養心殿台式養生鍋 (已結業)

今晚約左兩個識左好耐的朋友食飯吹水，呢間台式火鍋店最近好紅，又不斷開分店，所以想黎試下！寫住養生又養心咁！入到門口，寫住只收現金，而我地身上都唔夠cash，同埋呢度食飯唔係平，我地預每人都400幾蚊，所以都要落地鐵站ATM先再過黎，希望店主快d整返接受visa MasterCard!先揀湯底，我地揀左雙拼！一邊養生鍋一邊美人鍋！美人鍋係有桃膠架！好足料！可以先飲左一碗湯先再落野食，味精唔重，而養生鍋有人參，唔錯唔錯！最重要唔夠湯果時，佢會幫你加湯而唔係水！響鈴係必點，擺落湯度吸曬湯的精華！好好食！手打丸我就覺得梅菜豬肉丸好好食，出面好少有，梅菜味好濃！蔬菜拼盤我覺得少左d，但朋友愛吃秋葵，所以點左墨魚滑彈牙，但其實同出面果d無乜分別！炸午餐肉，本身都鍾意食午餐肉，新鮮炸起真係好食！凍豆腐都係至愛，吸曬湯味！好香好好食！餃子拼盤，無乜特別，但友人好愛羊肉又真係唔錯，夠酥！同埋一擺落去等一陣就食得！好味手切肥牛係呢度最貴的食材，脂肪分佈平均，唔會過肥，都幾淋！我覺得唔錯架！整體黎講，價錢係就貴左d，但間唔中黎食係ok ge!

現代人, 經常都說養生, 連吃火鍋都要吃得養生; 今天我跟朋友2人也學一下養生;朋友帶我來到這家養生鍋, 我點了一個養生鍋試試; 這裏的養生鍋以多款藥材及人參, 以火腿, 老雞及豬肉肴制而成; 打開鍋有桂圓, 豬紅, 人參, 冰豆腐, 紅棗等….., 剛開始吃下一口, 湯底十分清甜;我們點了厚脂黑毛豬梅花肉, 炸午餐肉, 潮洲白魚蛋及農場野菌;鮮紅色的黑毛豬梅花肉, 肥瘦適中, 一半為雪白, 一半為鮮紅色, 有層次感, 滾了一會兒, 豬肉熟了, 肉筋鮮明, 咬下去豬肉味濃郁, 富有肉汁, 齒頰留香;吃完梅花肉, 來一客炸午餐肉, 午餐肉表層炸得較燶, 浸入湯底, 撈上, 保持外脆內軟的口感, 十分鮮甜;潮洲白魚蛋, 潔白的魚蛋, 粒粒爽口彈牙, 咬下肉汁溢濺, 十分可口;而野菌, 有金針菇, 冬菇, 菇味濃郁, 特別是冬菇, 吸收了美人湯的精華, 菇味及人參味混合, 富有味道的層次感。吃完這餐, 感覺滿口都是人參味道,十分滿足。

自從第一次係佐敦養心殿食過一次之後, 養心殿火鍋已經成為老婆嘅最愛, 不過由6月天氣開始熱之後一直冇再去, 今晚趁約左係加拿大玩左一個月終於返黎嘅老友兩夫婦聚聚食餐飯, 就一齊去尖沙咀呢間養心殿分店嘆返餐, 解一解火鍋癮。😆尖沙咀分店入口掛左紅紅燈籠配上燈光效果, 既新潮又富有中式風格, 餐廳內部裝修風格同佐敦相似，桌椅裝飾擺設都係用木材, 走仿古風格, 座位寬闊而且樓底高, 空間感十足, 非常舒適。枱與枱之間, 以屏風間隔, 私隱度高。👍養心殿火鍋湯底都係採用滋補養陰嘅藥膳為主, 有養生鍋、寧神養心鍋、薑母鴨鍋、酸菜白肉鍋、美人鍋同麻辣鍋等多款湯底選擇, 老婆最鍾意就係用烏雞, 桃膠等食材熬嘅美人鍋, 非常養顏, 因為雙拼都唔需要加錢, 另一邊鍋底就點左麻辣鍋俾嗜辣嘅老友嘆。😆寧神養心鍋拼麻辣鍋 $168養心鍋由20斤鮮魚加當歸同烏雞等配料餚成, 湯頭超香濃, 打邊爐前我地每人都嚐了一大碗。麻辣鍋本身已加左鴨血同凍豆腐等食材, 另外再免費追加鴨血一份, 老友大讚麻辣味道恰到好處。👍極上雪花肥牛 $188食火鍋一定要配靚肥牛, 我地今次揀左極上雪花肥牛, 肥牛油脂分佈均勻, 肉質軟腍,

今日約了幾位舊同事一齊去食呢期都好hit既台式養生鍋打邊爐餐廳座位數目不少，而且古色古香，影相效果不錯而且檯跟檯之間都有屏風隔著有數款不同的養身湯底可選擇，款款都各具特色。由於很多都想試，貪心的我們決定點一個雙色窩除了湯底款色多外，邊爐的肉類、丸、蔬菜類、餃等都有多種款色最後我們點了的雙拼湯底為人蔘鍋（左邊較白色那款）跟美人鍋（右邊）兩款湯底都十分出色這裡的湯底極之用心製作因為湯料十足，滋味人蔘鍋用料絕不馬虎，很多人蔘、龍眼等，湯底很滋補，人蔘味香濃，而且仲有大量豆腐隨鍋附上豆腐於人蔘鍋中浸了一會後，超入味美人鍋都好滋補，有半隻烏雞係入面仲有大量材料老火湯似的係呢度打邊爐沒這麼肥膩油膩，只會感到湯底好足料好滋補把鍋中的烏雞拎左出來，雞肉嫩滑十分滋味而且份量都不少因為開初不知人蔘鍋內都有豆腐，我們都有另外再點，但幸好有多點一份，因為豆腐一層又一層的關係，中間部分能鎖著湯汁所以吃起來一咬下去超多汁，而且豆腐嫩滑最左邊的炸豆皮（$38），最上的手工丸類拼盤（$108），下方的是做子拼盤（$118）炸豆皮我又是超愛，其實佢吃起來似響鈴的口感同味道，都是脆脆的又吸了大量湯汁但佢既特別之處是好大卷