好湯好麵

营业中

休息中

憑着真材實料和米芝蓮光環，好湯好麵不但受街坊歡迎，更吸引了不少區外客專程慕名而來。雖然一直是排隊熱店，但亦有不少人認為定價過高，物非所值。———————————————————————餐廳其中一款最受歡迎的是海龍皇湯。湯底聽說是用了海蝦🦐蟹🦀等多種海鮮熬煮而成的，海鮮味濃郁而不腥😋果然名不虛傳👍🏻麵底選用了陽春麵。麵條雖然掛湯，但烹煮時間未免太長，令麵質非常淋，入口有漿口的感覺🤢另外還配有幾款海鮮，全部肉質都算爽彈鮮甜，但份量略嫌不足，每款都只有一小件🤏🏻未算太對得上這碗麵的價錢🤑另一碗則選了棉花雞🐥湯底雞味非常濃郁，而且有膠質，喝得出是用了大量雞經長時間熬整而成的👍🏻配菜方面，雞件肉質過老😅有點像湯渣👎🏻魚肚花菇質感正常，非常入味。但麵質同樣太淋，不是本人所喜歡的口感🥲———————————————————————好湯好麵湯底出色，「好湯」方面是絕對不容置疑。如果還能做到「好麵」和「好餸」的話，相信能得到更多食客的青睞。

認識這店 源自網上的介紹 一直都覺得很吸引 想去試經開大圍 就去試一試 到門口 已經有7.8個人排緊隊服務員安排登記 同埋落埋單 因為我一個人 2樓有一張單人枱所以唔洗等 就可以入場 上到2樓 空間很細 細問題不大但2樓非常熱 店舖已經放左幾部風扇 但沒有用 一樣很熱 我唔知係冷氣唔夠定係無冷氣 但體感就係無冷氣途中有一對食客 上到黎2樓 就表示不行 實在太熱 要落返去地面我因為純粹想試一試 所以熱就熱 照食最重要 湯底 可能佢係真材實料 但同預期唔一樣 味道唔濃 很淡既海鮮味湯底顏色睇就好濃 質感因為味道唔濃 所以質感不錯 似湯 唔會似汁蝦 好食 肉質夠實 唔會梅 其他海鮮 全部都好普通 無論係味道定係口感個麵 鐘意食淋麵既就OK 佢無咩彈性同口感 就係夠淋 未到爛整體黎講 唔難食 .........仲叫左罐可樂 要$19..........其實 以一間小店 叫左碗過百蚊既麵 加罐汽水要19蚊...... 賺得盡過頭

見好多人都話呢間係米芝蓮食府, 咁啱又冇乜人排隊, 就試一試佢!餐牌上每個麵都過百以上, 但（諗住）...可能好好食...呢!叫左兩個湯麵+一個小食: 1. 海龍皇湯 $138海龍皇湯有加蝦頭油, 所以湯方面會比較油, 一上枱就見到碗有一層油浮面, 海鮮方面, 都有返咁上下質素, 有兩隻蝦、帶子、魷魚、蟹肉, 啲蝦都幾大隻, 蟹肉都唔少, 但所有海鮮都冇湯汁味, 唔入味又唔掛湯汁, 同湯底係完全分離。至於個麵, 唔知係陽春麵係咁既質感定點, 有啲粉粉地既口感, 好似唔熟咁, 食左1/3, 覺得唔係好對路, 因為扁陽春麵冇呢個粉粉地既質感, 一睇啲麵, 見到中間有少少白色, 應該係未煮熟, 不過見食左1/3...就冇要求換/再煮🙃🙃2. 棉花雞 $100高湯湯底濃郁又唔會油, 配搭扁陽春麵可以掛湯汁。雞肉都唔錯, 肉質唔會好老, 而且好有雞味! 魚肚索晒啲高湯, 勁正! 😋3. 小食: 意大利黑醋蒜香海蜇頭 $60份量真心好少, 得幾粒海蜇頭同少少黑醋醬汁, 海蜇頭唔索汁, 都入唔味, 同醬汁有少少分離感。以份量來講, 價錢真心略貴🤑🤑🤑

大圍有不少美食，趁今日去探朋友，順路試試呢間人氣米之蓮推介的粉麵舖。去到現場，等待的人多，足足等了45分鐘先可以坐低。意大利黑醋海踅頭 $60海踅頭爽口，大大塊，意大利黑醋十分特別，加入海踅頭也不會奇怪，反而多了黑醋獨特的香氣，很開胃。棉花雞湯麵 $100湯底是濃郁的雞湯，是長時間炎熬煮的味道，飲完不會有口渴的感覺。扁陽春麵軟硬剛好，不會過軟，又掛湯。加上厚身魚肚、鮮雞件及冬菇，味道十分不錯。海龍皇湯 $138湯底比棉花雞湯麵更濃郁，多了一份海鮮的鮮味。湯底的食材多，有藍蟹肉、海蝦尾、北海道魷魚、北海道帶子、廣島蠔肉，再加上蝦油味，令到湯底更豐厚，鮮蝦味突出。海鮮配料彈牙，不會過硬，鮮味十足。好，陽春麵同扁陽春麵一樣，不會太淋身，保留一定口感，而且做到掛湯效果。食物味道不錯，可以食到優質食材的鮮味，湯底十分出色。不過等待時間就令人有點卻步，如果在平日非熱門用餐時間前往應該會好點。價錢不算親民，但可以嚐鮮試下。

過咗咁耐都仲係咁多人排隊嘅好湯好麵終於決定今晚試下8點左右去到都仲要排隊 不過好快就入到去舖頭雖然細 但啲枱都大 坐落都舒服唔會好逼好近我地一人叫咗一碗麵再加一個小食意大利黑醋蒜香海蜇頭黑醋涼拌冇得輸，海蜇頭大大粒好脆好爽口，好食夠開胃，小食黎講分量都夠棉花雞首先飲啖湯，好濃嘅雞湯，飲得出係煲咗好耐好足料扁陽春麵配呢個湯好正，麵質煙韌，有啲似食烏冬配料有日本地雞，棉花(魚肚)，花菇，真係成個點心棉花雞拆咗落碗麵到雞好食，魚肚好入味，花菇好厚身，果然係必食嘅麵之一，真係連湯都飲埋海龍皇湯都係飲咗啖湯先，應該係龍蝦湯底吧，好濃味呢個就係普通幼身嘅陽陽春麵，配料有蟹肉，蝦，魷魚，帶子，蠔除咗魷魚普通，其他料都好正又大大粒食完之後一致認為棉花雞正啲，大家都鍾意扁身嘅陽春麵多啲佢個麵貴唔係冇原因，一食就知佢地真係用靚料都整個麵

海龍王湯 $138棉花雞 $100海龍皇湯🦀🦐🦑🦪🍜海龍皇湯聽個名就知好左好多樣海鮮熬製出嚟嘅湯底，用左藍蟹肉🦀、海蝦尾🦐、北海道鱿魚🦑、日本刺身帶子、廣島蠔肉🦪再加埋蝦頭油，湯底超級鮮甜，一啖湯入邊好似食晒成個海嘅鮮味，仲有真係有晒咁多料可以食，啲海鮮全部都好新鮮。本身係配幼身陽春麵，不過我自己本身鍾意扁面覺得有口感啲，問咗老闆娘話下次可以轉扁陽春麵底🥰棉花雞🐔🐟🍄🐖🍜棉花雞即刻諗起飲茶食點心嘅棉花雞，但係當碗麵上到嚟先知原來唔係嗰種味😂係好似食緊中式雞白湯拉麵😂😂😂佢地用日本地雞肉🐔、魚肚、🐟北菇🍄、雲腿絲🐖，用高湯熬製出嚟好清甜，飲完覺得好滋潤，雞肉好滑唔會覺得自己食緊湯渣，魚肚發得夠淋吸晒雞湯嘅精華😋餐廳好細心會俾個匙羹仔上壓縮濕毛巾，方便大家食完可以抹手，呢啲細節位絕對加分👍🏻呢間麵店絕對會encore🌟等我下次試埋其他湯底再同大家分享🤤

特登出左大圍行新商場The Wai 圍方🛍️，咁就順便睇下大圍有咩好野食啦😋。搵到哩間米芝蓮推介嘅湯麵店，個價錢同平時食一碗拉麵差唔多🍜，而且D款幾多幾特別下。可能因為星期六，加上撞正食飯時間，離遠已經見到有長長嘅人龍排緊🧑🏻‍🤝‍🧑🏻。海龍皇湯 $138可能因為即叫即整同埋都多人，等左大約15分鐘先黎到⌛。講返個味道，好濃厚嘅龍蝦湯🦞，滿滿鮮味。配料有好多藍蟹肉碎🦀，幾舊仔龍蝦肉，兩隻大蝦🦐🦐，尤魚🦑，帶子，廣島蠔🦪。兩隻大蝦都有湯匙咁大隻，爽口彈牙，蝦背開左一刀挑左蝦腸，仲方便咬出咬肉，哩個位好細心🫶🏻。廣島蠔同尤魚都係熟度岩岩好，廣島蠔非常飽滿，尤魚肉質爽彈😋。不過都有啲不足，帶子啲熟得濟有啲un，麵就去到後面有啲浸得太耐，愈食愈淋🫠，而且蟹肉碎同龍蝦肉已經碎咩，基本上唔飲哂啲湯好難可以食哂所有蟹肉。當佢係一個可中式蝦湯拉麵，而且咁足料，哩個價錢都收貨。🙌🏻棉花雞 $100見到個名同樣，本身都驚中伏🫣，怕佢只係將啲點心放喺個麵上面，但飲左一啖湯就知唔係😳。超級濃郁嘅雞湯，仲有啲金華火腿調出鮮味。魚肚非常之綿滑，真係好似棉花🐑咁索晒啲湯汁同埋精華。雞肉🐥亦都好嫩滑唔會好柴，冬菇🍄大粒

係大圍搵野食唔係好難，因為周圍都有好多野食！今日去到積圍街搵到叫「好湯好麵」！鋪頭有落場時間係下晝5-6！今日6點3/4左右去到都係得返3/4張2人吉枱！店員就安排左我同女朋友去樓上閣樓！餐牌上有12款麵食！我地2個揀左「棉花雞」同「海龍皇湯」加左「雞絲粉皮」！雞絲粉皮無咩特別就唔講！先講「棉花雞」，個湯真係要讚讚湯底真係好濃郁，不過魚肚同雞就各3舊，再加啲金華火腿絲係面，啲雞都嫩滑，魚肚就還好啦！價值$100蚊不過係有大半係湯底到！到「海龍皇湯」，材料有蝦🦐係比較大隻，有蟹肉碎，尤魚，生蠔🦪，湯底飲落有有好濃郁嘅蝦味！不過要同大家講，由落單到上菜時間都要等成3/4個字！大家如果個日趕時間嘅就揀過第2日先去！5分滿分比到3分，主要係比個湯底！

一早已聽聞過大名鼎鼎的好湯好麵，恰巧有機會來到大圍，即管試試是否名符其實😎十分幸運地一到步便有座位了～我們選了招牌的海龍皇湯以及棉花雞，另外叫了一杯檸檬薏米水👍🏻海龍皇湯($135)絕對令人驚艷！一上枱已聞到很香的蝦油味，面頭浮起的一層蝦油還能保存麵的熱度，湯底更是滿滿的龍蝦鮮味，調味適中，不會過鹹，讓人忍不住將湯底麵都喝光🦞配料的藍蟹肉份量很多，吃完麵條後還有一些蟹肉在湯內未吃完😆其他海鮮配料有海蝦尾、帶子、蠔、魷魚等，表現都正常。海龍王湯配的是陽春麵，十分掛湯而且有咬口，不會煮得過淋👍🏻棉花雞($98)的湯底非常淳厚，湯底呈奶白色，入口就是濃濃雞湯味，還有一點膠質黏着嘴唇的感覺😆雞肉、魚肚等都滲透了湯底的味道，整碗都是一體的感覺👍🏻今天的自家製特飲是檸檬薏米水($22)，酸酸甜甜的薏米水十分解渴，而且很開胃👍🏻

話說好耐之前佢岩岩開鋪個陣都食過幾次隔左一年左右今次食番，睇下佢啲水準仲保唔保持到🤫🤫（10分為滿分：🌕）味道：🌕🌕🌕🌕🌕🌕🌕🌕🌑🌑海龍皇($138)基本上呢個都係必叫既，湯底都係濃郁，飲到係好足海鮮熬出黎既湯底，鮮味極足，同埋覺得佢地改良左，以前食落會覺得有啲膩，今次反而清淡左但又不失濃味，值得推介。份量適中，女士食應該係夠飽既，同埋都係足料，有兩隻大蝦同唔同既海鮮🤓棉花雞($98)呢個都係另一個招牌菜，用日本雞肉加金華火腿為主，湯底濃郁得黎同都幾厚身，飲落係feel到極養顏🤓雞絲粉皮($45)見到粉皮通常都忍唔住要叫，都係無失望，夠曬煙韌，不過啲醬略嫌多左少少🤏🏻價錢：🌕🌕🌕🌕🌕🌕🌗🌑🌑🌑價錢當然唔算平，第一次睇係覺得貴添，但食完後覺得係足料，其實當食拉麵既價錢就會覺得合理左🤫交通：🌕🌕🌕🌕🌕🌕🌕🌑🌑🌑位於積存街，即係大圍站行出去行到去到尾尾個條街位置，食過幾次好湯好麵都唔係揸車去，不過見到周圍都有咪錶同有人泊街，係睇下你有冇運氣同膽識喇🫣環境：🌕🌕🌕🌕🌕🌕🌑🌑🌑🌑鋪面比較細，下面個層都放左好多張枱，基本上隔離講咩都聽到👂，個日隔離枱就係偷睇到我地遲過佢叫但上左菜先都嘈左輪😂😂不過

想去呢度好耐，但每次見到排隊都唔想排，今日適逢點半鐘去到，竟然唔使排隊，梗係把握機會，同男朋友入去食返碗好湯好麵啦呢碗棉花雞，食落好似中式酒樓嘅金華火腿高湯一樣，傑身少少，但好好味，尤其是係個魚肚，索埋啲湯汁，每一啖都感受到嗰個精華所在，我飲到一滴湯都冇海龍王湯都飲得到每一啖海鮮嘅味道，亦有好似飲緊龍蝦湯嘅感覺，但係就稀身少少，飲落去冇咁膩，整體都屬於好味嘅依兩款嘅面都係屬於扁身陽春面，口感屬於爽身，但本人對於麵食未有深切研究，所以不設評論住。🤪呢個雞中翼，炆得好入味，就係慢煮感覺，所以偏向淋身嘅，個人口味，屬於唔錯。整體最美中不足就係麻油海蜇，懷疑佢當日唔記得落麻油，亦都冇調味，所以個海蜇只係一個水浸海蜇，完全冇味道，連相都唔想影。幸好湯麵搭救，所以整體感覺不錯可以再食（除咗海蜇）😜

好耐冇黎大圍食野，係網上一search就見到好多人介紹呢間獲得米芝蓮推介既【好湯好麵】所以就決定同朋友黎試試。我地分別叫左個海龍皇湯同棉花雞，整體性價比唔算太高，價錢稍為偏貴，不過海龍皇湯絕對值得一試🤤🦀海龍皇湯 $135 (味道：4/5)海龍皇湯個湯底入味鮮甜但唔會太濃太油，飲落明顯唔係淨係用味精淆出黎既味道，海鮮配料整體都唔錯，分別有蟹肉、海蝦、帶子、蠔肉、魷魚，特別一提粒帶子咬落結實肉質帶少少甜，但隻海蝦冇咩味，而主食既陽春麵亦都口感彈牙🐓棉花雞 $98 (味道：2.5/5)棉花雞個湯底雖然都係唔會太油，但味道我個人稍嫌太咸，比較適合重口味既人，雞肉口感平滑唔會嚡，反而另我失望既係扁陽春麵，食落口太糊

happy friday 來大圍食咩好～睇過無數youtuber來大圍都一定會介紹呢間「好湯好麵」天氣熱！帶定風扇仔來等位吧⋯⋯放工晚飯時間，大概等了35分鐘。海龍皇湯$135由於佢每款湯底都特定咗配咩麵餐牌寫呢款係陽春麵（偏幼那種）湯底很鮮甜 麵條幼幼相當掛麵，不錯棉花雞$98這湯底是配上扁陽春麵麵質很煙韌單飲湯會偏咸雞肉不太喜歡，冬菇不錯涼拌麻辣茄子$40沒有驚喜最後我覺得湯底是認真 很用心的 花了心思是看出來的可能是這樣每碗麵製作時間都偏耐價錢就偏貴了份量都偏少

米芝蓮必比登推介🍜.去大圍探朋友，諗起有呢間米芝蓮推介小店，就走去試吓，好彩咁啱仲有位俾我地入去唔駛排隊🤣.對於食碗麵嚟講，佢個定價其實都真係幾貴，不過睇返啲報道話原來其中一個老闆係前四季酒店法國餐廳Caprice嘅Chef Gary, 就睇吓佢地點製作呢碗貴麵🍜🔺海龍皇湯 $135藍蟹肉/海蝦尾 /花膠/ 聖魚滑 /蝦頭油/ 皇湯/陽春麵真係好足料！湯底飲得出係用新鮮食材淆製，唔會太濃味，可以當湯飲晒佢🙈 陽春麵質地適中，口感有少少彈牙，唔錯。🔺黑口黑麵🌚 $90 北海道魷魚/墨魚滑/墨魚濃湯/扁陽春面🔺迷你佛跳牆 $142鮑魚/海參/素翅/魚肚/日本地雞肉/ 日本刺身帶子/ 北菇/ 雲腿絲/高湯/扁陽春麵全部都好足料，真係一分錢一分貨🤑🤑

ദ്ദി ˉ͈̀꒳ˉ͈́ )✧ 好頭好尾 $106限量供應既好頭好尾由法式燴牛尾、川味和牛面頰肉、濃郁既牛骨湯同扁陽春麵組成🍜 其中最出色既和牛面頰肉充滿膠質同夠淋身 而且肉香都夠突出😍 提升整體既層次感同完整度✨Limited availability for the famous Flat Noddles pairing with Braised Ox Tail🍖, Sichuan Spicy Stewed Wagyu Beef Cheek & Rich Beef Broth🐂 Wagyu Beef Cheek was super meaty and gooey🥩, definitely bought the whole soup to the next level🤩評分: 8.5/10🌟ദ്ദി ˉ͈̀꒳ˉ͈́ )✧ 海龍皇湯 $135另一廚師精選既海龍皇湯非常足料😚 藍蟹肉、海蝦尾、蝦頭油、墨魚滑等基本材料外 連花膠都有😮 加上幼身既陽春麵掛湯能力一流 吸收哂海鮮濃湯既精華😎 特別係蝦頭既味比一般既濃得多 鮮味十足😌(試一啖即刻敏感😮‍💨) 雖然價錢偏貴 但呢個質素都算值得一試😆Fish Maw, P