱好👍🏼牛腩淋得唻幾有牛味😆推介‼️.🍴泰式炒闊河粉河粉好煙靭，有鑊氣！入面有蛋碎、粟米條，本身都夠曬味😆加埋辣椒漿勁MATCH🌶️ 雞肉嫩滑🐔推介‼️.🍴炸豬頸肉配烤蕃茄辣醬豬頸肉炸得啱啱好，佢仲要係一舊舊唔係一片片，啖啖肉😛加埋蕃茄辣醬SO JENG🥫.🍴泰式街頭椰子雪糕椰子雪糕好大份，仲要係椰殻裝著超吸睛🥥椰子味有2球，好香，都幾清甜😍平時唔中意食椰子嘅我都幾中意食呢個雪糕🍨佢入面仲有椰子肉、脆花生，夾埋粟米意外地好食🌽推介❗️.🍴泰北肉碎生菜包 (鴨)佢同平時食開嘅少少唔同，唔太辣偏酸🥬佢啲菜好甜😋肉碎偏

米芝蓮推介泰國餐廳Samsen🤩|人氣長龍和牛船麵蟹肉奄列🤤|超高水準還原泰國街頭味道🥳|Samsen 泰麵「記不記得，你將證件與機票連著一份渴望，放入這背囊」，筆者終於久違地出走呼吸一下世界各地新鮮嘅空氣，今次就係快閃曼谷四日三夜，旅途樂而忘返，亦順道想推介一間香港個人認為最好食嘅泰式餐廳比大家，Samsen於灣仔及上環都有分店，上環泰館就主打泰北料理及更多甜品選擇，而今次介紹嘅灣仔分店泰麵主打濃湯和牛船麵。-小食薑黃酥炸魷魚 3.9/5⭐️炸豬頸肉配烤蕃茄辣醬 4.2/5⭐️泰式蟹肉奄列 4.4/5⭐️我地揀咗三款小食，炸魷魚金黃香脆，配上酸辣醬汁作為前菜非常開胃。而炸豬頸肉係以切條形式上菜，同我地平時食開嘅泰式燒豬頸肉切肉唔同，依度切條豬頸肉原條入口啖啖肉，口感滿足，配埋蕃茄辣醬更加惹味。而蟹肉奄列上枱已經非常飽滿，切開更加見到蟹肉之多，配合埋奄切一齊食，啖啖蟹肉，非常滿足，十分之推薦。-主菜招牌泰式和牛濃湯河 4.3/5⭐️招牌泰式蟹肉炒飯 4.5/5⭐️和牛湯河係肉眼可見嘅濃湯深色，但濃而不膩，飲落帶有泰式船麵嘅甜香，十分惹味，而澳洲和牛亦係大方厚切嘅份量，好重和牛味，但稍稍扣分亦因為

📍地址: 灣仔石水渠街68號地下✿😋味道😋：5/5✿👀賣相👀：4/5✿🏙️環境🏙️：4/5✿🤵🏻服務🤵🏻‍♂️：3/5✿💰價位💰：3/5米芝蓮推介餐廳，又係排隊排到傻，建議早啲去，6點基本上都有人排隊，但晚市18:30先開。↠⏰時段：18:00 ↞ ❀❀🥬🐖🌮❝泰北肉碎生菜包(豬)❞ $118☞ with spicy chopped pork & Thai herb salad with pork skin and spicy lime dressing我覺得呢個生菜包好酸，另外佢啲香料都幾重，每啖肉碎連埋啲菜食會好啲，但我個人來講唔係太鍾意。🔥🥬❝炒泰國通菜❞ $88☞with yellow beans, chill dipping sauce好有鑊氣，而且都好濃味，基本上都冇嘢挑剔，好惹味，同埋有少少辣辣地，不過就同普通泰國餐廳食嘅冇乜大分別。🍜❝招牌泰式和牛濃湯河❞ $148☞thin rice noodles, crispy pork rinds and Thai watercress雖然呢個必叫，但泰國船麵嚟講 ，都真係幾貴，不過個湯真係好夠濃，同埋好香好惹味，聽聞係用傳統方式熬製

呢間米芝蓮餐廳長期都好多人排隊食佢個船麵，今日放工就同朋友黎試下。佢晚市係6點開，我地6:00左右就到左，但門口已經有好多人排緊隊。開門第一輪啱啱去到我地就無位，之後等左半個鐘左右先有位。餐廳設計幾有懷舊東南亞feel，但餐廳都比較細，枱與枱之間好密，坐得唔係好舒服，加上見到出面排隊人籠，係有一種你想快啲食完就走嘅感覺。我地好有目標地叫左：招牌泰式和牛濃湯河 $148泰式炒闊河粉（雞） $128炒泰國通菜 $88泰式街頭椰子雪糕 $78招牌泰式和牛濃湯河🍜個湯底好正，上網睇個湯係跟足傳統方法製作，用左芫荽、玉桂、八角及香茅等大量泰國嘅香料，加上豬皮、豬骨同豬血熬咗成三個鐘，熬出來嘅味道特別濃香，配埋質感彈牙嘅幼身河粉，仲有選用左澳洲和牛，真係每一啖都食到香濃嘅牛肉味😍泰式炒闊河粉（雞）河粉好煙韌，炒得好有鑊氣，好有泰國嘅味道，雞肉都好嫩滑，少少辣辣地好惹味👍🏽炒泰國通菜超級有鑊氣，愈食愈辣，但好好味😋泰式街頭椰子雪糕🥥必吃甜品，雪糕好香椰子味再配上炒過嘅花生、粟米同椰肉，成個雪糕好有口感又好清新，食晒成個都無問題🤤

想試Bakehouse，但唔想淨係為佢特登去灣仔？🤨咁可以考慮順便試一試呢間🇹🇭泰式船河餐廳😋Samsen攞過米芝蓮，所以成日要排隊先食到🐒呢次平日差唔多完lunch time先去，所以等左幾分鐘就入得🤗船河幾好食就唔多講啦🤣所以今次主要介紹下佢地嘅甜品😝😝~~~🥥泰式街頭椰子雪糕 ($78) 7.6/10雪糕用椰殼裝住，打卡一流！📷上面有少少椰子肉、花生同埋粟米，有裝飾效果得黎仲可以增加口感🤪雪糕椰子味香濃，甜度適中👍🏻應該真係餐廳自己整🤣份量唔少，兩個人share啱啱好👭.🐂招牌泰式和牛濃湯河 ($138)🦀️招牌泰式蟹肉炒飯($158)今次除左船河都試左蟹肉炒飯👻👻的確幾足料，但係味道冇特別驚艷😂都係船河比較impressive👍🏻我地坐bar檯仲見到準備食材嘅過程🧐班底全部都係泰國廚師👨‍🍳保證正宗🙌🏻~~~⭐️回頭指數🌕🌕🌕🌖🌑主菜同埋甜品都出色👍🏻聽聞佢個椰子湯圓都唔錯，下次可以一試😗

香港嘅泰國菜餐廳好多，但要食好食嘅船河就唔容易。船河本身係廉價地道嘅泰國美食，喺水上市場工作嘅勞動階層食多，喺艇上食所以特此名稱。而家嘅船河做法好多，有平有貴，貴嘅甚至用和牛做配料，好似今次介紹嘅依間船河。依間位於灣仔藍屋旁邊嘅泰麵，係原本想返悉尼但又懷念香港既老闆，用左年半時間，睇左200幾個鋪店，最後揀左呢個係灣仔一級歷史建築藍屋附近既鋪位，而且灣仔係一個集合左富裕同地道、本地同外國人、新舊建築既地方，客人有年輕又有上年紀既。開業初期已經吸引左好多人黎排隊食， 2017年已經獲得米芝蓮推介， 係門口已經見到2018，2019年米芝蓮既貼紙，而今年既2021米芝蓮必比登都唔例外，係新入榜既唯一一間泰國菜。呢度既老闆兼大廚係澳洲人，先後係悉尼、倫敦、曼谷、新加坡同香港既泰國菜館做廚師，所以呢度主打既唔係fusion菜而係傳統地道既泰國菜，為左重視泰國風味，堅持採購泰國當地食材同香料，主打船河同埋創意特色小食，主廚希望透過湯河同埋街頭小食，等香港人可以試到地道嘅泰國風味。超過六成嘅食材係每日由泰國當地直送到店。-排隊🧍🧍🧍當日係星期六晨就1350到餐廳，已經見到條龍有成廿人，長到轉左個彎

招牌泰式和牛濃湯河 $138期待已久既和牛船麵份量真係幾大🤩🤣除咗面頭既和牛之外 仲有牛腩、牛丸同泰式豬皮和牛同牛腩都好淋身好有牛味 牛丸就超彈牙 泰式豬皮就脆卜卜😋😋😋加上船麵既質感同我想像中唔同（之前冇食過😹）食落好彈牙 好有咬口同埋好掛湯 食落每一條麵條吸收咗湯底既精華更加考驗個湯底整得好唔好 好在個湯底食落好濃郁帶少少椰子味 感覺唔錯🥰評分: 9/10🌟招牌泰式蟹肉炒飯 $158又係份量十足既炒飯 冇誇張女仔真係建議2-3人share 咁先可以試到其他野食 個時太貪心兩個人一人叫一個主食 結果大家都食唔哂😣材料俾得好慷慨 每一啖都食到蟹肉 而且鍋氣好夠成個蛋炒飯炒到粒粒分明 旁邊仲微辣既魚露俾你調味 jeng🤤評分: 9.5/10🌟泰式街頭椰子雪糕 $68呢個椰子雪糕還原度十足✨ 係泰國食既味道出哂黎 甚至好食過jj market既🥥雪糕既椰子味好濃 食落好厚滑又唔會過甜仲有新鮮既椰子肉食 感覺好fresh🤩 配埋粟米🌽同花生粒🥜一樣好食 同樣份量都係好大 有兩大球雪糕🍨 食完超滿足😋 絕對係必試之選🥰評分: 10/10🌟成間店舖裝修同氣氛都好好 好似去咗外國咁 加上食物質素唔

早兩日同老闆做完野諗住一齊食飯，佢話想食d惹味野，灣仔區我就醒起泰麵。12點幾時間尚早，希望唔洗點排隊。但似乎我太天真喇，雖然咁早但都排左4個字，攪到我對住老闆都有小小尷尬...呢間餐廳我食過幾次，就眼睇似係外國人打理，廚師都係外國人，識講小小中文仲幾風趣。餐廳室內設計以泰國純樸風格配合特色玩味裝飾，整個空間沿用很多原木原素，還有鋪外掛左d竹簾canopy，幾有泰國feel，整體舒服得來又帶點年青活力。唔講咁多，呢d野都係去到就一眼睇晒，講返d食物新menu加左中文，其實好多樣我都食過，不過都係lunch hour，夜晚排太耐個肚頂唔順。但值得一提係個次夜晚來排隊+留低電話，過左成兩個鐘佢仲會打返來俾我，個下我有d衰連cut佢兩次線，但佢仲堅持打來同我講有檯，老實講個感覺係加分嘅，起碼我冇起第二間餐廳感受過我同老闆都點左佢地個泰式招牌蟹肉炒飯，上菜算快，成個飯好香，顏色都唔錯，睇得出炒到d飯一粒粒，整體賣相吸引。食落口有啖啖飯香，蟹肉味都幾出，蟹肉算多，佢上碟會跟一碟仔魚露，個人建議lai小小落個飯到，吊起個蟹味，味道會有比較立體。佢個魚露唔算咸，所以ok嘅！食到一粒都唔淨，幾捧場😋個

每次經過灣仔藍屋都見到長長人龍，好想試下呢間米芝蓮得奬食肆有幾好食。上網見到午市只開到2:30 PM，決定今次早少少來排隊試下。裝修簡單有特色有太多野都想試，所以叫了推介果幾款。先黎個小食，泰國炸魚皮，香脆可口。肉碎生菜包，菜單上唔見有的，是落單時推介話今日有，所以叫黎試下，食食下都頗辣。招牌泰式和牛濃湯河 ~ 是本店人氣菜式，一定要試。濃郁湯底配上船麵，再配左少少炸豬皮，值得推介。招牌蟹肉炒飯，較為普通。還有炸豬頸肉，配上蕃茄辣醬，夠惹味!最後甜品是泰式街頭椰子雪糕，底下是椰殼，加上粟米條及椰子肉，充滿口感。總括來說，菜式都吸引好味。不過價錢以午飯黎計，頗為貴左少少。