金色不如帰 (國際金融中心商場)

营业中

休息中

日本東京新宿每朝排哂長龍攞籌等開店後有得食嘅過江龍Michelin⭐️拉麵店香港都係要排隊，但可能由於分店多平日中午12點前到達的話，有位直接入座。多人嘅時候係攞籌形式等位。如果喺東京食過本店嘅拉麵的話就會覺得香港呢間質數差好遠⋯我點咗「貝汁醬油拉麵」個湯感覺上深度唔夠加咗啲松露好似蓋過個湯嘅清甜味道可惜，日本想入Michelin嘅拉麵店大都利用松露外國人比較容易認同口味。三層肉同低溫叉燒好薄好少低溫叉燒本來應該好滑，但呢塊只係「淋」青蔥可以再落多啲，而家食唔到蔥味。麵選用幼麵，硬度剛好，但量比較少。配料隻「溏心蛋」調味得非常好，中間流心個人認為一定要加！雖然大致上我覺得味道普通但喺香港嘅水準來說算係好味！值得去

路過見到東京米芝蓮1星想試有幾間分店 我去左IFC個間🤓都幾多人排隊 加上店面比較細但食拉麵turnover相對比較快😉✅季節限定的牡蠣拉麵（HK$128）麵底好似唔係拉麵 感覺似蕎麥麵多啲🤨 我麻麻地🥴湯底我覺得唔錯 雖然濃味 但唔會覺得太鹹👍🏼配料同湯底都好夾😌 尤其係火箭菜（平時我係唔食嘅 但配落湯底又幾好😆）至於牡蠣（蠔） texture好滑 味道略鹹但OK🤗+$15 ❤️溏心蛋【我比90分 – 唔錯😇】+$58 ✅脆炸黃金牡蠣卷 【幾得意😂 豬肉包住蠔再炸到金黃😋】+$58❌牡蠣炒野菜【可以skip🙃 無咩特別 唔抵加】結論：整體唔錯👍🏼 但我未必會encore 因為我麻麻地隻麵底🥴

今日去蘋果上堂，上完都差唔多夜晚八點幾，咁就不如繼續喺IFC搵食。金色不如帰我想食好耐，始終喺東京係米芝蓮一星，點樣貴都想試一次嘅。但係一碗咁貴嘅拉麵，如果選擇外賣自取實在有點浪費。好啦，我今日就喺IFC堂食啦😀望到餐牌，樣樣都好想試，掙扎咗好耐，最後決定叫呢啲：貝汁鹽味拉麵 $128溏心蛋 $15其實我覺得個拉麵唔係想像中咁好味，對於日本拉麵嚟講，湯底係靈魂。但係成個湯底只係食到黑松露味，食唔到鮮味，而且對我來講湯底偏鹹咗少少。不過，隻糖心蛋真係超高水準，必食👍🏻👍🏻我今晚因為8:30先入坐，唔多人，所以坐得舒服。埋單差唔多$160，我覺得有點小貴，不過總算試過東京一星級嘅滋味🤗

難得星期日咁好天，出中環搭船前去IFC食個lunch先。好多次經過呢間，今日終於有機會去食囉！見到呢個係招牌菜，就呢個啦！ 貝汁醬油拉麵 $128有松露既味道，個湯俾想像中濃郁，中間有豬骨同埋淡淡既蔴油味，仲有炸蒜蓉既香味。叉燒就肥美，下次要追加先！拉麵既質感比較彈牙。俾多$15加配溏心蛋個蛋黃整得香滑又流心，放入拉麵度就好滋味啦！白桃焙茶（凍） $38有白桃味同果香，唔會太甜，焙茶岩岩好清熱解渴，中和拉麵湯底既濃郁味。

金色不如帰既東京店拎左2019年同2020年既米芝連一星⭐️而全東京只係得三間拉麵店拎過一星咋！於香港開業半年，標榜無味精同埋用日本優質既水，餐牌中只有5款拉麵，3款小碗飯、小食、飲品，選擇唔算多。拉麵係自家製，用左北海道特製小麥粉黎做麵條，麵質軟硬度perfect💯又真係比其他拉麵店既拉麵好食！但麵底份量略少，對女仔黎講就剛好夠飽😆唔同既拉麵會配上唔同既叉燒或三重肉，兩款肉都係超薄切，味道同肉質普普通通唔係特別驚艷🤔如果lunch time去，去緊既時候可以預先喺「The Gulu」app拎飛，咁就唔使等太耐☺️ 夜晚就唔太多人的。•🥢白豚骨拉麵配上兩塊三重肉，湯底熱辣辣，豚骨味夠濃😋唔油膩，唔漏，食完都唔會覺得好頸渴。•🥢煙熏黑椒豚骨拉麵配上三重肉、豚肉碎同幾條炸牛蒡，湯底黑椒味同豚骨味好平衡，鍾意黑椒味既朋友要試下喇～•🥢豚骨辛拉麵呢碗特別地有塊三重肉加條菜🤣辣度係小辣至中辣之間，幾惹味。•🥢貝汁鹽味拉麵湯底用蜆湯，豚骨湯同魚湯，加入日本海鹽、白松露油、牛肝菌醬同煙肉碎。配上一塊叉燒和一塊三重肉，個人覺得咸味岩岩好，唔會搶左鮮味，算是平衡，但海鮮味會愈食愈濃烈，濃到最後要減少少分😅•

坐落於中環又一新過江龍,裝修風格來得比日本本店有氣派、價錢亦因應中環級過百元的一碗日式拉麵絕對不是難度。。。煙熏黑椒豚骨拉麵HK$115.煙熏過的豚肉講認真自己就不甚吃得出，明顯的黑椒味道較勝、濃濃湯底浸溢下每一條麵條都掛滿湯汁，麵條本身屬於較為幼身、爽口，兩者融匯在一起很是滋味~另一款貝汁鹽味拉麵HK$128.湯底屬於較清的一類型,呷一口完全唔失禮、雖然目測較為清淡但原來入口卻滿注鮮味,薄薄的豚肉片大約有兩件、講真以我這個大胃王這碗麵食其實只可以當成七分飽~黑豚肉煎餃HK$65.比一般坊間的煎餃為貴,貴在什麼？豬肉部份切得較為粗糙有質感其餘的就怪我未能吃得到~當日之溏心蛋HK$15.自己就覺得只是一般般，入味程度亦只是一般般、不過始終一碗日式拉面如果冇隻溏心蛋襯托感覺就好像差了一點~兩碗麵兩隻蛋連豚肉餃子埋單連加一差不多四百元，值不值得見仁見智、不過埋單之後唔夠飽確實是真｡