Chef's Stage Kitchen (愉景新城) (已結業)

七點左右去到 冇訂枱 幸運地坐到最後一張二人枱 限時個半鐘用餐未點菜已經上左麵包比我地 嗌完野食我就急不及待試食 跟麵包個醬真係加超多分 配埋食成件事唔同晒飲品叫左一杯凍接骨木玫瑰花茶一杯玫瑰泡沫咖啡凍接骨木玫瑰花茶係朋友嘅 我就冇試到至於我就好滿意杯玫瑰泡沫咖啡 首先個拉花真係好靚 飲落奶泡好綿密 咖啡有玫瑰香之餘唔會太甜跟餐個沙律分量都幾多 夠兩個人share食開開胃 味道方面就不過不失 沙律差唔多食完 Appetizer就黎啦新鮮活藍青口伴意大利軟包(刁草忌廉汁)青口乾淨新鮮飽滿 個忌廉汁好香濃好creamy 忍唔住試飲一啖 好似特濃忌廉湯咁 意大利軟包烘過之後好似多士咁脆身 一定要點忌廉汁 超好食 青口食得7788 緊接住就係Main Course炭燒穀飼澳洲肉眼牛扒伴薯菜揀左粗薯條同牛肝菌汁 個薯條熱辣辣外脆內軟略嫌咸左少少 值得一讚係食到最後都仲係脆 牛扒唔算好厚但好大塊 同埋個坑紋好靚 因為朋友食唔到太生所以揀左七成熟 牛扒切開有肉汁食落一啲都唔un 仲有陣陣炭燒香味 牛肝菌汁好香但唔會搶左牛扒個味最後又點少得甜品 好彩冇眼闊肚窄叫太多野食 咁就可以試埋佢個Tiramis

今晚同老爸撐枱腳，老爸最愛鋸扒。自從搬離開荃景圍後已很少到愉城食飯。想不到這裡比起幾年前重新旺起來了，食肆和人流都多了好多。餐廳採取半開放式 ，舖面挺大，已經換上聖誕嘅裝飾喇好有節日氣氛！甫坐下服務員即送上麵包條和麵包。兩樣都很重香草味，個人很喜歡，另外那醬料酸酸的很好味與香草麵包條很搭，忘了問是什麼醬料呢。點了兩個set，其中一個dinner set是爸最愛的牛：澳洲肉眼牛扒，另外叫了黑鞍扒，加$38轉set有湯或沙律及餐飲。我們共要一湯一沙律，湯升級轉了黑松露牛肝菌磨菇湯。很香的黑松露味，湯底厚滑香濃，有粒粒打得幼細的磨菇，個人挺喜歡。沙律是香草雞沙律，套餐來說這沙律份量不少，兩個人分吃也足夠。牛扒要了五成熟，肉眼扒很淋很易切開，不沾醬汁吃反而吃到肉眼本身的香味。很滿意。特別要讚讚伴碟的什菜很多樣，而且調味很棒，酸酸的很開胃。我們兩碟的伴菜都清碟了！薯條都是新鮮炸起的很熱，心急的我差點燙到嘴。薯條香脆份量多。另外的主菜黑豬鞍扒，看上去好似很熟怕會硬，想不到很易切開，而且肉質是很淋的。個人認為味道可以淡一點。伴碟的焗薯以酸忌廉醬調味，爸爸原來第一次食，愛上了這配搭。最後追加了一份甜品

今晚老婆要出trip, 得自己一個人食晚餐,要對自己好啲，所以走咗去商場揾咗間唔錯的餐廳食一個人的晚餐。這裏二人坐位比較多,每張枱面都有樽開水,覺得咁樣較方便客人。望下餐牌,有好多唔同款嘅扒類,頭盤及小食。我叫了D 餐炭燒穀飼澳洲肉眼牛扒伴薯菜 叫了3成熟。配了燒汁薯菜,而薯菜可揀粗薯條,鮮薯蓉或焗薯。我就揀了薯蓉。首先嚟個餐湯加餐包。餐湯好濃稠,好香磨菇味,餐包好香香草味,暖暖的好好味。主菜嚟啦，榖飼牛扒有2 件,都幾厚身,牛扒煎得很靚,只是表面熟了裏面還帶紅色,3成熟,所以,都容易切開,而且食落去仲有肉汁,唔靭,夠嫩滑,配埋燒汁,感覺唔錯。薯蓉好香滑,好香薯仔味,沒有粒粒,好正。最後叫咗杯涷檸檬,涷檸茶好大杯,檸檬都是厚片的，茶味唔澀，飲埋杯餐茶真的好滿足。 一個人食飯都唔錯啊…哈哈。

又一間成日經過都好想試既餐廳，因為望落格局幾靚，好似幾高質既西餐咁！果然，食完後，我覺得係冇失望既，不過個價錢係會令你個銀包有少少失望，哈哈Set dinner 就係呢4款。我地叫左A、C、D，仲加$88 加左個鵝肝。一個餐配左salad，一個配左湯。沙律份量太少了！個湯飲落就怪怪地⋯好似係啲唔知咩豆既湯黎，但飲落係酸酸地⋯《法式香煎鵝肝配雜莓汁》 ＋＄88個包係脆既，好有誠意～鵝肝唔油、亦冇羶味，所以好好食！個雜莓汁就係食到甜味，不過同鵝肝唔算好夾？都係鹹既汗配脂香鬆化既鵝肝好似好啲。《香煎挪威三文魚柳配白酒汁伴鮮露荀，甘荀蓉發燴茴香》$218魚係做得唔錯既，魚肉嫰，魚皮煎到好薄脆。露荀係完全冇草青味，但係我地冇人食得出pat橙色係甘荀蓉😂 覺得係較稀既番薯蓉咁《西蘭花，煙肉及車打芝士意大利飯》＄168個risotto超熱辣辣！ 有parmesan、煙肉、火箭菜咁。飯可以硬留少少，因為未做到risotto個種半硬半腍既煙韌口感。成個飯係好重既雞湯味，汁都幾濃唔會水稀稀。《炭燒穀飼澳洲肉眼牛扒伴薯菜》 $238至於牛真係整得幾好！juicy唔會乾，每啖都有牛油香微滲，外層又煎到帶有焦香

難得嚟到荃灣，梗係去試吓啲人氣高企嘅食肆啦！呢間「Chef’s Stage Kitchen」一早响我個「想去餐廳」list度，一埸嚟到，無理由唔去拜訪吓我哋一行三人叫咗兩個晚餐加一個散叫意粉share：1. 餐包 - 正路嘢2. 跟餐沙律/餐湯 - 沙律用咗紅菜頭汁味道好清新，反而個是日餐湯西蘭花忌廉湯唔太討好3. 晚餐：炭燒榖飼澳洲肉眼牛扒伴薯菜個牛扒略嫌太薄冇乜口感但味道OK4. 晚餐：鮮虎蝦肉，魷魚及藍青口燴意大利飯配龍蝦蕃茄醬個汁同意大利飯配合得好好，令成個飯好香又唔會膩5. 散叫：墨魚汁鮮帶子海蝦扁意粉對墨魚汁意粉有情意結嘅我當然唔會錯過啦！而呢度亦冇令我失望，個汁夠濃夠香，扁意粉夠al dente，帶子同海蝦夠新鮮，成件事好夾perfect池

星期五晚上，到訪客似雲來的新餐廳<Chef's Stage>，開放式的格局，空間感十足，簡約的木色設計及鐵絲網牆，洋溢玩味的工業風。安坐於小角落，我們聽聽店員推介，開始點餐。Blossom/ ROSE Ice TropezBlossom粉紅夢幻，是草莓及菠蘿奶昔，入口是淡淡士多啤梨的香甜，菠蘿的鮮香慢慢滲出，整體蜜甜順滑。ROSE Ice Tropez是無酒精的梳打，味道是淡甜的荔枝及水蜜桃味，清涼解渴。黑松露牛肝菌蘑菇湯 (套餐+$18)黑松露牛肝菌蘑菇湯十分香噴噴，熱燙的蘑菇湯傳來陣陣菇香。喝下非常濃稠，湯中有很多碎蘑菇粒粒，每一口都是濃郁的菇菌幽香，令人回味無窮! 鬆軟的麵包吸收了蘑菇湯，也是滋味。德國咸豬手配薯仔沙律 $208德國咸豬手配薯仔沙律的份量驚人，豬手可要求上碟前切為一件件，方便享用。充滿氣泡的芝麻皮，連帶脆皮下的薄薄脂肪，咬下去"咔嚓咔嚓"，油脂豐盛，滋味誘人! 內裡肉質肥厚、乾身，沾上最愛的芥末醬，甘香惹味。伴碟的粒粒薯仔沙律，被濃濃的沙律醬包裹著，軟糯無比；沙律菜很多，淋上黑醋，十分解膩。炭燒穀飼澳洲肉眼牛扒伴薯菜 $228炭燒肉眼牛扒表面有深刻