巴依餐廳

营业中

休息中

今次一行五人去食可以試多啲嘢🤗晚市分六點同七點半兩輪，冇訂枱都好難有得食🙈我見佢連外賣都話做唔切唔做😅老虎菜即係沙律，味道甜甜酸酸，不過生洋蔥有少少辣，整體都幾開胃。個人覺得可以留肚試其他菜式。烤羊腿非常推介😋👍🏼👍🏼好有羊味，皮好脆！一定要訂咗先有得食！3-4人份量涼拌豆腐即係皮蛋豆腐，味道正常，可以試其他菜式🙈大盤雞寫係辣既(我唔食得辣，不過我覺得近乎唔辣)，雞都幾嫩，幾入味，底下仲有薯仔，食到差唔多會俾麵你落去撈。可能一齊煮啲麵會更入味烤羊串嘅羊味不及烤羊腿，不過味道都唔錯杏仁羊奶，杏仁味完全蓋過羊奶，食唔出同牛奶做嘅有咩分別🙈鍾意杏仁味嘅可以試下

自從三年前去過北彊旅行就一直對新疆烤羊念念不忘。巴依係一間我嚮往嘅餐廳，難得週末有時間，於是就一家四個羊痴齊齊去食羊肉一嚐心願。Dinner 訂咗七點半，去到時餐廳外已經有好多人等位，而且講普通話嘅人居多，相信係因為香港人對羊嘅接受程度不及國內同胞高。畢竟係米芝蓮推介嘅餐廳，如果冇訂位都唔使旨意等得到位。餐牌上嘅選擇唔多，價錢亦都非常親民。我哋訂位時已經預留烤羊腿。因為鍾意食羊，侍應亦都介紹手抓羊同羊湯，四個人食其實已經非常足夠，但係難得嚟到呢間餐廳，梗係會試其他菜式，於是乎就要咗涼拌豆腐，酸辣土豆絲等。我老公話冇米飯唔得，所以仲嗌埋新疆拌麵，飲品方面我哋就要咗三杯酸奶。第一道上嘅係涼拌豆腐。嘩，好好味呀！呢個豆腐刀工好，加埋皮蛋同榨菜絲，味道一流。跟住上嘅係我哋期待已久嘅烤羊腿。真係唔知點樣形容嗰個好食法-啲羊腿非常脆皮，羊肉極之好味，沾上孜然粉，完全係新疆嘅味道。下一道上嘅係手抓羊，其實就係原汁原味嘅羊肉。大大件羊肉對於我哋啲羊痴嚟講，睇到就開心，當然亦都充份滿足咗我哋的口慾。只係因為有個對比，所以覺得都係烤羊腿好食啲，下次再來就唔會兩樣餸一齊嗌，今次係我哋太貪心了，所以有少少失策

朋友帶我食好西系列由香港大學站B1出口又上斜又落斜，行到懷疑人生😅未到舖頭就離遠見到人群啦⋯⋯就見到今日既目的地啦我本身對新疆菜興趣不大，不過朋友話呢間好食所以就試試啦一入去就見到原來呢間連續攞咗十年米之蓮裝修好特別，令我好似去咗旅行咁待應都係講普通話，客人多數都係普通話/日語/英語烤羊腿外脆內嫩（要訂的）手抓肉一定要試，我地四個人食咗兩碟大盤雞新疆菜招牌之一，配搭埋佢地既手工麵，正涼拌豆腐，開胃小菜老虎菜，原來係沙律嚟經過今日食完之後，終於明白真係抵佢攞咁多年米芝蓮

為食羊肉，提前2週，預定了港島西的這家新疆菜-巴依餐廳。父親節晚餐，我們一家7人，專程由港島東慕名而來。晚餐6點才開始營業，客人來早了，都要在門外等喔👇因為已提前做好餐單功課，也有預定，坐低就馬上order：1）烤羊腿 （預定）HKD368.-首先，賣相不錯！第二，份量也OK。7人瓜分一試，交口稱讚👍 肉質嫩，不硬不柴，皮軟脂薄配料香，有羊味卻不羶！必須推薦這個餐廳主打菜！2）烤羊肉串 HKD99/2串 ，我們要了6串。坦白說，之前在網上是最先看中它的👇。感覺它就是心目中的羊肉串！ 今餐一試，果然沒有失望！你試過就知道了😍，我給5粒🌟3）手抓羊肉 HKD238.-就是清燉羊排，原汁原味，可沾香料食👇4）烤羊排 HKD99.- /3塊，供應量不多，我們是晚餐第一波客人，也是最快下單的，但竟然被告知：烤羊排只有最後一份了！坦白說，同樣價格，我建議選烤羊肉串🤣5）手撕椒麻雞 HKD150.- 沒有想像中的惹味，過於清淡，不如街面上普通的鹽焗手撕雞，如果目標是食羊的客人，不建議選擇👇😝6）新疆大拌麵 HKD180.- 份量配得上是大份的收費！菜品的色彩亦如新疆給人的鮮豔！這裡的洋蔥和紅椒味道

初嚐新疆菜，間野係水街，hku嘅同學仔應該好熟路。午餐時間都要等一陣，一入去係比較昏暗嘅環境，座位都偏逼。牆上有一幅大地圖畫左中亞嘅版圖。呢間仲要有車胎人推介。新疆手抓飯（＄60）羊肉嘅份量比我想像中少，飯係主角，飯同肉嘅比例係2：8咁。整體調味較淡，羊肉有啲係連骨，由於調味比較少，食落有少少羶。飯就咁食都有啲油香，似油飯咁，仲有啲紅蘿蔔叫做有啲咬口。小食要左凉拌豆腐（＄48），有皮蛋芫茜，個汁係豉油加啲醋咁，比較普通，收費有啲進取。另外要左烤羊肉串（＄99），有兩串，好似用劍咁串住啲肉，就咁咬落黎食嘅感覺好Raw，好似野人咁哈哈。計落都唔平，不過食落啖啖肉，冇筋冇骨幾爽嘅。可以再自己加啲孜然香料，可能係香料味濃，呢個食落羊羶味唔重。估唔到香港都可以食到新疆菜，係幾得意嘅體驗。要注意嘅餐廳唔收加一，但係會收翻茶水，一人5蚊。

一入店已經見到蔡瀾推介同好多米芝蓮嘅獎狀涼拌豆腐啲豆腐切到咁細條條好犀利唔識揸筷子嘅我夾到夾唔到啲豆腐。皮蛋、炸菜、個汁同啲豆腐一齊食好夾。烤羊腿羶味唔算好濃， 勝在皮脆肉嫩，肥瘦適中，加埋孜然粉食非常惹味。佢會畀碟茄汁你點肉，隨個人口味，我就覺得唔點好食啲。酸辣土豆絲以為係凍食，原來係熱食。朋友話個味道過酸，我就覺得還好。食得辣嘅一定要同啲辣椒乾一齊食，好食好多。酸奶揀咗原味酸奶，同北京飲過嘅老酸奶質地同味道差唔多。奶上面啲芝麻飲落口有爆珠嘅感覺，好飲，但廿幾蚊杯有點兒小貴。

超碼幾年無嚟喇，次次都係兩個人嚟食，但又試唔到太多嘢，今次醒目拉多幾個人一齊嘆羊肉，叫咗六人餐，超豐富超飽，呢個餐我覺得七個人都夠食。呢間食肆好處就係食物種類選擇少，啱晒心大心細而鍾意食羊既人，但如果唔食羊既，我就建議您唔好嚟喇！絲路特選六人套餐：涼拌豆腐 師傅刀功了得，每條豆腐都係一樣大，仲要陳設得咁靚。豆腐好滑有豆味，係一味必點既涼菜新彊老虎菜其實係一味沙律，但太辣我食唔到，屋企人話用料好新鮮好清新烤羊腿必食推介，之前諗住散叫所以訂定，羊腿又香又夠羶，醃料又唔會太咸同搶咗羊羶味，最正係根位同皮，一隻好大有3-4人份量架手撕椒麻鷄鷄肉好滑皮又夠香，少辣少麻，好味到停唔到口，又係必食推介熗苞菜普通炒椰菜，最啱我可以減辣干煸四季豆好乾身一d都唔油，豆一定要加埋咸肉碎食先好味，呢碟唔辣又夠大碟呀羊什湯大約分到十碗，有羊羶味，但略嫌芫茜太重手麻辣羊肉麻到牙肉痛呀，阿sir就話超正，羊肉又夠羶又醃得入味薄餅羊肉薄餅比較硬身同帶點麥味，但包起少羶既羊肉碎肉蔬菜又覺得ok喎，都可以一試特式酸奶好杰身既乳酪，芒果味超好味又可以解辣，青蘋果就唔ok，因為太甜喇，不過飲晒成杯真係好飽肚六人共消費：$1,

對羊肉羶味果種癮，係無論天氣凍定唔凍都會發作慶幸身邊都有羊肉愛好者，今日一齊黎試新餐廳舖內光猛整潔。枱都算大，就算搭枱都唔會逼死睇餐牌，雖然有好多野想食EG羊鞍(無曬)，羊燉湯等等但二人套餐好似更加唔洗用腦，所以就揀左涼拌豆腐呢個豆腐賣相已經係幾靚，一羹不起D豆腐，芫茜加埋皮蛋隊入口，呢個組合令人好驚喜皮蛋同芫茜呢兩樣重味嘅野亦無蓋過豆腐味道，豆腐質感嫩滑又涼浸浸咁，極之開胃羊肉薄餅餐廳上菜好快，食個豆腐無耐就黎埋薄餅薄餅有好多塊，同朋友拎極都仲有咁熱辣辣既餅包實曬啲料，加一羹碟上嘅唔知咩汁咬落去羊香味重，配埋塊薄餅，好似食緊土耳其捲餅咁，好好吃不過要小心啲食，揸太大力好多汁漏出黎原味酸奶望落已經覺得杯野好濃稠，心諗唔衰得去邊但一飲落去，怪怪地，同朋友交換飲，真係有唔同，唔知點解我果杯得個酸味，成杯味道變得唔完整，可能偶有失手吧酸辣土豆絲開胃菜之一，個人幾鍾意食落去好爽口嘅感覺哈薩克手抓肉呢個係我地眼中視為主菜嘅羊肉，終於發住光咁壓軸出場但果刻望到心情已經有啲複雜，因為前面幾樣既份量多得驚人夾起一支骨，多肉嘅地方唔係主目標食完 再夾起羊膏位，羶味係個口度炸開左滿意了杏仁羊奶凍呢個不包括

幸好預先訂位,否則要等很久才有位.因為丈夫知道我喜歡食羊,訂了位去試試.出發前被之前的負評,有關餐廳服務欠佳,丈夫問要不要取消訂位,但最終決定一試,心想如果真的這麼差勁,就一次過吧~不知是我好彩,還是之前寫劣評者不幸...我這晚完全沒有問題,服務亦不錯.點了一份二人餐HKD 426,再多點一份羊肉餃子HKD 76.涼拌豆腐,刀功顯功夫,豆腐亦很嫩滑.燒羊仔胺,很香羊羶味而且能保留肉汁.羊肉薄餅,餡料用羊用與胡蘿蔔粒及洋蔥粒,配搭非常匹配,除了滿足了我喜歡羊的羶味,口感更覺層次鮮明.羊肉餃子,一口咬下去,羊肉汁在餃子內流出.我很喜歡土豆絲不過不失,合格.跟二人餐選擇了2杯酸奶,我試了原味,丈夫選了芒果味酸奶.個人覺得味道香濃,比超之前試過的令我更喜愛.下次會再來,很久未有寫食評.因為怕有人像我差點被嚇至打退堂鼓,所以寫出個人食後感. 

睇回蔡生的飲食介紹, 又click 入去這裡的食評都不俗, 就好想過來試下, 地方是有點不太方便.我在皇后大道下車,就沿著斜路上到尾, 如果在溥扶林道向下行就是第一間店鋪環境 : 內裡設計得好似去了國內的新彊或蒙古食店, 坐下後會覺得自己在國內某一間食店內, 獨欠直立式的空調機地方清潔, 在星期一晚上都可以坐滿客人.服務都好好, 招呼周到點了 : 羊肉串 , 羊肉是有小小的羶味, 但香料上就只食到有孜然粉, 我覺得並不足夠, 味道會比較單寡黃燜羊肉 $1xx : 唔多得, 肉是霖身但就沒什麼味道, 燜到肉都稠了, 應該是會好入味的. 如果話個燜汁味道啖都可以成理由, 但就剛好獨是肉沒有味. 汁/金針/粉皮都夠味, 大家可以想下點解肉稠而無味的原因了. 實在太差勁~~~羊架 $1xx : 燒到十成熟 , 上面塗上甜甜酸酸的燒烤醬, 再附上萫茄汁. 肉質好硬又"鞋" , 醬料配搭又唔夾, 唔得囉~~涼拌豆腐 : 好食,, 豆腐可以切成一條條又唔會爛喎 , 芫茜/炸菜/皮蛋/ 醬油/麻油 混合一齊食 , 正!!原味酸奶 : 當然沒有國內飲到的奶香