LAB EAT Restaurant & Bar (金巴利道)

营业中

休息中

朋友話想食下西餐 見網上評價不錯就特意黎試下入內裝修有情調 座位不算太多 唔會太嘈吵好適合情侶或朋友聚會 而且坐得舒服頭盤先試一試 海膽蒜蓉多士海膽份量多 十分鮮甜 完全唔會有腥臭味低溫烤焗鱸魚魚肉嫩滑 魚皮煙銀 仲配有海膽旁邊大蜆 無沙 而且飽滿鮮甜友人大讚炭燒西班牙黑毛豬配蜜糖芥末汁肉質唔鞋而且juicy配埋蜜糖芥末汁 好fresh海膽黑松露意大利粉海膽鮮甜 黑松露份量多香氣及份量十足卡邦尼寬條麵伴有一隻溫泉蛋 及 雜菌 好夾

今日同男朋友去慶祝佢轉工，男朋友鍾意食芝士，咁岩見到哩間餐廳有張好吸引既拉芝士相！於是網上訂座黎試試哩到既晚餐。第一樣點左比佢吸引你嘅瑞士傳統熱熔芝士配火腿。見到侍應拎住啲芝士過黎個刻勁開心😂侍應批咗一啲芝士係上面，芝士加火腿加火箭菜，火箭菜令到成個餸都冇咁膩，而且好有豐富嘅口感，like ! 之後再叫左個芝士焗蟹肉大啡菇，大啡菇好多汁咬落去好juicy ，但蟹肉味就唔係好食到，不過整體上都ok既！最後我叫咗個炭燒西班牙黑毛豬配蜜糖芥末汁，因為係炭燒，所以出面既皮脆脆地，入面啲肉鮮嫩多汁。男朋友話黑毛豬黎講佢都算係肥嘅豬，睇落男朋友都好滿意，而且個蜜糖芥末汁都好開胃配搭得好好！我哋叫咗兩杯野飲， 一杯係甜甜地好岩女仔飲既LAB EAT PUNCH , 另一杯係酒味重d既yuzu margarita ! 哩個星期日用哩餐黎做ending ,真係好滿意！

同朋友一齊慶祝大家既生日，想食lab eat好耐，講都講咗幾年，但係唔知點解中間成日都冇機會去食，終於有機會試吓喇！餓到爆，一坐低就有個熱辣辣脆卜卜餐包，感覺唔錯！問職員拎兩杯暖水，佢話佢地無暖水，熱水得唔得，最後兩杯熱水泥到，係暖既叫左一支德國藍樽Riesling，好飲！餐廳開一支都只係300幾蚊，好抵！美中不足係職員倒超過半隻杯份量既酒比我地，飲到仲有三份一份量時，已經再加酒飲到尾已經唔凍，平時去開既餐廳飲要chill住既酒大概都係倒五分之一，一次過倒咁多份量，還真是第一次見叫左一份三隻既生蠔，我地話想試下，點知一上枱係六隻算！反正都開左，都無謂話佢朋友覺得好食，但中意食濃味creamy既我就感覺還好，很新鮮但居然無切帶子位？我地要拎住支叉界好多下先甩到個帶子位，吃得很狼狽，不像高級餐廳的做法海膽蒜蓉多士只有圖在menu上，沒有介紹價錢同名字，唔知真係以為 ‘圖片僅供參考’好在問一問姐，一客一件，我地叫咗兩件海膽好肥美，好香甜但係配上蒜蓉包做個底，好似將兩樣完全唔啱嘅嘢擺埋一齊，蒜蓉包好食，海膽好味，但係兩樣嘢完全唔夾啊，感覺有少少奇怪法式黑松露香草牛油焗田螺好搞笑佢地咁中意咩都有

慶生飯要揾返D有氣氛嘅餐廳撐枱腳。龍蝦湯有小小腥味，應該用新鮮龍蝦煲出黎嘅，質地比較滑，有4-5舊龍蝦肉，爽口。田螺無黑松露味，果味道鮮甜，但不夠肥美，醬汁搭上田螺及小多士很夾，整體上很好味。黑毛豬好嫩，一點都唔難咬，不過份量有點細，所以餐牌上有很得選擇要一塊定兩塊。爐魚好滑，火口略嫌不足，醬汁和魚很夾但配菜嘅蘆筍有點生。即場把芝士燒熱，真接切落個火腿上面，可惜芝士唔夠熱，侍應有點困難，當芝士切出黎之後亦好快變硬。可惜嘅係，黑毛豬、爐魚和芝士配火腿差唔多同一時間到，枱面已經唔大，仲要一次過黎左3樣菜式，變相未食完一樣，另外嘅已經開始凍。咁樣係這一餐嘅最大問題！因爲訂枱時已有講係生日飯，所以甜品送上時已經寫上生日語。