御花園咖啡室

营业中

休息中

Cafe Rivoli

232 食记

味道

环境

服务

卫生

抵食

11526

铜锣湾

$201-400

西式自助餐酒店餐厅咪嘥嘢食店

条款及细则:
餐厅:	御花園咖啡室
优惠:	于此国泰伙伴餐厅用餐赚里 ! 国泰会员于伙伴餐厅消费可赚高达HKD4 = 2里数。受有关条款约束。
立即加入国泰会员计划，今日开始累积里数！
国泰会员每次可赚取「亚洲万里通」里数之消费额上限为港币10,000元。会员凡于国泰伙伴餐厅作合资格消费，每港币4元可赚取2里数。而渣打国泰Mastercard®客户凭卡消费可享每港币4元赚取2里数，包括合作伙伴餐厅合资格消费之餐膳里赏（每港币4元赚取1里数）及基本餐饮类别之合资格签账奖赏（每港币4元赚取1里数）。赚取之「亚洲万里通」里数将根据餐饮与膳食消费，包括服务费、税项及小费的总和而计算。惠顾特定推广套餐或不可赚取「亚洲万里通」里数。请预先向个别「赚里餐厅」查询。赚取的「亚洲万里通」里数将于认可餐膳消费交易后10个工作天内存入会员的账户。

须受其他国泰条款及细则约束。

资讯:
餐厅:	御花園咖啡室

为鼓励食肆透过提供食物份量选择和采取减少厨余措施，与顾客共同从源头减少厨余，环境保护署推出了「咪嘥嘢食店」计划，参与食肆如符合评核准则将获「咪嘥嘢食店」认可资格和获发「咪嘥嘢食店」的标志及标贴，以供张贴於店舖内和宣传，供顾客识别。此计划全年均接受申请，申请费用全免。

详情可浏览：https://www.wastereduction.gov.hk/zh-hk/waste-reduction-programme/food-wise-hong-kong-campaign

火焰雪山

5 已推介

ANGELKENT

等级3

今晚飛掉老公和女兒同個舊同事去銅鑼灣富豪食自助餐, 其實之前都去過但就好差, 今次同事又有coupon話去試同我提早賀生日, 但今次好ok, 食物樣樣都好, 今次每人有半只焗龍蝦送, 又有火焰雪糕蛋糕和好大條新鮮吞拿魚即開, 可能價錢加左所以食物質數都好好

题外话/补充资料：今次有65折coupon, 所以價錢都好底有好多野食, 但因自己腸胃不太好, 所以都唔喺食好多, 下次有優惠一定再去食多次

(以上食记乃用户个人意见 , 并不代表OpenRice之观点。)

分享
推介

已推介
检举

张贴

评分

味道

环境

服务

卫生

抵食

用餐日期

2014-04-08

用餐途径

堂食

人均消费

$340 (晚餐)

庆祝纪念

生日

用餐优惠

信用卡優惠

推介美食

kenmerry

等级4

611

今晚有幸出席「招牌‧海鮮極級自助晚餐」食家飯局, 多謝富豪香港酒店嘅邀請!去富豪香港酒店簡直係為我而設, 勁方便, 搭幾個站地鐵, 出咗站行2個街口就到喇~平時o黎多數都係食連續3年榮獲米芝蓮一星嘅「富豪金殿」, 食自助餐應該係第2次, 一出Lift第一眼見到有音樂家為你現場演奏鋼琴, WoW, 好Surprise呀! 入到餐廳, 好光猛喎, 同以前唔同晒, 好似大間咗咁嘅? 個天花好靚呀! 仲有不停轉換顏色嘅花樹都好靚好浪漫呀!諗住早d去到, 可以去Buffet枱慢慢影食物, 點知6點半已經勁多人! 唔想滋擾到食客, 只好快快手影幾張~今晚嘅主題係「招牌‧海鮮極級自助晚餐」, 咁呀緊係要影海鮮啦~ 仲要試真d早幾日買嘅「專業級傻瓜機」--Sony Cyber-shot DSC-RX100! 鏡頭F-1.8大光圈, 1吋感光元件, Carl Zeiss鏡, 大家睇完d相係咪覺得好有大機Feel呢?!! 滋味焗蠔及帶子--個樣好吸引喎, 仲放係鐵板上面保溫, 保證入口熱辣辣~忌廉香草汁煮青口--個樣靠得住喎, 留口水-ing...鮮蝦配熱情果沙沙醬--用雞尾酒杯盛載, 好貴氣喎, 腦

今晚有幸出席「招牌‧海鮮極級自助晚餐」食家飯局, 多謝富豪香港酒店嘅邀請!

去富豪香港酒店簡直係為我而設, 勁方便, 搭幾個站地鐵, 出咗站行2個街口就到喇~

平時o黎多數都係食連續3年榮獲米芝蓮一星嘅「富豪金殿」, 食自助餐應該係第2次, 一出Lift第一眼見到有音樂家為你現場演奏鋼琴, WoW, 好Surprise呀! 入到餐廳, 好光猛喎, 同以前唔同晒, 好似大間咗咁嘅? 個天花好靚呀! 仲有不停轉換顏色嘅花樹都好靚好浪漫呀!

諗住早d去到, 可以去Buffet枱慢慢影食物, 點知6點半已經勁多人! 唔想滋擾到食客, 只好快快手影幾張~

今晚嘅主題係「招牌‧海鮮極級自助晚餐」, 咁呀緊係要影海鮮啦~ 仲要試真d早幾日買嘅「專業級傻瓜機」--Sony Cyber-shot DSC-RX100! 鏡頭F-1.8大光圈, 1吋感光元件, Carl Zeiss鏡, 大家睇完d相係咪覺得好有大機Feel呢?!!

[主廚推介] 滋味焗蠔及帶子--個樣好吸引喎, 仲放係鐵板上面保溫, 保證入口熱辣辣~

忌廉香草汁煮青口--個樣靠得住喎, 留口水-ing...

鮮蝦配熱情果沙沙醬--用雞尾酒杯盛載, 好貴氣喎, 腦入面不其然奏起007嘅主題音樂, 哈哈~

法式馬卡龍--超搶手, 影完張相都已經冇咗3分2! 唔係嘛?!! 唔得喇, 我唔可以再淨係排住影相喇, 我要爆(發食力)啦!

好, 開動引擎, 「起錨」!

~第 1 Round~

Macaroon--吓?!! 一開始就食甜品?!! 唔係化?!!

冇錯, 連我自己都覺得怪, 不過冇計啦, 見人一個人拎十幾粒, 我再唔拎等陣一粒都冇得剩~ 朱古力味同綠茶味都好出, 好味, 如果個外皮再脆d咁就Very Good喇~

黑加侖子啫喱--什果啫喱, 用白朱古力條同木莓做裝飾, 仲用個靚靚玻璃碗裝住, 加咗奇異果汁圍邊, 好靚呀! 即時貴氣晒!

~第 2 Round~

[主廚推介] 滋味焗帶子--原個帶子連殼上, 廚師將佢放係鐵板下面個盤度保溫, 食落仲暖o架, 賣相都OK, 醬汁味道都OK, 帶子都幾大隻, 如果肉質再鮮嫩d甜美d咁就Perfect喇!

忌廉香草汁煮青口--個忌廉汁味道都唔錯, 青口都幾肥美~

炸魚伴薯條--為慶祝倫敦奧運而加設嘅主題「味遊英倫」, 於7月27日至8月12日期間供應多款精選英國菜, 包括煙肉焗生蠔, 初時見到一碟淨薯條, 猶豫之際, 廚師捧出一大盤新鮮熱辣嘅炸魚, 哦, 原來係太受歡迎比人夾晒, 魚肉鮮甜多汁, 香草炸醬味道都幾好~

~第 3 Round~

鮮蝦配熱情果沙沙醬--蝦肉爽脆, 熱情果味道清新, 炎炎夏日作為頭盤實在唔錯~

龍蝦蟹子釀芒果--芒果微酸, 好醒胃, 龍蝦肉不多, 蟹子同青瓜絲有d日式Feel~

~第 4 Round~

沙律--材料新鮮, 選擇又多, 健康嘅好朋友, 多吃有益~

煙三文魚--好搶手, 油份充足, 味道不錯~

~第 6 Round~

[主廚推介] 阿拉斯加蟹腳--好好味, 啖啖肉, 回本首選, 充滿海水嘅味道, 肉質略嫌唔夠幼嫩, 不過冇計, 係北海道食嘅冰鎮阿拉斯加蟹腳都係咁上下質數, 要鮮嫩幼滑就一定要即劏即食嘅先得~

冰鎮青口--肥大肉厚, 味道不錯~

冰鎮藍貝青口--好重海水味, 好正, 可以食一打~

翡翠螺--我唔食翡翠螺, 見入面有隻寄居蟹, 好Kawaii, 反正都唔食得落肚, 咁我拎佢返o黎, 都唔算浪費食物啫~

~第 5/7 Round~

鵝肝多士 -- 中段廚師開始煎, 想食就要排隊, 老友食家幫我拎埋, 唔該晒呀! 第一碟鵝肝煎得香脆, 燒汁偏淡, 鵝肝味濃, 好正! 之後部長幫我地拎, 落黑醋汁, 味道偏酸, 掩蓋咗鵝肝嘅香味, 但係就抵消咗鵝肝嘅油膩感~ 回本之選!

~第 8 Round~

[主廚推介] 中東烤肉串--有驚喜! 燒完嘅菠蘿特別香甜味美~ 豬肉吸收咗菠蘿嘅果酸, 肉質變得柔軟, 而且調味適中, 香草味發揮得淋漓盡致, 讚!

酥皮三文魚--廚師原個捧出o黎, 果樣勁似巨型酥皮包, 切開就見到三文魚, 廚師發現三文魚差少少先熟透, 幫我係鐵板度辣一辣, Perfect~ 配埋香草白汁食, 味道幾好, 三文魚雖然煮熟咗, 肉質仍然保持鮮嫩, 完全冇腥味, 查實我好怕食熟嘅三文魚, 不過佢整得唔錯~

~第 9 Round~

79 浏览

0 赞好

0 留言

即制梳乎厘 -- 部長好好人, 幫我地拎, 我食呢個係檸檬味, 檸檬味好強勁, d梳乎厘升得好高o架, 不過比我地影完又影, 玩到扁晒~ 入口都仲幾鬆軟, 口感唔錯~

~第 10 Round~

火焰雪山--全場焦點所在! 大廚為大家點火! 見唔見到d藍光呀?!! 唔好噓啦, 好難影到o架, 火光一瞬即逝! 有食家過幾日生日, 大家為佢合唱生日歌, 壽星女仲切埋蛋糕, 好Sweet~

海綿蛋糕入面包住雲呢拿雪糕, 外層鋪上以蛋白同砂糖打成嘅蛋白霜, 用火槍將蛋白霜表面烤焦, 再放入冰格冷凍, 好花功夫! 食前淋上Rum酒點火, 酒精燒盡後充滿酒香同焦糖味, 超正!

~第 11 Round~

印度烤魚--今日冇印度天多里烤肉, 換咗做印度烤魚, 乾咖哩味道好強勁, 都幾辣, 胡椒薄脆幾好味, 都係辣咗d~

火焰壽司--表面輕輕灼熟嘅三文魚壽司, 味道都唔錯, 細細粒, 可以試多幾樣~

~第 12 Round~

朱古力蛋糕--Brownie朱古力味濃, 食1件都飽晒~

木糠布丁--OK喎, 幾好味喎~

栗子布丁--食唔出咩味, 除咗面頭d栗子蓉~

~第 13 Round~

綠茶紅豆蛋糕--綠茶味濃, 海綿蛋糕較為乾身, 紅豆Cream味道可以再重d~

朱古力火鍋--朱古力火鍋配料係泡芙同雪米糍?!! 好特別喎! 以前好貪心, 食親朱古力火鍋都要浸滿朱古力~

~第 14 Round~

雪糕--足本HD雪糕, 有4隻味, 朱古力味同士多啤梨味係不二之選, 仲有多種配料, 我最鐘意杏仁片, 健康又美味~ 配埋甜美水果, 為今晚飯局畫上句號!

睇返相先知自己大戰咗14個回合, 好勁呀! 我可以拎「非凡食力」獎啦, 實至名歸o架!

最後, 感謝富豪香港酒店嘅邀請及熱情款待!

(以上食记乃用户个人意见 , 并不代表OpenRice之观点。)

分享
推介

已推介
检举

张贴

评分

味道

环境

服务

卫生

抵食

用餐日期

2012-08-01

用餐途径

堂食

用餐优惠

試食活動

推介美食

dra.W

等级3

富豪香港酒店舉辦的招牌‧海鮮極級自助晚餐...主題吸引除以海鮮作主打...盡是富有異國風味的特色菜餚...讓人滿心期待這夜有幸參與這星級晚宴...實在是極之榮幸能於御花園裡享用一頓御之晚宴...絕對是人間樂事先遊歷一下這個御花園...看看有什麼迷人處各路精靈躲於花園的每個角落...各有獨特的氣質眾裡尋他...還是被冰山眾美人吸引過來...那種美態就是不一樣阿拉斯加蟹腳姿態優美...最是誘人冷艷地擺出高姿態...內裡卻有一股熱力把你溶化尤以蟹鉗最為鮮甜...肉汁緊鎖鉗內...蟹汁一咬就爆發這天的蟹腳質素很好...沒有過咸的海水味將蟹味掩蓋凍蝦差不多是自助餐凍盤中必看到的一員...早已新鮮感不再往往被大眾忽略...將其打入冷宮可是這夜的凍蝦爽甜彈牙...沒有過於結實的毛病...值得一嚐青口與翡翠螺...始終有一班擁護者看到凍花蟹的蹤影甚是興奮...它卻最叫人失望花蟹蟹肉乾散...沒有肉質可言...鮮甜味欠奉...實不敢恭維還是多吃幾只阿拉斯加蟹腳...滿足味蕾龍蝦蟹子釀芒果與鮮蝦配熱情果沙沙醬...讓人眼前一亮這兩款"杯中物"清新可人...正合夏天享用龍蝦蟹子釀芒果配以微酸的芒果...吃出

凍蝦差不多是自助餐凍盤中必看到的一員...早已新鮮感不再
往往被大眾忽略...將其打入冷宮
可是這夜的凍蝦爽甜彈牙...沒有過於結實的毛病...值得一嚐
青口與翡翠螺...始終有一班擁護者
看到凍花蟹的蹤影甚是興奮...它卻最叫人失望
花蟹蟹肉乾散...沒有肉質可言...鮮甜味欠奉...實不敢恭維
還是多吃幾只阿拉斯加蟹腳...滿足味蕾

龍蝦蟹子釀芒果與鮮蝦配熱情果沙沙醬...讓人眼前一亮
這兩款"杯中物"清新可人...正合夏天享用
龍蝦蟹子釀芒果配以微酸的芒果...吃出一份爽朗的感覺
輕輕提出龍蝦與蟹子自身的清甜...效果不錯
鮮蝦配熱情果沙沙醬...意念不俗...唯鮮蝦鮮甜度不足...未夠突出

多款頭盤水準穩定...煙三文魚肥美...其中一款薄切腸味道甚有趣
沙律材料款式眾多...想到的蔬菜都有
沙律醬汁甚是齊備...必能選到合意的一款
對刺身與壽司總有一定的期望...可惜這天要敗興而回
刺身可以冷一分...三文魚吞拿魚頗肥美...蟹柳不是最好...但亦好吃
火焰壽司有賣點...手卷配料沒看頭
壽司飯粒太硬...缺了一分醋香...吃不出滋味來

沒想到會在這裡遇上鵝肝...是這花園中的一大驚喜也
香煎鵝肝伴以香脆多士...屬常見之配搭
鵝肝油份充足...香氣逼人...實是一份難以抗拒的誘惑
難得是多士雖帶鵝油...但沒變軟...依然香脆好吃
鵝肝以快煎方式弄製...沒有煎得焦掉算是很有技巧的了
少了點溫柔...卻多了份速度感
自助餐正需要這種速度...也不介意那麼多了
一口氣吃了很多片鵝肝...果真是放縱
店方特意安排的一份鵝肝有配黑醋汁...這是自取沒有的...應加以配之

印度天多里烤物及咖喱經精心煮製...深見誠意
煙肉焗生蠔與滋味焗帶子...時刻紛紛送上
不消一會就清掉...足見這兩鮮的魅力
焗生蠔品質難有保證...放久了易變乾
每一只的新鮮程度不一...沒有焗帶子般有水準
帶子的焗製時間剛好...水份沒有過於流失...肉質嫩滑...香甜味美

印度天多里烤物 / 煙肉焗生蠔 / 滋味焗帶子

83 浏览

0 赞好

0 留言

為慶祝倫敦奧運而增設的主題味遊英倫...很有意思
當中的炸魚伴薯條質素尚佳...賣相弄法跟在英國遇到的有幾成相似
天婦羅炸物即炸即上...炸得金黃鬆脆...炸粉也不算厚
時間安排得蠻好...每每都能拿到剛上碟的...熱度未散
軟殼蟹大大件很大方...天婦羅蝦清甜可口
忌廉香草汁煮青口值得一吃再吃...青口嬌嫩幼滑...質感令人滿意
忌廉香草汁帶濃濃的酒香...叫人醉倒

酥皮三文魚見特色...酥皮作外層...內裡包裹著菠菜絲
內外兼備...外鬆內軟...三文魚被緊緊擁抱著...皮膚仍舊粉嫩
中東烤肉Kebab是這夜的一大點題作...巨大的肉串於園中不斷旋轉
肉香四溢...沒想到烤上一斷時間...肉卻沒有老掉
菠蘿果汁往肉串裡流...烤肉變得更香更甜
其他熱熏選擇不多...款式未夠大眾化
中湯是蓮藕湯...西湯是龍蝦湯
一個清新...一個濃郁...看你喜歡哪一種

雪糕是Dreyer's的石板街,雲尼拿,士多啤梨與杏仁...四款口味
木糠布丁不易遇上高水準的...所以也沒大要求
放上一段小時間...木糠布丁不處於一定的溫度也易變軟
始終迷你杯比例不是完美...木糠總是比布丁多
若味道像樣...夠幼滑...就收貨了
另有較特別的迷你雪糕糯米糍...小孩看到定會很歡喜
梳乎里熱辣奉上...甜點款式尚算齊全...大人小孩的喜好都照顧到

誠意獻上的火焰雪山...高雅華麗...引來眾人目光
以砂糖加上蛋白打成的蛋白霜...被燃點之下...瞬間成了焦點
海綿蛋糕懷中的雲尼拿雪糕仍然美如霜...輕輕散發光釆
流露出熱戀中的情懷...被愛的感覺
火焰雪山外表熱情...內裡冷酷...最牽動人的情緒
正是冷靜與熱情之間的最佳演繹者...也是最酷的嬌娃

每一次聚會都是異常的難得...總是非常珍惜與眾人相聚的時刻
開心的時間真的過得特別快...但願這夜慢一點才過去
期望不久的將來又能再次參與飯聚...再度感受無比的快慰

74 浏览

0 赞好

0 留言

(以上食记乃用户个人意见 , 并不代表OpenRice之观点。)

分享
推介

已推介
检举

张贴

评分

味道

环境

服务

卫生

抵食

用餐日期

2012-08-01

用餐途径

堂食

用餐优惠

試食活動

推介美食

山區麵包王

等级6

2.8K

237

富豪香港酒店內嘅御花園咖啡室，雖然餐廳名字叫「御花園」，花園嘅感覺就無乜，但天花鑲嵌咗幾組大型工藝美術嘅彩繪玻璃，加上樓底又高，倒有一股氣派，再者，入口位有專人鋼琴演奏，悠揚樂韻嘅環境下，又多添幾分優雅。踏入暑假，餐廳以主題《招牌‧海鮮極級自助晚餐》仍為招徠，加上最近係「倫奧」，大廚為響應此盛事，特別加插數款英倫美食，同大家「味遊英倫」，不過英倫美食只係做到12/8啫！能夠藉今次飲食網站及酒店所搞嘅試食會，可一嚐餐廳嘅招牌美食、海鮮食品、特色英倫菜式，真係大飽口福。故此，多謝有關單位及酒店嘅款待，令小弟有個飽足到深夜嘅晚上，唔使食宵夜可以繼續追睇倫奧！未拎嘢食，就梗係先遊一遊「花園」，所有自助餐食物集中於餐廳中間位置，頭尾都係用餐區。款式都幾包羅萬有，當然，又唔係小林尊上身，點食得晒過百款嘢丫，既衝著主題美食而嚟，就自不然游擊戰，重點出擊。之不過，話雖如此，有兩樣嘢係我食開自助餐必食嘅，仲係一頭一尾添，一係沙律，二係甜品。超級醬汁沙律吧沙律吧配料有近30款：羅馬生菜、紅椰菜、翡翠苗、黑橄欖、雞心豆、紅菜頭、煙肉碎……真係記唔晒咁多，令小弟最深刻係竟然有成8款醬汁：千島、凱撒……大路嘅唔

富豪香港酒店內嘅御花園咖啡室，雖然餐廳名字叫「御花園」，花園嘅感覺就無乜，但天花鑲嵌咗幾組大型工藝美術嘅彩繪玻璃，加上樓底又高，倒有一股氣派

，再者，入口位有專人鋼琴演奏，悠揚樂韻嘅環境下，又多添幾分優雅

。

110 浏览

0 赞好

0 留言

踏入暑假，餐廳以主題《招牌‧海鮮極級自助晚餐》仍為招徠，加上最近係「倫奧」，大廚為響應此盛事，特別加插數款英倫美食，同大家「味遊英倫」，不過英倫美食只係做到12/8啫

！

能夠藉今次飲食網站及酒店所搞嘅試食會，可一嚐餐廳嘅招牌美食、海鮮食品、特色英倫菜式，真係大飽口福。故此，多謝有關單位及酒店嘅款待，令小弟有個飽足到深夜嘅晚上，唔使食宵夜可以繼續追睇倫奧

！

未拎嘢食，就梗係先遊一遊「花園」，所有自助餐食物集中於餐廳中間位置，頭尾都係用餐區。款式都幾包羅萬有，當然，又唔係小林尊上身，點食得晒過百款嘢丫，既衝著主題美食而嚟，就自不然游擊戰，重點出擊。之不過，話雖如此，有兩樣嘢係我食開自助餐必食嘅，仲係一頭一尾添，一係沙律，二係甜品。

超級醬汁沙律吧

沙律吧配料有近30款：羅馬生菜、紅椰菜、翡翠苗、黑橄欖、雞心豆、紅菜頭、煙肉碎……真係記唔晒咁多，令小弟最深刻係竟然有成8款醬汁

：千島、凱撒……大路嘅唔講，較特別有芒果醬汁、藍芝士沙律汁、芥茉籽沙律汁、陳年黑醋沙律汁……等等。揀好多款沙律菜、車厘茄、紅腰豆、黑橄欖、雞心豆、紅菜頭、芝士粉後，主打配上3款醬：芒果醬汁、藍芝士沙律汁、芥茉籽沙律汁。各項沙律配料幾鮮爽，由於所以配料都係以小筒冰鎮住，流量快又夠凍，好似沙律菜咁，咬落「索索聲」，而3款醬汁真係各有千秋，芒果醬汁芒果味勁濃鮮活，藍芝士沙律汁鹹香濃郁，而芥茉籽沙律汁微辣醒神

。淨食沙律可能有啲「寡」，所以有時我會配冷盤，如肉腸、煙三文；但有時又會配海鮮，為一試今晚主題，就揀配海鮮。

海鮮地帶

海鮮有阿拉斯加蟹腳、凍花蟹、凍甜蝦、青口、藍貝青口、翡翠螺、瀨尿蝦，陣容都唔弱，不過質素有啲參差

。阿拉斯加蟹腳拆出啖啖肉，不過一隻鹹鮮，肉質甜美，但另一隻出現肉質「霉霉哋」嘅情況；凍花蟹、瀨尿蝦嫌煩就無試喇，甜蝦就幾唔錯，雖然唔係超爽彈，但蝦味鮮甜。如何有生蠔嘅話，可能會對海鮮一環搶攻啲！

咯嗲雙子星

分別係龍蝦蟹子釀芒果、鮮蝦配熱情果沙沙醬，係是晚招牌推介，放晌冷盤附近，以雞尾酒杯一杯一杯擺出嚟，而且賣相做得幾精緻

。前者係龍蝦、蟹子、芒果、青瓜絲嘅組合，龍蝦肉唔多，芒果變咗係主角，果味帶微酸，夏日醒胃小食；後者較得我歡心，鮮蝦肉起雙飛，配上熱情果、芒果粒粒做嘅醬，底下墊有紅色、黃色車厘茄，味道清新

！

33 浏览

0 赞好

0 留言

飲碗湯食個包
一輪沙律、海鮮、前菜，係時候餐湯餐包環節。御花園提供兩款餐湯：龍蝦湯、鱆魚蓮藕煲唐排，打個煲蓋，中湯湯面泛出點點油光，所以就揀飲西湯。龍蝦湯味道幾濃郁，質感柔滑，想食點龍蝦肉就要撈撈底喇，水準唔錯。餐湯側邊就係小型麵包櫃，放有6-7款迷你個裝包，不過麻麻哋。除了以麵包伴湯，仲搵嚟主廚推介嘅煙肉焗生蠔及帶子，同埋煎鵝肝多士，生蠔就比較細隻咗，但大大隻帶子頗有睇頭，以煙肉、芝士烤焗，自然滋味啦；而鵝肝多士加點陳醋，唔單只無咁漏，仲多份醇香。

38 浏览

0 赞好

0 留言

味遊英倫
跟住就試一試加映分題「味遊英倫」，分別有燒牛肉配約克布甸、威靈頓牛扒、甘筍牛柳、煙肉焗生蠔、英式牛肉牛腰批、愛爾蘭燉什燴、薯蓉肉醬批、炸魚伴薯條，輪流登場，全部名牌以彩色米字旗為底紙，好易認出邊啲係英倫菜式。煙肉焗生蠔上一碟食咗，今回就揀咗後四者，竟然最好食係炸魚伴薯條，不愧最英式地道美食；而薯蓉肉醬批因為過鹹，所以最唔好食

。還有，加多一小份主廚推介嘅招牌菜酥皮焗三文魚，三文魚加菠菜蓉包酥皮焗，外層酥皮自然香脆，內裡三文魚油潤肉嫩，菠菜蓉增添味道層次，加點自家配製香草醬汁，值得一試嘅菜式

。

44 浏览

0 赞好

0 留言

因為仲要留肚晌自助餐必食嘅甜品，走向我嘅不甜無歸之路，所以幾款招牌嘢如火焰壽司、中東烤肉串、印度天多里烤肉就無試，其他墊肚嘢如即煮粉麵就更不用多提。

火焰雪山騷

招牌甜品火焰雪山同即製梳乎厘，豈會錯過。首先登場係火焰雪山，酒店為隆重其事，特別為我哋預備咗個火焰雪山即席表演，淋上冧酒，點火，誘出藍藍火光，可惜現場環境比較光，「火焰」效果大打折扣，依家嘢都係最好晌啲浪漫氣氛嘅餐廳，昏昏暗下搞就最有睇頭

。舊時啲人叫依個甜品做「焗雪山」，老派嘢，中間仲會用紅黑白三色雪糕，今晚依個就以雲喱拿雪糕做心，包海綿蛋糕。有人問做法係點，究竟點樣整完個火焰雪山啲雪糕仲可以咁凍？外面層蛋白係咪要焗一焗？當時就乜都唔記得晒喇，但睇番小弟晌十多年前晌工聯會學過嘅講義，先記番起係以海綿蛋糕墊底，圍邊，加雪糕，再以海綿蛋糕冚番個面，咁就變成海綿蛋糕包實啲雪糕，不過竅妙係做好依個工序後要入雪櫃雪硬，等到有落單，先拎出嚟晌外層唧上已打起嘅蛋白，再入爐以大面火（唔要底火）焗到蛋白金黃上色就可以出爐，所以食起嚟蛋白香脆，海綿蛋糕回軟，雪糕仍要冰凍，又好有酒香！係一道好有心思嘅甜品

。

十多年前學過嘅火焰雪山講義，希望唔好告我非法刊登啦。

82 浏览

0 赞好

0 留言

即製梳乎厘
有多款口味，有薑味、檸檬味，都係口感輕盈嘅甜品，而酒店又特別做咗一款別注版，香蕉朱古力梳乎厘，因為係以香蕉果肉做，唔係靠香精，香蕉味很濃郁，內裡又有點點朱古力粒，不過，代價係整個梳乎厘成份變得重身，無咗梳乎厘嗰重輕盈質感

，放唔得耐就已經塌番落嚟，而且口感較濕潤，變得似香蕉蛋糕多過梳乎厘。

49 浏览

0 赞好

0 留言

搶手法式馬卡龍（杏仁餅）

非常搶手，我晏咗去，已經睇到所餘無幾，有幸試到多款口味都係多謝對坐嘅另一位食家。酒店本身設有餅店，臨走所見一粒馬卡龍標價$18

，數數手指我都前前後後食咗6粒，都成舊水喇

！原本小弟無機會食咁多，同枱另外3位食家對太甜嘅嘢都受不了，我依啲嗜甜鬼見愁，無有怕喎，加上馬卡龍黏黏濕濕嘅口感，又唔係個個人都啱，造就小弟多啲嚟就密啲手！杏仁餅味道幾多元化，有朱古力、開心果、腰果、紅桑子、榛子、綠茶……一下子都記唔得晒。

新鮮生果、Dreyer’s雪糕、法式杏仁餅（馬卡龍）

71 浏览

0 赞好

0 留言

搶灘咗3款甜品，食番啲雪糕同生果間一間場，雪糕係Dreyer’s，共有四款味道，朱古力碎碎（名牌搞錯係薄荷朱古力）、杏仁、雲呢拿、士多啤梨，揀嚟3球，加埋杏仁片、朱古力針大手入貨，再配雪米糍、蜜瓜、鮮菠蘿，淋上朱古力漿，加幾片芝士，係一個頗別出心裁嘅組合。

甜品拼盤大放送

作為最後衝刺，一份私已甜品大拼盤走唔甩！其實整晚嘅甜品款式輪流出場，臨尾有啲無再出都試唔到。不過，一口氣都揀咗8款甜品，有芒果布甸、朱古力蛋糕、木糠蛋糕、芒果拿破崙、桂花糕、斑尼士（有人嫌硬，其實佢質感本身就係較挺實）、黑加侖子啫喱（緬懷兒時味道）、蜜瓜奶凍，整體不俗。只係可惜有個主廚推介嘅香蕉朱古力卷，都無機會試，仲有綠茶紅豆蛋糕、焦糖吉士蛋糕……等等

！

38 浏览

0 赞好

0 留言

綜觀整晚食物，有高有低，主題海鮮方面，有啲失望，英倫美食好壞參半，而招牌菜式，偶有驚喜。其實依家食餐自助晚餐真係唔平，閒閒哋動輒四、五百落樓。依家御花園做緊成人價$408（一至四）、$438（五六日及公眾假），加埋一都咪話唔貴，不過獅子銀行嘅信用卡做緊65折，平日計變咗三百頭，還算係有啲吸引度。

(以上食记乃用户个人意见 , 并不代表OpenRice之观点。)

分享
推介

已推介
检举

张贴

评分

味道

环境

服务

卫生

抵食

用餐途径

堂食

用餐时段

晚餐

用餐优惠

試食活動

推介美食

榴槤熊

等级4

121

每逢遇到生日、紀念日要慶祝，或者想找一個坐得耐又舒服的地方與朋友聚餐時，必定會聯想到酒店的自助餐。這夜先得謝謝富豪香港酒店及有關方面邀請，讓我參與「招牌．海鮮極級自助晚餐」試食活動。自助餐桌上的食物種類繁多，除了基本的壽司刺身、海鮮冷盤、中西式熱盤及甜品雪糕等外，還有即煎鵝肝與即焗梳乎厘供應。海鮮冷盤有花蟹、阿拉斯加蟹腳、青口及翡翠螺等，當中的阿拉斯加蟹腳帶海水鹹鮮味，可惜肉質有點粗嚡。以小杯盛載的龍蝦蟹子釀芒果，雖然龍蝦肉的份量極少，不過把青瓜絲與芒果等作為沙律吃也挺清新。除此之外，自助沙津吧還提供各式各樣的蔬菜、配料與醬汁等，可隨意配搭最喜歡的口味。小吃類別中，焗蠔與焗帶子也極受歡迎，每次添加也立刻被掃光。帶子上的煙肉焗得太乾，不過肉厚的帶子沾滿半溶的芝士，趁熱吃味道不算差。另外，香煎鵝肝實屬回本菜式，幼滑甘香的鵝肝，配搭多士及黑醋同吃以減輕油膩，令人無法抗拒，難怪煎鵝肝的師傅面前總是排起人龍，其受歡迎的程度可見一斑。小吃過後，喝碗湯清清味蕾來迎接主食就最好不過。除了西式的龍蝦湯之外，還有中式的鱆魚蓮藕煲唐排，味道尚算清甜，不過有點油膩。輪到主食，自助餐總不能缺少的燒牛肉，肉質軟腍

每逢遇到生日、紀念日要慶祝，或者想找一個坐得耐又舒服的地方與朋友聚餐時，必定會聯想到酒店的自助餐。這夜先得謝謝富豪香港酒店及有關方面邀請，讓我參與「招牌．海鮮極級自助晚餐」試食活動。

84 浏览

0 赞好

0 留言

自助餐桌上的食物種類繁多，除了基本的壽司刺身、海鮮冷盤、中西式熱盤及甜品雪糕等外，還有即煎鵝肝與即焗梳乎厘供應。

海鮮冷盤有花蟹、阿拉斯加蟹腳、青口及翡翠螺等，當中的阿拉斯加蟹腳帶海水鹹鮮味，可惜肉質有點粗嚡。以小杯盛載的龍蝦蟹子釀芒果，雖然龍蝦肉的份量極少，不過把青瓜絲與芒果等作為沙律吃也挺清新。除此之外，自助沙津吧還提供各式各樣的蔬菜、配料與醬汁等，可隨意配搭最喜歡的口味。

小吃類別中，焗蠔與焗帶子也極受歡迎，每次添加也立刻被掃光。帶子上的煙肉焗得太乾，不過肉厚的帶子沾滿半溶的芝士，趁熱吃味道不算差。另外，香煎鵝肝實屬回本菜式，幼滑甘香的鵝肝，配搭多士及黑醋同吃以減輕油膩，令人無法抗拒，難怪煎鵝肝的師傅面前總是排起人龍，其受歡迎的程度可見一斑。

小吃過後，喝碗湯清清味蕾來迎接主食就最好不過。除了西式的龍蝦湯之外，還有中式的鱆魚蓮藕煲唐排，味道尚算清甜，不過有點油膩。

輪到主食，自助餐總不能缺少的燒牛肉，肉質軟腍，外層的黑椒與蘸吃的醬汁使味道更為香濃，縱使牛味不強，也能滿足一眾牛癡。放在燒牛肉旁邊的酥皮三文魚，酥皮入口微脆，內裏夾着菠菜與三文魚，焗熟後肉質有欠嫰滑在所難免，切得厚厚的一片也吃得滿意。

除了一般中西式熱盤外，較有特色的要數電烤爐內的印度烤肉，是夜只剩下內層的烤肉以致不夠香口，肉質帶肥而調味不濃，需輔以薄荷汁同吃來增強味道。旁邊的烤菠蘿味道香甜，絕對不比烤肉遜色。另外，印式咖喱牛肉選取牛尾部份來燴煮，肉質鬆化而入味，咖喱汁既香且辣，以烤餅及白飯沾上咖喱汁同吃，更添風味。

最後吃了數款甜品。當中最喜歡的是火焰雪山，在蛋白霜底下，是內藏雪糕的海綿蛋糕，服務生先淋酒再點火，營造出火焰效果，既好玩又好吃。不過蛋白霜內還有未溶的沙糖，影響了口感。拿破崙的酥皮縱使沒有牛油香，但仍見鬆脆，加上吉士醬與芒果片，是令我添吃的一款。香蕉朱古力梳乎厘裡頭混了香蕉肉及朱古力，味道雖然甚有特色，質感卻濕濕黏黏似的，不如檸檬味梳乎厘般輕柔鬆軟。

整體來說，味道方面仍有進步空間，早兩天妹妹也吃過這兒的自助餐，還用了海洋公園全年入場證所贈送的優惠卷，平均每人不用$300，以這個價錢來說，收貨！

(以上食记乃用户个人意见 , 并不代表OpenRice之观点。)

分享
推介

已推介
检举

张贴

评分

味道

环境

服务

卫生

抵食

用餐日期

2012-08-01

用餐途径

堂食

用餐优惠

試食活動

推介美食

御花園咖啡室 营业中 休息中

御花園咖啡室

营业中

休息中