Just Eat (已結業)

一場黎到西營盤，一個很少到來的地方，隨意吃個晚餐，發現暗巷一間泰國野，叫Just eat，即管試試看。店內一個客人也沒有，不緊要照吃，叫了一個2人晚餐。我們選了春卷（熱辣辣，連生菜上，包住吃口裡豐富得很），馬拉盞炒通菜（泰國風味），海南雞半隻（ok夠滑，汁都不錯），濃味牛湯浸牛肉河（超濃厚牛肉湯底），飲品點了青檸梳打同凍既越南咖啡奶。2人埋單$358，飽住落樓。個人感覺評分：食物味道 - 8/10食物賣相 - 7/10餐廳環境 - 7/10店員服務 - 6/10性價比 - 7/10

西環其實有好多隱世美食今次揾到呢間越南菜-just eat裝修簡約，以白色為主，令人好舒適~🌠濃味牛湯浸牛肉檬粉個名冇改錯~個湯底真係好濃牛味，略帶香草清新！我個人就覺得食越南檬粉係要再加青檸汁，可以令牛湯味更有層次！湯煮滾時，放入鮮嫩嘅生牛肉，令牛肉生熟度適中，口感嫩滑而且味道鮮美，呢個就係我鐘意食越南牛肉湯檬嘅原因，係其它嘅牛肉湯粉麵都無法取代！🌠越式蝦卷呢款係食越菜必點嘅菜式~米紙質地薄而黏軟，Q彈嘅米紙包裹爽脆生菜同鮮蝦，低卡健康真係食多都唔怕！🌠香茅豬扒湯粉越南湯粉係我既至愛因為湯底好濃牛骨湯味，飲完唔會好口渴，湯底真材實料！無味精~香茅豬扒外脆內鬆切開上，方便客人食同share‼😂🌠青蘋果柚子大蝦沙律沙律酸酸甜甜，作為前菜好開胃！平時好鐘意食柚子，但要剝就比較煩，依家沙律係剝好晒，一羹羹甘食好滿足！岩曬懶人嘅我😜加埋酸酸甜甜既青蘋果同爽口既大蝦，絕對要 encore ~

雖然我沒有在越南旅遊，但在香港已品嚐過不同的牛牛河粉，亦在內地嘗試過蔡蘭開的越店，發現各家都其獨特的口味！今次在一個偏門的位置發現一間越式餐廳。位置雖然是近地鐵站，但位於高尚住宅區的前門，在電梯旁的平台花園。首先是乘電梯到中段，在右手邊會看到一間補習社，再一直前行就會到，所以位置相當偏僻，不是朋友介紹都不可能知道。朋友推介我吃濃味牛湯浸牛肉河$62，我自己再點一份香茅串燒雞$36和一杯柑桔梳打$24。環境：餐廳呈長條形，牆上面有兩幅美麗的越南街景油畫，畫得非常美麗，我很喜歡。座位間寬敞整齊，防疫措施也有做足。食物：濃味牛湯浸牛肉河😋😋😋😋牛肉呈上時半生熟，牛味濃郁，肉質是軟化細嫩，再配上濃烈的牛湯，是牛魔王的至愛！不過河粉較幼身易斷，吃到最後會有很多細碎河粉。湯底呈深啡色，表面浮一層油脂，可以嗅到濃烈的牛味，喝起來卻是沒有油膩感！香茅串燒雞😋😋😋😋兩條串燒，表皮夠香脆，雞肉較結實，表皮的香茅料足，但不會濃。再加喇沙醬，即是花生醬的調味，更好吃。柑桔梳打😋😋😋大杯，夠冰，酸酸甜甜，很開胃！不過可能因地理位置關係，價錢普遍比較高消費。

今日去大學聽個talk, 之前就去附近行下搵下野食。果頭都幾多野食，天氣熱，最後我地簡咗間越南野。餐廳裝飾都好光猛乾淨企理，有自然光照入餐廳，好舒服。佢食物種類都幾多，小食，湯麵，越式法包，小菜都有。濃味牛湯浸牛肉河佢份量幾多，仲要有唔少牛肉，個人幾鐘意佢個湯，飲落去好順口，飲得出無味精，值得一讚！越南香茅燒牛肉三文治幾推介呢個，本身唔係間間香港既越南餐廳有越南法包賣，佢既燒牛肉幾出色，牛肉係有香料醬汁醃好咗，食落甜甜地再燒完後香口咗，好食！菠蘿冰&青檸梳打菠蘿冰佢係菠蘿蓉再加袖子蜜，飲落唔係好甜。而青檸梳打佢青檸汁份量好夠，夠清爽，正。佢價值合理，員工服務幾好，一路食既期間都聽到有唔少叫外賣電話，有唔少街坊捧場呢！總括而言一間唔錯嘅小店。

I hadn't been to Sai Wan in quite a while. This time I had a dinner date here and it was my dinner partner who brought me here. We had to walk upslope to get to the restaurant from the bus stop but there were escalators in the middle. Interior renovation was pretty modern with sufficient air conditioning.We were not so hungry so ordered one pho noodle soup, two starters and two drinks to share. Our food arrived very soon.濃味牛湯浸牛肉河 at $62The beef broth was quite clear yet tasty.  The noodles were

每次係正街搭扶手電梯時，我都會見到中間一條神袐既橫街，今日同朋友走去一探究竟，原來入面有兩至三間餐廳，其中一間係新開既越南餐廳Just Eat。餐廳面積比較細，但環境舒服，裝潢以白色為主，加上燈光十足，令人非常精神。- 濃味牛湯浸手切牛肉河餐廳用上金邊粉，口感煙韌。湯底非常濃味，當我嚐湯底既一剎那，牛肉既精華立即䆁放出嚟。手切牛肉切得幾厚，半生熟但入口仍然軟稔。- 濃味牛湯浸牛肉河牛肉份量幾多，粉麵方面都係用左金邊粉，湯底一樣非常香濃。- 青檸梳打而家天氣咁熱，仲要啱啱由地鐵站行過嚟，我一坐低就叫左杯涼透心既青檸梳打。甜度適中，感覺超級清爽！- 越式凍檸茶我覺得同港式有少少分別，茶底比較香，after taste比較強，不過比港式略甜。- Just Eat春卷加生菜越式春卷非常酥脆，餡料亦更豐富，生菜包住春卷食可以減低油炸既肥膩，而且更添爽口。手切牛河同春卷非常出色，尤其係手切牛河，我從未係香港食到湯底咁濃味既越南河。

呢間位處西營盤嘅餐廳喺逆市開張的確幾有勇氣價錢合理，一碗湯河/撈檬只係$50至$70餐廳以越南菜式為主打門面至室內裝潢都偏簡約，只係以黑、白、灰調座位唔算多，好在都幾闊落唔太逼餐牌無套餐，只有散叫主打係湯河/檬粉/濱海/馬拉盞炒菜/米紙卷/香茅茶等越南菜主打當然係Pho，呢款濃味牛湯浸牛肉河一碗河粉份量幾多，兩個人食都好足夠河粉偏幼身，質感滑溜，有幾分水嫩感，唔會軟爛到似糊仔牛肉份量適中，幾大塊，生牛肉薄切向來係精髓肉質軟腍又滑嫩，少少油花帶上幾分香口感覺，唔會太油膩吞落肚之後，牛肉味仲有些微餘韻生牛肉河粉上枱時色澤一流，仍然係生牛肉紅噹噹，影完相就已經被熱湯浸熟咗湯頭味道濃郁，表面睇到有唔少香料，如九層塔、青檸、洋蔥同辣椒等清甜之餘帶有濃香牛味，表面無乜油，啖啖有濃郁牛骨味，但唔會太搶另一款係濱海伴燒豬扒，味道幾有驚喜濱海即係將蔥花、炸蒜等舖上米粉表面，再夾埋唔同餡料食等同平時廣洲人嘅生菜包，而濱海係越南菜，今次餡料係豬扒師傅似乎幾有功架，豬扒呈金黃色，只係輕微炸過，唔會太乾，有幾分酥香感內裏仲有啲肉汁，唔會食到滿口油，帶有香茅味，酥脆又香口豬扒肉質鬆軟，唔韌又唔黐牙，而且剪開一件件

今晚拎野過西營盤英華臺俾好友，順便依個晚飯兼聚下。朋友就問，佢屋企樓下開咗間新嘅越南菜，要唔要試下。鐘意試新野嘅我，當然無問題啦。Just Eat 店內環境舒適，員工都好友善，服務態度好好，食物嘅定價都好合理。我同好友今晚得兩個人食飯，所以都無叫特別多嘢食。泰式生菜包：肉碎係豬肉嚟嘅，調味做得好好，微辣中帶一點點檸檬汁既酸味，令人胃口大增。生菜菜都揀咗最靚嘅幾塊嚟做依度菜，而且相當乾淨。濃味牛湯浸牛肉河：想知一間越式餐廳做得好唔好，就必定要食生牛河。Just Eat嘅濃味牛湯浸牛肉河做得唔錯，牛肉夠薄，而且上到檯做係紅卜卜。湯頭牛味都好夠，而且唔好蓋過生牛肉嘅味道。燒雞撈檬：點完餐先後睇下OpenRice食評，見到有人話燒雞偏咸同太乾，起初個心都驚驚地唔好食，但一入口發覺一啲都唔似果篇食評講，燒雞一啲都唔乾，表面燒到脆哂，而肉仲係好嫩滑，而且味道剛剛好。越式凍檸茶：依個凍檸茶唔同之處，就係用咗青檸檬。好好飲。

話說依條英華臺不嬲都帶有一份神秘感，同時啲餐廳有如車輛轉，不停易手開新店。最近又有餐廳新開張，叫做Just Eat🍽，係一間新派越南餐廳嚟，而家做緊九折優惠。餐廳環境簡約，有種小清新的感覺🌿。座位唔多，但坐得舒服，留意番冷氣比較凍！餐廳無做晚市套餐，所以只能夠散叫。我哋兩個人各自叫咗一碗粉同一杯飲品，再加一份小食Share。估唔到咁樣已經好飽，份量十足👍。濃味牛湯浸牛肉河($62)，河粉可轉金邊粉或檬粉，但食Pho就梗係唔轉啦！🐮牛肉河勝在各方面都非常平均，牛肉份量多、口感夠厚亦唔錯；而且湯頭好濃郁，記得落埋辣椒粒同青檸汁吊味，我成碗湯飲哂🤤。燒雞撈檬($62)，依個係驚喜之作，首先撈檬有唔少花生粒、生菜絲同蘿蔔絲撈埋一齊，而且最重要係凍檬本身無痴埋變成一餅餅，加埋魚露汁食，酸酸的好開胃😆。不過最矚目嘅係燒雞🐔，因為佢唔係平日食開嘅雞扒或好乾身嘅雞塊，其實佢係兩串雞肉串燒嚟，但起咗肉，有四件。雞肉有燒烤香味，肉質十分嫩滑，而且好好肉，十級正😋。絲網春卷($38)，中式春卷我就唔鍾意食，不過絲網春卷就可以試下嘅，加上係朋友發板。春卷夾埋生菜食，成個感覺昇華咗不少😍，都OK。飲品方面，我哋