金撈老鴨湯刺身火鍋專門店 (已結業)

爸爸喜歡打邊爐，在油尖旺區在平日找家較易有位，又有質素的火鍋，實在不易。這家有很多好評，於油麻地與佐敦中間，旺中帶靜，位置不是很易找，要睇住google去找，因為近Austin station的八文樓附近。先選鍋底，店員介紹店內招牌老鴨湯鍋，這鍋有素翅，雞脾菇片，蟲草花，杞子，蘿蔔，當然不少得老鴨。飲上口清甜，帶有藥材香，感覺滋補。店員很貼心不時過來隔走鴨皮釋出的油份。我連續飲了3碗，真係好好味。因為一下了火鍋的湯去打邊爐，原本的湯就會混在一起。所以建議盡情先喝幾碗。店內有多款醬料及火鍋配料，以供選擇。澳洲M9和牛粒，份量足，雪花紋理清晰，入口牛油味濃，不能滾太久，入口才會又油又滑。鹿兒島黑豚，略嫌有少少雪味，肉香不夠，不過勝在份量足，正在做特價，都算抵食。北海道干貝滑，其實用了墨魚滑撈上干貝碎，食落好鮮甜，增加了口感及鮮味，亦吃得出有一粒一粒的墨魚，既彈牙有咬口又鮮味。脆鯇片，師傅刀工令魚片厚簿適中，我不太好魚，但爸爸喜歡，説魚片新鮮，基本上魚片，新鮮就好了。不新鮮才會有腥味。新鮮金錢展，值得一讚，平時較少食到，牛味十足，這部位肉質富彈性，爽口，點上少許調味已經好正。3人行，每人3百

朋友拿了車去佐敦渡船街嗰邊啲車房修正， 打算吃個晚餐 才走， 原來地鋪都有很多唔同特色食肆， 朋友介紹有間老鴨湯打邊爐好正， 入秋正好滋補養生一下。極品松茸老鴨湯 (半隻)$198半隻分量的老鴨 size 也不小。 檯上也簡略說明老鴨湯的食療功效，滋補養顏男女老少皆宜。 特別選用江蘇老鴨燉煮兩小時並加上醃製超過一年的蘿蔔，風味獨特令人一試難忘。 老鴨湯果然甘甜無比， 配合松茸菇獨特的味道， 真係飲唔停。 湯裏鴨肉可点自家調製的青椒醬， 味道很夾又可減膩。 湯料不能錯過的還有松茸菇和醃製過的蘿蔔。每人都飲了兩三碗老鴨湯， 之後開始正式打邊爐。澳洲M9和牛粒$118以為和牛粒只是油份多， 豈料牛味也非常濃， 有咬口肉質都很嫩，推介!蟶子皇(一隻)$48一睇知道新鮮貨， 影影下相突然移動一下， 很少有劏了的聖子咁活躍， 店中也見很多食客order 海鮮刺身， 似乎真材實料。聖子也鮮甜彈牙，正!當中也想介紹$48， 這個部位很久沒有試過， 現在越來越少酒家打邊爐有供應。 淥熟之後非常軟滑但不是溶溶爛爛的狀態。油麥菜和台灣貢丸也中規中矩。 當中油麥菜爽甜脆綠!$38也是每次必點，盛着炸魚皮的藤器

天氣一涼返少少就要打邊爐 是常識吧! haha今晚去左呢間朋友介紹既老鴨湯火鍋店..其實咁大個女都係第一次食用鴨做湯底既邊爐(大鄉里mode) ~~位置就位於佐敦同油麻地既中間點.. 而我就選擇左由最近既柯士甸站行過黎今晚清風陣陣 路上又無乜車 靜靜地咁行過黎其實都幾舒服 : )行左大約5分鐘左右就搵到啦 : ) 鋪頭比我想像中大同乾淨~老鴨湯對身體的益處~除左老鴨湯之外 呢度亦有提供傳統既火鍋湯底, 價錢平一大截..不過既然黎得呢度緊係要試佢既招牌老鴨湯底~!除左肉類同海鮮之外, 佢都有幾多自家製既特別小食款下~未食火鍋 先混醬~ 唔知點解見到咁colorful既醬汁覺得好靚 影左超多張相loll醬汁收每人$20架~~ 所以我地唔執書樣樣都落左d~ xdd主角上場了!!!*v*~ 金撈富貴老鴨湯(半隻)$198半隻鴨份量都唔細呢~~ 仲見到好多蟲草花同杞子飄黎飄去xd一路滾 就一路聞到d鴨香味慢慢滲透出黎!超嫩滑軟腍既鴨肉~ 基本上你一夾佢就變成一絲絲..就咁食已經好好味!店家另外提供一碟小小的辣醬係沾鴨肉食既~ 個人覺得佢辣得黎都幾過癮, 好辣既朋友一定會好鐘意!煲好鴨肉湯後就先飲

之前喺深圳食過老鴨煲，先飲鴨湯後打邊爐。覺得味道好好，鴨肉鮮嫩又煮得好腍。成日推介俾朋友返大陸一定要食但係次次都約唔成。唔係話遠就唔得閑😑今次就近近地喺香港試吓呢個老鴨煲啦三個女仔都唔係食得幾多野， 隨便叫咗一隻鴨嘅老鴨煲試下！望落同深圳嗰個都好似，因為鴨都幾肥，所以飲湯之前一定要隔走哂啲油！呢一煲鴨， 已經隔咗三大碗油😂 亦都為咗方便食，我哋將隻鴨煎皮拆骨，撕晒啲鴨肉出嚟。肉質非常之林，唔會好老，一啲都唔痴牙！🤤🤤另外我鍾意加啲蔥落去一齊飲， 成個感覺好清香、好香鴨味、又唔會太肥膩！加埋啲蘿蔔一齊食真係好香甜！我哋三個女仔飲咗大半煲鴨湯先至肯停手😂😂😂😂😂我哋隨便嗌左少少火鍋配料，有四寶丸、紐西蘭羊肉片、雜菇、脆鯇片、少少蔬菜、仲有和牛粒添。雖然佢俾咗一大洞山我哋，其實入面只係菜。羊肉都係得幾塊⋯⋯⋯而且我覺得羊肉片嘅羊味太重太so!我本身都好鍾意食羊肉都好鍾意佢浸羊肉嘅蘇味但係呢個實在太蘇啦！成都打邊爐都係佢啲羊肉味😐😐😐至於呢個澳洲M9和牛粒，亦都係有少少失望！可能10粒入邊，有5粒都係肥膏⋯⋯⋯⋯呢個鯇片都幾好食嘅，肉質都唔錯，都幾厚身。食落亦都冇淡水魚嘅泥味（因為我好怕）整體

雞煲打邊爐食得多，今次試下鴨煲!點菜紙，都好多選擇，不過佢就唔係任食，每碟收費，價位算中等啦坐低之後撈返個醬先好快就黎個鴨煲，朋友好推介要試，佢話大陸食好好食，要試下香港整金撈老鴨湯一隻!大大隻鴨，D肉已經煮到好林，就咁夾到夾到，湯底係好清，但好濃鴨肉，超正呀個湯好清甜，我地3個人都一人飲左2碗先開始食呀!澳洲M9和牛粒，樣好靚，食落好香牛味，不過我就覺得肥左少少。羊肉片山，非常薄切，肉質新鮮，如果厚返DDDDD就好啦手打4寶丸，肉地實淨，味道一般啦韭菜餃皮薄餡靚，放落去唔好咁耐先食，如果唔係佢會消失的脆肉鯇片好大片，好甜好脆身，朋友都讚好食。食埋D菜之後最後烏冬，成個鍋超滿足，個個都食到好飽，最正推介大家試下鴨煲，同雞煲真係完全2樣野黎!