SABROSA

营业中

休息中

Sabrosa係銅鑼灣一間高質西班牙酒吧餐廳，之前已經食過一次，食物精緻又好味，好朋友生日話未食過西班牙菜，我就帶佢黎試下。上次黎係中午，今次就晚飯時間黎，半明半暗嘅燈光又另一種感覺。餐前麵包(免費) - 坐低冇耐，侍應會先送上餐前麵包，簡單配意大利黑醋同橄欖油食都唔錯。Sabrosa嘅菜式都幾多選擇，佢除左Tapas之外，仲有前菜、主菜、飯麵同甜品，最正係佢嘅Happy Hour時間係去到8點，正常放工時間黎到都仲可以有HH價。Pussyfoot($48/HH) - 左邊粉紅色嗰杯係Pussyfoot，賣相非常少女，甜甜地味道石榴味為主。Fruit Punch($48/HH) - 佢同Pussyfoot最大唔同佢加左雪碧，雖然同樣係酸酸甜甜，不過就飲飲緊果汁梳打咁。蒜味虎蝦($128) - 虎蝦用鐵鑊上，上枱時仲係熱熱地嘅，食落好香蒜味，蝦肉比較爽口。辣味番茄醬拌馬鈴薯($68) - 薯仔煮得夠腍，上面吱左好多辣味番茄醬，辣度其實只有BB辣，但就比普通番茄醬惹味好多，好啱用黎餸酒。漁夫奄列($138) - 西班牙蛋餅喺西班牙菜入面都算係經典菜式之一，哩個漁夫奄列唔會太老，佢除左平時會

好慶幸疫情開始前去左西班牙旅行，好掛住佢地精緻又美味嘅Tapas，聽朋友講銅鑼灣新左間西班牙酒吧餐廳叫Sabrosa啲Tapas相當唔錯，所以就趁周末同朋友黎試下。餐廳店面都唔細，每一枱唔會相隔太近，坐得都舒服。佢地嘅Menu選擇幾豐富，Tapas、頭盤、主菜、飯麵同甜品每個類別都有唔少選擇。一坐低，先每人叫杯野飲邊飲邊睇食咩。Sangria($98) - 酒味唔重，加埋香甜蘋果粒，非常清新討喜。Lemonade($48) - 好大杯，酸甜度啱啱好，啱晒而家炎熱嘅天氣飲呀！Cool Cut & Cheese Platter($248) - Platter上枱時真心嘩左一聲，因為真係好豐富，入面包左三款唔同火腿同芝士，另外仲有麵包同橄欖，終於飲酒嘅其實一個platter都夠飲成晚。三款火腿都好油潤唔會太鹹，用黎餸酒最啱。藍芝士半融口感食落唔會太鹹，芝士味非常突出。灰土松露芝士同西班牙芝士相比藍芝士就比較硬身，食落芝士味比較輕盈冇咁膩。丹麥多士本身已經比普通多士鬆軟，店家再將佢烘到脆脆地，上面再搽少少蜜糖，非常好食。漁夫奄列($138) - 漁夫奄列同樣有跟丹麥多士，奄列唔會太老或者太乾，

週末去咗一間主打西班牙菜又幾有格調嘅新餐廳😋漁夫奄列仿西班牙蛋餅做法，奄列裏面有紅洋蔥、車厘茄、紅波椒、番茜，面頭鋪上鹹香嘅白銀魚柳同酸紫椰菜；奄列可以夾麵包食，平衡番white anchovy濃郁嘅味道，原來一份蛋料理都可以咁豐富🥚 Brunch常見嘅牛油果多士加咗辣肉腸即刻添上西班牙風味，煎過嘅辣腸滲出一層辣油，令普通嘅多士更惹味🥑 餐廳嘅sourdough唔太硬身，簡單配炒滑蛋都唔錯；沙律菜好香黑醋味，仲有啲脆口嘅黃蘿蔔粒。餐廳亦有fusion小吃，作為日韓代表嘅泡菜炸雞，還原日式唐揚炸雞，雞塊比雞串更juicy，點混咗泡菜嘅日式蛋黃醬更美味。熱氣嘅炸物配清新嘅什菜沙律，橄欖油醋加香口嘅杏仁片，比起主食伴碟嘅沙律更有味道，份量都唔少🥗Tiramisu嘅mascarpone cream又甜又軟滑，浸過咖啡酒嘅手指餅夠濕潤，刨上朱古力碎，相信依個甜品冇人會唔鍾意😋放假唔少得飲番杯Sangria🍹 雖然見唔到粒粒果肉但有淡淡果香，好易入口，唔覺唔覺就同杯酒一樣紅卜卜～唔飲酒嘅飲杯酸甜開胃嘅Lemonade一樣正🍋

週末在銅鑼灣辦完年貨後，就來到新開業不久的SABROSA吃頓西班牙tapas午餐。內裡面積寬敞，玻璃窗飽覽銅鑼灣街景，還有午間柔和的陽光滲入餐廳。餐牌主打正宗西班牙菜，週六日下午時段有Brunch menu。Tapas好送酒，放鬆喝一杯，一口美食一口美酒。自家制煙燻生牛肉片，混合香草配黑松露檸檬沙律油 $168賣相保持神秘感，一揭開玻璃蓋隨即飄逸著仙氣般的煙霧，可說是眼睛與味蕾的感官美饌。真身是歐洲風的前菜Carpaccio，生牛肉片亦是由廚師自家以蘋果木煙燻，隱透陣陣含蓄香氣。生牛肉片選用西班牙安格斯牛柳，切成薄片後肉質更柔嫩，並佐以當季黑松露片及香草檸檬沙律油，菌香滿溢，香氣馥郁。漁夫奄列 $128蛋餅可算是西班牙菜式中的signature dish，厚切蛋餅的外層煎成金黃，每一口裹滿濃濃蛋香。表面鋪上鹹鮮味十足的白銀魚柳，內裡蛋漿入口嫩滑，夾雜紅洋蔥、車厘茄及紅波椒，口感味道極具豐富層次感。牛油果，西班牙辣腸，酸麵包及自選蛋 $168Sourdough 酸種包是以傳統古法發酵的麵包，利用天然酵母、麵粉、水和鹽呈現最純粹的麥香原味，烘得外皮脆卜卜，內裡質感綿密煙韌。餡料以清新軟滑的