雅 ‧悠蔬食

营业中

休息中

朋友帶我去素食餐廳，我都係第一次食，去到門口設計都幾靚，有高貴氣派感覺，餐廳內座位與座位之間幾闊落，而且有梳化位坐得好舒服。黑松露芝士螺絲粉配腐皮雞脾($158)，螺絲粉每條都掛滿黑松露汁，放入口腔成口湧出濃厚既黑松露味，好香好好味，至於腐皮雞脾賣相已經夠精緻，外皮係脆，入面係腐皮。擔擔麵($58)，湯底有濃郁花生香味，一啖麵一啖湯咁食，唔錯。泰式香煎如餅($68)，共4塊，炸得好鬆脆，雖然食唔出餡料係咩，但確實不錯，尤其個醬汁辣辣地更惹味。泰式五彩生菜包($118)，選擇左少辣，餡料用上好多配料已成，口感層次豐富，記得用生菜包住黎食，好清新，我覺得最突出係沙角因為好爽口。印度薄餅($25)，共有6塊，可以點煎如餅個醬黎食又得，可以當生菜包包住餡料黎食亦得，一樣咁好味。清潤蘋果雪梨汁($45)，兩種味道比較淡既水果混和一齊，好清新，不過加d冰粒會更好。紅石榴蘋果汁($45)，顏色都幾好睇，面層既泡其實可以飲用，唔使擔心的。

阿媽成日話好掛住個黑芝麻包。今日放假，就帶佢再黎食，還佢心願。阿媽望住個餐牌，好似患上左選擇困難症，情況仲好嚴重 ，成半個鐘都未決定食乜，樣樣都話想食。唉，佢開心個樣同小朋友去麥當當冇分別。為左阿媽，我將成份menu 影底左，等佢返屋企慢慢睇，順便公諸同好職員之後好細心咁為阿媽介紹餐牌上既食物。不過最終都係我發板。橫點阿媽樣樣都想食，叫乜俾佢都冇所謂啦蘋果南瓜甘筍忌廉濃湯，南瓜煮到溶晒，所以完全唔似飲湯，似食糊仔多D。菜乾蓮藕甘荀什豆湯。好足料，有好多白菜乾同豆豆，但媽咪話食唔到蓮藕喎。前菜好食。同上次有小許唔同，今次用左雪梨，好清甜，配埋藜麥和有機扁豆，感覺好實在。仲有小量沙律菜和蕃茄仔，好開胃。好食，好食，好食。賣相俾人感覺已經好舒服，青青緑緑，好有田園feel。青汁加忌廉係絶配，味道清新，唔覺肥膩，意粉煙韌糯口，面頭更被撒上左一層芝士粉，非常creamy.呢個杞子麵媽咪話第一次食。佢一聽到話可以明目養肝，就話好好食，佢又真係清晒成碗麵喎。阿媽個餐仲包埋個點心拼盤雖然只得四件，但每件都係精心製作。阿媽話最鐘意食翡翠豆苗餃，豆苗新鮮爽口，外皮又薄身個素燒包都好好食喎，夠熱，包身軟，餡

上星期訂定位，同老公撐枱腳試新餐廳🍴7:30pm 左右到餐廳已經滿座，我地點左兩個晚餐，本來想點一些點心吃，但侍應說晚上不提供點心，所以我們就加了一客泰式香煎如餅（一客四件）$58。晚餐包括前菜、手卷、湯品、煮食和甜品，另外加錢就可有飲品。前菜：柚香紅菜頭雜果合桃沙律及四喜烤夫及叼草醬拌藜麥蘆筍，3款中我最喜歡叼草藜麥蘆筍，很清新手卷：香芒牛油果苜蓿芽手卷，手卷內滿滿的苜蓿芽，配上沙律醬，一口咬落去夾上紫菜的香脆，好味湯：蟲草花竹笙黃耳百合雪蓮子燉湯，足料，夠火喉主菜：牛肝菌栗子芋頭野菌啫啫煲配珍珠糙米飯，上枱喳喳聲，香噴噴，野味好送飯主菜：黑松露意式野菜焗螺絲粉配天婦羅迷你甜薯，白汁香濃甜品：斑斕椰汁千層糕及黑加倫子乳酪蛋糕，斑斕椰汁糕煙un及充滿斑斕香,不錯泰式香煎如餅：魚餅用大豆纖維做，混上香茅，配上泰式辣汁，味道不錯。埋單每人300蚊左右，食到飽飽

雅 • 悠蔬食是一間新派素食店，店內以白色及紫色作主色調，配合簡約的英倫傢具設計，營造出優雅及帶點女性化的風格。 身處追求健康飲食的年代，坊間的素菜店越開越多。要在云云素菜店中突圍而出，質優的菜饌與富心思的設計是取勝的不二法門。在一個平凡的週二晚，雅 • 悠蔬食仍然幾近滿座，實在予人期待！ 是次二人同行，簡單以一客五道菜的精選晚餐作底，再追加數項散點美食，平衡便捷與偏好這兩個因素。 飯餐的前菜，由一客三色小碟開始。在一個豆形的碟具上，由左至右分別擺放了羅馬蕃茄藜麥伴胡麻醬、泰式鮮果沙律及四喜烤麩三款小吃。清甜多汁的羅馬蕃茄是推介的美食。純粹個人喜好，建議追加沙律的芒果份量。 泰式香煎如餅不論賣相、口感與味道勻與真魚餅十分相像，尤愛甚富泰菜風味的香茅味道，推介。 有別於一般漢堡，手作小漢堡以中式包點製作，醬汁味道調較甚佳。相同一片鮮茄，置於迷你漢堡中的效果尤其明顯，成功令整體食感變得水潤吸引。 焗大啡菇一向是筆者至愛的小吃之一，平日閒時亦會在家自製品嚐 (相關連結：芝士焗大蘑菇 · 蜜糖雞翼 · 海鮮鍋)。這碟黑松露薯蓉焗大啡菇，面上的薯蓉混入了芝士、粟米及馬蹄後十分誘人，既香